PDA

View Full Version : ايه شــــــــــاعر



مغبون
16-03-2001, 12:31 PM
قلتي شاعر ؟؟
ايه شاعر
أي وربي ..اني شاعر
ياللي افنيتي المشاعر
داخل عروقك وجيتي
بكل برود ودم فاتر ..
وقلتي ماشالله شاعر

ايه شاعر ..
ايه شاعر ..
تذكرين ايام كنتي ..
تغنجين بكل حرف ..
وكل بيت لك تسطر
تذكرين ازمان كنتي
لاتنثر لك قصيدي
يا ما قلتي الله واكبر
تذكرين الشعر ..
ياللي ..
لالمست فبيت جرحك
لبت دموعك وجتني
من على خدك تنثر ..
تذكرين وتذكرين ..
ياللي جيتي ..
بكل برود الكون وقلتي ..
انت ماشالله شاعر .

ايه شاعر
ايه شاعر
يشهد بهذا زمان ..
علمك تفصيل حرف
وشك بيت
وطرز قاف
ولبس معنى
ويشهد بهذا مكان ..
فيه ياما ..
لعبت بشعرك يدينك ..
لانثرت بشوق قافي ..
كل مافيه اجتمعنا ..
ايه شاعر ..
بس انتي في قصيدي
بيوم كنتي ..
والا هذا اليوم مانتي
قبلة المغزى وكاره
ولا انتي اللي ..
كانت اول ..
منبع الهامي وداره
جا بدالك
حس واعي ..
يحتويني باندفاعي
مهما كنت وكان ثاير
ويتلقى ..
نبض عرق ..
فيه جرح منك غاير ..
ياللي افنيتي المشاعر
داخل عروقك وجيتي ..
بكل برود ودم فاتر ..
وقلتي ماشالله شاعر ..
ايه شاعر ..
ايه شاعر

وجد الكتابة
16-03-2001, 12:51 PM
وانا اشهد انك شاعر ومبدع ومتميز
صح لسانك يا مغبون
وفعلا اتحفتني بهالراائعة
سجل اعجابي من اول سطر لاخر سطر
اسلوب مميز
وشاعر غصب عنها
:)
----
الوجد
خلف هذه الابتسامة دمعة

ضب آطخم
16-03-2001, 05:43 PM
السلام عليكم

شاعرنا مغبون

كل عام وانت بخير(بعد الزحمه)

عزا الله شاعر وتملك المشاعر

سلمت علي تواصلك ولك تحياتي

العراب
17-03-2001, 09:34 PM
اخوي ((( مغبون )))

ايـــــــــه شــــــــاعــر

وقـلـبـك ربــابـــــه

وشاعر من الطراز الاول بعد

جميل جدا جدا جدا

اسلوب اكثر من رائع

كلمات جميله جدا جدا

صح لسانك يالغالي

------------------
يا علي لا الشعر عبدي ولا هو سيدي ... صاحبي له من جنوني ولي من منطقه