PDA

View Full Version : أســـــــطــوره



ن
18-04-2001, 08:28 AM
مابين صوت الماضي ..
ومسمع الجدران ..
مابين غبار الحاره ..
وغبره الحوانيت ..
مابين السواني ..
والسواقي ..
ومابين الدلو ..
والزير ..
وساس البير ..
مابين خط الحصا ..
وجمر العنا ..
ولوعه الحديد للفحه الكير ..
مابين جلسه الخوص ..
ومسباح الشيخ ..
ومابين محماس مسهره الرجال ..
وما بين مبهرها بالهيل ..
مابين مراكض الراعي ..
ورى الذلول ..
وما بين سكره الوقت ..
وغمام المحل ..
نشد الناي ..
كان يا مكان ..
في قديم الزمان ..
وفي نفس المكان ..
عاشت وماتت ..
اسطوره عناق وفراق ..
لروابي وراكان ..
عاشت حكاويهم مصدر ..
وتوثيق للحب اللي كان ..
وعاشت ضي احلامهم ..
لهم ..
وعاشتبهم الليالي ..
وفرحبهم قمر ..
وليل سهران ..
وعاشهم رمل البيت ..
ووهج السراج ..
ولسا باقي اثر رجلينهم ..
ما محتها رياحهم ..
واثر دقه راكان ..
على بابهم ..
وواضحه واضحه ..
واضحه دروب روابي ..
وهي بالدلو للساقي ..
تمر من يم بابهم ..
وتقول ضيعت الدرب ..
ومقادير شوقها ..
ودتها لعتبه باب احبابهم ..
صحيح ..
راكان بسيط ..
اجره باليوم ..
من السرحه للمسرى ..
بس حبيب ..
وحاله ميسور ..
اكثر من قليل ..
وروابي .. عنقا ..
رغبه الكثيرين ..
ومطمع الشيوخ ..
وطلبه كل دخيل ..
جمعتهم روح السهاله ..
واغلتهم نبرات الحب ..
وباركت حبهم القصايد ..
وغنى بهم الناي ..
وسلابهم موال ..
ورى موال ..
يا ليل يا عين ..
تذكروا زمان راح وفات ..
تذكروهم بحبهم ..
وش كانوا ..
واذكروهم بطاريهم ..
لو عادوا ..
ما هقوتي للحب فينا ..
مثل اللذي راح ..
ولا هقوتي في الجاي ..
احسن من اللي طاف ..
تذكروا على زمانهم ..
وترحموا على زمان ..
ماعاد لنا في دنيانا ..
اي معنى مثلهم ..
وهم .. ونسيان ..
الله يرحمهم ..
سقا الله هالحب ..
واندفنت مثل غيرها ..
اسطوره ..
روابي وراكان ..


------------------
مااحتاجه هو تقرير لللأعتراف بحريتي .. اما الحريه ذاتها .. فلا .. لأني لم أفقدها !

صيد
18-04-2001, 09:08 AM
<FONT size="6"><FONT COLOR="Red">ن</FONT c></FONT s>

الله يعطيك العافيه يااختي كلماته حالمه ....

واحييك عليها :)

اختك صيد...

------------------
صيد مو صيد السلاح........ صيد صيد الارواح........

عاشق وفاء
18-04-2001, 09:17 AM
اسطورة جميله

تمثل ذكريات حلوة

ايام لا تنسى

لحظات اسعدتنا رغم كل ما فيها من عنا

تسلم نون

------------------
إن كان حبك لي له وجود
اكشفيني وانشليني من اللحود
امسحي دمعتي برفق وحنان
حسّسيني بحبك والأمان
قولي أحبك يا عنيد
قولي عشقتك من جديد
إحضنيني وضمّيني بزود
يمكن روحي مع روحك تعود

وجد الكتابة
18-04-2001, 11:47 AM
اشطورة روابي وراكان
رائعة اختي نون
اطلبك طلب
يا ليت اعرف اسم كاتب هالاسطورة
:)
تحياتي لك
========
الوجد
خلفها دمعه

الراشد
18-04-2001, 11:51 AM
ن

مساء الخير

قصه+عبره+فكره+ابداع +كلمات متناسقه=ن

سلمتى على هذه الكلمات الجميله جدا

تقبلي تحياتي

الراشد

ن
18-04-2001, 12:35 PM
صيد

اختى ابارك لنفسي اني ارى ردودك الدائمه في مواضيعي ومن الأعناق اشكرك

عاشق وفاء

ما اجملها من ذكريات جديره بان نتذكرهاعلى الرغم مما فيها من الآم شكرا على ردك واهنئ وفاء بعشقك لها

وجد الكتابه

احب ان اشيد بكتاباتك الرائعه وعادتي اليوميه في تصفح مواضيعك وسبق ان قمت بعمل مراجعه سريعه لما سبق وكتبته من مواضيعك القديمه ووجدت فيها كنز من كنوز كتابه الخواطر والشعر ووجدت فيها مدرسه الأوائل لصوغ العبارات فآليت الا ان اكون ممن يقتنون كتابتك لتكون عونا لي في الكتابه اشكرك على ردك وما طلبته هو بسيط هو ن

الراشد

شكرا على الرد الجميل وتسلم ويسلم غاليك



------------------
مااحتاجه هو تقرير لللأعتراف بحريتي .. اما الحريه ذاتها .. فلا .. لأني لم أفقدها !

mr_mosta7el
19-04-2001, 10:35 AM
يا هلا بالمبدعه (ن)
الموضوع رائع
و اسطورهجميله جدا
ستشرف الروائع
و تقبلي تحية تشبهك و سلااااااام