PDA

View Full Version : غربة بلا عنوان



مـــــــزاج
27-06-2004, 03:26 AM
بسم الله الرحمن الرحيم

هذه قصيدة للشاعر محمد الدحيمي قد نالت إعجابي .. أتمنى أن تنال رضاكم واستحسانكم


يعين الله يادنيا تسوق ايامها الاحزان
يعين الله وانتي مثل قفل ضاع مفتاحه

يعين الله وجروحي لها في كل وقت شان
كذوب اللي يقول ان الزمن بيداوي جراحه

سقى الله يوم أنا يمّه غرير يزعج الجيران
سقى الله يوم أنا طفل يصج البيت بصياحه

سقى الله يوم كان أقصى طموحي لعبة الدنان
نهاية يومي المغرب وأخاف الليل واشباحه

سقى الله يوم أنا البس بشت ابوي وثوبه القيطان
واقلد كل شيء فيه ..حكيه .. جدّه .. امزاحه

واشيل المسبحه مثله ليا هوجس وهو سرحان
يشعر وأحسب أن اللي عطاه الشعر مسباحه

سقى الله بيتنا ذاك البسيط مشقق الجدران
شجاع .. يهزم الغدرى بقنديله ومصباحه

تكحلت القناعه ..لاطمع ..لاهم ..لاحرمان
وإذا جاء الليل تكفينا ثلاثة أخوان طراحه

جميع الذكريات اللي غدت في قفرة النسيان
تحاكي حلوها عبرة بموق العين سبّاحه

خذتني غربة عنوانها (غربة بلا عنوان )
ابي عقب التعب راحة لقى فيني التعب راحة

ورجعت اليوم مثل اللي رجع عقب القنص خسران
غدى طيره وجاء يسحب سلوقية وملواحه

قصيدة مابعد مرت في بال مساعد وضيدان
هواجيس ابدوي هايم في عشق فلاحه

وروح تائبة .. كانت تبي لذنوبها غفران
خطاي اني كتمت اسرارها بعيون بواحه

تقولين المطر يمّه ماهو دائم يجي هتان
اجل معذور قلب في همومه ضاعت افراحه

أنا يمّه غلطت ولاني اول واحد غلطان
ابونا آدم من الجنة .. خرج بأسباب تفاحه

وتقبلوا تحياتي

ابو طيف
27-06-2004, 04:03 AM
الله يامزاااااااااااج


اختيار ولااروع

صح لسان الشاعر وتسلم على ذوقك


ياهلا بك في الساخر

تحياتي

===

مـــــــزاج
27-06-2004, 03:53 PM
لك عظيم الشكر أخوي ابو طيف

على هذا المرور الكريم

دمت بكل خير


مـــزاج

صوفي
27-06-2004, 04:17 PM
وإذا جاء الليل تكفينا ثلاثة أخوان طراحه


تسلم .............. ذائقتك