PDA

View Full Version : أيامنا والليالي كم نعاتبها



غريب دنيا
04-11-2000, 12:59 PM
أيامنا والليالي كم نعاتبها شبنا وشابت وعفنا بعض الاحوالي
تاعد مواعيد والجاهل مكذبها واللي عرف حدها من همها سالي
ان اقبلت يوم ماتصفي مشاربها تقفي وتقبل ومادامت على حالي
في كل يوم تورينا عجايبها واليوم الاول تراه احسن من الثاني
أيام في غلبها وايام نغلبها وايام فيها سوا والدهر ميالي
جربت الايام مثلي من يجربها تجريب عاقل وذاق المر والحالي
نضحك مع الناس والدنيا نلاعبها نمشي مع الفي حيث ما مالي
كم من علوم وكم من آداب نكسبها والشعر مازون مثقال بمثقالي
اعرف حروف الهجا بالرمز واكتبها عاقل ومجنون وحاوي كل الاشكالي
لكن حظي ردي والروح متعبها مافادني حسن تاديبي مع امثالي
ان جيت ابي حاجة عزت مطالبها العفو ماواحد في الناس يأوالي
قوم الى جيتها رفت شواربها بالضحك واقلوبها فيها الردى كالي
وقوم الى جيتها صكت حواجبها وابدت لي البغض في اقفاي واقبالي
ماكني الا مسوي حال مغضبها والكل في عشرته ماكر ودجالي
ياحيف تخفى امور كنت حاسبها واللي على بالهم كله على بالي
الجار جافي وكم قوم محاربها والأهل واصحابنا والدون والعالي
والروح وش عذرها في ترك واجبها راح الحسب والنسب في جمع الاموالي
نفسي تبي العز والحاجات تغصبها ترمي ابها بين اجاويد وانذالي
المال يحي رجالا لاحياة ابها كالسيل يحي الهشيم الدمدم البالي
عفت المنازل وروحي يوم اجنبها منها غنيمه وعنها البعد أولالي
لاخير في ديرة يشقي العزيز ابها يمشي مع الناس في هم واذلالي
دار بها الخوف دايم مايغايبها والجوع فيها ومعها بعض الاحوالي
جوعي سراحينها شبعي ثعالبها الكلب والهر يقدم كل ريبالي
عز الفتى راس ماله من مكاسبها يامرتضي الهون لاعز ولامالي
دللت روحي لين ارخصت جانبها وانا ........ عريب الجد والخالي
احبتي هذه رائعه من روائع الشاعر ،، بديوي الوقداني العتيبي ،والابيات السابقه جزء من القصيده وسوف اوالي نشر الاجزاء المتيقيه في حلقات اخرى

------------------
أكبر عذاريبي براءة وضوحي
واصعب عيوبي اني انسان لماح

جوز هند
04-11-2000, 08:50 PM
<FONT size="5"><FONT face="Lucida Console"><FONT COLOR="DarkViolet">اعرف حروف الهجا بالرمز واكتبها = عاقل ومجنون وحاوي كل الاشكالي </FONT c></FONT f></FONT s>

<FONT size="5"><FONT face="Tahoma"><FONT COLOR="DarkRed">الأخ غريب دنيا</FONT c></FONT f></FONT s>

<FONT size="5"><FONT face="Comic Sans MS"><FONT COLOR="DarkRed">تسلم على هالاختيار الرائع</FONT c></FONT f></FONT s>

------------------
أنا جوز هند وهند جابت لي الصمرقع

ولهان-1
07-11-2000, 03:00 PM
اخوي وحبيبي000غريب دنيا
صح لسان الشاعر
القصيده في منتهى العذوبه وانت في غاية الاناقه
على هذا الاختيار العذب00الف شكر ولاتحرمنا من تواصلك


------------------
لو كل عاشق لقى شفه ومطلوبه
كان البلد ماخلق فيها ولاشاعر
ياقلبي انفاسنا بالعمر محسوبه
واخاف نفنى وباكر مايجي باكر
walhan_1a@hotmail.com