PDA

View Full Version : لعيون هتــــــــان .. ويا ويلي من ولهــــــــــان .. :(:(:( ..



القمرة
09-12-2000, 05:50 PM
أجهلك ..
ولي سنين أتخيلك ..
أتمثلك في كل طيف ..
وألقاك في قسمات ضيف ..
كل المشاعر له تقول : حنا هلك ..

أجهلك ولي سنين أتخيلك ..
ألقاك في بعض الوجيه ..
ويمرني طيفك واجيه ..
يا باكر اللي أجهله .. أرّقتني الأسئلة ..
وابطى العمر يستعجلك ..

أجهلك ولي سنين أتخيلك ..
بالعيوب .. وبالمزايا ..
الالم لامن هجرتي .. يجتاح بضلوع وحنايا ..
أتخيل شكوكك وظنك ..
أتخيل التقصير منك ..
حتى الجفا أتخيله .. وكيف أنا باتحمله ..
واتحملك ..

أجهلك ولي سنين أتخيلك ..
ووجهك اللي قد حبسته داخلي .. فـ غمضة عيوني ..
واللي ياما قد رسمته .. من عبث طيشي وجنوني ..
وجهك اللي دوم يظهر .. لما ألقى نشوة الفكرة الجديدة داهمتني ..
لما ألقى انكساراتي قصيدة .. واكتبتني ..
وجهك اللي دوم يظهر في اعاصيري وسكوني ..
في الجبال الشاهقه .. فـ أجمل خيالي ..
في السفوح الخافقه .. بين نبضي وانفعالي ..
وجهك اللي قد نحتّه في عظامي .. والجوارح ..
وجهك اللي قد حفظته .. وبتفاصيل الملامح ..
بالنهار فـ بسمته ..
بالضيا اللي فـ وروده ..
بالعبوس فـ غضبته ..
بالتضاريس وحدوده ..
من جنوحه في البها .. لين أقصى نقطه في كاسر جماله .. للعذوبه ..
من شروق النور في ضيّه .. للشعر فـ غروبه ..
من شطوط الكحل في عيونك .. لنحرك ..
من بياض الثلج في خدك .. لجمرٍ قاد في ثغرك ..

وجهك اللي ما أبد يومٍ لمحته .. او عرفته ..
لي سنين أتخيله .. وأتخيلك ..
ياللي كل اللي بك مااعرفه .. وأجهلك ..
ما أصعبك .. كيف الاقيك ..
ما أسهلك .. لو الاقيك ..
ياللي دوم أتخيلك ..
مملكة حسن الزمن ..
وأنا الملك ..


عبدالرحمن بن مساعد ..

( خلاص اتوب .. لكم علي اسبوع ما تشوفوا اسمي :) :) :) ) ..

القمرة
09-12-2000, 06:02 PM
نسيت التوقيع :) ..

------------------
الغريب اني ..
وانا جنبك .. غريب ..
لو نحاول نتفق ..
ما نتفق ....
~~~~~~~~~~~~~~~~~~~~~~~~
http://www.geocities.com/jkhome_hk/cat.swf

ولهان-1
09-12-2000, 06:03 PM
الاخت الكريمة ( القمر) القمره
ابسطي هذا اعتراف انك قمر ومن مشرف
بالنسبه للقصيدة مافي خلاف على عذوبة الامير عبدالرحمن بن مساعد
ولايوجد خلاف على تميزك انتي وذوقك الراقي
ترى القمره من اعمدة المنتدى بالنسبه لي
بس اللي ضايقني بكل الموضوع توقيعك
مسألة غيابك مرفوضه وحنا حريصين عليك
وبعدين انا اعرف ان عندك محاولات واعرف انها بالفصحى واعرف
انها خواطر وانا قلت لا00ياوخيتي لو كل كاتب
قال محاولاتي تفشل مااحد كتب
صدقيني مااحد يفك الراس الا اللي ركبه
لذلك ادعوك لكتابه اول خواطرك وانا واثق
ان الجميع سيقدرون هذه الكتابه
جربي اذا اقل من عشره مااشادوا فيك
اوعدك ماتشوفين وجهي بالمنتدى وهذا تأكيد على اني
واثق من ابداعك
اذن متى نشوف اول خاطره؟؟؟؟؟؟؟

------------------
ان بحت لك بالحب مدري وش ابوح
وان قلت لك مدري فقلبي يحبك
يامالك فكري وقلبي وذا الروح
مايكفي انطق لك بكلمة أحبك
walhan_1a@hotmail.com

booo
09-12-2000, 09:02 PM
السلام عليكم
اختيار مبدع لا يظهر الا من مبدع
وننتظر المزيد منك وارجوا انك ما تردين ولهان :) واما انك راح تنقطعين ماهو لله لان الاختبارات قربت ;)
<<<فضيحه :) :) :)

------------------
كن سعيداً كلما كثر حسادك .. فهم الشهادة لك بنجاحك

mo7md
10-12-2000, 01:54 AM
...القمرة..

.
..
..اسعد الله اوقاتك كل خير..
..عضو قلمة لبني في الساخر..
..واول رد لي على عضو من الاعضاء واول مشاركة اقرآها..باستثناء مشاركتات الشاعر الرائع ولهان-1 الذي غمرنا بكرمه..فأنا اقرى له قبل قدومي الى هنا ..
..
..اولا إختيار موفق ويتجلا لي ذوقك الرفيع من اختيارك..
..لا يهوى الجميل..الى متذوق..
والابداع الى مبدع..
..
..اختي العزيزة..سأقول لك شيء : مركز الابداع في دبي يطبق الادارة بالقيم .. ومن قيم هذا المركز(يقدم الكم على الكيف)..
..
..واقصد من ذلك ..ان الابداع يخرج مع الوقت ومع الاصرار ومع المحاولات مرة تو الآخرى الى ان ينطلق القلم في يدك فيصبح كما طفل صغير يكبر ثم يكبر.. قد لا يئيدني البعض فيما ذكرت (الكم على الكيف) ولاكن هذا مايطبق في ذلك المركز..
..
..وأوئيد ماقل اخي الغالي ولهان - 1 100% ..
..
..سيدتي ابدائي..فكلنامعك ونحن مثلك في البدايات..
..
..واعدك بالتواصل..ومتلهف لجديدك..
..من نزف قلمك..
..تعبيرا عن مشاعرك..
..فلا تبخلي علينا..
..
..وبالتوفيق في كل مجالات حياتك..
..
.

.
..
..محمد..
..
.

القمرة
10-12-2000, 04:38 PM
صباح الورد ..

ولهان-1 ..
اول اول اول شي ..
اكيد مبسوطه .. اخيرا احد اعترف اني قمر يا ناس .. <IMG SRC="http://www.alsakher.com/ubb/smilies/cwm22.gif" border=0>
لا ومن ناس كبيره هنا .. ههههههههههههههههههههه ..
ووالله اني شاكره لك وصدقني اني اعتبر المنتدى وعذوبة الشعر بالتحديد بيتي الثاني .. :) ..
بس ما اقول الا الله يوسع صدرك ..
والله اني ضحكت من قلبي ..
تقول : اقل من عشرة ما اشادوا فيك ؟؟؟؟
اخاف تجيك حاله نفسيه ..
هذا اذا احد اصلا رد علي وعبّرني .. :( :( :( ..
وماشالله اشوفك واثق مررررررررررررره ..
والله هذا اللي يزود خوفي اطيح من عينك ..
ههههههههههههههههههههههههههههههههههههههه ..
انا مالي دخل انت اللي طلبت وانت المسؤل ..
ودمت لزرقة السماء ..
&lt;--- انواع السرقه الغير مباشرة ..
هههههههههههههههههههههههههههههههههههههههه ..


booo ..
وعليكم السلام ..
ادري اني مبدعه اصلا غصصصصصصصصصب .. P:P:P: ..
ارجوا انك ما تردين ولهان .. &lt;-- يعني ماكو فكه ؟؟ لازم تورطني يالشين .. :( :( :( ..
والله انك انت اللي كافشني .. :) .. قسما بالله اليوم عندي اختبار في اسوأ ماده هذا الترم .. :( ..
ادعي لي بس ..
حياك يالمشرف .. :) ..


mo7md ..
هلا وغلا والله ..
يشرفني ردك اخوي .. :) ..
وتسلم على كلماتك من ذوقك والله ..
تدري ..
خذني بس على دبي وما اكون القمرة ان ما حوست لهم المركز ..<IMG SRC="http://www.eqla3.com/file/ubb/icons/icon93.gif" border=0> ..
لا من جد ..
اعتقد فكرتهم جميله .. يكفي انها تشجيعيه ..
بس اخاف عليك تكون من المنصدمين في وتكرهني .. :) ..
الله يوفق الجميع انشالله ومشكور على الرد .. :) ..



------------------
الغريب اني ..
وانا جنبك .. غريب ..
لو نحاول نتفق ..
ما نتفق ....
~~~~~~~~~~~~~~~~~~~~~~~~
http://www.geocities.com/jkhome_hk/cat.swf