PDA

View Full Version : امــــــــوت فيج



وجد الكتابة
01-02-2001, 04:06 AM
مساكم الله بالخير......شخبار قلوبكم اليوم....
وأنتي بالذات شخبار قلبك...؟
عندي لك رسالة....كتبتها من سنين....كتبتها بدمع وانين.....كتبتها بنبض الجنين....كتبتها
لك....بس لا تزعلين..بس لا ترحلين....
تعالي اقرى سطوري....وفي داخل الحرف ثوري...
وانثري ورد وجوري.....يمكن يرضي لي غروري
:)
يلله تعالي اقرى رسالتك.....
========================
بسم الله الرحمن الرحيم
الغالية ..........؟؟
تحية طيبة وبعد......
جئت لكي اخط بقلمي هذا سطرين على صدر هذه الورقة.....فوجدت القلم يقاوم ما تخطه يداي...
مزق الورقة ورماها فاصبحت عن عيني بعيده...وفتح من دفتر رسائلي صفحة جديدة
وقذف يدي عن ظهره بقوة شديدة
وقال : ما زلت قلما شامخا لا ينكسر
وكتب هذه الكلمات بالنيابة عن صاحبه
.....................
.....................
.....................
فارقيني ما ابيك
حتى لو انتي تبيني ما اجيك
ماني بذاك الأولي تزعلينه تنرفزينه ترفعين ضغطه ويجي يراضيك
فارقيني ما ابيك
ماني بذاك الطفل في مهادك تكتمين انفاسه تذبحين احساسه ويبكي ولا انه يبكيـــــــــــك
فارقيني ما ابيك
ماني بذاك الشاعر الحساس يسرح بخياله
يقصدك يبدعك يغنيك
فارقيني ما ابيك
ماني بذاك العابد بمحرابك يركعك يسجدك يصليك
فارقيني ما ابيك
ماني بذاك الشوق على بابك يزهمك يدخلك ينتخيــك
فارقيني ما ابيك
ماني بذاك القلب الرحيم يحن لك يئن لك يفتديــــك
فارقيني ما ابيك
ماني بذيك الفراشة تحرق جنحانها لجل انها تطير فيـــك
فارقيني ما ابيـك
ماني بذيك السعادة تحضنك تشملك تهنيـــــــــــــك
فارقيني ما ابيك
ماني بذاك السلاح الصلب يحاربهم يقاومهم يحميــــــك
فارقيني ما ابيك
ماني بذاك الكأس المعتوق يسكرك يفقدك وعيك ينتشيك
فارقيني ما ابيك
ماني بذيك الرسايل المقهورة تنكتب لك تنتسب لك تحاكيك
فارقيني ما ابيك
ماني بذيك القصايد المكسورة تحسك تشعرك تبتديــــك
فارقيني ما ابيك
لا والله ماني خبرك الأولي ابشرك تغيرت كثير
ماني ذاك الطيب الهادي المستسلم الفقيـــر
تغيرت بعدك واكتشفت اني بدونك كبــير
حتى لو كان فراشي حصير حتى لو كان دمعي غزير
ابقى كبير ابقى كبير
فارقيني ما ابيك
منهو انتي؟ مغروره؟ انا بعد مغرور يا مغرورة
منهو انتي مشهوره؟ انا بعد مشهور يا مشهوره
لا تحديني ارسمك صورتك على السبورة
وارجمها من بعيد بمحاية وطبشورة
لا تحديني اغرسك وردة في صدر القمر
وارجع اخسفك انتي والقمر ونــوره
لا تحديني انحتك برحم كل نبات وشجر
واجتث قلبك القاسي من اقصى اقصى جذوره
فارقيني ما ابيك
بتقولين شفت غيرك يمكن ليش لاء
بتقولين خاين؟ عادي قلتيها من قبل
وانا اعلمك كيف تنطقين الحروف الف باء تاء
ما يهمني اليوم قولي اللي تقولينه
انا بدونك شراع ما يحتاج لسفينه
انا بدونك نبض مستغني عن حنينه
انا بدونك حب ميت جنينه
ملك عايش في عرينه
قلبه حجر بعد ما كان طينه
ليش تقتلينه؟
بعد ما عطاك عمره وسنينه
فارقيني ما ابيك
صدقيني ماني بذاك الحنان؟
وماني بذاك الامان؟
وماني بذاك الكرسي تجلسينه وترتاحين عليه
ويفهمك وهو جماد..ويسهرك وهو سهاد
ويحرق شوقك مع انه رمـــــــاد
فارقيني ما ابيك
ما ابيك صدقيني ما ابيك صدقيني
ولو تطاوعيني نسل السيوف
سيف لخالد وسيف للهنوف
احاربك وتحاربيني
محاولة لاغتيال القلب العطوف
كوني شرسة لاني بكون اشرس الخلق
وخلي عنك هز الكتوف
خلنا نشوف
قاتل ومقتوله
او
قاتله ومقتول
ولا سيوفنا مشلوله؟
ولا دمنا مبلول؟
فارقيني ما ابيك..فارقيني ما ابيك
الله ياخذ عمرك والله اني اموت فيك
لا تفارقيني
===============================
ملاحظة: اخر سطرين لم يكتبهم القلم....بل كتبهم قلبي

===============================

وما زلت انتظر ردك الذي لن تشرق عليه شمس الكتابة....
( عاد من زين خطج ؟)


تقبلي تحياتي
خالد
================================

اتمنى ان تنال اول مشاركاتي في مجلسكم الكريم
اعجابكم
واذا ما اعجبتكم مب مشكلة ببط جبودكم بمشاركة ثانية لين يعجبكم شي
:)
الوجد

معاناة القلوب
01-02-2001, 05:05 AM
العزيز
وجد الكتابة
مساؤك سكر
سيدي
عذب الكلمات
هنا قد قرأته
فلك التحية
ولك التقدير
ولكن سؤال
:)
لماذا تتطلب المفارق ؟

------------------
يارب أخذته من عيني
فانزعه من قلبي !!!

ضب آطخم
01-02-2001, 05:41 PM
مساء الانوار

****** اخبار القلب ********
ان كان اول يوم هذي سواته
*********** دونك ليالٍ مقبله وش تسوي
قبل الوفاه القلب اعلن وفاته
********** اشهق ودقاته خفوقي تدوي

-------------------
اقف عاجز عن التعبير اما ابداعك

ولك تحياتي

mr_mosta7el
02-02-2001, 01:38 AM
السلام عليكم
مساؤك سكر
اخي الكريم
اتسأل مثل الاخت معاناة
لماذا الفراق؟

مراسيل2000
02-02-2001, 06:00 AM
ابدااااااااااااع
ماادري وين اخذتني كلماتك
بس كلمات اعجز عن ايجاد الوصف اللي تستحقه
تقدر تقول ابداع فوق العادة

بس ذكرتني بخاطرة لي نفس الفكرة تماما
راح اقلك جزء منها اللي هو:


مااابيك
هذا اخر قرار.....حسمته بعد احتيار
ماابيك
ولا ابي اسمع طواريك
لا تحسبني مثل اول
ذاك زمن راح وتحول
تراني تغيرت......تبدلت.........وماعدت اطريك
ولا عدت في ليلي احتريك....
ولا عدت اشتاق اللياليك
ماابيك
ماعدت في وحدتي...انادي عليك
مستغرب ...
ايه نسيتك
نسيتك وماصرت اوله عليك
نسيت اشعارك واغانيك....


اكتفي بهالقدر تقريبا نفس الفكرة تمنيت اني نزلتها من زمان :)

بس طبعا ولا شي قدام كلماتك وابداعك
اهنيك على عالابداع اخوي وجد وبالتوفيق


<IMG SRC="http://http://www.harrythecat.com/graphics/k/doll2.gif" border=0>مراسيل2000

------------------
سافر وغيب وننتهي.... بتشوف ناس وتحب ناس....واصير بدنيتك واحد من الناس

وجد الكتابة
02-02-2001, 04:39 PM
معاناة القلوب....
لماذا الفراق؟
لانها سنة الحياة...
الفراق اصبح من متطلبات الحياة الحين
:)
عاشر من تعاشر فلا بد من الفراق
:)
شكرا لزيارتك ولكلماتك الجميلة
ودمتي للوجد

وجد الكتابة
02-02-2001, 04:42 PM
استاذي الضب الاطخم
انا اللي اشكرك على هالمنتدى الرائع
وما عليك زود يا الغالي
" لا تصدق هالكلام بس علشانك مشرف"
:)
الله لا يحرمني ضحكة عيونك
ليش عيونك تضحك
:)
دمت للوجد

وجد الكتابة
02-02-2001, 04:44 PM
عزيزي مستحيل...لماذا الفراق؟
:)
سؤال معاد
:)
مثل ما قلت لمعاناه
الفراق سنة الحياة
تبقى الذكرى الجميلة
ولا انا غلطان
:)
تقبل تحياتي
الوجد

وجد الكتابة
02-02-2001, 04:48 PM
مراسيل.....
اشكرج على الاطراء الجميل جدا...
وبعدين ما شاءالله ايش هالتواضع
ما اخبر البنات يتواضعون
:)
كلماتك جدا جميلة...واحسن من كلماتي
تبادلين؟
هالمرة انا طالب البدل
:)
مرة ثانية شكرا للزيارة
والكلام الحلو
اللي اكبر من ما استحق
تقبلي تحياتي
الوجد

مراسيل2000
03-02-2001, 05:10 AM
اخوي العزيز وجد الكتابه
او مثل معاناةديناصوري الظغنن>>>>>>تقليد اعمى
العفوووووووووو وماقلت غير شي بسيط من مشاعري واعجابي
ولا كلامك يستحق اكثر :) :) :) :) :) :) :) :) :) :)
وبعدين تعال هنا من اللي قال لك ان البنات مايتواضعوووووووووووون؟؟؟؟؟؟؟؟
ماعندي اختيارات جاوب هههههههه >>>>>>>>ادري ان دمي ثقيل بس مشي حالك :)
وبعدين ترا انايكون لي الشرف بالمبادله
بس كلماتك راح تنطق وتقول ترا وجد اللي كاتبني هههههه
القلم في ايدك ماشاء الله يتحول الى عصاة الساحر
يخط مايسحر العقل والوجدان
فهنيئا لنا بك

مع تحياتي لشلة الديناصورات

<IMG SRC="http://www.harrythecat.com/graphics/k/doll2.gif" border=0>مراسيل2000

------------------
سافر وغيب وننتهي.... بتشوف ناس وتحب ناس....واصير بدنيتك واحد من الناس

وجد الكتابة
03-02-2001, 05:32 AM
احم احم
اخجلتم تواضعنا
:)
الوجد

وجد الكتابة
31-03-2001, 04:08 AM
الذكرى شي جميل
:)
=====
الوجد
خلفها دمعة

القشرا
31-03-2001, 12:51 PM
<center>رائـــــــــــــــــــــــــــــعه</center>

الجازي
31-03-2001, 01:04 PM
توني اقراها حافظتها عندي من زمان وتوني اقراها
----------------
الله ياخذ عمرك والله اني اموت فيك
لا تفارقيني
---------------
انت مبدع فنان
راااااائعه
:(
بس ليش الفراق تراضو وبلاش فراق
:(

<FONT COLOR="#800080" SIZE="1" FACE="Simplified Arabic">تم تحرير الموضوع بواسطة الجازي بتاريخ 31-03-2001 الساعة 01:09 AM</font>

laptop99
31-03-2001, 09:43 PM
اخوي خالد
مساك الله بالخير
كلمة رائع قليلة في قلم جنن من لا يجن
اسلوب رائع ونهايه رائعه
تعودت على اسلوب الذي يقلب المصير 180 درجه عن حاله

الله يعطيك الف عافيه
وتحياتي

------------------
خلقت المشاكل لكي نفكر
ICQ:18001998
لاب توب

baydaa
03-04-2001, 07:57 AM
رااائع يا صديقتي وانا متابعة فعالة لكل ما تكتبي
اتمنى لك المزيد
سلمت يداك

------------------
baydaa said to alsakher ilove yuo