PDA

View Full Version : قصيده تصف حالي



شاصي2000
06-11-2000, 12:45 PM
يابدر نفسي زاد فيها كدرها ** وازرى خفوقي للهواجيس مدهال

يومن شكيت احوال صدرك سترها ** ولغير ربك شكوتك مالها فال

تهجع ونارك وسط قلبك سعرها ** وتهل دمعك والمخاليق في حال

عشت الليالي لِـيْـنَهَا ومْعَسِرْهَا ** والشاهد الله مادرا حد بالحال

لين الصبر فيّض على اللي صبرها ** والنفس ضاقت والفرج موعده طال

قال البلا من نفس طوّل قهرها ** ترجي عساها تنجلي ضيقة البال

وحيد انا والناس باول سمرها ** مالي جدا كود انزف الدمع هملال

ماهيب دعوة أم ربي نصرها ** يعقها رجال ماهوب رجال

امي بخفاقي عظيم قَدِرها ** وبوسط روحي حبها باني جبال

ياخوك انا حالي تزايد خطرها ** ومالي وليفٍ كود معقودة الشال

ملفوف شيلتها يوزّي شعرها ** عفيفة سبحان كمال الاكمال

رعبوبة ياسعد من هو نظرها ** عمهوجة كيل الهوى يمها كال

لولاك .. بدر رياح روحه زفرها ** والقلب لولا شادية ياعرب زال


------------------
اللي يبينا عيت النفس تبغيه واللي نبيه عيا البخت لايجيبه


(تم التعديل بواسطة ولهان-1)

الجنيه الحمراء
06-11-2000, 04:36 PM
صــــــــح لسانك ..
امي بخفاقي عظيم قَدِرها ** وبوسط روحي حبها باني جبال

ياخوك انا حالي تزايد خطرها ** ومالي وليفٍ كود معقودة الشال
الله يعطي الوالده طوله العمر ويعطيك العافيه شاصي
<FONT COLOR="Green">قصيده قمه في الروعه ... وفيها معاني والم وحزن جدا واضح اخوي ..</FONT c>
<FONT COLOR="Purple">فهي قصيده عذبه مسكونه بالالم لحد الوجع ... </FONT c>
:)


------------------
سلامي يالي بعيد الدار ما يوحي
........ خلي بنجد وانا بالجوف مطروحي
طرحة سجين بسجنه ما يفكونه
........ياليت لا صـحت يسمعني بعد روحي

ولهان-1
07-11-2000, 03:39 AM
اخوي وحبيبي000شاصي
قصيده قويه ومتميزه وذات فضاء مغلف بالحزن
حضور رائع ونتمنى ان تتواصل بهذه الابداعات
وننتظر القادم بشوق000الف شكر

------------------
لو كل عاشق لقى شفه ومطلوبه
كان البلد ماخلق فيها ولاشاعر
ياقلبي انفاسنا بالعمر محسوبه
واخاف نفنى وباكر مايجي باكر
walhan_1a@hotmail.com