PDA

View Full Version : هديه لابوي في هذا العيد خاصه...ولكل الاباء عامه



عاشق ثراها
29-12-2000, 03:47 PM
الا يا بوي حبي لك مثل حب الضيا للشمس
مثل بحر ملاه الما و دون الما يغدي صحرا
والا يا بوي شوقي لك مثل لوعة فطيم الامس
يبي يشرب حليب امه تقطع قلبها الحسرا
تبي تسقيه ما تقدر بتزرع فيه عزة نفس
تبيه يقاوم الايام وتهدي طفلها العمرا
على شانه تبي تسهر تحرم عيونها من العمس
عشان يطوع الايام و يصبح بالبشر كسرى
الا يا بوي عشقي لك مثل شايب ذبحه المس
يبي يقرا كتاب الله ولكن ما يعرف يقرا
انا ليلي بدونك شين وعيني ما تذوق النعس
الا يا بوي وش ليلي بدون مشاهدك قمرا
تبي عمري هديه لك فداك العمر وكل الانس
تراك انتا لعيوني الضي بدونك دنيتي عثرا
الا يا بوي ما انسى ليالي حافله بالانس
اهمز به مواطيك فديت ارجولك العفرا
الا يا عز ايامي وحظن ما يعرف النحس
الا يا فخر ايامي بدونك عيشتي غبرا
انا مابي من الدنيا سوى ارضاك انت وامي وبس
وما ودي ازيد الشعر ترى ابكتني العبرا
وسلامتكم

تحياتي لكم
تشاو<IMG SRC="http://www.alsakher.com/ubb/smilies/cwm26.gif" border=0>

------------------
احبك حب صقار لطيره...يعاف النوم لو ريشه تثنى
واحبك حب شاعر للقصيده...اذا جت ون وان عيت يونا
واحبك حب فنان لفنه...قضى عمره ولا ادرك ما تمنى
واحبك حب من يفداك عمره...فتح قلبه وخلاك اتحنى

الجنيه الحمراء
29-12-2000, 06:22 PM
<FONT COLOR="Red">الله الله الله الله ياعاشق لقد ابكتني كلماتك ...</FONT c>
كان لكلماتك الاثر الكبير في نفسي
فقد لامست قلبٍ ما زال ينبض بالألم ..
اهنيك عزيزي علي كلماتك الرائعه واسلوبك الجميل
والله يخلي لك والديك ويحفظهم ..
وتقبل مني خالص تقديري ..



------------------
من يسره افراقي بشره في افراقي
.............. بشره وابرك الساعات ساعه افراقه
قله ابشر بفرقي ما وراها تلاقي
.............. مثلها مثل من قال الثلاث بطلاقه

Myam
30-12-2000, 08:05 AM
الا يا بوي وش ليلي بدون مشاهدك قمرا
تبي عمري هديه لك فداك العمر وكل الانس...

عاشق ثراها ....

أبدعت ...
أبدعت ...
أبدعت ...

ومن غيره يسوى كل هذا الحب ...
ومن غيره يستقر في خلجات القلب ...
فهو رفيق الدرب ....
وهو حنان القلب ....
وهو الحضن الدافئ ...
وهو المينا والمرافئ ...

من سواه الأب .....

رائع عزيزي .. رائع ...
حفظ الله لك والديك ....
وأدامهاما لي ....
ورحم الله كل من فقدهما ....

لك مني كل الاحترام والتقدير ...
أختك اليوم ودوم وكل يوم ...

~ مـيـــــام ~


------------------
أكتب للحب ..أكتب للمجهول
أكتب لك أنت ..
فأنت المجهول الذي لم تقع بعد عليه عيوني ..
ولم تعثر عليه خفقات قلبي ..

الدبلوماسي
30-12-2000, 03:40 PM
اللة اللة ياعاشق ثراها صح لسانك وصح
بدن ابيك ابيات رائعة ولا شك و اختيار
موفق جدا خاصة هذة الايام ايام العيد.

كان بودي ان اكتب معارضة لقصيدتك ولكن لن
استطيع مع غيري ان يصف احساسك انت وقد كفيت
ووفيت حفظ اللة آبائنا وأمهاتنا جميعا

ولا تنسى تسلم لي على ابوك وقلة الدبلوماسي
يقولك تستاهل القصيدة الجميلة وتستاهل كل
خير وقلة كل عام وهو بخير وصحة وعافية

حفظك الله بعز ابيك وحفظ الله ابيك ليرى عزك




------------------
على قدر اهل العزم تأتي العزائم *** وتأتي على قدرالكرام المكارم

بقايا جروح
30-12-2000, 04:31 PM
هلا اخويه..
مشاعر طيبه من الابن اتجاه ابيه..
مشاركه جميله..صح السانك :)

------------------
من يشتري قلبًًٍَِْ همومه ملايين.. ويبيعني قلب من الهم خالي..

سلافه
31-12-2000, 06:30 PM
هلا اخوى عاشق ثراها
الله يحفظلك الوالد وكل عام وانت
والجميع بخير
وعيد مبارك
..
.

اختك سلافه



------------------
عندما يتخلى القلم عن
مبادئه..
يتحول إلى خنجر
..!!
.

لسه فاكر
02-01-2001, 08:49 PM
سلاااااااااااااااااام
وااااااااو ياعاشق ربي لايحرمك منه ويخليه لك ويخليك له ذخر يابعدي
عاشق والله يالغالي انك جيت على الجرح ومن زمان قريتهابس خانتني الحروف وماقدرت ارد بس عزاي الوحيد ان شهادتي فيك مجروحه ومهما قلت ماراح اوفيك حقك في قصيده ذي عن اغلى الناس عاشق ثراها انا اقف احترامً لك ولكلماتك ويكفي انها في اغلى الناس من جد ابدعت يا عاشق وماقصرت ربي يعطيك العافيه يالغالي ..
تشاو..


<FONT COLOR="#800080" SIZE="1" FACE="Simplified Arabic">تم تحرير الموضوع بواسطة لسه فاكر بتاريخ 05-01-2001 الساعة 01:32 PM</font>

عاشق ثراها
06-01-2001, 01:22 AM
الف شكر لكم جميعا
الردود ساكتبها قريبا لانها ما توفيكم ردودي يا غالين
تحياتي لكم
تشاو<IMG SRC="http://www.alsakher.com/ubb/smilies/cwm26.gif" border=0>

------------------
احبك حب صقار لطيره...يعاف النوم لو ريشه تثنى
واحبك حب شاعر للقصيده...اذا جت ون وان عيت يونا
واحبك حب فنان لفنه...قضى عمره ولا ادرك ما تمنى
واحبك حب من يفداك عمره...فتح قلبه وخلاك اتحنى