PDA

View Full Version : ليلة فرحك انتي والمجني علية



الحزن الملثم
21-09-2004, 04:22 PM
العريس...... زيفوني وانتوا شايلني علي النعوش/////// الليلة يوم فرحي اللي محسبتهوش
راح شبابي خلاص يا عمري ///////// ولو شوفت المأذون واللة مهرحموش
العروسة....... جاتك نيلة يا عريس الغفلة /////// انا لو خلعت منك واللة هعمل حفلة
اية اللي رماني علي المر/////// يالي وشك يقطع النور ويعمل قفلة
العريس...... أنسي طعم الشهد اللي فاتك /////// ودوقي يا شوشو مر حماتك
يالي جبتي غسالة عادية //////// وانا كنت عايزها أتوماتيك
العروسة...... هطلع البلة علي جتتك ////// وهفضحك كل يوم في حتتك
ولو شاطر افتح بوقك /////// عشان اديلك في خلقتك
العريس....... كانت امي داعية عليا /////// يوم مارحتلك ياختي برجليا
اكيد اول يوم ما شوفتك /////// كان فية غبار في عنيا
العروسة...... ياضلالي يا أنتهازي /////// يالي ظلمني في جهازي
يالي اخرك ثلاجة أديال ////// انا جبتهالك كريازي
العريس...... أفردي وشك أحسلك //////// أعرفي قيمتك ومحلك
ولو مسمعتيش كلامي ////// ساعتها شوفي اللي هيحصلك
العروسة...... يالهوي هموت من الخضة /////// اديني ايدك هديلك عضة
يالي شبكتك نحاس /////// محصلتش حتي فضة
العريس...... روحي جاتك الغم ////// دأنتي لو عندك دم
مكنوش سموكي شوشو ////// كان سموكي أم الهم
العروسة ..... أديني صومت وفطرت عليك ////// يالي المية تنشف في أديك
مش عارفة اية اللي حصلي ////// لما شميت ريحة رجليك
العريس....... أنا هبقي راجل البيت /////// لو غبت في يوم وجيت
ولو لاقيتك مستنياني /////// متزعليش لو بصتلك وتفيت
العروسة....... أهي كلمة وافرح بيها ////// أنا قلت يا شوشو عديها
روح جبلك من السوق فرخة ////// وأعمل راجل عليها

مع تحيات

الحزن ....الملثم

بس....................ومش.............خلاص

أنين
21-09-2004, 09:34 PM
تحياتي اخي الكريم

مكان هذا الموضوع الافياء


اهلا بك

noha
22-09-2004, 02:35 PM
ههههههههههههههههه تصوير حلو فكاهي لليلة العرس تحياتي