PDA

View Full Version : من اروع قصائد امي



شاصي2000
06-11-2000, 12:52 PM
السلام عليكم
هذي قصيده من احد قصائد امي وانا ذكرتها ولكن حطيت نقط بدال اسمين من الاسماء المذكوره في القصيده
لان القصيده تعبر عن حزن امي لفقدها واحد من اخواني لسبب معين لاداعي لذكره وللعلم ترى القصيده قديمه

يالله يامن قدرته تحيى الميت
تروف بي وتزيد صبري والايمان

يا... انا جرحي تعاظم ومليت
وأنا انتظر عودة جنيني ...

متى ينور دارنا شمعة البيت
متى يعود لماكره طير حوران

تبدلت جمعاالولايف بتشتيت
شكواي لله ماتشكويت لانسان

يضيقني هم الملا كل مامسيت
يلوعني لوع الفقر لام يتمان

أسباب من قفى وأنا عنه ماقفيت
اختار له غيري حبايب وخلان

العالم الله كم لرضاه عانيت
كم ليلة ماطبق الجفن سهران

كملت له حقه عليه ووفيت
وقابل جميل امه جحود ونكران

تعبت في بادي حياته وربيت
ابيه يطلع لي مطاليع شجعان

أطاع بي شور العصاه العفاريت
ورضي لي الغبن ونسى كل ماكان

عزالله انه من هل الجاه والصيت
مال الردى حول ابن الاحرارميدان

أحاول أخفي حرقة الشوق وأزريت
والدمع يحرق ناظري وأحفى الاوجان

من لايقدر خطوتي ليه لياجيت
ماهو بنافعني تحت بيض الأكفان


ام ....... ال .......

------------------
اللي يبينا عيت النفس تبغيه واللي نبيه عيا البخت لايجيبه


(تم التعديل بواسطة ولهان-1)

الشيطاني
06-11-2000, 01:02 PM
شاصي يخوي الله يعينك انت وامك وهي حرقت قلبي بعد ماقريت الابيات

ذرفت الدمعه من عيني عساك ماتفقد غالي
وترى اللي صار مقدر ومكتوب ... وترى ابن ادم مبتلا والله يكتب اللي فيه الخير

يمكن انه تعبت لكن كل سي بأجر وحساب مكتوب عند رب العالمين

الجنيه الحمراء
06-11-2000, 04:24 PM
<FONT COLOR="Red">هلا فيك اخوي شاصي ... قصيده جدااااااااااااااااا مؤثره ..</FONT c>
&lt;&lt;&lt;&lt;&lt;&lt;&lt;--- هذي دموعها نزلت والله
<FONT COLOR="Blue">الله يصبر قلب امك ويعطيها طولة العمر .. ويرد لها غاليها ...</FONT c>
واهدي امك هذي الكلمات :
هلا يمه ..
ابي قلب مثل قلبك
احبه موت
واضمه ؟!
هلا بك يا سما العفه
هلا باللي اصدقها وانا مغمض
ولو فتحت اصدقها
صباحك عيد يا يمه
<FONT COLOR="Purple">................ والله يهدي اخوك ويرده لكم.. لان رضا الوالدين من رضا الله عز وجل</FONT c>


------------------
سلامي يالي بعيد الدار ما يوحي
........ خلي بنجد وانا بالجوف مطروحي
طرحة سجين بسجنه ما يفكونه
........ياليت لا صـحت يسمعني بعد روحي

شاصي2000
07-11-2000, 07:29 AM
اخوي وحبيبي الشيطاني الله يسلمك من كل شر ويبارك فيك

الف شكر لك وشعورك مشكور عليه

اختي الجنيه الحمراء الف شكر لك كل شي فيك رائع

ردك رائع وابياتك للام رائعه وحتى والله توقيعك اروع واروع

الف شكر لك الف شكر

------------------
اللي يبينا عيت النفس تبغيه واللي نبيه عيا البخت لايجيبه


59033294 البيجر

http://www.alsakher.com/ubb/Forum3/HTML/000089.html

بدون عروه
07-11-2000, 10:02 AM
<FONT size="5">

قصيده محزنه من قلب صادق .. الله يخلي لكم أمكم ..
ويرجع صواب العقل لفاقدينه ..


الدنيا وش تسوى .. لا من زعّلت أميمتي !!!


</FONT s>

------------------
إذا لم تكن ذئباً .. إنتبه لا تصير أم عشيش .

لسه فاكر
08-11-2000, 01:04 AM
سلاااااااااااام..
الله يحفظ لك امك يارب ويخليها لكم ولايحرمكم من بعض .
والله القصيده معبره واكثر من روعه . ويارب يصبر قلب امك ويجبر خاطرها ويجمعكم على خير يارب ولا يوريكم مكروه في عزيز وغالي عليكم .===========================
تبي الصدق ياشاصي قسم بالله من قريت القصيده ضاعت علومي كلها وقمت اخربط ..
عن اذنك شاصي ..
الجنيه الحمرا اباخذ الكلامات اللي حطيتيها توقيع لي .
تشاو.

محاكي
08-11-2000, 05:21 AM
اخوي شاصي 2000 _ _ تحياتي لك

قصيده مؤثره معبره ومؤثره للغايه الله ياخذ بيد

امك ويهدي اخوك لما فيه الخير والصلاح

ا×وك:<FONT COLOR="Pink">الشاعر محاكي</FONT c>
---------------

<IMG SRC="http://www.3dflags.com/images/s/3dflagsdotcom_saudi2wl.gif" border=0>

شاصي2000
08-11-2000, 02:17 PM
اخوي بياله الله يجزاك خير ويسلمك من كل شر

اخوي لسه فاكر ردك يسعدني جدا والف شكر لك على مشاعرك الطيبه

اخوي محاكي بارك الله فيك ويسلمك الف شكر لك على الرد وتسلم يالغالي

------------------
اللي يبينا عيت النفس تبغيه واللي نبيه عيا البخت لايجيبه


59033294 البيجر

http://www.alsakher.com/ubb/Forum3/HTML/000089.html

ماء ورد
08-11-2000, 02:22 PM
الله يخليها للجميع
ويرد لها غايبها
شاصي سلم على امي
<IMG SRC="http://www.alsakher.com/ubb/smilies/cwm38.gif" border=0> <IMG SRC="http://www.alsakher.com/ubb/smilies/cwm38.gif" border=0> <IMG SRC="http://www.alsakher.com/ubb/smilies/cwm38.gif" border=0> http://www.alsakher.com/ubb/smilies/cwm38.gif

الحين مكان النقط نكتب الحل والا ايش؟؟؟
عادي استدلخ :)

------------------
واحلم عن الناس إذا ما كنت مقتدرا *** فالسيد الحر من يعفوا إذا قدرا

شاصي2000
11-11-2000, 04:16 AM
اقول ياماء الورد اعقلي لاالحين الحقك بالزبيريه مثل مالحقتك امس

خخخخخخخخخخخخخخخخخخخخخ اسف للمراقب والاخوان

------------------
اللي يبينا عيت النفس تبغيه واللي نبيه عيا البخت لايجيبه