PDA

View Full Version : طفولة معاق



ماء ورد
12-11-2000, 07:08 PM
<center><FONT size="5"><FONT COLOR="DarkViolet">الطفولة..
احلى مافي هالحياة
مرحلة من غيرهم ..كنا دايم نبتسم
كنا لو بكينا ...وضاقت الدنيا علينا
بعد لحظات وثواني ..
بسمةٍ فينا ترتسم
كنا نركض خلف كورة..لا أنا ما كنت معهم!
وحدي بس بعيد عنهم...
كنت أضحك من ضحكهم
جالس لوحدي أهذري..جالس أحسب كم "كوبري "صلحة احمد في ماجد؟!
والله واجد!!
وقبل ما يحل الظلام..
للبيوت نروح نجري.. لا .. لاأنا ماكنت معهم!
أمشي وحدي بعيد عنهم..
أمشي واعدد أثرهم..
وهم عني يبعدون ..يبعدون..يبعدون إلا ماجد..!
كان مثلي حيل ضايق ..
بس حزني كان حارق..
كان يسألني ببراءة: ليش تعرج؟
قلت:مدري باستياء!
ليش تبكي؟
قلت ما ابكي ...بكبرياء!
ضاق مني ثم سألني في غباء ..
قال :"وثرايك تثابق؟؟"
وراح عني!!
*-*-*-*-*
كنت أسأل دوم نفسي ..
ليه ماأركض معاهم؟
ليه دوم أمشي وراهم؟؟
وش بلاي؟..أو وش بلاهم؟؟
ليه أنا غير الأنام ؟
زاحمتني الاسئلة..كل شئ أجهله!!
وان تعبت من الاجابه..
احظن الحيرة وأنام.
مرت سنين وكبرت ..
صار همي اليوم أكبر ..
حتى دمعي صار أكثر
للأسف توي قدرت..
أفهم إني انسان عاجز!
يعني بيني وبينكم ..مليون حاجز
صدقوني ذي حقيقه
لا طلعت السوق ..
كل ما مشيت دقيقه.. القى كل شوي ابله
يمشي ويناظر صديقه..ويغمز له..
يقول ناظر!!
وش يناظر؟؟؟
وتتفجر في خفوقي الف ضيقه
ووحده وسط الزحام..
طالعتني باهتمام
بنت في عمر الزهور
اي رشاقه !..أي اناقه!..اي عطور!
قلت في نفسي :ياهووه
هي تناظرني بغرام؟ او هي نظرة والسلام؟
بس اكيد هي تعرفني..شايفتني
شايفتني بجريده؟
واعجبتها قصيده؟
ايه انا توي افتكرت ..
لي قصيده كنت ناشر معها صورة ..بس صورة ..ياسلام!!
وقاطعتني لما صارت لي قريبه..
كانت تتمتم بطيبه..(يكسر الخاطر حرام)!!
وتركت دمعه غريبه..وضاعت بوسط الزحام
دمعه كانت تحكي وضعي ..زلزلتني!
ارتطم قلبي بضلعي ..دمرتني !
صدقوني..
أصعب اللحظات واقسى ..لاغدى الرجال يكسر خاطر أنثى
كيف ينسى؟؟
جابوني
وزاد همي..
يوم فكرت بوظيفه ثم زواج..
أي وظيفه ؟؟..أي زواج؟؟
اللي مثلي مهما طالب .. لو يلف ولو يدور..
زين لو حطوه كاتب ..لا وعلى بند الاجور ما هو رسمي!
صدقوني لو تدرج ..وصار راتبه يتصاعد..وابتدا وضعه يزين
ما اظنه بيتزوج...الا من بعد التقاعد..من سنه الى سنتين!
*-*-*-*-*
وفي النهايه ..
يابلدنا ..مهما كانت تسميتنا
عاجزين ..معوقين
لك عهد ..وذا قسمنا:
أقسم بالله العظيم ..
منزل الذكر الحكيم..
ان اصونك يابلادي ..من شرور العابثين
من نوايا كل فاسد ..
من مطامع كل حاسد..واني لك حصن حصين
انتي ناديني وشوفي ..لا نويتي بالجهاد
والله لاقهر لك ظروفي ..دام انتي لي بلاد
وباسم كل العاجزين..
دام فينا اصبع يطول الزناد..
لا يهمك يابلادي ..
وازهليها.
محمد عويضه
(فياض)
</FONT c></FONT s></center>

------------------
واحلم عن الناس إذا ما كنت مقتدرا *** فالسيد الحر من يعفوا إذا قدرا

جوز هند
12-11-2000, 07:32 PM
<FONT size="4"><FONT face="Tahoma"><FONT COLOR="Fuchsia">ماء ورد</FONT c></FONT f></FONT s>

<FONT size="4"><FONT face="Comic Sans MS"><FONT COLOR="Brown">اختيار رائع لقصيده مؤثره وتحمل بين جوانبها مفردات منتقاة بشكل شيّق ومعبّر</FONT c></FONT f></FONT s>

<FONT size="4"><FONT face="Comic Sans MS"><FONT COLOR="Brown">واضح في القصيدة أن العامل النفسي هو العائق الأكبر أمام الأخوه والأخوات ذوي الاحتياجات الخاصة،، والدليل أن الشاعر أخذ عهد على نفسه بالدفاع عن الوطن عندما يريد الوطن ذلك</FONT c></FONT f></FONT s>

ولهان-1
13-11-2000, 02:47 AM
وفي النهايه ..
يابلدنا ..مهما كانت تسميتنا
عاجزين ..معوقين
لك عهد ..وذا قسمنا:
أقسم بالله العظيم ..
منزل الذكر الحكيم..
ان اصونك يابلادي ..من شرور العابثين
من نوايا كل فاسد ..
من مطامع كل حاسد..واني لك حصن حصين
انتي ناديني وشوفي ..لا نويتي بالجهاد
والله لاقهر لك ظروفي ..دام انتي لي بلاد
وباسم كل العاجزين..
دام فينا اصبع يطول الزناد..
لا يهمك يابلادي ..
------------------------------------------------------
ماء ورد سلمت يمينك وهذا الذوق الرائع00وصح لسان الشاعر الذي عبر عن مايجول في النفس
دمتما دائما لخضرة الحقل


------------------
لو كل عاشق لقى شفه ومطلوبه
كان البلد ماخلق فيها ولاشاعر
ياقلبي انفاسنا بالعمر محسوبه
واخاف نفنى وباكر مايجي باكر
.......[ولهان-1]

شاصي2000
13-11-2000, 04:18 AM
ودي اعلق على الموضوع بس اسكت احسن


بس هل معقوله ان هالشخص اللي يعرج هذا ماله حبايب يحبونه ويتمنون له الخير والسعاده ويدافعون عنه ويسئلون عن احواله

مدري وش اقول بس ماقدرت اعبر عن اللي في خاطري

------------------
اللي يبينا عيت النفس تبغيه واللي نبيه عيا البخت لايجيبه