PDA

View Full Version : مطلوب تعليقكم على شبه القصيده هذي:)



عاشق ثراها
10-11-2000, 04:40 PM
مساكم/صبحكم الله بالف خير
بدون مقدمات العذر والسموحه لان القصيده مكسره تقل ان اللي كاتبها غلام خان....بس اهم شي الاخلاق
عموما القصيده تشرح نفسها ...اليكم:

على كثر الدجاج بمزرعتنا ما لقينا بيض
وعلى كثر البقر في حوش جدي ما تعشينا

ناكلهم حبوب وقمح وحنطه في وسط هالقيظ
ناكلهم علف و شعير ولكن حظنا شينا

وغيرنا التجاره من الدواجن لجمعة الحميض
ما غير ندوح بالضلعان ندور عشبه الزينا

ملينا موتر كامل ومن كثره غدينا فيض
ندور بهالشوارع لا ولا شراي لاقينا

وغيرنا التجاره حبحب احمر...نصحنا بغيض
بترك الجح لاصحابه ولكنا تحدينا

نبيع الجحه بعشره يبيع بخمس جحه يغيض
عيوني .... يا حسافة جحنا لا ما تهنينا

تركنا الجح لاصحابه وقلنا كليجه ياهل الريض
نبيعه بمبلغ زاهد نريد الربح يكفينا

وبسطنا في وسط السوق احس اني غديت حظيظ
هجم شيخ الاماره وصادر الاغراض في الحينا

بكيت وقلت لا للبيض لا للجح والحميض
ولا لكليجة القصمان وضاع العمر وسنينا

شهادة هندسه في البيت...هذي قطرة من فيض
بكينا واسطه ما فيه يا الله تاوينا

وش يسوي ردي الحظ نصيحه يا هل الحفيظ
بدل ما يحفظ دروسه بكتاب الله يهدينا

اذا لك واسطه ادرس وخلك من هل الفضفيض
واذا حالك مثل حالي ترى الشعبان تكفينا

وسلامتكم
تحياتي لكم
تشاو<IMG SRC="http://www.alsakher.com/ubb/smilies/cwm26.gif" border=0>

------------------
ان كنت لا تدري فهذ مشكلتك يا ابو الشباب...اللي بعدوه

لسه فاكر
10-11-2000, 09:55 PM
سلاااااااااااااااااااااام...
هلااااااا والله وغلا عاشق ثرها ..
هههههههههههههههه اجل تبي تصير تجار ههههههه
والله النشبه . اجل شهاده هندسه في البيت
والله من جد القصيده حلوه يمكن عشان معناها وعلى العموم والله انك ابدعت يوم طرحت القضيه باسلوب ساخر
ياخي مدري ليه احس اني مثقف اذا تكلمت زي كذا والله من جد اثر منيب سهل .
حببببببحب على السكين وان لقيت في السوق ارخص تعال خذ بلاش .
تشاو..

ولهان-1
11-11-2000, 04:24 AM
اخوي وحبيبي000عاشق ثراها
القصيده هزليه ساخره ولها هدف حلو
وفكرتها جيده وهناك شعراء كبار ينهجون
هذه الطريقه
شكرا على حضورك وتواصلك وياهلا

------------------
لو كل عاشق لقى شفه ومطلوبه
كان البلد ماخلق فيها ولاشاعر
ياقلبي انفاسنا بالعمر محسوبه
واخاف نفنى وباكر مايجي باكر
.......[ولهان-1]

الجنيه الحمراء
11-11-2000, 12:26 PM
<FONT COLOR="Green">عاشق ثراها ..قصيده جميله وابدعة فيها </FONT c>
<FONT COLOR="Purple">وفي اسلوب طرحك لموضوعها بطريقه ساخره</FONT c>
والله يعطيك العافيه ... :)

------------------
سلامي يالي بعيد الدار ما يوحي
........ خلي بنجد وانا بالجوف مطروحي
طرحة سجين بسجنه ما يفكونه
........ياليت لا صـحت يسمعني بعد روحي

عاشق ثراها
25-11-2000, 03:15 PM
<IMG SRC="http://www.alsakher.com/ubb/smilies/cwm16.gif" border=0> <IMG SRC="http://www.alsakher.com/ubb/smilies/cwm32.gif" border=0> <IMG SRC="http://www.alsakher.com/ubb/smilies/cwm38.gif" border=0> <IMG SRC="http://www.alsakher.com/ubb/smilies/cwm20.gif" border=0> <IMG SRC="http://www.alsakher.com/ubb/smilies/cwm32.gif" border=0> <IMG SRC="http://www.alsakher.com/ubb/smilies/cwm12.gif" border=0>

------------------
احبك حب صقار لطيره...يعاف النوم لو ريشه تثنى
واحبك حب شاعر للقصيده...اذا جت ون وان عيت يونا
واحبك حب فنان لفنه...قضى عمره ولا ادرك ما تمنىما تمنى
واحبك حب من يفداك عمره...فتح قلبه وخلاك اتحنى