PDA

View Full Version : مواقف طريفه .. حصلت لي ..



عبدالله الأهدل
07-09-2004, 01:48 PM
السلام عليكم ورحمة الله

كالعادة .. وكعادة المدينة التي أعيش بها .. وعشت بها ..
أن البس ترنق رياضه .. وهي في العادة أكثر مما البس الثوب والشماغ .. الذي يميز هويتي ..

فمن ذلك .. حصلت لي بعض المواقف ..

* كنت نازل من عند صديق .. ومتجه إلى سيارتي .. وإذا بإمرأة مصرية مع زوجها وواقفه أمام سيارتهم .. تنادي علىّ .. وقالت : صديق ( يعني رفيق ..) لو سمحت غير الكفر .. ( وزوجها جالس بالسياره ) فقلت طيب فقط ولم أنطق بأي كلمه بعدها : وقمت برفع السيارة .. وتغير الكفر .. ووضع الكفر المبنشر في الشنطه .. إلخ .. ..
وعندما هممت بالإنصراف ..
وإذا بها تقول لي شكرا" .. وتمد لي بخمسة ريال جزاء تعبي ..
فهنا نطقت وتكلمت وقلت لها : لا والله مايصير .. عيب كذا ..
فعند سماعها اللهجه العربيه الخليجية .. وإذا بها ( مسكينة ) تتلعثم بالكلام ..
وتقول الأخ سعودي
قلت لها نعم ..
فقالت بتلعثم وإرتباك .. يالهوي يالهووووي .. والله انا أسفه يابيه .. مكنتش أعرف .. الى أخر الإعتذارات ..
فقلت لها .. مافيها شيء .. إحنا نخدم لوجه الله ..
وحتى زوجها نزل من السيارة وقدم الإعتذار ..
أنتهى الموقف ..

فماذا أستنتجتم رعاكم الله من هذا الموقف ..


موقف أخر

كنت ممتطى جوادي ( سيارتي ) وفجأة يأتون شباب على سياره كامري .. ويسقطون عليه .. فقمت بردها لهم ( والله ليس عباطه .. فقط لأشوف ردة الفعل ) ..
وإذا هم يسرعون ويسبقوني ويحدوني ( أي ضيقوا عليه عشان أوقف ) بالفعل وقفت .. ونزلوا الإثنين ..
وقال واحد منهم ..
إشفيك ماتشوف ياإبن ... يا.....
فنزلت من السياره .. وقلت له :
أولا" إحترم نفسك وتكلم بأدب ولا والله .. الخ ..
فسكتوا ..
وقال الآخر ..
الأخ .. سعودي ..
قلت لا هندي .. متجنس ..
ضحك وقال ..
ياخي والله نحسبك هندي ولا أجنبي ..
السموحه والله .. وأستر ما واجهت ..

ضحكت منهم ومن فعلتهم ..


فماذا أستنتجتم رعاكم الله من هذا الموقف الآخر ..

وهناك عدة مواقف ..

وللعلم ..
شكلي لا يقارب للهندي ولا لغيرة .. بس قلة الأدب .. والجهل .. من بعض الشباب ..

الحنين
07-09-2004, 03:52 PM
اخى ابو أميرة:

ذكرتنى بموضوع سابق لك كان فى التاسع على ما أظن،، ولكن والله نسيت اسمه :cd:
الكبر سين..أقصد شين!!
جميل أن تقتطف منه أيضا بعض المواقف..!!
ولي رجعة بإذن الله لما ترجع ذاكرتى..






مع الود :nn

آلاء...
07-09-2004, 04:09 PM
اتشاهي ...سلاموأليكم رفيق :)
كي هالي ؟؟
الله يسعدك روقت مزاجي بهالمواقف الطريفة

فماذا أستنتجتم رعاكم الله من هذا الموقف
ههههههههه استنتجت ان شكلك هندي هههههههه
قرأت النص والموقف الثاني فقلت في نفسي
أكيد شكله هندي هههههه
ووجدت الملاحظة في النهاية لكني مازلت مصرة

الذي استنجناه لاداعي للحديث بشأنه
فالموقف حكى كثيراً عن الموقف والله المستعان

يلا رفيق سلاموا
اختك:أشجانوووه:)

عبدالله الأهدل
07-09-2004, 06:33 PM
أرجــــو من الجميــع أن يكتبــــوا مواقفهــــم الطريفـــــه ..


لي عوده ( الحنين / أشجان )

سرنوه
07-09-2004, 07:26 PM
ههههههههههههههههههه

حلوووه المواقف

واللي باين انك انسان مروووووق (يعني رايق)ومتفيـــج لردود أفعال الناس ..:)

أحييك على هذا الطبع ..أخ عبدالله الأدهل

وبالنسبه لي صارت لي وايد مواقف ..وفيه موقف صغير مريت عليه لحظات بس..
__________________________________________________ ___

كنت مره معزومه على عرس..ولمان بغيت أروّح اتصلت في أخوي عشان ايي ياخذني ..
يوم وصل أخوي دق رنه على الموبايل وعلى طول أنا طلعت من القاعه ..
وهوووووووووووبا فتحت باب السياره وقعدت جدام عند السايق ..
*c
وشوي أحس بهدوء ..يعني أخوي ما كلمني ولا قال أي كلمه ..وطبعاً انا كنت متغشيه ( لافّـه الشيله على وجهي يعني مغطيه وجهي)
المهم أنا حسيت برعب
:fr:
وفي نفسي أقول ..بسم الله أنا لا يكون ركبت سيارة ناس مب سيارة اخوي ..
والمفروض اني افتح باب السياره عشان أنزل..بس شوفوا شو صار
d*
..والله اني ارتبكت عدل عددددددل ..
قمت أطــالع الريال اللي قاعد يمي اللي يسوق يعني عشان أتأكد
f*
..وقمت وكفخته بس مب وايد ..
:h:
وطبعاً الريال هو أخوي
وقلتله وش فيك ساكت خوفتني على بالي هاذي مب سيارتك ..
قال لي انتي اللي جايه ليش ما تسلمين ..!!
:D:
بس الحمدلله عدى على خير هالموقف في ذاك اليوم ..والحمدلله اني ركبت سيارة أخوي ..
c*

احساس
08-09-2004, 05:59 AM
صباحك جوري وكادي ابو اميره

بعد الموقف الأول
:cd: الأخ شكله يشابه الهنود

بعد الموقف الثاني
)k ابو اميره خان
:y: :y: :y: :y: :y: :y: :y:


:
نجي لسالفه المواقف الطريفه اللي حصلت لي :cd:
كثيرهبس مشكلتي لنن اجي اتذكر انسى :p
تجي شلون مدري

الزبده
والله يالأهدل حبيت اصبح على قوم جنادريه الساخر

"
دمت رائعً
احساس
:)

الفارس مفروس
08-09-2004, 09:01 AM
الفاضل أبو أميرة..
يا شيخ شوف لك طريقة تبعدك عن هكذا مواقف..
نصيحة..
إن لم تكن مرتديا "الزى الرسمى" :y:
فعلى الأقل ضع لافتة على صدرك..
مكتوب عليها "سعودى أصيل.. مش هندى عميل" :p

تحياتى لك
مفروس (مش سعودى)

أصايل الشرق
08-09-2004, 11:42 AM
حياك الله أستاذنا "صديق" أبو أميرة ..



مواقفك جدااا مضحكة ..والله لا يبلانا بهيك مواقف .. :k:


أما بالنسبة للمواقف تراها ما تنعد ..وأحيانا ما تنقال :rolleyes:

ولو إن الموقف أبد ما أحب أتذكره بس عشان نتفاعل ونتذكر أيام المآسي .. qqq

يقولك مرة كان عندي فاينل "نهائي" لمادة صعبة كالعادة ..
المهم وصلنا الكلية ورحنا نركض علشان ما نتأخر على الفاينل .. وحضرتي كنت لابسة (الله يعزكم) نعال خفيف ..أشبه ما يكون بنعال الحمام >>>تداري الموضة ..
المهم كملنا ركيضنا وفي نص الدرب انقص النعال ..طبعا أنا :f: ما عرفت شوأسوي وقت الامتحان بدأ وتأخير أكثر عن 10 دقايق يعني رسوب في المساق ..والكلية أبد ما فيها مخلوق ..بس أنا وربيعتي ...حاولت ألتفت يمين يسار إذا فيه عرب ..ابد ماحد ..لقينا بنيه سألناها إذا عندها موبايل عسب ندق على البيت ويحلون القضية ..وطبعا البنت معذورة لأن عندها أيضا امتحان يعني مافيها تتأخر ..المهم شفت نورإحدى المكاتب من بعيد ..وهالمكتب يوزعون الكتب الدراسية منه ..المهم رحت وأنا شوي وبـ :f: من دون سلام قلت حد عنده موبايل ..وطبعا المكان ما فيه إلا عاملتيين ..طبعا الجواب لا ..يالله والبلشة ..من دون تفكير قلتلها عطيني نعالج ..وهي تناظر فيني :mm: ..(هذي شو فيها غبية ) المهم أخذت نعالها وطبعا ما تتخيلون كيف شكل نعالها ;) ..والله ما قلت لا لبسته ورحنا نركض ..كأنا في سباق ..وإستغلينا عدم وجود أي شخص هناك ..ونحن في الدرب (القاعة بعيدة) عني شخصيا كنت بموت عطش ..ما أتخيل نفسي ما أشرب ماي ومستحيل كنت أقدم الإمتحان من دون ما أرتوي...وللأسف ماكان ويانا دراهم (خردة).. :e: وصنا عند القاعة وكان في ثلاجة ماي ..(وهذي الثلاجة كنت دايما أسأل نفسي كيف يشربون منها ماينقرفون الكل يشرب منها ) وطبعا ربي ما يضرب بعصا شربت منها لين ماقلت بس ..وبعدي طبعا من الحشرة اللي خارج القاعة طلع الدكتور ..وطوف السالفة ودخلنا وامتحنا ...والحمد لله نجحنا بالمساق وبتقدير :g: ..

وطبعا من ذاك اليوم ..حرمت على نفسي التقيد بالموضة..وإإكتفيت بلبس النعال الرياضي ..بس الحمد لله ما يفكروني هندية )k


عذرا منكم على الإطالة ..

>>>تراها ما تبغي أحد يعرف بالموقف .. qqq

أولاد الاسلام
08-09-2004, 01:00 PM
شكرا لك أستاذنا الكريم عبدالله
مواقف ضاحكة بالفعل

عبدالله الأهدل
08-09-2004, 07:39 PM
ياهلا


أشوف الجميع .. قالوا عني رفيق ( صديق ) .. أقول أعقلوا

الحنين
لا يكون قصدك على .. نكشه .. وعجبي ..
تحياتي لك .. وبإنتظار موقفك الطريف ..


.......

أشجان ..
الهمدو لله .. تيق تاق ..
أقول .. وش السالفه .. أنا طرحت الموضوع لقصد مغزى بداخله ..
وتشوفوا تصرفات .. الكثير والقليل من الناس .. وكيفية تعاملهم مع الأجنبي ..

أوكي ..
إنت في معلوم .. ولا .. انا في كلام مره ثاني

عاطر تحياتي لك ..


........


سرنوه ..

تحية عطره ..
وكثر الله خيرك .. وهذا العشم ..

أما قصتك .. تذكرني بقصه مشابهه لها .. بس كنت أنا السواق
وركبوا معي ناس غير أهلي .. ويوم شفتهم عرفت إنهم غلطانين ..
وعلى طول قلت لهم .. تراكم غلطانين ..
وهم بسرعه قالوا .. وي وي .. يمه .. ونزلوا يتهاوشوا ..

لك فائق تحياتي ..

.......

إحساس الموقره

ولك أكثر مما ذكرتي .. عزيزتي

وياليت تسعفك الذاكره وتذكري لنا .. موقف ..

ولك الشكر ..


........

الأخ فارس ..

والله على قولك ..
الناس صاروا عنصريين بشكل ..
والأجنبي .. لو لبس ثوب وشماغ أفتك وسلم منهم ..

تحياتي لك ..

.............

أصايل ..

والله حلوه ..

موقف رهيب .. ولو إني منك .. ادش القاعه حافيه .. ( مستحيل ) ..
احذروا التقليد .. واشتروا الأصلي ..

تحياتي لك

.......


أولاد الإسلام ..

ياهلا فيك ..

وشاكر لك مرورك الكريم ..

عبدالله الأهدل
08-09-2004, 08:15 PM
من طبعي أتصرف بحكمه ( وأي حكمه ) وبسرعة عند حدوث خطاء عارض ..


فإليكم هذا الحدث الطريف والقديم .. ( يعني قبل 9 سنوات ) تقريبا" ..

في يوم من الأيام وفي تلك السنة .. ذهبت إلى مؤسسة النقد العربي بالدمام .. لأصرف عمله ورقيه جديده .. وبداية النحاسه كانت من ذلك الباب الملتوي اللي تخش منه وتدور حول نفسك ( أمزح تراني أعرفله ) .. ووقتها مشخص يعني على سنقه ورمح ( زي ما يقولوا ) وهممت بالإتجاه للصراف .. وكانت الساحه ( الصالة ) كلها بلون سيراميك واحد .. وتتوسطها نافوره هابطه بعمق 5 : 6 سم وقطر 3 امتار تقريبا" وبنفس شكل السيراميك و ومن سوء حظي .. ا كانت النافوره طافيه وقتها .. واللي صار شقيت طريقي من وسط الصاله متجه للكاونتر.. .. وما أحس الا وأنا في وسط النافوره وثيابي تغرقت .. والناس من حولي يطالعوني .. وأقول في نفسي .. وش سويت وش اللي صار .. يالله يا موقف محرج والله ..
تدروا وش سويت بعدها ..
تدرون أشوف أرائكم .. وكل واحد يحط نفسه بهالموقف ويقول وش راح يسوي ..

اللهم أسترنا بسترك ..

ALSRAAAB
08-09-2004, 09:16 PM
الأخ عبدالله الأهدل أبو أميره

مواقفك الطريفه حلوه بس لا تستغرب الناس يحسبونك هندي من اللبس بس
يجوز شكلك ما يشبه الهنود00 عموما بعض الخليجيين أشكالهم تشبه الهنود
أنا صار لي موقف في الدوام00 محرج جدا مع واحد من الشباب كويتي بس أسود 00
ولابس بلوزه(تي شيرت) أصفر وكنت أخلص معاملات الناس00 والأخ طفران(متضايق)
من الزحمه وقاعد يطقطق بجوتيه(حذائه) بالأرض وازعجني 00وانا ما رفعت راسي بس لمحت
السواد والبلوزه الصفره وحسبته هندي فقلت له إنت هيه هيه بس ازعجتنا00
بحلق فيني وصرخ بوجهي (حاشته أم العبيد) وقال إنتي اشلون تقولين لي هيه هيه اشتغل عندج
تبلعمت وتلعثمت وجيت بكحلها وعميتها فقلت له الله يهداك مافيك صبر عالزحمه وتراك ازعجتنا
وبعدين احسبك هندي زميلاتي ماتوا من الضحك علي00

سرنوه
09-09-2004, 12:12 AM
ههههههههههههههههههه

والله مواقفكم تموووووت من الضحك ..


راجعه لكم ..

بالنسبه لسؤالك يا بواميره ..

والله ما أتخيل نفسي برع البيت وثيابي كلها متخرسه ماي والله ما بتحمل نفسي وعلى طووووووووووول برجع البيت ..

وعادي تيك ات ايزي ما يهمني اذا الناس اضحكوا ..:D:

عبدالله الأهدل
09-09-2004, 11:34 AM
الأخت السراب
ياهلا فيك ...

بعض الخليجيين أشكالهم تشبه الهنود ؟ ليش ..
وبعدين تصير مثل هيك شغلات ...

الخطا وارد .. وارد ..
لكن الحكمه ..
في معالجة الخطا..
فهي تختلف من إنسان إلى إنسان ..

يسلم تواجدك .. وياليت تعلقي على أخر موقف .. لي ..

والسلام



..........


سرنوه ..

هي مواقف .. تحصل لي ولغيري ..
شئنا أم أبينــا ..
ولكن كيف نصححها .. وبطريقه مهذبه ولبقه ..
يبقى هذا الأمر على الجاني ..

الف شكر لمرورك الكريم

الحنين
09-09-2004, 01:09 PM
نعم هو ذا..نكشة!!
لأن موقفك شبيه أيضا بتلك النكشات، وبأن المشكلة ليست بالهندى أو بغيره، لكن بعقلية الناس التى تصنف تعاملهـا على أساس الجنسية والفقر وضعف الحال بدل المعاملة عل أساس الانسانية..


ولكن نصيحة يمكن مكثر دهن الشعر ، لذلك شبهوك به؟؟ :cd:
استعمل الجِل..!! :p (مزحة أخوية)

والمواقف الطريفة على الرغم من كثرتهـا إلا أن "صعقات" الحياة تنسينـا إياها وتجعلنـا نحاط بالمؤلم والمتعِب فقط ، وعندما ألملم شتات أفكارى سأعود بها ان شاء الله.


مع الود اخى الكريم

سرنوه
09-09-2004, 10:06 PM
بعد إذنك يا بواميره أرد على المواقف اللي ضحكتني
:u:

أصايل الشرق
مشكله والله من الفاينل ..
بس زين انه سوى فيكم هالسواه مو أكثرررر
:y:



ALSRAAAB
مساكين الهنود ..ما نتفاهم معاهم بس نستخدم اسلوب القوه..خخخخ
:D:



الحنين
ننتظر مواقفج
k*



ويا بوأميره
بصراحه المواقف اللي تمر عليها ككككككشخه بس وهقه..
:i:
بس يوم سالفة النافوره اكيد قعدت تضحك على عمرك وااايد لأنك في البداية ما تعرف شو السالفه..
:l:
بس يالله ان شاء الله ايامك كلها تكون وناسه..
:x:

وعاد عاجبني موضوعك وكل شوي بطب عليكم اهني ..
:D:
وياريت الكل يتفاعل ويكتبون لنا مواقف تضحّك..

عبدالله الأهدل
09-09-2004, 11:59 PM
الحنين
موضوع نكشه .. أعتز وأفتخر فيه .. وكان يحكي واقع الشارع .. العربي والخليجي والسعودي خاصه ..
وطبعا" هذا الموضوع .. حفظ مع المميزون ..
ولكن هنا بعد أن أكمل فضائح أبو أميره ومقالبه .. انتقل إلى نوع آخر ..

وبعدين حرام عليك ..
زيت إيه وهباب إيه ..
تراني من صدق ماني هندي ( شاك في نفسه ) ..

تسلمي والله يا أم عبود ..



سرنوه
تفضلي ولك الحق ..

وبعدين أنا ماكملت نهاية موقف النافوره .. والله نهاية ولا نهاية فلم هندي ( باقي مركز انا على الهنود )
لا يكون لنا عرق هندي .. ياللا كلهم بشر ..


نهاية الموقف ..
لا مو هالحين .. اخليها شوي ..
بس محد سأل ولا اتوقع وش سويت ..

سلام

أصايل الشرق
10-09-2004, 12:42 AM
حياكم الله من يديد ..

أخ أبو أميرة ..
الله يعينك على ماابتلاك ..يبدو إن الشكل والعقل سيم سيم هنود ..


أتوقع إنك تحضر خويك (سليم) يكسر معك النافورة والعمارة بكبرها ..


>>تنتظر نهاية الموقف ..

ALSRAAAB
10-09-2004, 03:08 AM
السلام عليكم ورحمة الله

كالعادة .. وكعادة المدينة التي أعيش بها .. وعشت بها ..
أن البس ترنق رياضه .. وهي في العادة أكثر مما البس الثوب والشماغ .. الذي يميز هويتي ..

فمن ذلك .. حصلت لي بعض المواقف ..

* كنت نازل من عند صديق .. ومتجه إلى سيارتي .. وإذا بإمرأة مصرية مع زوجها وواقفه أمام سيارتهم .. تنادي علىّ .. وقالت : صديق ( يعني رفيق ..) لو سمحت غير الكفر .. ( وزوجها جالس بالسياره ) فقلت طيب فقط ولم أنطق بأي كلمه بعدها : وقمت برفع السيارة .. وتغير الكفر .. ووضع الكفر المبنشر في الشنطه .. إلخ .. ..
وعندما هممت بالإنصراف ..
وإذا بها تقول لي شكرا" .. وتمد لي بخمسة ريال جزاء تعبي ..
فهنا نطقت وتكلمت وقلت لها : لا والله مايصير .. عيب كذا ..
فعند سماعها اللهجه العربيه الخليجية .. وإذا بها ( مسكينة ) تتلعثم بالكلام ..
وتقول الأخ سعودي
قلت لها نعم ..
فقالت بتلعثم وإرتباك .. يالهوي يالهووووي .. والله انا أسفه يابيه .. مكنتش أعرف .. الى أخر الإعتذارات ..
فقلت لها .. مافيها شيء .. إحنا نخدم لوجه الله ..
وحتى زوجها نزل من السيارة وقدم الإعتذار ..
أنتهى الموقف ..

فماذا أستنتجتم رعاكم الله من هذا الموقف ..


موقف أخر

كنت ممتطى جوادي ( سيارتي ) وفجأة يأتون شباب على سياره كامري .. ويسقطون عليه .. فقمت بردها لهم ( والله ليس عباطه .. فقط لأشوف ردة الفعل ) ..
وإذا هم يسرعون ويسبقوني ويحدوني ( أي ضيقوا عليه عشان أوقف ) بالفعل وقفت .. ونزلوا الإثنين ..
وقال واحد منهم ..
إشفيك ماتشوف ياإبن ... يا.....
فنزلت من السياره .. وقلت له :
أولا" إحترم نفسك وتكلم بأدب ولا والله .. الخ ..
فسكتوا ..
وقال الآخر ..
الأخ .. سعودي ..
قلت لا هندي .. متجنس ..
ضحك وقال ..
ياخي والله نحسبك هندي ولا أجنبي ..
السموحه والله .. وأستر ما واجهت ..

ضحكت منهم ومن فعلتهم ..


فماذا أستنتجتم رعاكم الله من هذا الموقف الآخر ..

وهناك عدة مواقف ..

وللعلم ..
شكلي لا يقارب للهندي ولا لغيرة .. بس قلة الأدب .. والجهل .. من بعض الشباب ..

موقفك الأول يا أبو أميره يدل على حسن أخلاقك 00ونبلك
وموقفك الثاني لا تواخذني ولا تزعل علي إن قلت لك إن قيادة السيارات في المملكه
فضيعه00 مخيفه 00(القياده فن وذوق وأخلاق ) وأنا أزور المملكه في السنه مرتين الي ثلاث مرات
ودائما تتعب نفستي من قيادة الناس هناك00 قليل منهم يتساهل معاك الأغلبيه يبون الشارع لهم
وهذه قلة أدب وأنانيه 00 ولكن تعاملك مع الشباب اللي ذكرت اعتقد أن الله ستر عليك 00 لأنهم
لما حدوك هذي قلة أدب منهم وممكن يكونون عصابه ومجرمين أنا لو كنت مكانك ما أوقف 00ولا أصير عنيد00 يعاندوني واعاندهم الله ستر وما صار لك حادث بسببهم

وبالنسبه لسؤالك (ليش) بعض الخليجيين يشبهون الهنود 00
أنا أكثر مراجعيني من الكويتيين 00 إذا لبسوا الدشداشه والغتره صار شكلهم عادي
أما إذا لبسوا بلوزه وبنطلون كثير منهم احسبه هندي الي درجة أني تبت عقب موقفي هذاك
قمت اكلمهم عدل أخاف يطلع كويتي وانا احسبه هندي00 وفعلا يطلعون كويتيين أو خليجيين


تقبل تحياتي

ابو طيف
10-09-2004, 03:18 AM
ههههههههههههههههههه

ابو هنود كيف حال انت

انت في كويس


:)

للأسف هناك نظره تحتيه :)


حلوه تحتيه :)

نظره تحتيه للهنود والاجانب بشكل عام من العماله الكادحه

في الخليج بالذات ننظر لهم على انهم عبيد ونتكلم عليهم ونهينهم

حتى اطفالنا يرمون عليهم الحجاره وكأنهم ليسوا ببشر


هذه نظرتنا لهم وهذا مااستنتجته من كلامك :)


لامواقف لدي زحمه والله المكان :)

أنين
10-09-2004, 06:45 PM
اخي اهلا بك ...تعلم اخي جعلتني اتخيل شكلك .لو ان هناك لم يكن تقارب في الشكل ما وقعت في تلك المطبات ليس مهم الشكل المهم الاخلاق ((((((((((((((( رفع معنويات فقط ))))))))))))))
>>>>>>>>>>>>>>>>يتبع

أنين
10-09-2004, 06:46 PM
حدث معي موقف
انا مشتركة في نادي ..وعندما نتدخل تكون هناك موظفة الاستعلامات تسجل الاسماء
كانت الموظفة جديدة شكلها يدل على انها من البلاد الاسيوية ...
عندما دخلنا ..ابتسمت ابتسماتها العريضة ...فقلت بصوت مسموع .. يزين الانشكاح مع الضروس
وانقلب وجه المستورة ..واخذت صديقتي تقول الله يخسك فشلتيني الله بفشلك..لانها طلعت عربية
يكفى هذه ونخلي الطابق مستور .....
تحية

سرنوه
11-09-2004, 12:58 AM
سبحان الله
:cd:





..المهم..
شكراً يا بوميره ولا تاكل هم بخذ راحتي وزياده بعد ..
:y:
^
^
بتلف على الأخضر واليابس..
:D:




بو أميره ..
لازم
يعني
لازم
يعني
لازم تكمل لنا الموقف
ولاّ
:h:
يالله أنا في انتظاررررررك






بوطيف
ما شاء الله عليك وين ما تروح يكون فيه زحمه..
الزحمه هاذي بس عشان انت موجود
:u:

وما يصير ما تقول لنا مواقف مرّت عليك
:k:
يالله أنتظرررررررك





أنين
هدّي اللعب شوي ..
والله تذكريني بنفسي
*c
يوم أكون مع ربعي جيــه..ما أخلي حد في حاله




ويالله ننتظرررر بقية الأعضاء ..
ويييينكم
:mad:

أصايل الشرق
11-09-2004, 01:32 AM
أنين[/B]
هدّي اللعب شوي ..
والله تذكريني بنفسي
*c
يوم أكون مع ربعي جيــه..ما أخلي حد في حاله



^
^
أقول سرنووه ..تقدرين تتضحكين على خلق الله وإنتي بروحج )k

صراحة
أشششششششششششششك :j:
:D:

النحلة
11-09-2004, 04:07 AM
(( وللعلم ..
شكلي لا يقارب للهندي ولا لغيرة ..))

لو لم تذكر هذه الملاحظة لكانت أول استنتاج لي من مواقفك . .
أما وقد ذكرتها فأقول . .
أن تجاوبك بدون تردد في الموقف الأول قد تكون صفة نادرة في مجتمعنا . .
وإن فعلها أحدهم فتؤخذ على أنه مغفل . . . وهذا ما أثبت عكسه في تصرفك - أثابك الله -

أما الموقف الثاني :
فهي ليست بغريبة على شبابنا ! ليش ؟ ما أدري ! . . بس جميل جداً إن الموقف إنتهى بسلام . .


أما المواقف ..
أذكر مرة كنا طالعين رحلة برية من أجمل ما يكون ، وكعادتي أطلب من أخي الموقر تعليمي السواقة ( قيادة السيارة) .. ذلك اليوم هداه الله وصاير شحليله يشرح لي الريوس والفرامل والخرابيط . . المهم قال : إيش رايك ( طبعاً السيارة هايلكس ) تركبين ورا في الصندوق ، صرت مؤدبة ذلك اليوم وطعته توني حاطه يدي على الباب ورافعة رجلي إلا ويحط رجله ويطير وهات ياركض ! ! أبي أفك بس أخاف أطيح ، أبي أركب مسرع مره . .
بعد إيش رحمني و وقف , , بس كانت هاذي آخر مره أفكر فيها إني أتعلم السواقة! !

رجاءً . بدون إحراج . لحد يسأل رجولك إيش صار لها ؟ !

عبدالله الأهدل
11-09-2004, 12:06 PM
أصايل



كثر الله خيرك ..
هالحين منوه وقايل ( شكلي لا يشبه الهنود )
تروحي بتكحليها .. تعميها .. وتقولي ..
الله يعينك على ماابتلاك ..يبدو إن الشكل والعقل سيم سيم هنود ..

تسلمي والله ..
وانتظري نهاية الموقف المضحك ..



..........

السراب

يعطيك العافية ..

والله من ناحية السواقه بالمملكة .. فحدث ولا حرج
وخاصة بالرياض .. وجده ..
يعني عالم مستهتره .. أو الهستريا .. مهستره ..

وبعدين أنتبهي .. ولا تحشي أحد
سوا لابس دشداشه ولا غيره ..
أتوقعي .. قبل توقعي ..

تحياتي الخاصه لك ..


......

أبو طيف الحبيب

أولا " : وحشتني .. وأحبك في الله يارجل ..

ثانيا" : أحترم نفسك وحاسب على ألفاضك ..
وش يا خي .. ابو هنود .. أفــا والله ..
والهمدو لله انا في كويس ..

أما عن التحتية ..
فهي فعلا" حلوه كلمة التحتية ..

والله يا بو طيف ..
أني لما اشوف اجنبي يتهزاء أو يشتم أمامي .. أتضايق ويثور دمي ..
واخجل .. والله ياحنا سمعتنا برا .. فوق تحت .. وتحت كل تحت .. الناس يكرهونا .. ويحقدون علينا
ويعتبرونا متخلفين .. ومتكبرين ..
ولوا زي مايقولوا :
وش حدك على المر .. قال : إلا أمر منه ..
لكان والله ماصبر أجنبي هنا .. إلا وأخذ حقه .. أو رحل .. بسلام ..

لكن يعجبوك .. الباكستانين .0.
والله ما يخلوا حقهم .. ولا يفكروا في أحد ..

والمواقف فاضيه .. تفضل خذ راحتك

تحيه من الأعماق ..

عبدالله الأهدل
11-09-2004, 12:20 PM
أنين ..
حياك الله ..

اخي اهلا بك ...تعلم اخي جعلتني اتخيل شكلك .لو ان هناك لم يكن تقارب في الشكل ما وقعت في تلك المطبات ليس مهم الشكل المهم الاخلاق ((((((((((((((( رفع معنويات فقط ))))))))))))))

لا والله .. رفعتي معنوياتي مره ..
أقول اعقلوا هداكم الله ..
لا تعيروني بما ليس بي ( يبي يصرف الموضوع .. شكله تدبس في أبو هنود ) ..

أما عن موقفك ..

شفتي شلون .. حسبتيها أسيويه ..
زي ماهم حسبوني ( استرالي .. قصدي اسيوي ) بالعربي هندي .. وليه اداري ..

تحيه طيبه لشخصك الموقر
وياهلا..



............

سرنوه ..

خذي الأخضر واليابس ..
بس بقي شوي .. يمكن نحتاج منه شي ..

والموقف .. بقوله ..

وبعدين ردي على أصايل ..

أقول سرنووه ..تقدرين تتضحكين على خلق الله وإنتي بروحج

صراحة
أشششششششششششششك
......

أصايل ..

تحيه ..

علميني .. هي جبانه .. مثلا" ..
يعني لحاله .. تخاف تسوي شي ..
كله جايز ..


.....

النحله ..
ياهلا فيك ..

الحمد لله .. انك قريتي التنويه .. ولا كان طالني منك ماطالني من اللي قبلك ..
..
أما عن موقفك ..
شي طيب ..
بس
كعادتي احب اتلقف .. وأسأل
وش صار لرجولك .. هههههه

اشكر لك لطفك وحسن أدبك ..

وياهلا

عبدالله الأهدل
11-09-2004, 12:29 PM
نهاية الموقف

المهم ..
طنشت وواصلت المشي وسط النافوره بس بإنحراف الزاويه .. إلى ان وصلت للصراف
ووقفت في السرا .. وثوبي و ( جزمتي ) اعزكم الله .. تقطر ماء .. والناس تطالع فيه ومستغربه وفي واحد سألني بلطف وقال ماشفتها .. صح .. ؟ قلت إيه والله ما أنتبهت لها ..
قال : مو أنت أول واحد يصير فيه كذا ( بصراحه جدد الثقة بنفسي ).. بس اللي قبلك يوم حسوا إنهم وسط النافوره رجعوا .. لكن أنت واصلت . وماقصرت ..
قلت : إذا وقعت يافصيح لا تصيح ... . إلا ان صرفت وانتهيت .. وعند مغادرتي الكاونتر وإذا بالعامل يتبعني بالمساحه( يمسح الماء اللي يقطر من ملابس ) إلا أن خرجت من ذالك الباب النحس .. ولم أسترد عافيتي إلا وأنا بالسياره .. وانفجرت ضحك على نفسي ..

بالله وش رايكم ..
قوي وجه ..

سرنوه
11-09-2004, 05:24 PM
هههههههههههههه

بوأميره والله انك قوي عين....:)


لي عوووووده ..أنا على عجاله ..

است طائرا
11-09-2004, 05:55 PM
الاول موقف محرج صار معى ولكن انا كنت مكان المصريه

عبدالله الأهدل
11-09-2004, 08:55 PM
سرنوه ..

لا والله ماني قوي عين ..
لكن ..

الموقف كان أكبر من العين ( عشان كذا ما شفت ) ههههه

انتظر عودتك ..



..........

أست طائرا" .. أو لست طائرا" ( اعتقد هي الصح .. قد يكون وقع خطا عند التسجيل )

المهم

زادني شرف حضورك هنا ولتي كانت ثاني مشاركه لك ..

وياليت تحكي لنا القصة ..

لك الشكر

سرنوه
12-09-2004, 12:57 AM
بوأميره
صحيح انه اكبر من العين
بس الصراحه إنت
:kk
لا ..وتروح تكمل وتوصل عند الكاونتر ..
*c
انتوا الرياييل ما شاء الله عليكم وايد عجازيــن..
:D:
أما لو أنا ..والله برجع البيت وبعدين أروح المكان اللي أباه ..





أصايل الشرق
تبيني أضحك بروحي ..
وأنا وحيييده ..
شوووو تخبلت أنا ولا عقلي خف!!
:D:
وبعدين أنا من النوع الخجووول..
ويوم أكون مع ربعي أرتبش معاهم
k*
غير ذلك ..أنا هاديه وما يخصني في أي حد ..





النحلة
ما فهمت موقفج ..
بس اللي فهمته انج خلاااص توبه ما تبين تتعلمين السواقه!!
:D:





است طائر
احس موقف المصريه محرج أكثر من موقف بو أميره..
:D:

عبدالله الأهدل
12-09-2004, 11:01 PM
سرنوه ..

شكرا" لك ..
بس هذا أحسن حل .. كان أمامي ( يكابر ) ..

انتظروا ..
موقف أخر ..

الوردة الحمراء
13-09-2004, 08:24 AM
بإنتظار البقية .. :x:

عبدالله الأهدل
13-09-2004, 12:00 PM
الورده الحمراء ..

شكرا" لمرورك الكريم ..

وشكرا" لمتابعتك الموضوع ..

وشكرا" لو القيت علينا موقف طريف حصل لك ..


والسلام

عبدالله الأهدل
13-09-2004, 12:29 PM
موقف آخــر


كالعادة .. عندما يرغب مواطن ما .. أن يفتح مكتبا" ما.. أن ينفذ شروط معينه للحصول على ترخيص تجاري .. منها .. تركيب لوحـه بواجهة المحل .. وكانت جميع أوراقي كامله عدا اللوحه .. تتطلب أيام .وأنا على عجل . فذهبت لزميل لي مسؤل وشرحت له الموضوع .. فقام مشكورا" بمساعدتي والتوسط لي عند مسؤل الرخص لتسهيل أمري .. بخصوص اللوحه ..
وعندما ذهبت لذلك المسؤل وكان مكتبه يعج بكثرة المراجعين ( مثلي وشرواي ) ( شرواكم الطيب ) تقدمت إليه وقلت له أنا من طرف فلان .. قام وأعطاني أوراق وقال عبها وجيبها ..
وكان من ضمن هذه الأوراق .. بيان عن مساحة اللوحه وقياسها .. والتي بموجب هذا القياس يتحصل الرسم ( رسوم الدفع ) ..
طبعا" ولعدم خبرتي في هذا الأمر .. قمت وكتبت مقاس اللوحه ( 5 متر طول / 5 متر عرض ) والواجب أو المعروف أن يكون القياس من ( 2متر طول / ومتر عرض ) ..
المهم قدمت الأوراق له ..
شافها وشاف المساحه اللى أنا كاتبها .. وقال ( 5 متر عرض في 5 متر طول )
وقتها حسيت إني لخبطت وجبت العيد .. والناس مستغربين .. من كبر مساحة اللوحه ( اللي أكبر من شاشة السينما ..
قمت وبكل ثقه ..
قلت له : كبيره صح ..
قال : إيه كبيره مره ..
وعشان أحفظ ماء وجهي .. قدام الناس اللي هناك ..
قلت له : أنا ابغها كذا .. كبيره ..
قال : بكيفك .. خلاص تعال بكره عشان تسدد الرسوم .. ( وطبعا" كلما زادت المساحه ..زادت الرسوم)
أنتهى الكلام مع الموظف ..

وعشان أنا شاك إني ملخبط الدنيا ..
رحت بسرعه لخويي وقلت له على المصيبه اللى سويتها ..
قال : الله يفضحك .. 5 متر في 5 متر .. كذا بتغطي على نص العماره .. فلوسك زائده ولا إيه ..
قلت : المهم .. الحل ..
قام يضحك وأتصل على المسؤل وقله : ترى الرجال جاهل مايعرف شي وأستحى قدام الناس .. وقال : عدلها إلى 2 متر طول في 1 متر عرض ..

المهم عدلها الرجال وماقصر ..
ويوم رحت له اليوم الثاني جلس يضحك ويقول 5 متر في 5 متر ..
ويقول لا والمشكله واثق من نفسك يوم تقول .. كبيره . أنا ابغاها كذا ..
أعتذرت منه .. وقلت والله ما ادري وشلون طلعت مني ..

انتهى الموقف .. بالنسبة لي ..
لكن بالنسبه لزملائي .. ما أنتهى .. كل مايشوفوني .. يعلقوا عليّ ..

وش أسوي h*

سرنوه
13-09-2004, 08:01 PM
ههههههههههههههههههههه

لا ..بس حلوووو انه الواحد ينقذ نفسه في المواقف المحرجه مثلك يعني ..
:u:

الظاهر صارت عندك خبره من كثر هالمواقف المحرجه يا بوأميره ..
*b





الورده الحمراء ..
مو على كيفج تمرين جيه لازم تكتبين لنا موقف ..
:k:

عبدالله الأهدل
14-09-2004, 09:51 AM
سرنوه

صباح الخير ..

( الظاهر صارت عندك خبره من كثر هالمواقف المحرجه يا بوأميره .. )

بالطبع ..
مو الناس يقولوا الدنيا تجارب ..

ومن كثر التجارب أصبح لدينا البعض من الحنكه والتصرف السريع .. والحمد لله

واللي يبي زي كذا .. لازم يمر على ميدان التجارب ..

لكن يحط في باله المثل القائل ..
لا يلدغ المؤمن من جحرٍ مرتين ..

وشكرا" لك على المتابعه

الوردة الحمراء
14-09-2004, 12:39 PM
تجارب ..قد تكون قاسية أحيانا

عبدالله الأهدل
14-09-2004, 09:44 PM
اختي الورد الحمراء

تحية

نعم بالفعل .. تجارب قد تكون قاسيه ..
والمرء كيف يتعلم إن لم تكن البعض من تلك التجارب قاسيه ..

لك الشكر لعودتك مره أخرى ولمشاركتك ومتابعتك الطيبه

لا حرمنا الله هيك أعضاء

ALSRAAAB
14-09-2004, 10:04 PM
ومو قفك الأخير

هههههههههههههههههههههههههههههههههه

والله احرااااااااااااااااج بس طلعت شاطر

كملت حاجتك ومشيت ما همك أحد

لو كنت مكانك اذا البلل بسيط أكمل

أما اذا مبلله كلني ما اقدر اكمل





بـــــــس









أروح للسياره لحد ما أنشف

وحر الكويت كفيل بأنه ينشف

البلل في خمس دقايق 00 ههههه

وبعدها ارجع ما همني أحد وأكمل

حاجتي

سرنوه
14-09-2004, 11:58 PM
أهلاً بو أميره
مساء الخيرات
:u:

وهذا موقف أخر يحمل شيئاً من الطرافة


كنت يوم من ايام الجامعه مشتركه في مهرجان ..وكنا مضطرين نقعد أربعاء وخميس وجمعه في السكن الجامعي ..وفيه سكن مخصص دايماً حق اللي ما ينزلون يقعدون فيه ..طبعاً قعدنا في غرف فتحتها لنا الاداره وبإذن صاحبات الغرفه..
..المهم ..
أنا وصديقاتي بنات دفعتي يعني اللي في مثل سني ..توالفنا في غرفه من الغرف ..
k* k* k* k*
والغرفه كانت لناس فقارى ..
)k
الله يذكرهم بالخير..يعني تعرفون على اخر الاسبوع الأكل والعصاير وأي شي يتاكل يفنقش..
:D:
ما لقينا فيها إلا علبة كلينكس والثلاجه فاضيه ووصخه وكتب والحجره ما تشجع الواحد أنه يقعد فيها ..
المهم يوم الجمعه ..شلينا أغراضنا ولازم نخلي الغرفه مثل ماكانت أو أحسن..أنا وجماعتي ما شاء الله ما خلينا فيها شي..
(تبون الصدق ما فيها شي هو الكلينكس بس صادرناه
*c
..بصراحه نظفنا الغرفه وغسلنا لهم الثلاجه وترسناها عصاير
وحطينا على طاولتهم الشيبسات والبفكات والكاكاوات)..
:kk
..قبل ما تجينا الباصات عشان تنقلنا للسكن ..كانوا البنات جايين للسكنات الجامعيه ..فأنا واربيعاتي قررنا نروح نشوف أصحاب الغرفه اللي كنا قاعدين فيها ..وبعد ما رحنا شوفوا الاستقبال كيف كان ..
:h:
دخلنا المبنى وكالعاده الكل يطالعنا لأنه كل أنواع الشغب فينا وخصوصاً على السلالم وصعدنا للدور الأول ..واتجهنا للغرفه اللي كنا فيها ..دقينا الباب بكل أدب واحترام ,,
:D:
طلعت لنا وحده لأنه الغرفه كان فيها اكثر عن 3 او4 بنات وسألناها بكل عفويه وروح مرحه ..وين بنات هالغرفه؟
:)

^
^
:k:
تشوفوا هالأيقونه ..
كانت وحده من هالغرفه جيه ملامحها ..
كأنها الآنسه منشن وجدامها سالي ..
:y:
واحنا مستغربين جداً ليش هي معصبه ..وتقول لنا : انتوا ..انتوا اللي كنتوا في غرفتي ..لحظه ..اصبروا شوي ..
:z:
واحنا جيه>>>>> :e:
دخلت الغرفه ورجعت وفي ايدها عشر دراهم ..
:xc:
قمنا وشردنا انحشنا يعني ونرررركض بين البنات والكل مستغرب منا ليش هالفوضويه
:D:
تعرفون ليش كل هذا صار؟
:cd:
في هالتمــه يعني يوم قعدنا اربعاء وخميس وجمعه اشترينا كل الاغراض اللي نباها الا شي واحد اللي هو الكلينكس..والكلينكس اللي في غرفه هالبنات استخدمناه فكتبنا لهم رساله وحطينا لهم 10دراهم عشان ما ينحسب على ذمتنا ..
:u:
يوم عمري ما بنساه ..احنا رايحيين نسلم على بنات الناس قمنا وانحشنا عنهم ..
:y:

خبروني ..شورايكم بالموقف .!!
*b

عبدالله الأهدل
15-09-2004, 09:03 PM
السراب ..

تحية عطرة ..

وش اسوي وبعدين هي جات كذا .. ( طنش تعش تنتعش ) ..
لا وكمان حر الدمام وكتها كان كفيل بتنشيف الملابس خلال دقيقه ..

أعيش وأكل غيرها ..

شكرا" لك ...



.........

سرنوه

تحية طيبة

أشوى ما مسكتم مع شوشتكم وضربتكم .. ورمت أغراضكم اللى جابينها في وجيهكم ..
هم قراده .. وانتم على نياتكم ..
رديتوا تشوفون اشلون نفسياتهم .. يعني بالعربي كنتوا تتمنوا ولو كلمة شكر .. أو مدح ..
ولكن تجري الرياحو بما لا تشتهي الجامعاتو ( تجري الرياح بما لا تشتهي السفن ) ..

وخيرها بغيرها ..

تسلموا

الحنين
15-09-2004, 09:23 PM
كلما أرى موضوعك.. وأريد أذكر موقف طريف... ما ألقى.. إما بسبب النسيان.. أو بسبب مرارة الطرفة!!
ولكنى متابعة :g:


مع الود أخى الكريم :nn

عبدالله الأهدل
16-09-2004, 05:35 PM
الحنين الموقره

...كلما أرى موضوعك.. وأريد أذكر موقف طريف... ما ألقى.. إما بسبب النسيان.. أو بسبب مرارة الطرفة!!

إمـــا بسبب الإســراف قصدي الإشــراف ..

المهم لا بد تذكريني موقف .. قبل نهاية العرض ..

تحية طيبة

والشكر للمتابعه

سرنوه
17-09-2004, 12:09 AM
ههههههههههههههههه

ايه والله انت صادق يا بو أميره ..

بس ويييييييينكم ما اشوف مواقف ..!!



الحنين

..يالله ننتظر منج موقف ولو واحد ..:)ليش صايره تنسين ..!!

ALSRAAAB
17-09-2004, 12:28 AM
واااااااااااااااو سرنوه 00 موقفك يذكرني بتمردنا أنا وعمتي أيام الثانوي 00ههههههههههههههه كان بيت جدي قريب من المدرسه ولكن منطقتنا كانت جديده وبيوتها متفرقه ومليانه عمال ومنعتنا ادارة المدرسه نروح مشي للبيت قالوا إما بالباص أو أهلكم ياخذونكم في الهده (نهاية الدوام)00 وإذا رحنا بالباص يوصلنا أخر ناس واذا قلنا لأهلنا قالوا ارجعوا مشي واحترنا فقمنا نغافل الحارس والمدرسه ونتسحب وننحاش للبيت ركض ههههههههه حارسنا كان شايب ما له أمل يصيدنا يحلقنا بالخيزرنه واحنا كل يوم ننحاش ركض ونضحك 00 وبعدها تعود وطنش اوامر الناظره(مديرة المدرسه) 00


بو أميره
اليوم كنت بالسوق تخيلت شكلك وانت بوسط النافوره وقمت اضحك بوسط الناس 00الله يسامحك 00صار شكلي غلط:p

سرنوه
17-09-2004, 01:09 AM
السراب

أحلى شي هالمواقف اللي تصير لنا في المدرسه والجامعه ..والله أيامـ ..
وخصوصاً يوم نكون مع ربيعاتنا ..
:kk
بس مسكين الحارس..لا حول ولاقوه ..مشاها لكم ..
:y:

أولاد الجزيرة
17-09-2004, 09:54 AM
شكرا لك استاذنا الكريم عبدالله الأهدل
مواقف طريفة نتعلم منها اهمية حسن التعامل

عبدالله الأهدل
17-09-2004, 10:45 PM
سرنوه
السراب

لكما الشكر أيه الثنائي المرح ..

أولاد الجزيرة .. لك الشكر أخي الحبيب

فهد_99
17-09-2004, 11:31 PM
موقف ظريف :l: موقف ظيف :l: موقف ظريف :l:
و الله ماعندي غير هذا التوقيع

عبدالله الأهدل
18-09-2004, 10:33 AM
شكرا" لك أخي فهد 99
ويازين الأذاني ..

فهد_99
19-09-2004, 01:35 AM
شكرا" لك أخي فهد 99
ويازين الأذاني ..

فهد حاف e* جنرال فهد و هذي الرتبة

الحنين
19-09-2004, 12:39 PM
عصرت فكرى لتذكر موقف لا أظنـه به كثير من الطرافة بقدر ما هو من المواقف التى لن أنسـاها أبدا.
فى احد سنوات الجامعة كانت من قوانين الجامعة لبس الزي الموحد أى تخصيص ثلاثة ألوان لارتدائهـا فى الجامعة وهي الأبيض والأزرق والرصاصي،، وبعض الأحيان يقف العميد أو مساعده على بوابة الكلية صباحا لرؤية المخالفين للزي،، وقتهـا (ومن حسن حظي) أن أرتدى بلوز منقط من اللونين الازرق والابيض (اي لا خلاف فى اللون) تحت جاكيت، وإذا بمساعد العميد يوقفنى آمرا لا تدخلي زيك مخالف، أخبرته أين هو الخلاف حيث لم ألبس لون خلاف 3 ألوان المسموحة ، قال: منقط لأ؟؟( كان للتو متعين مساعد معيد ويريد اثبات وجوده)،
ترجيته بأنى لا أستطيع الرجوع لبعد بيتى عن الكلية ، رد بصلافة: مو مشكلتى!! :mad:
قلت: الله يخليك أنـا كنت قادمة من مدة اجازة مرضية حيث كنت أعرج برجلي، وثانيا أنت أستاذى. قال: وعشان انتِ طالبتى ما تدخلين،، وهذا آخر كلام، قلت: شلون ترضى لبنتك أن ترجع لوحدهـا فى تكسي تلك المسافة البعيدة؟؟ قال: مو مشلكتى، ولا تحاولين تكسرين خاطرى أو تبكين!! وصلت الى مرحلة انفجار وبما إنى (ام دميعة) إلا انى وقفت صامدة دون انفعال، قائلة: الله يجازيك وخرجت. ولكن ذهبت للباب الخلفية للكلية حيث لا يوجد سوى الحارس، ودخلت ولكن لم أدخل محاضرته فى ذلك اليوم،، وبعد يومين لم يأتى للمحاضرة وبعدها بأسبوع كذلك ، إلا جاء الخبر أنه راقد بالمستشفى لإجراء عملية جراحية( مصران أعور)!!وبعدهـا بشهر جاء لمحاضرتنـا وأول ما دخل نظر لي نظرة حانقة قائلا: ألست أنت من أوقفتك على زيك المخالف وكنت تعرجين؟؟ قلت له نعم،، أسألك سؤال أرجو أن تجاوبى بصراحة عليه، تفضل،،قال: لما رفضت دخولك هل دعيتي علي بقلبك؟؟
قلت: تريد الصراحة؟؟
نعم!!
لأنك لم تنصفنى وأنـا لأول مرة أحد يوقفنى للمخالفة وترجيتك لكونى لا أستطيع الرجوع وحدى للبيت وأنـا بتلك الحالة،،ضحك مع كل الطلبة الموجودين،،
قال: ماذا قلتى؟؟ ان اجبت بصراحة لكِ خمس درجات فى المعدل،
أجبته: سأقول رغم أن معدلي عندك جيد جدا.. قلت: ياربِ تحرق قلبه مثل ما حرق قلبي!!! :e:
صمت مدهوشا وسط صمت الجميع وكأنى واقفة أمام محكمة، :confused:
تصورت أنـه سوف يفصلنى من مادته ولكن قال: انت من أبوك وما أسمه؟؟
أجبت: من غير ما أذكر اسمه يكفينى فخرا أنه أبي!!
وقتهـا ابتسم ابتسامة عريضة قائلا: بنت أبوك بحق، والتفت لباقي الفصل قائلا: دير بالكم لا تزعلونها ترى تدعي عليكم دعوة توديكم لورى الشمس. ومن يومهـاأصبح لين الطبع مع الجميع!! :D:


أرجو أن لا اكون أطلت عليكم،، f*
ولكن هذا اللى تذكرته (يا سرنوه) ، فالكبر شين!! :(

سرنوه
19-09-2004, 03:57 PM
ههههههههههههههههههههه

الحنين ..
بعدج للحين في عز شبابج ,, :u:

وشر البلية ما يضحك وما يبكي بصراحه ..
*c
ودعوة المظلوم مستجابه ..مو كفايه انه احد موصلج ويبييج تردين بعد ..

صادقه في دعوتج عليه
:y:
و

موقفج ذكرني بموقف مر علي سبحان الله نفس حالتج ..
يوم كنت في صف 2 ثانوي ..وطبعاً علمي مدرسة الرياضيات ماكانت تشتغل بضمير ..وتشرح لنا اشياء واشياء لا ..وتبي البنات يروحون لها وبتشرح اللي يبونه :c: ..سبحان الله ..المهم ..في يوم من الايام حددت لنا قسم وقالت بعطيكم امتحان شامل فيه ..قعدت اذاكر وكلما يمر علي شي مب فاهمته أأجله لبعدين ..وبعد ما خلصت من المذاكره ياكثر المسائل اللي أجلتها واللي ابداً ما اعرف كيف يحلونها واصلاً أنا ما أحب ادخل غرف مدرسات الرياضيات :y: ..وأصلاً في الفسحه يادووووب نتنفس شوي من الدراسه ..!!.. :e: والله يا اخواني وخواتي اني دعيت عليها وقلت في نفسي " حسبي الله عليها " ومره من الخاطر ومن الزين ..في اليوم الثاني ما امتحنالأنها كانت غايبه f* ..وعرفنا السبب من بنتها لأنه وحده من صديقاتي تعرف بنتها وتكلمها فقالت لنا انه استوى لهم حادث مروري شوفوا شوصار فيها .. :l: انكسرت ريولها جبسوها يعني وبدت تمشي على عكاز :D: ..
وبقولكم على شي بس لاتخبرون حد )k ..سألنا بنتها متى بالضبط صار الحادث وخبرتنا ..وسبحان الله سبحان الله في هالوقت أنا كنت داعيه عليها ..مع اني عمري ما سويتها ولا دعيت على حد ..ومن ذاك اليوم احاول اني ما ادعي على حد ..المفروض الواحد يخلي أمره على الله ...وشو نسوي بخلق الله يوم هم ما عندهم ضمير وقلوبهم شر :( ..الله يسامحهم..ويهدي الجميــع ..
وأحس اني طولتها عليكم ..
وينك يا بوأميره !! :u:

عبدالله الأهدل
19-09-2004, 04:40 PM
جنرال فهد 99..
نأسف لعدم وضوح الرتبه .. لأن الأذاني مغطيه عليها ..

لك حق تزعل .. ثم لك حق نرضيك ..

عبدالله الأهدل
19-09-2004, 04:43 PM
الحنين ..

بصراحة ما عنده سالفه ..
كان الواجب .. يعطيك لفت نظر ( إنتباه ) في المره الأولى .. والمره الثانيه .. يعطيك أشكل .. يعني مع السلامه ويتمسك بموقفه ..
حتى لا يترك لدعوتك مجال ..

على العموم ..
رب ضارةٍ نافعه ..

تعيشي وتلبسي منقط ..

عبدالله الأهدل
19-09-2004, 04:45 PM
سرنوه ..

أولا" شكرا" لك ..

لإرغام الحنين على الكتابة ..

ثانيا" .. دعوة المظلوم مابينها وبين الله حجاب ..
سبحان الله ..

لك الشكر لتواصلك ..

حظ
19-09-2004, 05:11 PM
<center>


حلوووووووووووووووووة مواقفكم ... و بعد بعض الردود


من كم سنه كنت بالمستشفى ببلاد برع (وجه يكسر الخاطر ) كان عند والدي وجهة نظر انه ما يبلغ اي حد من العائله عن المستشفى يكتفون بالاتصال على السكن ..يعني سؤال من بعيد لبعيد


لكن في وحده مصره انها تزورني :D: ... سألت و سألت و ثاني يوم العمليه حظرت معاها باقه ورد

كانوا الممراضات كثيرين يسألون عن امي :(

اول ما شافوها قالوا لها انتي ماما

والله انا كنت نايمه
حسيت عليها و هي تهاوش الممرضه و تطلع معصبه و حاذفه الورد

عبدالله الأهدل
19-09-2004, 06:40 PM
وكمان موقف


هذا موقف آخر ولكن أنا الفائز فيه ..

في أحد الأيام ومن زمان .. كنت متجها" بسيارتي إلى الدمام .. وقبل الدمام بقرابة 100 كيلوا تقريبا" .. تفرع الطريق إلى طريقين .. ولا اعرف إي منهم طريق الدمام .. ( ما أدري يمكن الإرشادات طافت عليّ )
المهم ..
واقف حيران بين الطريقين ..

ولم أجد من أسأله سوأ شخص هندي كان واقف يطالع فيني .. سألته ..
صديق فين طريق Dammam
قال انا في يروح Dammam
اروح معاك ..
قلت له : لا انا بروح لحالي .. بس وين الطريق
قال .. مافي معلوم
( طلع نذل .. بيجبرني اخذه .. غصب ) ..
جلست افكر في نذالت هذا الصديق .. وقلت اوريك فيه ..

بصراحه أنا ما احب اشيل معي احد على الخطوط الطويله .. نفتك من المشاكل وغيره ..
يعني لو مثلا" أقربه للمحطه القادمه ... مافي مانع ... لكن يسافر معي للدمام .. I cnot..

المهم
اتخذت من مثل الفنان سعيد صالح اللي يقول
( عيش نذل تموت مستور ) ..

قلت للصديق ياللا أمشي .. بس بعشره ريال ..
قال OK.
يوم ركب وأطمن ..

قلت له : من وين ..
قال .. منا .. ------->

مشيت شوي .. ووقفت
قلت طيب شكرا" .. لو سمحت أنزل ..

قام يلخبط بالكلام .. انت مافي كويس ..

خليته يكمل براحته عشان ..

وواصلت طريقي ..

وكل ما أتذكر هذا الموقف أضحك .. على نذالتي ..

أستغفر الله ..


لو انكم محلي وش كان بتسووا

ALSRAAAB
20-09-2004, 02:48 AM
الحنين


والله فشله عميد واستاذ يوقفون عند باب الجامعه بس للتفتيش!! على ملابس البنات

( والله عيب )

مو عدله00 رجال يخز في البنت ويدقق بملابسها!! يا ناس مايصير!! وين الاهالي المفروض يحتجون00وما شاء الله عليج فيج صفتين حلوين حيل ( الصدق - الشجاعه) جاوبتي استاذج بكل صدق وشجاعه00

وسبحان الله00 صحيح الله ما يرد دعوة المظلوم دعوتج هذاك اليوم اصابت 00

~~~~~~~~~~~~~~~~~~~~~~~~~~~~~~~~~~~~

بو أميره

زين سويت في الهندي 00

والله هذا طبعهم ما عندهم مروه00

ويا كثر المواقف في السفر00

~~~~~~~~~~~~~~~~~~~~~~~~~~~~~

حظ
20-09-2004, 05:46 AM
<center>


عبدالله الاهدل .. لفت نظري يا اما يشبهونك بهندي يا اما موقف مع الهنود

:g:

صباح الابتسامات جميعاً

فهد_99
20-09-2004, 06:06 AM
رفيق ...أنا أكوي واجد مواقف ظريف لكن انت عرف تقرأ عربي ...يارفيق

فهد_99
20-09-2004, 06:14 AM
ههههههههههههههههههههه

الحنين ..
بعدج للحين في عز شبابج ,, :u:

وشر البلية ما يضحك وما يبكي بصراحه ..
*c
ودعوة المظلوم مستجابه ..مو كفايه انه احد موصلج ويبييج تردين بعد ..

صادقه في دعوتج عليه
:y:
و

موقفج ذكرني بموقف مر علي سبحان الله نفس حالتج ..
يوم كنت في صف 2 ثانوي ..وطبعاً علمي مدرسة الرياضيات ماكانت تشتغل بضمير ..وتشرح لنا اشياء واشياء لا ..وتبي البنات يروحون لها وبتشرح اللي يبونه :c: ..سبحان الله ..المهم ..في يوم من الايام حددت لنا قسم وقالت بعطيكم امتحان شامل فيه ..قعدت اذاكر وكلما يمر علي شي مب فاهمته أأجله لبعدين ..وبعد ما خلصت من المذاكره ياكثر المسائل اللي أجلتها واللي ابداً ما اعرف كيف يحلونها واصلاً أنا ما أحب ادخل غرف مدرسات الرياضيات :y: ..وأصلاً في الفسحه يادووووب نتنفس شوي من الدراسه ..!!.. :e: والله يا اخواني وخواتي اني دعيت عليها وقلت في نفسي " حسبي الله عليها " ومره من الخاطر ومن الزين ..في اليوم الثاني ما امتحنالأنها كانت غايبه f* ..وعرفنا السبب من بنتها لأنه وحده من صديقاتي تعرف بنتها وتكلمها فقالت لنا انه استوى لهم حادث مروري شوفوا شوصار فيها .. :l: انكسرت ريولها جبسوها يعني وبدت تمشي على عكاز :D: ..
وبقولكم على شي بس لاتخبرون حد )k ..سألنا بنتها متى بالضبط صار الحادث وخبرتنا ..وسبحان الله سبحان الله في هالوقت أنا كنت داعيه عليها ..مع اني عمري ما سويتها ولا دعيت على حد ..ومن ذاك اليوم احاول اني ما ادعي على حد ..المفروض الواحد يخلي أمره على الله ...وشو نسوي بخلق الله يوم هم ما عندهم ضمير وقلوبهم شر :( ..الله يسامحهم..ويهدي الجميــع ..
وأحس اني طولتها عليكم ..
وينك يا بوأميره !! :u:

على طاري مادة الرياضيات في الفصل الأول من رابع ثانوي وضعت الامتحان مدرسة و كان الامتحان صعب الكل زفت فيه و لله الحمد الكسلان و الشاطر حتى المدرسين عجزوا عن حل بعض المسائل المهم ماهي الا أيام و اذا بالمدرسة الي حطت الامتحان صارلها حادث و راح ترقد بالمستشفى لمدة شهرين على الأقل :y:

و في موقف ثاني لمن كنت في الفصل الأول في صف ثانية ثانوي ...كانت مادة الرياضيات بالنسبة لي أسهل و أسخف المواد ..من زود الثقة كنت أدرس مادة الرياضيات كني أقرأ جريدة و ما ان جاء اليوم الثاني و دخلت الامتحان توهقة و ماعرفت أحل شيء و طول الامتحان و أنا أسب الي حاط الامتحان و أدعو عليه ان الله يسقط اولدة حتى ان الي راقب علي كسرت خاطرة فصار المدرس يغششني لكن ماكوا فايدة سقطة في الرياضيات و حصل على درجة 25 من 100 :f:

عبدالله الأهدل
20-09-2004, 04:31 PM
الأخت الكريمة حظ ..

سعيد جدا" لتواجدك معنا .. وربما كانت المرة الأولى .. وإن شاء الله يستمر التواصل فيما بيننا ..

الحمد لله على السلامه .. ( لو إنها جات متأخره ) .. لكن الواجب واجب ..

وبعدين تستاهل ماجاها هذه الزائره ..
يعني هم الممرضات ماسوى لها شىء .. لكن

اختلط الأمر ..
فتفجر البركان ثائرا" ..

فأرتمى الور طريحا" ..

فهرب الزائر جريجا" ..

( حلوه القافية )

تحياتي ..

عبدالله الأهدل
20-09-2004, 04:35 PM
السراب ..

صدق والله عيب .. عميد الكليه .. عميـــــــــد الكليه .. بنفسه .. واقف يتأكد من لبس الطالبات ..
كبيره مره والله ..

شكله جديد .. يبي البنات يشوفوه ..


-----
اما الهندي ..
والله انه كسر خاطري .. لكن غصب عني ..

لك الشكر وخليك معنا ..

عبدالله الأهدل
20-09-2004, 04:38 PM
حظ ..

كنا طيـبـين ..
وشفينا ..

لا ني هندي .. ولا أشبههم ..

بس .. ربعنا هنا بالسعودية ..

أي واحد مو لابس ثوب وشماغ ..

أول مايروح فكرهم .. يروح على أن هذا الشخص هندي .. حتى تثبت برائتـه ..

يسعد صباحك ..

عسووووله
21-09-2004, 08:46 AM
http://www.arabsgate.com/karek/images/uploaded/pic_2004-09-11_190840.gif



إهداء خاص إلى الأخت الحنين








أخي عبدالله الأهدل

يعطيك العافيه

الحنين
21-09-2004, 12:48 PM
الحنين ..

بصراحة ما عنده سالفه ..
كان الواجب .. يعطيك لفت نظر ( إنتباه ) في المره الأولى .. والمره الثانيه .. يعطيك أشكل .. يعني مع السلامه ويتمسك بموقفه ..
حتى لا يترك لدعوتك مجال ..

على العموم ..
رب ضارةٍ نافعه ..

تعيشي وتلبسي منقط ..




ابو اميرة..
قلت لك يريد يتكشخ بالمنصب الجديد على "راسي".. ولكن كنت له بالمرصاد.
http://smilies.sofrayt.com/1/950/cleverman.gif
ولكن من الصدف الغريبة جدا.. وتمر الأيـام والسنوات، وتأتينى مكالمة فى منزلي ببلاد الغربة،من احدى القريبات وتقول لي أنهـا منى خدمة وهي تقديم أوراق (السي في) الخاصة بزوجهـا الدكتور الفلانى، وقالت لابد عرفتيه لأنـه كان يدرس فى كليتك السابقة، فأخذ منهـا الهاتف قائلا: أهلا بك ام عبدالله تشرفنـا بك وعلمت من زوجتى انك كنت طالبة فى الكلية الفلانيـة، ولابد تعرفينى ولكن اكيد لا أعرفك على كثرة الطلبة،، أجبته لااااااااااا: انت تعرفنى جيدااولا أظنك نسيتنى!!
صمت..وأردفت: أتذكر من رفضت دخولهـا الى الحرم الجامعي ، وبعدهـا رقدت فى المستشفى لاجراء عملية (الزائدة)،، ومن ثم سألتنى هل دعيت علي حينهـا؟؟
صمت صمتـا مطبقا..مستحيل تكوني أنتِ..http://smilies.sofrayt.com/fdm/pain.gif
قلت له ضاحكة : بل أنـا هي!!http://smilies.sofrayt.com/fdm/sunglasses2.gif
قال: بس لا تكونين شايلة علي بقلبك لحد الآن ، قلت: لا بالطبع..فلقد كبرنـا على ذلك،، وحقي أخذته فى وقتهـا، واللى أقدر عليه سوف أعمله.
الدنيـا كم هي صغيرة.http://smilies.sofrayt.com/1/r/auskosten.gif


على العموم..صج أنـا أحب المنقطhttp://smilies.sofrayt.com/fdm/thumbs-up2.gif


أمـا موضوع النذالة، فقد ذكرتنى بموقف سويتـه...انتظرونى :u:

مع الود
:nn

الحنين
21-09-2004, 12:52 PM
العزيزة سرنوه... شكرا على التحفيز...http://smilies.sofrayt.com/1/950/upset.gif[Automated by GetSmile]
من بعد تلك السالفة،، قاموا بعض الطلبة والطالبات، لما يبون يأجلون امتحان يقولون خلي "الحنين" تدعي عليه!!

http://smilies.sofrayt.com/1/k0/smashfreak.gif

الحنين
21-09-2004, 12:54 PM
الحنين


والله فشله عميد واستاذ يوقفون عند باب الجامعه بس للتفتيش!! على ملابس البنات

( والله عيب )

مو عدله00 رجال يخز في البنت ويدقق بملابسها!! يا ناس مايصير!! وين الاهالي المفروض يحتجون00وما شاء الله عليج فيج صفتين حلوين حيل ( الصدق - الشجاعه) جاوبتي استاذج بكل صدق وشجاعه00

وسبحان الله00 صحيح الله ما يرد دعوة المظلوم دعوتج هذاك اليوم اصابت 00

~~~~~~~~~~~~~~~~~~~~~~~~~~~~~~~~~~~~

بو أميره

زين سويت في الهندي 00

والله هذا طبعهم ما عندهم مروه00

ويا كثر المواقف في السفر00

~~~~~~~~~~~~~~~~~~~~~~~~~~~~~





العزيزة السراب:
كان ذلك من اختصاص مشرف ومشرفة الاستقبال، ولكن فى بعض الاحيان يقف (مساعد عميد) للاشراف من بعيد لسير دخول الطلبة بانتظام ولمدة عشر دقائق، ولكن كون المساعد توه متعين ويبى ينفش ريشه على الجميع، وريته كان مثل العميد،، فقد كان أبا بحق ومتسامح ومتفهم ومحترم جدا، وكان لا يحادث الطالبة والطالب إلا بابنتى وابنى...الله يرحمه حيا أو ميتـا، الدكتور عبدالمجيد الناصر.

مع الود
http://smilies.sofrayt.com/1/a/wavey.gif

الحنين
21-09-2004, 12:57 PM
عسووووووولة...
أهلا بك بيننـا وننتظر منك مواقفك العسـل..

مع الود http://smilies.sofrayt.com/1/a/wavey.gif[Automated by GetSmile]

سرنوه
21-09-2004, 01:36 PM
لـــي عووووووده ..

:u:

ابو طيف
21-09-2004, 01:46 PM
مريت اظحك بس :):)

سرنوه
21-09-2004, 09:33 PM
عبدالله الأهدل

هالمره انت الكسبان
a*

وبصراحه اكرررره ما عندي نذالة الهنوود..
زين اللي سويته فيه..
:D:



الحنين

مشكله والله
بس ما اعتقد أنج تدعين عليه عشان خاطر زميلاتج ..
:u:




بوطيف

تتظحك وبسسس
وانا مو قايله لك تكتب لنا مواقف ..
:k:
أو حتى لو موقف ..

عبدالله الأهدل
22-09-2004, 12:02 PM
الجنرال رفيق .. فهد 99

تحية عطرة ..

أنا معلوم عربي كويس ازا انت يبغى يشوف كلام مال انا .. انت يسأل ويقرا جواب في مهجر دموعي ..

تحيه لك

وعلى طاري الرياضيات ..
أنت اخذت مقلب كبير في نفسك .. لما توقعت أن الرياح تجري بما لا تشتهي السفن ..

انستنا والله .. وبارك الله فيك ..

عبدالله الأهدل
22-09-2004, 12:04 PM
عسوله المحترمه

أولا" سررت جدا" جدا" لإختيارك صفحتي كأول مشاركة لك ..

وهذا شرف كبير لي ..

كما أشكرك لحفاوتك بأم عبودي ..

تحية وياهلا

عبدالله الأهدل
22-09-2004, 12:08 PM
الحنين ..

شفت كيف الدنيا صغيره ... سبحان الله ..

وأما عن النذاله .. فهي أحيان تعجبني إذا كانت بلا ضرر .. ولتوسيع الصدر فقط ..

ننتظر .. موقفك مع النذاله ..

والسلام

عبدالله الأهدل
22-09-2004, 12:09 PM
أبو طيف .. الحبيب

بس أهم شيء تكون مبسوط .. ومستأنس ..

وحياك الله ..

عبدالله الأهدل
22-09-2004, 12:11 PM
سرنوه

ماني قايل لك .. ( عيش نذل تموت مستور ) أستغفر الله ..

وأحسن ماسويتي .. بـ أبو طيف ..

والدار دارك .. ودار الجميع .. والصفحه للجميع

ALSRAAAB
23-09-2004, 02:04 AM
الحنين

انا انتقد نظام الجامعه لأنه فيه خلل ما يصير رجل يدقق عالبنات

شكرا لك



~~~~~~~~~~~~~~~~~~~~~~~~~~~~~~~~~~

همسه بإذن بعض الناس

توهقة = توهقت 00 بالتاء المفتوحه
سقطة = سقطت 00 بالتاء المفتوحه
فايدة = فايده بالهاء المربوطه
اولدة = اولده بالهاء المربوطه

عبدالله الأهدل
25-09-2004, 10:00 AM
وقريبــــا" موقف جـديــد ومضحك

سرنوه
25-09-2004, 05:04 PM
ونحن في النتظار ..........:)

عبدالله الأهدل
26-09-2004, 12:53 PM
وكمان موقف


كعادتي حفظني الله ورعاني .
أستخدم عقلي للوصول إلى مبتغاي .. وبرواقة ..

كان ياما كان في ذالك الوقت والمكان ..
كنت أعمل بشركة .. وكنت كل صبح اشتري جريدة ومن ثم اذهب للمكتب .. وكان هناك زميل لي ( مصري ) يدعى فكري .. بالمكتب المقابل لمكتبي .. كان دائما" يضايقني عندما يأخذ الجريدة مني كل صباح ويفلها ( أي يقراها كلها ) ويعيدها لي بعد أن تتنافر صفحاتها ..
وبصراحة انا من طبعي أحب ان اكون اول من يتصحف وحتى ولو على السريع ..
وبما انه كان يضايقني .. فكنت اتقبل ذلك بصدر رحب ..
ويوم من الأيام اشتريت جريده وكان فيها موضوع كنت انتظر وصولي للمكتب لقرأته .. وفجأة وكالعادة أتي الأخ فكري وشال الجريده .. فقلت له بالله عليك لحضه بس في موضوع بأقراه وبعدين خذها .. ( وعشان هو عارف طيبتي .. وإنه يمون ) طنشني وأخذها ورافض يعطيني ياها ..
فقلت مابدهاش .. لازم افكر .. ففعلا" جاتني خطه .. إني انفرزه وأخذ الجريده ..
فرحت لمكتبه
وقلت له .. أصلا" انت منت رجال ..
قال : إيش .. عيب الكلام ده ..
وقلت : وكمان منت من صلب رجال ..
فثار وقال وشفيك .. عيب الكلام ده ..
انا رجال ومن صلب رجال وأرجل منك ..
قلت لو انك رجال فعلا" .. ارمي الجريده في الأرض .. والله ياشيخ لو ترميه بتشوف شىء ما عمرك شفته في حياتك .
ثار وقال انته بتهددني .. لا اسمع باقلك ايه .. غور عني احسن لك ..
قلت أقول انثبر .. منت رجال .. انت بياع كلام .. ( بس ابغاه يثور ) ..
انفعل الأخ فكري بقوة .. وقال انا راجل يحمار .. والجريده أهه .. ( ورماها بالأرض ) ..
قمت أنا وبكل بروده أخذت الجريده وقلت له شكرا" .. هذا اللي انا ابغاه .. ورحت للمكتب ..
فقام يضحك بقوه .. وقال عملتها .. عملتها ياوسخ ..
الله دنا طلعت هايف .. صعيدي .. انت تضحك عليه ..
وقلت له مافي غير كذا ..

واصبح كل مايتذكر هذا الموقف يضحك وقال : والله محد سواها غيرك ..

انتهى الموقف ..


ولكم التعليق

مع التحية

سرنوه
26-09-2004, 01:38 PM
ههههههههههههههههههههههههههههههههه
عبدالله الأهدل ..
:x:

سرنوه
26-09-2004, 01:56 PM
وأنا بعد عندي موقف..

لهذا اليوم وانا اتابع برامج الأطفال اياً كان وفي اي قناه واذا عجبني طبعاً..
المهم مره كنت واقفه عند التلفزيون وطــاف أخوي من وراي يقول لي منو اللي يغنّي انتي؟!! f*
المذيع كانت عنده طفله وطلب منها تغني فالبنت اختارت اغنيه من الاغنيات اللي عن الشيخ زايد..واللي هي الله يادار زايد كيف ما احلاها يا ناس حلوه وقلبي مغرمٍ فيها ..الخ..
وبصراحه أنا كنت مقصره على صوت التلفزيون وكنت أنا اللي أغنيها ..وجاوبت على أخوي قلت له ..: ايه..البنت قاعده تغني.. :y: ..وقام دخل غرفته وعلى باله انه هذا صوت الطفله مب صوتي ..ياحليله.. :u:

..

عبدالله الأهدل
30-09-2004, 08:23 PM
سرنوه..

مشكوره والله على المتابعة الطيبة .. وإلا مقلب آخر قريبا" ..

noha
01-10-2004, 10:32 PM
انا معظم المواقف الطريفة محرجة رح احكي اكترها وهي اني اقع في نص الشارع في يوم هيك من ايام ما كنت بالمدرسة كان يوم مفتوح يعني نيجي بملابس الي بدنا اياه مخالفين الزي الزفت شوفي يا جماعة زينا شو ظالمينا بنطلون رمادي وقميص ابيض وبلوزة وجكيت ازرق كحلي وبلوزة رمادي صوف للشتاء يؤؤؤؤ المفروض يكون عالموضو المهم انا قبلها رحت اشتريت اواعي انزلت عالسوق واشتريت احلى ملابس معلومكوا احنا بنات وفي ولاد باليوم المفتوح ولازم الموضو ههههه المهم روحت ويومها ماما بتتصل عالمدرسة تحكيلهم يبلغوني انه السواق الشوفير يعني مش رح ييجي يوصلني بالسيارة عطلانة لانه انا حكيت شو وبعدين البرستيج انتوا عارفين 14 سنة ومراهقة المهم روحت مشي كنت مفلسة صرفت فلوسي عالشوكولا البيبسي وروحت مشي مش بتاكسي المهم ماشية عالرصيف ونافشة نفسي الى بحجر تحتي وادردبت على وجهي وكل الشارع يطلع فيا وانا وجهي احمرررررررررررر احمررررررررر خخخخخخخخخ المهم انه يا جماعة مش مفروض نعامل الاجانب هالمعاملة ابدا لانه مش كلهم سيئين بس اليهودددددد ولاني فلسطينية كلهم سييئين

عبدالله الأهدل
02-10-2004, 08:02 PM
الأخت الكريمة نهى ..

أولا" أنا سعيد لتواجدك بصفحتي وهي المره الأولى وأتمنى لن تكون مستمره ..

أما عن الموقف الطريف الذي حصل لك فهو وبصراحه مضحك مخجل في نفس الوقت .. والسبب كله من الشوفير ولكن انتى كنتى راغبه تمشى وتـتـفـشخري قدام الناس ( مو هيك ) ومن كثر ثقتك بنفسك وخجلك .. أتاكي الحجر من حيث لم تتوقعي ووقعتي .. يامسكينه ..
معليش .. اكيد كبرتي ونسيتي ..

أما عن الأجانب ..
لا والله من ناحيتي أنا اعاملهم كبشر . وزي ما اعامل كل الناس .. ولو .. من تواضع لله رفعه ..
ولكن وكما تعلمين أن معظم الأجانب يتعرضون للإهانات من أغلبية الشعوب العربيه وخاصة الخليجية ..
وانا أحب المثل القائل ..
عامل الناس كما تحب أن يعاملوك ..

وأما عن أبناء الخنازير فبلا شك الكل يكرههم .. ويبغضهم .. وقد تكون الأبيات المدونه في توقيعي دليل كافي على حقدي الدفين لهم ..

عاشت فلسطين .. وعاش الشعب الفلسطيني الجبار العنيد ..

والسلام

عبدالله الأهدل
03-10-2004, 05:25 PM
من مواقف ايام الدراسة



حتى وعندما كنت طالبا" .. كانت حركات النذاله الطيبه تتلبس بي ..
ففي أحدى الأيام وانا بالصف المتوسط .. تقريبا" ثاني متوسط ( لا أذكر ) .. وفي مادة التاريخ ..
كان المدرس جديد .. وشديد جدا" .. فقام يدور بالصف ويسأل إلى أن أتى لزميلي الذي بجواري وقال له : من الذي قتل عمر بن الخطاب ( تقريبا" عمر بن الخطاب ) ومن ثم أعطى الطالب ظهره وهو ينتظر الإجابه ..
فقال لي زميلي من .. من اللي قتل عمر بن الخطاب ..
المسكين يحسب إني فاهم ..
فقلت له : محمد المنشي .. ( على إسم المدرس ) ..
فقام الطالب وقال بكل ثقه .. محمد المنشي هو الذي قتل عمر بن الخطاب ..
وعلى طول المدرس لف نفسه .. وشات زميلي المسكين بكف على وجهه وقال له خلك برى ..
والكل يضحك بس في داخله ..
مسكين زميلي مو عارف ليش الكف .. وكان على باله ان الجواب خطاء .. لهذا استحق الكف .. ما يدري انه وضع المدرس في محل قاتل ..
وفي أخر الحصه .. أخذه المدرس معاه .. لعند مدير المدرسه .. وسأله عن سبب قوله اسم المدرس ..
قال .. انا ما أعرف انه اسم المدرس .. سمعت احد الطلبه قال بصوت منخفض هذا الإسم ..
واعتذر الطالب للمدرس والعكس ..
وعندما رجع زميلي .. تهاوش معايه وزعل مني ..
ومن بعدها بطل يسألني عن شىء .. يخاف استنذل معاه ..

هذا ولكم التعليق .. :i: :y: :ab:

سرنوه
04-10-2004, 11:25 AM
هههههههههههههه

بوأميره ما تصورتك لهــدرجه *c ..بعدين زميلك ما يعرف اسم الاستاذ !!

هاذي مصيبه ثانيه .. :y:

عبدالله الأهدل
04-10-2004, 04:26 PM
سرنوه

مو قلت أن الإستاذ جديد .. والطالب ماكان يعرف اسم المدرس كامل في ذلك الوقت .. ولكوني ابو المقالب وفضولي .. كنت اتعرف على المدرسين الجدد ..

ولكن الحمد لله ان الطالب ماقال للمدير ان عبدالله الأهدل هو اللي قالي اقول هذا الأسم .. كان رحت فيها ..

وماعليه ..

الطالب كبر ونسى .. وانا الشقى مانسيت ..

ياهــــــــلا

سرنوه
08-10-2004, 12:21 PM
انا معظم المواقف الطريفة محرجة رح احكي اكترها وهي اني اقع في نص الشارع


هههههههههههههههههههههههه

عاد كلش ولا انج اطيحين جدام الناس .. :f: والله أكرررره ما عندي أنه يصير نفس هالمواقف لي يا نهى .. :D: ..الحمدلله ولا مره صارت :u: ..
عموماً ما تشوفين شر وخلاااص مادامها استوت عاده ما يهمج .. :nn

نباْ13
08-10-2004, 01:34 PM
هههههه عبد الله الاهدل 00000
حلوة مرة 000000
بس اااااااه على الكف000

Ophelia
10-10-2004, 09:12 AM
بصراحة يا عزيزتي يا سرنوة لا أذكر الكثير من المواقف ومعظم مواقفي دمها تقيل ..لكن سأذكر لك هذا الموقف من أيام الابتدائي .. وهو يشبه موقف الأخ عبد الله الأهدل ..
لما كنت صغيرة كنت بنت عفريتة بشكل .. وكنت أحب اللعب جداً .. لكن كان عندي مشكلة وحدة تضايقني جداً ..جداً .. وهي مشكلة الوظائف اللي تكلفنا فيهم المعلمة لنكتبهم بالبيت ..
و أنا ما كنت أصدق أوصل على البيت لحتى أبدأ بالمغامرات والشيطنة .. لذلك قررت إني أكتب الوظيفة بالمدرسة لما يكون عندنا وقت فراغ .. لكن طبعا إذا شافتني المعلمة أكيد بتعيط علي لذلك كنت انزل لتحت المقعد أكتب كلمة وارجع اطلع .. وهيك لحتى تخلص الوظيفة ..
وكان في عندي رفيقة حكيتلها عن الخطة وقلتلها تكتب الوظيفة متلي لحتى بس نروح عل البيت نلعب على راحتنا .. ففرحت البنت للفكرة وقعدت تكتب الوظيفة متلي .. ولكن المعلمة انتبهت لها وعرفت إنها بتكتب وظيفة البيت فأجت لعندها وضربتها كف :f:
وطبعا أنا كنت خلصت وماانتبهت إلي :i:
ورفيقتي ( هي نفسها زينغو ) لهلأ بتذكرني بهل الموقف وبتقلي أنت السبب :k:
والله يستر ما تمر عل الرصيف وتشوفني عبحكي عنها .. سوري زينغو .. بس الحق عليك ..ما عرفتني تنفذي الخطة منيح )k

سرنوه
10-10-2004, 01:50 PM
راجعــــــه..:)

سرنوه
12-10-2004, 01:36 PM
هههههه عبد الله الاهدل 00000
حلوة مرة 000000
بس اااااااه على الكف000


نباْ13

حيــــاك الله ..

:kk

الوردة الحمراء
13-10-2004, 09:28 AM
الموقف الأول : كنت اقرأ سالفة سرنوه يوم كانت بالسيارة ..وضحكت عليها وقلت يا حليلها سرنوه...
ويوم طلعت من الجامعة شفت سيارة نسخة طبق الأصل عن سيارة الوالد ..ونسيت إني اتاكد من الرقم
قلت أكيد هذي هي .......بس ربي ستر وانتبهت بأخر لحظة إنه سيارة الوالد في الشارع الثاني
وخفت وقلت الحمدلله ..كنت بروح فيها
وركبت سيارة الوالد وتميت ساكتة افكر باللي صار ..ومو من عوايدي إني اتم ساكتة ..العادة يوم ادخل اعطيه تقرير عن كل اللي صار بالبيت..بالجامعة..باي مكان المهم إني اتم اتكلم لين ما نوصل البيت او لين ما يقول لي تراني تعبت من كثر ما اسمعك..
المهم نرجع للسالفة ..فجأة التفت له وقلت السلام عليكم بصوت عالي..رد السلام وقال اللي يسلم يصارخ
المهم حكيت له السالفة بداية بسالفة سرنوه إلى مرورا بالسيارة اللي كنت بركبها وانتهاء بالنهاية ...تم يضحك وقال لي تستاهلين ..ضحكت على البنية وهذا دورج



الموقف الثاني:أول يوم بالجامعة وكنت مستانسة ..ومر اليوم على خير وبالنهاية يوم بغيت اطلع من الباب كان فيه بابين ...
واحد باب عادي بس اسحبه واطلع ...والثاني الباب اللي يكون بمدخل الفنادق او المحلات الكبيرة ويكون يدور (ماشاء تعرف توصف الأخت)طبعا انا وكوني وحدة ام برستيج قلت بطلع الباب اللي يدور و كان نظيف بدرجة فظيعة ..لدرجة إنك تحسب إن أصلا ما في شئ..ويوم بمر ما سمعت إلا صوت واحد ....طرااااااااااااخ
وبلحظة حسيت إن الدنيا تخربطت شو صار ..وكيف وليش راسي يعورني ومن اللي ضرب بالباب
الشئ الوحيد اللي وعيته..إنه الباب كان تصميم غير شكل وكانوا حاطين له زيادة على شكل نص قوس وانا أم البرستيج ما شفت الزيادة وضربت فيها
بس ضربة عمري ما راح انساها..ويوم وصلت البيت تاكدت إنه ما فيه أي آثار..

سرنوه
16-10-2004, 12:04 PM
رووووووووزماري ..

والله انج عرفتي تلعبينها عدددددددددددل
:x:

تعرفين تستوي هالحركه في الصفوف ..وناس تتوهق وتروووح فيها ..بس آآآخر شي نضحك على المووووووقف من الزين والحمدلله عمري ما توهقت
:y:

وياويييييييييلج من زينغو اذا مرت من اهني
:c:

الله يعينج في وقتها
:u:

غيدقان
17-10-2004, 04:55 PM
تسلمون كلكم على مواقفكم واحد واحد



أما موضوعك شي .... يوسع الخااااااااااااااااااااااااااطر...



عندي كم من موقف ... عساها بس تبسطكم...



الموقف الأول:



أيام الثانوية وبالتحديد أيام الختبارات النهائية... وزي ما انتو عارفين ... الشباب وهوس " التفحيط " عنده م:p ...

الزبدة .. سمعنا عن تفحيط في مكان ما ... ورحنا مجموعات في سياراتنا ... كل واحد شايل معه اثنين ثلاثة.... طبعًا بالنسبة لي أنا رايح أشوف بس :xc: .... ولا التفحيط ما أعرف له والحمدلله .... الزبدة رايحين في الطريق ويوم قربنا من الساحة .. واحد من اخوياي اللى مزحهم ثقيل الله يهديه ... يقوم ويسقط عليه بسيارته ... عاد من زين سواقتي أنا ... والله وأقوم الف الدركسون وأبعد منه ... وأخش في الخط الترابي.... الا والله والسيارة يوم قامت تحوص و تلعب وقامت غبرة التراب ... ويالالالالالالالا ...ويااولول لولولو ولولولو...... و خويي جنبي متمسك .... وحالتي أنا وياه حالة alhilal ... والسيارة تأخد مجراها في الطريق "أوتوماتيكيًا" ومن غير أي تكلف من حضر السواق اللي هو أنا....و بعد برهة من الوقت (حلوة كلمة برهة) الا والسيارة وقفت والحمد لله ... وأطالع .. الا و الطاسة مرمية هناك .... وشوي الا والشباب من جنبي.....اووووووووووووووووووووووه:mm: ....ياااااااااه .....يا ولد .. واللي يضرب بواري (هرن) .... واللى يأشر بيده :u: .... يحسبوني فنان .... وانا والله ما أدري وين الله حاطني من التفحيط .. التفحيط في جهة وأنا في حهة...وربي ستر .... كسبنا أرواحنا ما ضربنا في عمود و لا انقلبت السيارة علينا... والشي الثاني كسبنا حب الجمهور..;)





لي عودة باذن الله

سرنوه
17-10-2004, 08:16 PM
الورده الحمـــراء

أما عن موقفج الأول ..مثل ما قال لج أبوج تستاهلين ..ضحكت على البنية وهذا دورج
:u:
لا لا حرام ..عادي اذا بتضحكين علي ..بس مره ثانيه لا تضحكين على حد ..
:kk

لي عوده في موقفج الثاني ..وموقف الأخ غيدقان
^
^
بزنـــس
k*

سرنوه
18-10-2004, 08:32 PM
الورده الحمراء ..

ما اتخيلج جيه
:mm:

والحمدلله انه ما له أي آثار جانبيه
;)

و مره كانت بتستوي لي نفس هالحركه بس الحمدلله انتبهت والله ستر
:y:

واذا عندج مواقف ثانيه لا تبخلين عليــنا
:kk




^^ ^^ ^^ ^^ ^^ ^^ ^^



الأخ غيدقان

أولاً
حياك الله في الســـاخر

وبالنسبه للتفحطات وهذا وانت ما لك في هالشغلات!!

عيل اللي متمرس فيها اشلــــون
*c

مشكله منكم يا الشباب
*b

بس الحمدلله انه ما صار فيكم شي لا يـُـحمد عقباه..

وأنتظــر رجــوعك ومواقفك ..
a*

عبدالله الأهدل
21-10-2004, 07:15 PM
Thnks. 2 all
I will back en sha allah after 1 week

سرنوه
22-10-2004, 01:29 AM
Thnks. 2 all
I will back en sha allah after 1 week

أهـــــــــــلاً فيك

بوأميـــــره

:xc:
^
^
:D:

وننتظـــــر عودتك في اقرب ووووووقت ..
:nn

حافية_القدمين
23-10-2004, 04:48 PM
بما أن الموضوع قد وصل إلى هذا العدد من الردود.. إذن.. لأضع موقفي المحرج للغاية هنا:

القصة هي أن حافية تذهب لإحدى المدارس بهدف تعلم قوانين الطريق ومستلزمات عربة السير (السيارة).. وفي إحدى الأيام الخوالي يتحدث المُدرِّب عن المستلزمات والتي من الواجب تواجدها في العربة عند السفر لمسافات طويلة، فيقول لنا: ما هي هذه المستلزمات والتي أنتم بحاجة إليها؟ عددوا بعضاً منها..

فأخذ الجميع يجيب من هنا وهناك.. فقلتُ أنا بـ: (ـنيةٍ) صــــــافية.. قد يحتاج الشخص إلى بعض البشاكير والمناشف..

فقال: لم أسمعك؟

فردَّدَ أحد الطلاب والذين يتعلمون في نفس الصف وهو يبتسم: بشاكير ومناشف..

فقال المدرب: أنتَ يا هذا.. نيتك سيئة.. نيتك سيئة..

فقال: لم أقل أنا هذا.. بل هي من قالته!!!

وعندما رأيتُ ابتسامته، أخذتُ أشك في فهمِ الحضور.. وأدركتُ أنهم أساؤوا فهمي.. وإليكم أن تتخيلوا حافية القدمين وقد احمرت وجنتيها وعجز لسانها عن الكلام.. وتمنيتُ حينها لو أن الأرض انشقتْ وبلعتني.. أو لو أنه باستطاعتي أن أخفي وجهي عمن هم حولي.. لكن استجمعتُ قواي وقلت: بل أقصد بشاكير لتنظيف وتنشيف اليدين وأواني السفر..

حقيقةً.. لم أتعرض في حياتي إلى موقفٍ كهذا من قبل.. وكلما تذكرته شعرتُ بصعوبته الشديدة، وكيف تجاوزتُه بعد عناءٍ شديد..

.

سرنوه
23-10-2004, 11:31 PM
ههههههههههههههههههههه

حافية القدمين

مشّـــيها فيه ناس يامَ ويامَ تصير لهم مواقف وأكبر دليل صاحب الموضوع بوأميره
:D:

بس غريبه يعني هم شو فهموها ..!

معروفه الكلمات البشاكير والمناشف ..
^
^
:xc:
^
^
^
راجعه لكم بموقف جديد ..
انتظــــروني
k*

حافية_القدمين
24-10-2004, 02:50 PM
أرأيتِ.. أرأيتِ يا سرنوه!!

نحن الفتيات نفكر بشكل ساذج..

أما الشباب فـ: (الله أعلم) أين (يــــــشطـــح) تفكيرهم..

بل حتى لا نعرف كيف يفكرون.. فلربما كنتِ تتحدثين عن شئ ما.. وهم أخذوا (يفسرونه) بحسب ما يسمح لهم عقلهم (المُدبِّر) من تفكير!!

والسر في موقفي المحرج سببه تفكيرهم (المِعْوَجْ)!!

موقف لا أُحسد عليه مُطلقاً..

.

سرنوه
26-10-2004, 09:36 PM
حافية القدمين

هاذي حياتنا ..احنا نفهم شي والرجاجيل يفهمون شي ثاااااااااااااااااني ..
:y:
ولا تبخلين علينا بمواقفج الطريفه..
:u:







وهذا موقف رمضاني جديد

رحت السوق مع الوالده عشان نجهز أغراض المطبخ وكل ما نحتاجه في رمضان ..

وما شاء الله النــــاس ززززحمه ..لدرجه انه الواحد ما يقدر يحرك العربه أو السله الخاصه فيه ..

وطلبت مني الوالده أركن العربه على جنب ونروح نشوف الأغراض وبعدين اللي نحتاجه ناخذه ..

يوم رجعنا حضرة الأفندي "واحد هندي مع زوجته"

بدال ما يــجر عربتهم حضرته استولى على عربتنا ..
:mad:

والوالده تكلمه بالعربي ..ولا حياة لمن تنادون ما يعرف عربي وتأشــر له أنه هاذي لنا وهو ما يفهم
:e:
آخر شي قامت زوجته وبــحلقت في العربتين ورطنت عليه ورجــع لنا العربه..
:y:

مــا أتخيل انه احنا مانلحق عليه وهو غلط بين مالنا ومالتهم..لأن الســله متروسه أغراض وما فينا نعيد من أول ويديد !!
:kk

حافية_القدمين
01-11-2004, 06:14 PM
عزيزتي سرنوه..

موقف طريف وخفيف..

على أية حال.. هذا أفضل من أن يأخذوا العربة بعد شرائكم للمحتويات.

يبدو أنك تحملين معكِ الكثير من الواقف الطريفة.. أخبريني عنها... فأنا عادة أتذكر المواقف "الرنانة".

.