PDA

View Full Version : هــــــــــــــذيــــــك



ماطور الترلا موتورولا
25-02-2001, 10:07 PM
هذيك .....
مارأت عيني مثلها ..
لا قبل ميعادها ولا بعدها ..
هذيك .. ناداني عطرها .. يا سعد قلها ..
وقلت ..
لبيه يا عطرها ...
وقلتها احبك ..
وقلتها احبك ..
وقلتها احبك موت يا هذيك ..
ويا عطرها ..

أستغربت هذيك ؟؟ ..
غريبه ؟؟!!
طحت من اول " احبك " قلتها ؟؟ ..
قلت وش الغريبه ؟
الطيحه ؟! .. طاح قبلي هذاك ! ..
وفي العشق ياما وياما طاح عاشق لأجلها !
باع ما وراه ...
وضيع اقباله ..
وجنوبه تشكي ما احد ..
شكت يمناه قبل يسارها !

ان كان عشان "احبك" ..
فالألف لحالها محبه ..
حواليها حباها حاها ..
غبنها باها يوم سبق كافها ..
وقالت الأربعه .. ما نفترق ..
مخلوقين لها ولعاشقها ..
وحبها منا ..
وحبه منا ..
وحنا " احبك " ..
كلنا نحبهم ..
نحبهم ونحبهم ..
هذاك .. وهذيك ..
يوم قالت احبك .. ورد احبها !

نعود ليوم شفت اعيونها ..
كان يوم رقص فيها رياضها ..
اول ميعاد !
وأول لقى ..
هي .. قا لتلي ابي اشوفك ؟!؟
ترددت !؟؟!
خفت ؟؟!
وسميت بأسم من خلقها ..
روح يمها عشان تشوفها ...

رحت اهناك ..
دورت .. ودوورت ..
وينها ... آآآآه بعيده ..
لأ .. قريبه بس توك ما عرفتها !
على الوصف ..
مليحه ..
تلمع جدايلها من فحمها ..
مترين الا شهر من ابهام رجلها الى هامتها ..
بس ..
كلهم نفس الجدايل ..
ونفس القامه !..
نفس المشيه ..
نفس الهرجه ..
كلهم بشر .. لحم ودم ..
وحوا ..
تشابهوا في الوضف ..
آآآآآآآآآآآه يا وصفها ..
صفقت كفي الأيسر لأني اعسر ..
صفقته في الهوا ..
يوم ضاع يمنى كفي حاير وينها ؟
ضاعت ؟
تاهت ؟
او انضحك عليك ! ...

انهزمت ..
وعودت .. راجع ..
تجربه من الحياه وجربتها ..
بس ..
بس معقوله !! ..
ينقال ابي اشوفك ولا تشوفني !؟ ..
ولا اشوفها ..
ويزاحمني الهوا على المخرج ..
لا تسد الباب !
ممكن لو سمحت اشوي بس ..
!!!!
!!!!!
!!!!!!!!!
التفت قدامي ..
وتراها هذيك ..
صدفه ..
في وقت شلل التفكير ..
في لحظه انعدام الفكر ..
في لحظه زلزال حيره ..
في لحظه مراسيم دفن حب ..
في لحظه تأبين موعد ..
جت عيني بعينها ...!!!!!!
والله دارت بي الأرض ..
النظره الأولى ..
وتاهت محاجر الدمع ..
وتاه اللسان ..
اسكتت ابسط عضله في صدري ..
وضخت الدم كله ..
حمره خجل ..
ارتباكه ووجل ..
ما جرالي ما اوصفه ..
ما اقوله ..
اسألوها .. اسألوها ..
كيف كنت ؟؟
يوم قلت للبلاط شفتك ..
والبلاط يا هنيك بموطى رجلها ..

mr_mosta7el
25-02-2001, 10:25 PM
اسألوها .. اسألوها ..
كيف كنت ؟؟
يوم قلت للبلاط شفتك ..
والبلاط يا هنيك بموطى رجلها ..


جميل و رااااائعه يعطيك العافيه يا رب
لكن ما ادري لماذا شعرتبالحزن بعد قراءة القصيده ؟!!!
لا ادري لماذا ..؟!!



------------------
icq : 67236181
mr_mosta7el@hotmail.com
المستحيل هو وجود المستحيل

ضب آطخم
26-02-2001, 07:50 AM
ياويلي عنك اثر قلبك متفطر

اخوي موتورولا ماطور الترلا

ترابط وتناسق المعنى روعه

اهنيك علي قلمك وخيالك الخصب

ولك تحياتي

نجم الليل
27-02-2001, 01:15 AM
و الله يا انت رااااااااااااااااايق