PDA

View Full Version : حبيبها .. ياللي تخاوينا عمر !!!!



مغبون
09-02-2001, 02:40 PM
حبيبها..
نقش الزمن..
بين النهاية واولي ..
ياللي تهقويت الزمن
وصابك بموضع مقتلك !!

حبيبها ..
ياللي توسدت الغلا..
عمر طويييييييل وانتهى..
لاوصلك ..
ولاهو ابتداك وحصلك !!

حبيبها ..
ياللي تلحفت الشقا ..
في اخرك ..
وبأولك ..
يافرح عيا لايفيق ..
وين الطريق ..
اللي ينور مكحلك ؟؟

حبيبها ..
ياللي تخاوينا عمر
لاني لهلي ..
ولانت لهلك ..
كنا نقول لهالظلام..
وش قصرك ؟؟
والحين قلنا ماطولك..

حبيبها ..
شمس وغفت ..
بين المزن
عرق يغذيه الخفوق ..
اللي تدفق بالحزن
الله واكبر يا أنا
وين الفرح ..
يومك مقر افراحها ؟
قل لي ..
وش اللي بدلك ؟؟

حبيبها ..
ياللي وصلت لمنتهاك ..
حلم وتكفن في حشاك ..
ان قلتها ..
لاتلومني ..
يامرافقي ..
يجبر عزاك !!
كمل مسيرة هالحياه ..
الين يومك يسألك !!


------------------
واذا الرفقه غدت لك كيف..بحدالسيف..اجيب الك المشاعرضيف

السارق المحترف
09-02-2001, 03:29 PM
صح لسانك
من زمان ماسمعنا مثل كذا
الله يعطيك العافيه.<IMG SRC="http://www.alsakher.com/ubb/smilies/cwm7.gif" border=0> <IMG SRC="http://www.alsakher.com/ubb/smilies/cwm7.gif" border=0> <IMG SRC="http://www.alsakher.com/ubb/smilies/cwm9.gif" border=0> <IMG SRC="http://www.alsakher.com/ubb/smilies/cwm9.gif" border=0>

ضب آطخم
09-02-2001, 07:34 PM
السلام عليكم
ومساء الخير

المبدع المغبون
لا اجد وصف مناسب لكلماتك , اظلمها اذ قلت عنها رائعه
تملك احساس ومشاعر كبار الشعراء، وكيفيه تطويع الكلمات والحروف

ولك تحياتي

عاشق ثراها
12-02-2001, 11:17 PM
ابداع ابداع ابداع
ما اقدر اقول اكثر من كذا اخاف اظلمك
تحياتي لك
تشاو<IMG SRC="http://www.alsakher.com/ubb/smilies/cwm26.gif" border=0>

------------------
احبك حب صقار لطيره...يعاف النوم لو ريشه تثنى
واحبك حب شاعر للقصيده...اذا جت ون وان عيت يونا
واحبك حب فنان لفنه...قضى عمره ولا ادرك ما تمنى
واحبك حب من يفداك عمره...فتح قلبه وخلاك اتحنى

مغبون
13-02-2001, 08:52 AM
ضب اطخم : استغفر الله لايحوي القلم اكثر من المحبره .

عاشق ثراها :هلا بك ..ولايزال المغبون في اولى عتبات محاولاته .. نعم لاتظلمه



------------------
واذا الرفقه غدت لك كيف..بحدالسيف..اجيب الك المشاعرضيف