PDA

View Full Version : عندل المجد( فيصل بن طواله)00ولعيون مصرقع الخبر



ولهان-1
02-11-2000, 02:25 AM
....................(عندل المجد)...................
قلت حايل وحن القلب لعــــيون حايل
.................وازرعت في شمال ضلوع صــــدري خلوج
من طرت لي نسيت ان الــزمان متمايل
..................قمت ادوج بـــــغلا منهي بروحي تدوج
ديرة الهيل وارض مرودمــات المخايل
..................ديرة العود الازرق والــصباح البلوج
منقع الجود مشراف الســعد والنفايل
.................عندل المجد وحجاج الســـحاب الهدوج
ياسنام الذي زم الحــــمول الثقايل
.................ياوســـــاع الذي ضاق بوساع الفجوج
جيت لك في ليال فيهن الوقـــت عايل
.................جيت لك في زمان فيه الايـــــام عوج
جيت لك يابعد حي الذي جــــاك شايل
.................طفل احتاج حضن امه وجـــــاها دروج
كل مااذلج نهيد الشـوق بين النحايل
.................تلني لك من المعلوق فكــــــر سجوج
ايه احبك كثر مابالنشــــامى صمايل
.................وكثر ماسيف عنتر لاجـــــل عبلا هروج
وكثر مااشبع سخا حاتم بطون الجمايل
.................وكثر ماعــــــطف مقرن كف دمع يروج
مانزل قــــدرك اللي معتلي كل طايل
.................وان فرضنا نزل فــوق السما له بروج
يوم سلمى لـ اجا تقض شــقر الجدايل
.................والنجوم بنحرك قـــــــلادة يالغنوج
بين شح القصيد وبين جـــود الخصايل
.................جيت لك والمعاني وســــط قلبي تلوج
جيت ماجيت ابمدح بك عــيال الحمايل
.................الرجل لامدح نفسه يصـــــــير محجوج
هم هلي عزوتي وان عــــودت للفعايل
.................يقصر الشعر عنهم مالحقــــتهم هروج
ومن بغى ياصفك ياعيطـــموس المثايل
.................وش الابكم يقول ان شــــاف طرج دعوج
............( شعر :فيصل بن طواله)....................

ولهان-1
13-11-2000, 08:51 AM
*يامصرقع وش اسوي قلت لازم ارسلها لك علشان تلاحظ انت وخشتك
<<<<<<<<<<<<خيمة الشعر خدمة خمس نجوم
*في موضوع المسلسلات البدويه رديت عليك وهذا الرد:
-***اخوي وحبيبي 000مصرقع الخبر***

*اولا يابعد قلبي وقبل ارد عليك00سيرت مره للشعر وطلبت قصيدة حايل لفيصل بن طواله ومن حبي لخشتك نزلت القصيده بعد ساعات من طلبك وطنشتها طبعا هذا من قلة شوفتك عندنا واعرف انك ماانتبهت لكن تلقى القصيده في الصفحه عشرطعش دور عليها اذا تبيها المهم اني حققت رغبتك
-------------------------------
طبعا الان القصيده في الصفحه الاولى وعندك بمنتدى المواضيع العامه
الله لايهينك اقرأ الموضوع واحذفه
<<<<<<<<<<<<<<<<<<والى قلعة وادرين
<<<<<<<<<<<<<<<<<<متحمس لوجود ماصله




------------------
لو كل عاشق لقى شفه ومطلوبه
كان البلد ماخلق فيها ولاشاعر
ياقلبي انفاسنا بالعمر محسوبه
واخاف نفنى وباكر مايجي باكر
.......[ولهان-1]