PDA

View Full Version : مانيب لاشــــــاعر ولانيب رســــــــــــام



المبدع
13-11-2000, 04:39 AM
مانيب لاشاعر ولانيب رسام *** لكن والله لاارسمك في قصيده

واصورك من شعر راسك للابهام *** اجيد نظم الشعر والا ما اجيده

ياشمس يانور الليالي والايام *** يانجمتن بين الكواكب فريده

قولوا له اني ياهل العشق ما انام *** وشلون انام ومهجه الروح بيده

حبه دخل قلبي بدقه واحكام *** وسيطر علي كلي سلوك وعقيده

اذكر جديله لاتغطن الاظلام *** سواد ليلن لابسن كل جيده

لاقضها ماتنتوصف بالاحلام *** صوره خياليه وحاجه جديده

وان فرقه عن جبهة البدر ثم قام *** من لد فيه العين سمي فقيده

والعين ياعين اشقرن لد ثم شام *** كم روح راحت من عيونه شهيده

ورسمه حجاجه كنها رسم مرسام *** صوره فريده من عصورن بعيده

ورموش عكشن حاكمني بالاعدام *** من بينهن تنسل نظره سديده

والخد نون بارقه حطه اقسام *** اليا اشتعل برقه بظلمه شديده

ريقه عسل واحلى من الريق الانسام *** كنه يعطر من يكلمه بيده

اليا تبسم اتحطم تحطام *** واموت لاشفت الثنايا سعيده

مثل البرد في حمرة الدم باحكام *** تضيع فيهن العقول الرشيده

والعنق عنق غزيلن مابعد رام *** ظبين مداهيله جنانن رغيده

والمتن لاهزه على صوت الانغام *** يهتز قلبي ويتحرك وريده

ناعم جسد ماكن في جسمه اعظام *** اليا تمايل تمشي الناس سيده

والوسط ماشده هوى البال بحزام *** شبرين والا بعد ماهيب اكيده

ويميل الردفين ورى وقدام *** كنه يردد بالردايف نشيده

وياطى هوى بالي على الارض باقدام *** وارضن وطاها بالقدم مستفيده

الديره اللي مرها باول العام *** تخضر من بعده سنينن عديده

حيثه كريم الروح من ناسن كرام *** مالك جمال الكون والحسن سيده

لرموش عينه فالاوادم تحكام *** لااشر برمشه يفعل اللي يريده

ان قام تلقى الناس من حوله قيام *** كلن يحبه ماله اعدى تكيده

عن وصف محبوبي يصومن الاقلام *** وترى كلامي ينقصه مايزيده

يحكم على المبدع من اشد الاحكام *** لو قال صورته بهاذي القصيده

وســــــلامتــــــكم ... المبدع

------------------
الشعر في معنى اللغه يعني شعور *** والناس تشرح بالقصيد شعورها
اهل الادب حطوا له اوزان وبحور *** وانا بمعرفتي سبحت بحورها


<FONT COLOR="#800080" SIZE="1" FACE="Simplified Arabic">تم تحرير الموضوع بواسطة المبدع بتاريخ 12-11-2000 الساعة 04:43 PM</font>

ستيف السماثا
13-11-2000, 10:37 AM
مـــــــــــــــــــــــــبـــــــــــــــــدع

------------------

الجنيه الحمراء
13-11-2000, 08:18 PM
<FONT COLOR="Red">مبــــــــــــدع مبــــــــــــــدع</FONT c>
<FONT COLOR="Blue">انتظرناها طويلا هذه الرااااااااااائعه</FONT c>
وتلك الوحه الفاتنه بمعانيها
لتاخذ من الروح الروح
وتاخذ من البريق .. بريقه
وتاخذ من التوهج .. لمعانه البعيد
وتاخذ من الشعر .. الكثيرررروالكثيررر
وتاخذ من المبدع .. اجمل الاحسيس والكلمات
<FONT COLOR="Purple">صدق من سماك المبدددددع</FONT c>
:) :) :)

------------------
سلامي يالي بعيد الدار ما يوحي
........ خلي بنجد وانا بالجوف مطروحي
طرحة سجين بسجنه ما يفكونه
........ياليت لا صـحت يسمعني بعد روحي

booo
13-11-2000, 08:50 PM
مبدع مبدع مبدع مبدع مبدع
مبدع مبدع مبدع مبدع مبدع مبدع مبدع
ماشــــــــــــــــاءالله عليـــــك
:) :) :) :) :) :) :) :) :) :) :) :) :) :) :) :) :) :) :)

------------------
كن سعيداً كلما كثر حسادك .. فهم الشهادة لك بنجاحك

أميرة الحب
15-11-2000, 07:44 AM
الاخ العزيز المبدع
صح لسانك وقصيده رائعة

------------------
أحبك انت وبس
انت الروح وانت القلب
وانا لك أميرة الحب

هيكل عظمي
15-11-2000, 08:14 AM
ناعم جسد ماكن في جسمه اعظام *** اليا تمايل تمشي الناس سيده

&lt;&lt;&lt;&lt;&lt;&lt;&lt;&lt;&lt;ليه بس تحش فيه :)


رائععععععععععععععععععععه قصيدتك ودي اصير مثلك شاعر :)

<IMG SRC="http://www.alsakher.com/ubb/smilies/cwm43.gif" border=0>

------------------
يا سيدي في القلب جرح مثقل....بالحب يلمسه الحنين فيسكب
ياسيدي والظلم غير محبب.....أما وقد ارضاك فهو محبب

جوز هند
15-11-2000, 07:36 PM
<FONT size="4"><FONT face="Lucida Console"><FONT COLOR="DarkMagenta">عن وصف محبوبي يصومن الاقلام *** وترى كلامي ينقصه مايزيده</FONT c></FONT f></FONT s>

<FONT size="4"><FONT face="Lucida Console"><FONT COLOR="Brown">الأخ المبدع:</FONT c></FONT f></FONT s>

<FONT size="4"><FONT face="Lucida Console"><FONT COLOR="MidnightBlue">أبدعت وتفننت في وصف المحبوبة، الله يعطيك العافية</FONT c></FONT f></FONT s>

------------------
أنا جوز هند وهند جابت لي الصمرقع

الشاعره هتان
16-11-2000, 11:55 AM
مانيب لاشاعر ولانيب رسام *** لكن والله لاارسمك في قصيده
واصورك من شعر راسك للابهام *** اجيد نظم الشعر والا ما اجيده

صح لسانك ياشاعرنا المبدع

------------------
كذبت كل الناس وجيتك بلا مرجع
يسندني في ضعفي وظهرٍبك امنته
مصدومه مذهوله واللي حصل يفجع
عشقٍ حلمته فيك ياحيف ماصنته

shaher
16-11-2000, 04:52 PM
رووووووووووووووعه
وادري شهادتي فيك مجروحه
fallaj

لسه فاكر
16-11-2000, 05:57 PM
سلااااااااااااام..
مبدع والله يالمبدع .. كل اللي نقدر نقولها لك انك فعلا مبدع . وصح لسانك
تشاو.؟

------------------
هلا يمه ..
ابي قلب مثل قلبك
احبه موت
واضمه ؟!
هلا بك يا سما العفه
هلا باللي اصدقها وانا مغمض
ولو فتحت اصدقها
صباحك عيد يا يمه
===============
يارب سترك

http://bestanimations.com/Animals/Birds/Doves/Dove-02.gif

حجلان2
18-11-2000, 09:49 PM
ماانتاب لاشاعرولاانتاب رسام
0000000000الله حسيبك وش اجل ها القصيدة
ماتستحي اصدرت بي حكم الاعدام
0000000000وشلون ابقصدوانت هذا تجيــده
قسم بايات من الباري اعظام
0000000000حبيبتك هذي بشكله فريــــدة
ابيات مااظنه تجي غير بالهام
0000000000سبحان رب الهمك ها النشيدة

------------------
يالعبدلايطغيك في نفسك الزود
تراك مثل الفي عجل زواله

المبدع
20-11-2000, 12:56 AM
اخوي المبدع
تحيه طيبه وبعد
انا تعمدت ارد بيوزرك علشان اثبت لك انه سليم
وراح ارسله للبريد الان مباشره
تمنياتي لك بالتوفيق
اخوك/ولهان-1

ولهان-1
20-11-2000, 06:04 AM
هلابك

المبدع
30-11-2000, 08:15 PM
اخواني اعضاااء المنتدى الساخر

اولا كل عام وانتم بخير

ومبرووك رجعه المنتدى الساخر اللي سعدنا برجعته .... وان شاء الله يديم المحبه ولايحرمنا من منتدانا الغالي علينا كلنا

ستيف السماثا

تسلم يالغالي وهذا والله من ذوقك

الجنيه الحمراء

تسلمين يالغاليه وتكفيني شهاده شاعره مثلك

بووو

تسلم وهذا من ذوقك يالغالي ومشكووور

اميرة الحب

تسلمين وصح بدنك وهذا من ذوقك

هيكل عظمي

تسلم يالغالي وبعدين انا اقول مافيه عظام

&lt;&lt;&lt;&lt;&lt;&lt;&lt;لازم يحش

الله يعطيك الصحه والعافيه ياهيكل مشكور.. :) :)

جوز الهند

مشكور والله يسلمك يالغالي

الشاعره هتان

صح بدنك ومشكوووره يالغاليه

شاهر

هلا والله بصاحبي وتسلم يالغالي... :) :)

لسه فاكر

تسلم يالغالي وهذا والله من ذوقك

جحلان

صح لسااانك ومشكور يالغالي

المبدع

من وين جاء هذا

&lt;&lt;&lt;&lt;&lt;&lt;&lt;ماسك خط يبي يرد على نفسه

ولهان

مشكور مشكور يامشرفنا العزيز والله يعطيك العافيه لا الحين تماااام وخلاص انتهت المشكله
ادري والله اني اشغلتك معي لكن العذر والسموحه وانا اخوك

واخيرااا شكرااااااالكل من قرأ القصيده



------------------
الشعر في معنى اللغه يعني شعور *** والناس تشرح بالقصيد شعورها
اهل الادب حطوا له اوزان وبحور *** وانا بمعرفتي سبحت بحورها