PDA

View Full Version : جـــاني خــــــــبر



ولد الرياض
20-11-2000, 03:32 PM
البارحه جاني خبر بأول الليل**** قالوا زواجه تم يا منتظرها
حاولت أكذب كل ما سمع من القيل**** رحت اتحقق صار صدق خبرها
ضاقت بي الدنيا وحسيت بالويل**** وبين الضلوع اوجست جمر ظهرها
تحدرت دمعات عيني هماليل**** وصرت اتذكر قولها في سفرها
يومه تقول القلب غيرك فلا يشيل**** غيرك ترى وان حل داري دمرها
انت الوحيد اللي بها الكون لك كيل**** عندي يفوق الارض واللي عمرها
قلت ابشري لا مال وقتك ولاميل****روحي لجل شرواك يرخص حمرها
وفزغت لك في كل مابي من الحيل**** خوفي عليك يعل نفسك كدرها
خايف عليك تذوق مر البهاذيل**** وعينك من الهوجاس يكثر شهرها
اثرك سعيد وماضي الحب تمثيل**** تسلى بمشاعر هايم بك نثرها
مغرور تحسب كل مابه من الجيل**** انجوم ليل وانت معها قمرها
تظنني بالصد بسحب مواويل**** وابكي واقول الروح عنده اسرها
لكن تاكد قلبي ابعد من سهيل**** وارادتي تقطع حبل من هجرها
كرامتي ما تعيش ساعه بتذليل**** وبنت اغدرت بي يوم مامشي بثرها
باخذ من الماضي عبر للمقابيل**** وبرد كيد الكايده في نحرها

------------------
اتخيل قهر غيري وحنا سوى---- وانقهر لا تخيلتك حبيب لسواي
al_yatem@ayna.com

جوز هند
28-11-2000, 10:26 PM
وفزعت لك في كل مابي من الحيل**** خوفي عليك يعل نفسك كدرها
خايف عليك تذوق مر البهاذيل**** وعينك من الهوجاس يكثر سهرها

<FONT size="4"><FONT face="Tahoma"><FONT COLOR="Brown">رائع أخوي ولد الرياض</FONT c></FONT f></FONT s>

<FONT size="4"><FONT face="Stencil"><FONT COLOR="DarkMagenta">قصيدة جميلة جدا وكلمات مؤثره</FONT c></FONT f></FONT s>

------------------
في عيونك يوم ألقى هالدفا
----------- وكل برد الكون بكره في العيون

ولهان-1
01-12-2000, 02:55 AM
لكن تاكد قلبي ابعد من سهيل**** وارادتي تقطع حبل من هجرها
كرامتي ما تعيش ساعه بتذليل**** وبنت اغدرت بي يوم مامشي بثرها
--------------------------
صح لسانك ياولد الرياض
وكبر الله شانك وقصيده
فاخره وجميله وفي غاية البهاء
شكرا على هذا الحضور الجميل
وهذا التواصل وهلا بك


------------------
اروح ناسي واقول القرب ماليبه
وخطاي تاقف وانا ماادري على بابك
walhan_1a@hotmail.com
.......[ولهان-1]

العراب
01-12-2000, 08:20 AM
السلاااام عليكم اخوي ولد الرياض صح لساااااااااانك بصراحه قصيده اكثر من رائعه وتستحق الاهتمام

مغرور تحسب كل مابه من الجيل ... نجوم ليل وانت معها قمرها


اتمنا لك المزيد من التقدم


------------------
شخص ابيه وشخص عيا يبيني ... وشخص يبيني مير ..عيت مابيه
اضحك على الدنيا واصفق بيديني ... وما مر يوم ماضحكته ولا ابكيه

ضب آطخم
01-12-2000, 10:24 AM
السلام عليكم
اخوي ولد الرياض
كل عام وانت بخير
صح لسانك
قصيده رائعه ووصف اروع

هيكل عظمي
06-12-2000, 06:34 PM
تسلم ايدينك رائعة ... مع ان فيها شئ من التهديد للحبيبة القادمة :)
باخذ من الماضي عبر للمقابيل**** وبرد كيد الكايده في نحرها



------------------
يا سيدي في القلب جرح مثقل....بالحب يلمسه الحنين فيسكب
ياسيدي والظلم غير محبب.....أما وقد ارضاك فهو محبب

ولد الرياض
06-12-2000, 07:10 PM
جوز هند / تسلم وانت اروع
ولهان-1/ صح بدنك والله يسلمك اخوي
العراب / تسلم وانت الاروع وحياك
ضب اطخم / صح بدنك وانت بالف خير
هيكل عظمي / ههههه لا بد من التهديد اخوي والله يعطيك العافيه

------------------
اتخيل قهر غيري وحنا سوى---- وانقهر لا تخيلتك حبيب لسواي
al_yatem@ayna.com