PDA

View Full Version : قالوا علامك؟؟؟ للسديري رحمه الله



المجهول
15-11-2000, 06:05 AM
قالوا علامك باكيٍ قلت مطعـون * * *
شوفو نزيف الـدم مني تتالا

قالوا من اللي صوّبك قلت عافون * * *
قالوا عدوّك قلت يا ناس لالا

هذا الحبيب اللي له القلب مرهون * * *
هذا حيات الروح بدر الكمالا

يا عاذلين القـلـب لا لا تعذلون * * *
وحيات ربٍّ فوق عرشه تعالا

اني فلا انسى واحد فيه مفتـون * * *
بيني وبينه نازح البعـد حالا

فتّان صاب القلـب كون بثركون * * *
مملوح اخذ كل البها والجمالا

كنّه إلى حرّك قوامه على الهون * * *
غصن إلى هب الهوا فيه مالا

قلبـي لقلبـه لو تنحّيت مرهون * * *
غيره حرام ونور عيني حلالا




------------------
أنا المجهول ...
لا مكان ولا زمان..
ابحث عن الأمان..
وعن جرعة حنان..

ولهان-1
15-11-2000, 09:11 AM
كنّه إلى حرّك قوامه على الهون * * *
غصن إلى هب الهوا فيه مالا
--------------------------------------------
اخوي وحبيبي المجهول
شكرا على هذا الاختيار لشاعرنا الكبير
رحمة الله عليه محمد السديري
فقصائد هذا العملاق تظل خالده
في الاذهان مدى الحياه
شكرا على هذا الاختيار
متمنيا التواصل وهلا بك

------------------
أيه أحبك في برودك واشتعالك
انتي وجدي وانتي بردي وحطبي
walhan_1a@hotmail.com
.......[ولهان-1]

شاصي2000
15-11-2000, 12:51 PM
يا عاذلين القـلـب لا لا تعذلون * * *
وحيات ربٍّ فوق عرشه تعالا

اني فلا انسى واحد فيه مفتـون * * *
بيني وبينه نازح البعـد حالا


صح لسان الشاعر وتسلم يمينك اخوي المجهول على الاختيار

------------------
اللي يبينا عيت النفس تبغيه واللي نبيه عيا البخت لايجيبه

ولد الرياض
15-11-2000, 04:54 PM
الاخ المجهول/ تسلم على الاختيار الجميل

------------------
ليته قبل لا يفارقني حفر قبري ----- اكون للقبر اهون من حب غيره

القمرة
16-11-2000, 06:03 AM
هذا الحبيب اللي له القلب مرهون * * *
هذا حيات الروح بدر الكمالا

مشكور اخوي ..
قصيده في منتهى الجمال ..

------------------
الغريب اني ..
وانا جنبك .. غريب ..
لو نحاول نتفق ..
ما نتفق ....