PDA

View Full Version : ماني الحالي ..........قصيدة للمبدع



ولهان-1
07-11-2000, 08:17 AM
*اخوي الشاعر الفذ000المبدع
حدث خطأ وتم حذف القصيده ولكن اعيدها من جديد
هنا وسانقل الردود بامانه00اخوك/ولهان-1
-------------------------------------------------------
ماني الحالي ساهر الليل ياخال *** جالس الحالي بس ماني الحالي
اغلى من اغلى شي عندي هوى البال *** واقرب من اقرب شي لي في خيالي

دايم معي طيفه على كل الاحوال *** دايم معي لو بعدته الليالي

له منزلن بين المحاني ولازال *** بين المحاني منزله مايزالي

اللي معه قلبي ويتلف له الحال *** جعله فدى رجليه قلبي وحالي

ياما مضالي معه من طيب الفال *** الله .. يوم اذكر معه مامضالي

اذكر مجالسنا على ذيك الاطلال *** ايام كنت من الهواجيس سالي

واذكر معاهدنا على حب ووصال *** عهد الغرام اللي من الكذب خالي

انه معي في حال والناس في حال *** وانه يواصلني على كل حالي

وان بحت بالاسرار ماني برجال *** والل خلق ما ابوح باسرار غالي

ليته كذب .. ليته قطع حبل الامال *** ليته سكت ..او قال مالك ومالي

المشكله انه صدق كل ماقال *** لكن حكم الوقت ياخال مالي

ضاقت بي الدنيا بعد بيننا حال *** حكم القدر من بعد طيب الوصالي

علاه همي بين الاضلاع لاجال *** يضيق به بين الضلوع المجالي

وعلاه دمعي فوق الاوجان ينهال *** مثل الحصى من فوق جرفن هيالي

صابر وانا صبري على البعد لو طال *** من فوق قدرة طاقتي واحتمالي

خطير لايلحق على عقلي هبال *** ماهو قليل انه يسبب هبالي

وســـــــلامــتــكم........ المبدع

------------------
الشعر في معنى اللغه يعني شعور *** والناس تشرح بالقصيد شعورها
اهل الادب حطوا له اوزان وبحور *** وانا بمعرفتي سبحت بحورها

ولهان-1
07-11-2000, 08:20 AM
اخوي الغالي المبدع 00 تحياتي لك
صح السانك جواهر ودرر نراها ساطعه هنا في الساخر ابتكرت من المبدع والأبداع منك

اخوك:الشاعر محاكي
-----------------

ولهان-1
07-11-2000, 08:31 AM
خطير لايلحق على عقلي هبال00000ماهو قليل انه يسبب هبالي
انتبهوا00المبدع اعلن الحضور00بهاء فاخر00
وتميز مطلق00وتفرد جميل00هذا هو شعار المبدعين
قصيدة في غاية الجمال قرأتها كثيرا واستعذبت
عذابها وعذوبتها00شاعرنا الكبير00صح لسانك
قصيدة روووعه ومكانها >>>>>>>>>>>منتدى الروائع

------------------
لو كل عاشق لقى شفه ومطلوبه
كان البلد ماخلق فيها ولاشاعر
ياقلبي انفاسنا بالعمر محسوبه
واخاف نفنى وباكر مايجي باكر
walhan_1a@hotmail.com

ولهان-1
07-11-2000, 08:34 AM
رائع يالمبدع كالعادة،، وليس هناك ما يقال فيك وفي قصيدتك أكثر مما قاله الأخ ولهان
............( اخوك / جوز هند )
------------------
أنا جوز هند وهند جابت لي الصمرقع

النادر
07-11-2000, 12:52 PM
قصيده رائعه يالمبدع
وعلى اسمك مبدع
يعطيك العافيه



------------------
بعض العرب وجهه يفجع ودك
تولع فيه وبعض العرب
وجهه يسطع ودك تطالع فيه

ولهان-1
13-11-2000, 03:54 AM
ترفع من اجل شاعرنا الكبير المبدع
ايضا اخوي المبدع بعد التصويت فازت قصيدة ياشوق بملكة القصائد وانت فارس الاسبوع الاول وتلقى موضوع اسمه فارس الاسبوع الاول فيه احتفاء بك والف شكر

المبدع
13-11-2000, 04:20 AM
الله يعطيك الف عافيه ياولهان .. :) :)

ههههههههههههه المعذره والله ادري اني اليوم اشغلتك معي يا الغالي ... :)

اخوي الشاعر محاكي :

صح لسااانك يا الغالي وهذا من ذوقك ...


اخوي جوز الهند تسلم يا الغالي والله يعطيك العافيه

اخوي النادر

مشكوووور يا الغالي والله يسلمك

وشكراااا للشاعر الكبير ولهان1

وشكرا لكل من قرا القصيده

------------------
الشعر في معنى اللغه يعني شعور *** والناس تشرح بالقصيد شعورها
اهل الادب حطوا له اوزان وبحور *** وانا بمعرفتي سبحت بحورها

دلوعة جده
13-11-2000, 02:22 PM
صح لسانك يامبدع
وقصيده حلوووه مره