PDA

View Full Version : هدية



فانون
06-07-2004, 04:26 PM
اصعب شي عندي ان يطلب مني انجاز وانا بين حدين "الوقت والمزاج"
ولكنني خرجت بهذه المحاولة
اتمنى ان تستحق الوقت المهدر بقرائتها
...

هدية

الاهـداء: لها ..


قالت يا "فانون" انا عندي طلب
اكتب لي بيتين وانشرهن هديه

قلت ياحلو الطلب لاكن.. صعب
وصفك انتي اكبر من الشاعرية

ولو جمعت كل ما بتكتب عرب
ما يبين لك من احساسي شويه

والبنات كنهن عندك شعب
وانتي الليّ حاكمه يالجوديه

والجمال صار عندك من ذهب
ينسبك عندك ويوزع للرعيه

وكان غبتي ضج هـ الشعب بشغب
وحتى حال النور من بعدك رديه

عندي انتي والله انك بالغصب
كنك الماء والهواء غصب عليه

ولو حاولت افارقك فيكي جذب
كنك انتي الكون وفيكي جاذبيه

ولو بغيت اللقى لي بقربك سبب
يتضح لي ان كل شي فيك ليه

والحكي يمك ترى يصبح طرب
كنهن صفين .. وشالو سامريه

حتى تعذيبي ولو جاء منك عذب
عندي احلاهن لـ جت منك قويه

قالت: بس يكفي هذا عز الطلب
اكتب الليّ قلت وانشرها هديه

...

وسلامتكم،،

الحنين
06-07-2004, 09:09 PM
تستاهل الهدية...المهدى إليها...
وهل رضيت بها؟؟
أكيد...!!! :kk

مع الود :nn

ابو طيف
07-07-2004, 03:58 AM
قالت: بس يكفي هذا عز الطلب
اكتب الليّ قلت وانشرها هديه

:)

فانون تبي تفضحك البنت :)

ههههه

صح لسانك ولاهنت

تحياتي

==

فانون
08-07-2004, 12:03 AM
الحنين
يعطيك العافيه
...




كل من حصل على شي فهو يستحقه

( محلاها.. ما تعجبها !! )

مرورك بطعم السكر

لك التقدير

احساس
08-07-2004, 05:23 AM
:kk :kk :kk
فانون
بدأت ارى فيك قلم شاعر جيد
شكل صاحبة الأهداء تحب الكشخه والطعج :p
بس بجد ارضيت غرورها بااجمل هديه:)

"
احساس

فانون
09-07-2004, 05:12 AM
ابو طيف
يعطيك العافيه
...




"ان كيدهن عظيم"

بس لا تخاف عليّ
الامور لا تتعدى خيال شاعر
والمعنى "ابطنه"

لك التقدير

فانون
09-07-2004, 08:33 PM
احساس
يعطيك العافيه
...




شكرا لك على رؤياك الطيبة

كل ما زاد الغرور كل ما احتاج لجهد افضل

لك التقدير