PDA

View Full Version : ودّي أصرخ وأقـــــــول



وجهة نظر
13-12-2000, 11:23 PM
إن قلت أبكتب شعر ما نيب مرتـاح
لجل الشعـر يفتـح وينقــض جروحي
""""""""
من أوّل الليلة إلـى فجـر الاصباح
تسرح وتمرح بالهواجيـــــس روحي
""""""""
لا من غدا بالي بروحة ومســــراح
أشوف كن البيت يسمـــع ويـــوحي
"""""""
يا من غدا للصدر ضيقة ومشـــراح
أبيك مثل الريح .. كفّك سمـــوحي
""""""""
وأخاف أبث اللي بقلبـــي وأرتاح
وأرجع أقـــول اللي بقلبي مزوحي
"""""""
ما هيب هرجة صامل القلب ياصــاح
لكنّها خفــــقـــة ترجرج بروحـي
"""""""
أو انها صـــرخة لها عطــر فوّاح
نسّم على قلــب بســــرّه شحــوحي
"""""""
أو إنها مـالت وتبـكـي لـمن راح
وتقول الى راحـوا فقلبي يـروحـي
"""""""
مــدري أشبهــهــا بدر بمـسـباح
أو انها حـــرف تـــنظّم ببـوحـي
"""""""
أو انها خاطر عابر على قلب نزّاح
وخــافت وصار البوح همــس بحوحي
"""""""
تدري .. ولا أدري بما تجلب الراح
يوم إن عصت عقلي.. لها قلت: روحي
"""""""""""""""""""""""""""""""""""""""""""""""""""""""""""
يقر المدوّن اسمهأعلاه ..... إنّه اليوم فتح اضف موضوع جديد في عدة منتديات ولكنّه يتراجع بعدما يكتب كم سطر :( :(!!!
وبصراحة عندي احساس اني ودّي أقول شيء بخاطري ولا أدري وشو!!!! .... فقلت لو بربست عند العم ولهان ما راح يزعل إن شاء الله .....وتكفون شوي شوي علي ..... لأنها أول مرّة أتجرأ وأكتب (وأزعم إني أكتب على الأصح) شيء ممكن ينقال عليه شعر نبطي!!

booo
13-12-2000, 11:33 PM
<FONT size="5">السلام عليكم
اهلا وسهلا بوجهة نظر ما شاء الله كل هذي الابداعات والاحاسيس عندك وحارمنا منها من زمان من جد مالك حق


وأخاف أبث اللي بقلبـــي وأرتاح
وأرجع أقـــول اللي بقلبي مزوحي


ما شاء الله عليك يا شاعرنا القادم :)</FONT s>

------------------
كن سعيداً كلما كثر حسادك .. فهم الشهادة لك بنجاحك




<FONT COLOR="#800080" SIZE="1" FACE="Simplified Arabic">تم تحرير الموضوع بواسطة booo بتاريخ 13-12-2000 الساعة 11:34 AM</font>

النشمي
14-12-2000, 12:01 AM
<FONT size="5"> اصرخ ياخي محد قال لك لا :( :(</FONT s>

------------------
اليوم عمل بلا حساب ... وغداَ حساب بلا عمل ... فاغنم يوم عملك ليوم حسابك

ولهان-1
14-12-2000, 02:02 AM
<FONT size="5">ما هيب هرجة صامل القلب ياصــاح</FONT s>
<FONT size="5">.......................لكنّها خفــــقـــة ترجرج بروحـي</FONT s>
<FONT size="5">أو انها صـــرخة لها عطــر فوّاح</FONT s>
<FONT size="5">.......................نسّم على قلــب بســــرّه شحــوحي</FONT s>
-----------
اخوي الغالي00وجهة نظر
صح لسانك وكبر الله شأنك00والقصيده بكل صدق جميله جدا
ومعبره وذات عذوبه خاصه وصدقني مب مجامله ان هذه
القصيده تؤكد ان خلفها شاعر متميز وشاعر قادم
نفرح اذا تواصل معنا ونتمنى ان لايبخل علينا
بهذه المشاعر المتدفقه0
ولاتنس يالغالي اني انا اخوك واتحيز دائما للقصيده
الرائعه00والف شكر وهلا بك
--------------
<IMG SRC="http://mypage.ayna.com/walhhan/walhan-1.jpg" border=0>

وجهة نظر
14-12-2000, 09:29 AM
هلا بكم جميع
"""""""
بووو: لا وأزيدك من الشعر بيت ... وأعقّب بالدوائر الحكومية وعندي خدمات توصيل مدرسات وأبيع بياجر بعد :)
"""""""
النشمي: طيّــــــــــــب :)
"""""""
ولهان: صح بدنك يالطيب وشرّف الله قدرك ... ومن ذوقك وربي ... وترى هالكلام الزين اللي قلته لي يخلين اجيكم وابربس عندكم كلما طنّ بخاطري هاجوس :) ... وربي يعينكم على كثر هواجيسي وبربستي :)

اريج
14-12-2000, 10:12 AM
وجهة نظر ....صح لسانك .....اذا كانت هذي اول قصيده نبطيه ......اراهنك ان في القصيده الثانيه شعراء النبط بيعلنو الاستسلام ......
اكثر من راائعه
يامن غدا للصدر ضيقه ومشراح
ابيك مثل الريح كفك سموحي

------------------
اريج الزهر عنوان المحبه وبسمة شوق من ورد تحبه

ظـــلام
05-10-2002, 12:01 AM
ما لكم !!
ألا تستطيعون التمييز ؟ ماذا حلّ بكم !!
هل أثرت بكم عوادم السيـارات .. فأصبحتم غير قادرين على معرفة الشعـراء !!
أضحكتني مقولة " شـاعـر قـادم "
أنا على معرفةٍ تـامـةٍ بـإن هذا الموضوع قديمُ وقديمُ جـداً !!
ولكن .. حـزّ في نفسـي أن يظل قابعاً في ظـلام الأرشيـف !!!
أراهنكم ..
وبكل قوة .. سيعــود !!