PDA

View Full Version : زمن العبيــــد



محمد فارس
27-08-2004, 07:29 PM
مين فينا حُر00?!!
مين فينا يفعل مايريد00؟!!
مين فينا سيّد00قال انا00؟!!
ارفض فى يوم اكون مسيد
مين فينا يقدر ييجى يوم؟!!
ويقولنا00اليوم ده عيد
الحزن ليه00رفيق لنا؟!!
وغيرنا عايش يوم سعيد
من مات لنا
قالوا انتحارى
مع انه مات اصلا شهيد
الجرح دامى00
ودمنا00
فوق الجروح اصبح صديد
ليه كل ده ?
هو احتمال00
مش احتمال 00لا بل اكيد
يتسيدونا 00ينهبونا00
يوجهونا من بعيد
يمين 00يمين
شمال00شمال
ومش مهم ايه المفيد
وفوق ده كله00فيه كمان
كلام كتير ممكن يزيد00
يأمركونا00صار هدف
وهو ده بيت القصيد
يرجعونا يوم مضى
أمريكا عنه لا تحيد
الدهب 00يصبح دهبها
ومن كرمها00راح تسيب
اى حاجة تكون حديد
بكره00بعده00يحتاجوها للسياج
زنزانه للى مايريد
للى رافض 00ال" نَعم"00
يكبلوله ايد بإيد
الأمركة جاية ولابسة
لابسة توب 00لكن جديد
سموها ايه00
قال عولمة00
طب هو إيه زمن العبيد</B></B>