PDA

View Full Version : لكزس 2001



الغيور
07-12-2000, 05:19 PM
<IMG SRC="http://www.shathaaya.com/vxr.jpg" border=0>
راكب اللي لاشتغل كن به روح الجنيـن

ماورد قبله ولاظنتـي يـرد بعــده

يسرق الانظار سرقة شعرةٍ من عجيـن

والزياق مذهبه والركـون مــورده

من بعيد تقول خيمة عروس في بطيـن

ولاقربته من قريب تقـل لون بـرده

جيب لكزس من موديلات الالفين الثمين

وكلٌوا عبـداللطيف الجميــل وورده

فرش موكيته تقل من شجرة الياقـطين

والمراتب جلد بافخم طـراز منجـده

ماحلا مسراه لين الصبح نـوره يبيـن

والقزوزات الثمان الجحيم الموقدة

مشربه بنزين ماهو سمـن ولاسميـن

والبساتـم كنها عمــدٍ ممـــــــده

الطعوس يقصهامثل قـص الاكسجيـن

والجبال اللي كما طويق وجبال لهـده

مايلام الى زعل منه ابـو عبارتيــن

لكزس الالفين خير التيوتا واجوده

عنده الفكسار لاوقف لايمكــن يزيـن

ما ينقص منه لكن تقــول يعقــده

كن تكييفه هواء دار زيـن العابديــن

تونس الخضراء نعيم المصيف ورغده

فيه لاناظرت ماهـوب ريب ولايقيــن

نقش اطاراته مثل شكل نقش المزوده

لاسحبت انواره تقول بين الازرقيـن

مايجي ياكود في طايلات الارصــده

في عددهن يتعبن المكايــن واليـدين

ماعليهن غير صورة معزي وولــده

ماملكه درويله لابـكـاش ولا بديــن

مدة اللي ينبع الطيب من راحـة يده

ابن زايد من سلالة رجالٍ غانميـــن

وارثٍ وفاء السمول وطيبه ووعــده

علموه اني على موعـده مثل السجين

والليالي توها والعمــار محــدده

استلم مكنونةٍ مثـل ريـح الياسمــين

مسكها ريحة عراره وشيحه وجعـده
.................................. الغيور

النشمي
07-12-2000, 10:14 PM
<FONT size="5"> هذي خرجية العميل للمشرفين :)

تسلم والله يالغيور :) :)</FONT s>

------------------
اليوم عمل بلا حساب ... وغداَ حساب بلا عمل ... فاغنم يوم عملك ليوم حسابك

شاصي2000
20-12-2000, 03:54 AM
ماحلا مسراه لين الصبح نـوره يبيـن

والقزوزات الثمان الجحيم الموقدة

مشربه بنزين ماهو سمـن ولاسميـن

والبساتـم كنها عمــدٍ ممـــــــده

صح لسانك والله صح لسانك
ماشاء الله عليك

------------------
اللي يبي سلف عليه الاتصال على بيجر رقم

59033294

المبدع
20-12-2000, 08:30 AM
صح لسااانك

قصيده اكثر من رائعه..


صح لساانك يالغيور..



------------------
الشعر في معنى اللغه يعني شعور *** والناس تشرح بالقصيد شعورها
اهل الادب حطوا له اوزان وبحور *** وانا بمعرفتي سبحت بحورها