PDA

View Full Version : خنبقــات شعيــرية ... كل ثلاثة بعشرة ... ما بعنا باليوم الا الكوم



أبو عجاج
16-11-2000, 06:44 AM
<FONT size="5">

لقراءة هذا الموضوع تحتاج الى

- إيكسبلورر يدعم اللغة الهندية
- ماوس عربي
- رام( ذاكرة ) حجم 22 ميديوم شاص طويل
- هارديسك وارد الدفة بني اللون مقلم فسفوري
- قلم بن باركر بن مشبب ال مرسم
- نظارات طبية سوداء
- ابريق شاي اربعة نفر تلقيمة لان اللبتون خكري
- مالبورو احمر منقع ببيرة خالية من الشعير
- خمس حبات بنادول حجم عائلي
- اشتراك بالمنتدى الساخر مدتة لا تقل عن عشر شهور
- كيلو بردقان علشان تحلي عقب الموضوع


نخش بالموضوع :)

هذي قصيدة قالها واحد عنده التهاب باللوز والجوز ولازم علشان تقراها تقلد راعيها مزبوط ... هو قالها بصديقة يوم شافه راكب سيكل ويدور بالسوق يغازل ( طبعا القصيدة فيها اسامي بس ما علي منهم كلهم بدو ما درو الانترنت هي تلفزيون والا فيديو :) )
المهم يوم شافة راكب السيكل قال له :


<center><FONT COLOR="Blue">

يا حيف يا حامد عقب منت رجال ... تركب على السيكل سواة الهنودي

يا حيف والله لابس شماغ وعقال ... بالشارع الشرقي تروح وتعودي

تقفي وتقبل ماخذه عرض وقبال ... يا شين وش سويت لاجبت فودي

ذبحت وايل واصبح الجد بنغال ...وشو علامك يا عريب الجدودي

يا حامد الحماد يا ذياب يا حثال ...الذيب والله ما سكن بالنفودي

الذيب يعشق مسكنه روس الأجبال ... ولا يتدنس يا خبل بالجلودي

هدبان مع هدبا مع عيون شلال ...ان طعتني قبل تورط تعودي

وبرق تخيلة لو نبت زرعه اغلال... رد الرحال ولا تعنى ترودي

وقل لرفيقك جاني اليوم مرسال ... من واحد لف المدن والحدودي

قله يقول اللي هبل ذيب واهتال... طبطاب صيف ولابه اليوم فودي

وش عاد لو سيله من الجال للجال ... ما ظنتي ينبت على السيف عودي

</FONT c></center>


وهذي قالها نفس الشاعر بواحد من ربعه لقاه مشغل شريط خالد عبدالرحمن ويقرا بمجلة فيها صورة نجوى كرم ... ويوم شافة مندمج ويتمايل مع الاغنية ولا انتبه لبريق الشاي والعشا على النار وهو يتمايل مر عليهن وكبهن فجادت قريحتة بهالابيات العوجا :)

<center>
<FONT COLOR="Brown">

خبلان مغرم في عشير الطفولة ... يقول خالد هو حياتي بدنياي

وايضا بعد نجوى شملها بقولة... يقول هي روحي وعمري وسلواي

ومن يوم شاف الصوره ازداد هولة ... كب العشا واستلحق ابريَق الشاي

يالله دخيلك قام يرقع طبوله ...وجسمه غدا يا ناس كنه على ياي

يا حيف والله يا خطات الحمولة ... سلم اهله خلاه ويشجع الناي


</FONT c>

</center>


وهذي قصيدة عصما بالسيارات مدري منهي له يعني لا احد ينشد


<center>
عليك بالددسن من البيت للدار .. وان صرت من ربع الخلا فاشتر الجيب
واللند روفر قومته قومة حمار ... لا شك ينفع عند كل المواجيب
والجمس والدوج والويلز والبار .. وصطن ولهن خالياتن من الطيب
والمورسدس اشكاله صغار وكبار .. فازن على كل المواتر بترتيب
والفرت يعبا للمدافع والاخطار .. يغني معازيب ويفقر معازيب

</center>

حكمة اليوم :


<FONT COLOR="Red">قالت مؤهلاتك قلت رابع وليلي ... قالت معاشك قلت فقري وبلاش </FONT c>


وسلامتكو ... فكر بالراتب ودع الهبال لنا :)
</FONT s>



------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>

mr_mosta7el
16-11-2000, 06:59 AM
ابو عجاج بدوي الجبل
حياك الله
روعه يا استاذ طعس
و جميله جدا
و خاصة المقطوعه الاوله رائعه
يا اخي انا وين شايفك فيه
مهب انت اللي طايح من الدباب؟!!!

ولهان-1
16-11-2000, 07:09 AM
ياجدي يابو عجاج
والله انك رايق
وتكفى كثر خنبقه

<FONT size="6">الى منتدى ============&gt; روائع الساخر</FONT s>
روووووعه ياجدي
ماراح انقلها الا بعد كم يوم لانها راح تتقفل
فمشكلة التقفيل مازالت قائمه
تحياتي ياجدي

------------------
أيه أحبك في برودك واشتعالك
انتي وجدي وانتي بردي وحطبي
walhan_1a@hotmail.com
.......[ولهان-1]

النجمة الحزينه
16-11-2000, 11:19 AM
حلو ياابو عجاج
وتستاهل الروائع

------------------
انته حبيبي بين كل المخاليق
يامصدر البسمه بعمري والالهام
لاغبت عني ساعة صرت في ضيق
واشوف أنا الساعه تساوي لها عام

أبو عجاج
17-11-2000, 01:14 AM
تشكراتي شباب :)

أهم شي انكم انبسطتوا على الخنبقه :)

------------------
<FONT COLOR="Brown">أحد ٍ تذعــذع له على روس الاقذال ... واحد ٍ يعيش من الوزا عيشة الذيب
</FONT c>