PDA

View Full Version : يوم في حياة السيد الرئيس ... (قصة)



ابن الارض
21-04-2005, 09:11 PM
التفتت الآنسة "مشيرة" حولها في حيرة، قبل أن تستقطب عينيها شاب ثلاثيني متحمس، يقف بين الجموع قائلاً بغضب: (كفاية)!
اقتربت منه "مشيرة" بحذر متوجس، يتبعها عم رضوان، حاملاً على كتفه كاميرا القناة الثالثة..
- ممكن يا أستاذ نصور معاك كلمتين؟
- أتفضلي يا مدام!
- آنسة من فضلك... لكن ممكن اعرف ليه المظاهرة دي؟

كان سؤال "مشيرة" للشاب الغاضب تلقائياً، وعفوياً، لكنه كان ايضاً، سبباً رئيسياً لإصابة الشاب بعطل فني في شريانه التاجي، فقال مسترجعاً روح هركليز الثائرة:
- حضرتك بتسألي ليه؟ هو حضرتك مش مواطنه زينا ولا إيه؟
استدركت "مشيرة" حديثها بسرعة، وقد أحست أن هناك حدثاً جليلاً سيصيب تلافيف كبدها بالانفجار، فقالت بسعادة: طبعاً أنا مواطنة، بس عشان الإخوة المشاهدين والمشاهدات في منازلهم يعرفوا!

للأسف أصاب الشاب الغاضب تلفاً في شريانه التاجي بالفعل، بعد سماعه قول "مشيرة" للمرة الثانية، فقال كمن يوشك على ركل كرة قدم وحيدة أمام مرمى بدون حارس:
- الإخوة المشاهدين اللي حضرتك بتتكلمي عنهم يا ست هانم واقفين دلوقتي في الشوارع على الأرصفة بيدوروا على رغيف عيش مش موجود، مفيش حد في زمن (مبارك) عنده رفاهية انه يتابع مظاهرة من التلفزيون إلا الإخوة البزنس مان!

عندها أصيبت الانسة "مشيرة" بهوس ما، حتى إنها تمنت أن تضرب انف محدثها بسماعة الميكرفون، لولا أن بروتوكولات حكماء ماسبيرو تحظر عليها فعل ذلك... فما كان منها إلا أن استدركت قائلة لعدسة الكاميرا متجاهلة الشاب الغاضب:
وهكذا أعزائي المشاهدين كان لنا هذا اللقاء مع الأخ الغاضب من قلب (كفاية)!
* * *

في الوقت ذاته، كان السيد رئيس الجمهورية يتابع محدقاً بحزن شديد شاشات التلفاز الفضائية، المحيطة به في الغرفة العلوية، في الجناح الشرقي من قصر فخامته...

كان حزنه مسبباً، فقد أرهق كاهله، وأدمى كاحله أن يرى أبناء شعبه يرفضونه، بعد أن حكمهم (25) عاماً، قضاها ساهراً على تفتيت مصالحهم، فضلاً عن معنوياتهم، حتى أضحت مفاهيم كالكرامة والشهامة في عصره من التراث الفرعوني القديم!

كان بحق صباحاً سيئاً للسيد الرئيس - على غير العادة - وهو يتابع ما تبثه القنوات الفضائية، لفئات من شعبه، وهي تتظاهر ضد حكمه، فهاله أن يرى حشوداً من الشباب، يصرخون غير آبهين (كفاية)، يلتف حولهم شيباً تقوست ظهورهم ومع ذلك يشاركون في التظاهر، وإن بدا على وجوهم الخوف!
* * *

تململ السيد الرئيس في مجلسه حانقاً، مطلقاً العنان لرأسه، يسترجع ما شاء من أيام عصره الذهبي، متذكراً كيف استقبله أبناء الأرض بعد أكتوبر 73 بحفاوة بالغة، إثر طلعته الجوية في حرب التحرير، وكيف انه استطاع بحنكة، وعبقرية، قيادة أسراب الطائرات الحربية، حتى حققوا النصر على إسرائيل وحثالتها، وكيف أن شعبه بعدها بسنوات قليلة استقبل أفول حكمه بالبشارة والترحاب!

استمر السيد الرئيس في ذكرياته، متساءلاً في مرارة:
ليه كده يا شعب! ليه... ليه، هو أنا عملت لك إيه؟!

وظل يردد في حسرة : ليه؟
حتى تناهى إلى سمعه صوت مذياع قديم، قادم من احد غرف الخدم يغني: عاوز جواباتك خدها أرجوك ما تعطلنيش!

عندها قرر السيد رئيس الجمهورية اتخاذ الاتصالات اللازمة مع الجهات المعنية، لسبر أغوار هذه المهزلة الشعبية ضده...!
فأمر من فوره حاجبه الأمين أن يتصل له بالسيد "عدلي" وزير المسالك، فهو القادر وحده – ومن غيره – على سحل الاقفية بدون مُساءلة!

فما أن قدم الحاجب سماعة التليفون للسيد الرئيس حتى صرخ بدون مقدمات:
جرى إيه يا عدلي؟ ما تشوف لك حل في العيال بتوع "كفاية" دول؟

تجشأ السيد وزير المسالك مرتين قبل أن يقول:
يا سعادة الباشا إحنا تحت أمر جنابك، بس أنت عارف أن الجماعة بتوع حقوق الإنسان، ومنظمات الحرية إياها باصين لنا اليومين دول.

رد عليه الرئيس، وقد أزعجه كثيراً أن يتجشأ احد وزرائه في أذنه:
يعني إيه... معقولة شوية عيال يلموا المواطنين علينا!

تجشأ وزير المسالك مرة أخرى ثم قال:
ماهو حضرتك لو تفتكر يا ريس، إحنا كنا بنقول بلاش الباشا الصغير، يحط مراخيره في كل كبيرة وصغيرة في البلد اليومين اللي فاتوا.

فقال الرئيس وقد إصابته رغبة مماثلة في التجشؤ:
قصدك يعني أن جمال ابني هو السبب!

يبدو أن السيد وزير المسالك، كان يمارس هوايته التجشؤية في الوقت الذي اتصل به السيد الرئيس، وذلك لأنه تجشأ ثلاث مرات متتالية قبل أن يجيبه قائلاً:
العفو يا باشا... أنا قصدي أن الباشا الصغير وحرمك المصون كان لازم ما يتطنطوش كل شويه في التلفزيون والجرايد الرسمية لحد ما الأمور تهدى، عشان تقدر سعادتك تلبس البردعة للمواطنين!

أجابه السيد الرئيس بغير حماس حقيقي، وقد أصابه غثيان مفاجئ:
تفتكر كده يا عدلي؟!

فأجابه عدلي دون أن يتجشأ هذه المرة – يبدو أنه يأخذ استراحة قصيرة – قائلاً:
ايوه طبعاً... وسيادتك سيد العارفين!

شكر السيد الرئيس ربه كثيراً لان عدلي لم يتجشأ هذه المرة، ثم قال:
حيث كده، أنا حأمر حالاً بفرض حظر (ظهور) على الواد جمال وأمه لحد ما نشوف أخرتها إيه مع الشعب ناكر الجميل بتاعنا.

فقال عدلي بغير حماس:
تحت أمر معالي جناب سموك يا ريس!
ثم ذهب ليواصل هوايته التجشؤية... بعدما انتهى الاتصال!
* * *

واصل السيد الرئيس خواطره (المهلبية) وحيداً بعد اتصاله مع وزير المسالك، وقد اتخذ في قرارة نفسه قراراً بأن يطيح به في اقرب فرصة، خصوصاً، وان عدلي هو الوزير الوحيد في الوطن العربي الذي يتخذ من التشجؤ رياضته المفضلة. إضافة إلى أنه – أي وزير المسالك - لوحظ عليه في الآونة الأخيرة ميولاً شعبية، فهو يتعاطف مع حثاله الشعب، وينصر الضعيف منهم على القوي!

ثم التفت السيد الرئيس إلى حاجبه الأمين يسأله في حيرة عذراء: أزاي يا خليل الناس دي قادرة تصرخ وتعترض كده وهي جعانه؟!
فأجابه الحاجب بعد تفكير لئيم: يا ريس ما هو الجوع نفسه هو مصدر الصراخ!

تململ الرئيس في مقعدة غير مسرور لإجابة حاجبه...
فاستدرك خليل الحاجب قوله: يا ريس أنا اقصد أن شعبك محتاج يكون حر في اختياره، الناس دي يا ريس جعانه حرية اكتر ما هي جعانه فول!

كان قول الحاجب الأمين سبباً رئيسياً في تكريمه، فقد أصدر الريس من فوره أمراً جمهورياً باعتقاله، توطئة لمحاكمته بتهمة التواطؤ مع الشعب!

فما كان من خليل الحاجب إلا أن قال صارخاً بغيظ: كفاية!

ومن خلفه رددها 70 مليون مصري

(انتهى)

ابن الارض

تيمــاء
21-04-2005, 09:28 PM
ابن الارض

في الحقيقه..لا يسعني الا ان احقد على الشعب المصري و أحسده باسراف على الشجاعه التي يتحلى بها للوقف امام الدبابات البشريه.


و أخيرا، لابد لي ان أشكرك على حسن نقلك للواقع المؤلم بصوره تحرض على الابتسام و الضحك الكثير.

تحياتي.

fishawy
22-04-2005, 08:49 AM
ابن الأرض
لك تحياتي , وخوفي عليك أن تذهب مع خليل الحاجب

عائشه والنعم
23-04-2005, 12:28 PM
ابن الأرض
:x:

عائشه والنعم
23-04-2005, 12:35 PM
و لنتجشأ جمله و تفصيلاً.......
يلا حفله تجشأ.......
:i:

ابن الارض
23-04-2005, 09:17 PM
تيماء...
احسدي براحتك... صدقيني ماحدش واخد منها حاجة، بالنسبة للدبابات البشرية دي طلعت اشاعة، دول طلعوا دبابات بس ومالهم اي علاقة بالبشر!
بعدين انت بتقولي اني بحرض على الضحك...
الله يسامحك .. انتي عايزه توديني في داهية ليه بس
اهو دلوقتي السيد الرئيس يزعل مني، ويرسل لي وزير المسالك عشان يسلكني!
طبعاً انا مش خايف من الوزير...
انا خايف بس اني اشم ريحته التجشؤية وادخل في غيبوبة!

ابن الارض

ابن الارض
23-04-2005, 09:20 PM
fishawy
تحياتي مضاعفة اليك ايضاً...
بس عشان تكون عارف لو رحت مع خليل الحاجب مش حروح لوحدي... لازم اخدك معايه
ايوه... ابويه كان ديماً يقول ان اكرام الضيف واجب قومي!

اخوك
ابن الارض

ابن الارض
23-04-2005, 09:32 PM
عائشة والنعم...
انا مالي علاقة... تجشؤوا انتم اولاً.. ثم ساشارككم الحفل في نهايته
بشرط الا يتجشأ اياً منكم في سمو أذن الرئيس الوسطى...
خصوصاً وان مصادرنا تؤكد انه يعاني التهاباً لوزياً بها، مما يفسر سبب عدم سماعه لاياً من صراخنا!

عائشة...
شاكر مرورك بدون تجشؤ

ابن الارض

قوقعة متقوقع
23-04-2005, 10:57 PM
يا عم مالك ومال جمى الجميل
ننوس عين امه يا ناس
ده ولد مدبر اشترى نصف البلد من مصروفه
هو فيه كدة
ارجوك مش عايزه اروح معاكم انتم وخليل
ان مليش دعوه ومعرفكمشى

عرين الغضب
24-04-2005, 11:44 AM
ابن الأرض ..
واضح انك فعلاً ابن الأرض وابن وفي جداً .. هذا واضح من إنتمائك الظاهر في كتابتك الساخرة الرائعة ..
حينما رأت عنوان الموضوع أصابني الذعر ليس لشيء لكن لأني أكتب قصة بعنوان ( يوميات رئيس جمهورية ) نصفها واقعي والنصف الأخر فنتازي .. فقمت بتعرية منصب الرئيس من كل عوامل الألوهية المعروفة لدى الشعوب العربية .. تخيلته وهو يفكر وكيف يفرغ مثانته وكيف يقضي وقتاً حميماً مع السيدة الأولى وماذا يفكر عند قضاء حاجته وماذا يحلم وكيف يفكر في أصعب القرارات كيف يسهو وكيف يسرح وما شعوره عند مصافحة أنثى جميلة وما موقفه حينما يقابل رئيس دولة عظمى و..و...و....
إنها قصة مجنونة غاضبة ..
لكني اعترف ان قصتك رائعة بالفعل .. وأنا هنا لا لأقيم عملك بل لا أشكرك عليه .
***************************************
ملحوظة إلى منتدى الساخر:
جئت لك وأرى فيك ملاذاً بعد ان طردوني من موقع لا داعي لذكر اسمه ( الصايرة ) .. قالوا عني اني اكتب بسخرية وما ابشعها تهمة عندهم وأني ويا للهول ( اتكلم في السياسة ) كثيراً ..

أيها الساخر :
خذني إليك واعيد تسليح رماحي التي بردت اسنتها ،، واخلع عني سيوفي الخشبية واعطني سيفاً ماضياً في يد وفي اليد الأخرى ورده بهية الشذى .

ابن الارض
26-04-2005, 10:41 PM
قوقعه المتقوقعة...
ما تخفيش يا خالتي... ولا حد حيجيب سيرتك خالص
بالنسبة لعبسي... هو اشترى ربع البلد بس مش نصها ولا حاجة...
بطلوا إشاعات بقى خلى الناس تعرف تاكل عيش

شاكر مرورك قوقعة

ابن الارض
26-04-2005, 10:43 PM
عرين الغضب
أولا: أهلا وسهلاً بيك.
ثانيا: ولا يهمك منهم، هنا في (الساخر) كوكب تاني، وعندهم كمية (حرية) مرعبة!
ثالثاً: خش في الموضوع، وارمي حروفك، وخّرج غضبك من عرينه، بس بسرعة قبل ما اخوانا في الساخر يرجعوا في كلامهم!
رابعاً: أنت مستني إيه... حنكون في انتظارك

أخوك ابن الارض

عرين الغضب
27-04-2005, 11:59 AM
ابن الأرض :
فعلاً أنا جئت أهلاً ونزلت سهلاً

تحياتي لك

خلود بايونس
28-04-2005, 01:55 AM
كفاية ............ يا ابن الأرض

كفاية ابداع

السجن لا يتسع لك وللحاجب معا ...



ابن الأرض هل سمعت أن السيد الرئيس في آخر تصريح له قال ...
مش عاجبكم الفول كلو طعمية
بس حرية مفيش

مفيش

مفيش

الغيبوبة
28-04-2005, 02:20 AM
طبعاً انا مش خايف من الوزير...
انا خايف بس اني اشم ريحته التجشؤية وادخل في غيبوبة!

ابن الارض[/QUOTE]

نعم .. مين بيقول غيبوبة ؟؟!! ..
سبقتك يا ابن الأرض .. كله تجشأ .. وزير المسالك و "المهالك" .. و وزير "يا باشا كله سالك" .. و وزير "مشي حالك" .. و وزير "ثقافة الليل الحالك" .. الى آخر أمراء الممالك .. كله تجشأ و مفيش على "الجشأة" جمارك ..
كلهم تجشأوا فضعنا في الغيبوبة ..

دمت بخير يا ابن الأرض

نورالغدير
29-04-2005, 01:14 AM
:fr: لازم تكون خايف



:n: او اللي مش عاجبه



كل التقدير لتحرر العقول ونطقها لما يجول بها من زمااااااااااااااااااااان



نورالغدير

إبراهيم عادل
29-04-2005, 08:57 AM
شـوفـو بـقـة التطاول لمـا يكون مش معمول حـسـابه ..!!!!

أنـا ( شـاعر) من كلاااااااامك يا ابن الــ أرض إنك بتتكلم عن رئيس دولة معروفة :cd: ... ومعروفـة بالنسبـة للـ(مقهورين) من أمـثـالنا أوي !!! h* ، وطبعًا خاااصـة لما جـت سيـرة (ماسبيرو) أظن مفيش دولة أجنبيـة واااحــدة عندها ماسبيرو غيرنـــا :l: .... يعني تقريبًا كانناااااقص تجيب سيرة الأهرامات ، وأنا أأكد إنك بتتكلم عن معمر الخامس عـشـر .... :n:

غلط كده :e: غلـط قوي .... إزاااااااااي تتكلم عن رئيس محتمر ( محترم مُلخبطـة) بالكلش ده ( قصدي : بالشكل ده ) عفاركله ( على فكـره ) مش معنى إن منتدى السـاخـر alhilal دعوسي إننا نبتك في بحارتنا ( أعتقد المره دي مش لااازم افسر / أسفر ) :h: دقصي ينعي نإك زالم تلخي لابك نم الملاك ياللا تبقوله شعان نامروحـش دفاهيـة ، دوبعيين تنأا دنعك ( سأماة) و( مرع) نعيي زالم ختاف لعيهم !! alhilal

أنا بس لك خوفي إن يكون حبايبنا ركبوا وصلة DSL في مبنى الحاجات العـامـة ، وقاعدين يتسلوا ...
أنا عاااارف إن عقليتهم ( بفضل من الله ) أقل من إنها تقرأ كلمتين على بـعـض ... بس لخي كالب إنتا جايب سيرة (لماج ) وكان ناقص تقول ( سوزي) ... ونلاقيك ورا السمش مشاربةً f*

تحياااااااااتي يا (حبيب قلبي ) / حياة قلبي / تعب قلبي ..شغل قلبي


والباقي بعد الـ(رنين) !!!

أنين
29-04-2005, 11:40 AM
ابن الارض ...
اعجاب باسلوبك ....
فعلا جعلتني اضحك...واتذكر !!!!!!!!!!!!!!!!!..عماد الدين اديب ..
انا ما بدخلش في الحكومة ...

تحياتي وسلمت يداك
واذا لم تكن مصري سوف اكوك عليك اهل مصر ...

...........................
التكويك ..التحريض ...

غربة شهرزاد
29-04-2005, 02:57 PM
واضحكتني وابكيتني

بدون كفايه لا لن اقولها كفايه لا لك ولا لمصر شعب وارض
ابن الارض
من النادر ان يشدنا اسلوب كاسلوبك هنيئا لك القلوب الساخره المحبه من حولك

ابن الارض
29-04-2005, 09:34 PM
خلود بايونس
بس الريس متقال في اغنيته الأخيرة ما جاب سيرة الطعمية خالص!
بالنسبة بقى لـ الحرية...
فوالله أنا لا اعرفها ولا شفتها... أنا بسمع عنها في التلفزيون بس...
عموماً منورة الشاشة يا خلود...

ابن الارض

ابن الارض
29-04-2005, 09:38 PM
الغيبوبة
مفيش أجمل من كده مرور...
ومفيش كمان اكتر من كده كمية تجشؤ في بلد واحدة...
صحيح كلهم بيتجشأوا... وحقيقي كلنا ضعنا في غيبوبة...
لكن مهم جداً إننا نقول (كفاية)... ولو لمرة واحدة قبل ما نواصل غيبوبتنا الكبيرة!
مش عشان خاطرنا... لكن عشان خاطر ولادنا اللي كلنا نتمنى يكونوا عايش في وضع أحسن مننا.

شاكر لك جميل المرور
اخوكي
ابن الأرض

ابن الارض
29-04-2005, 09:43 PM
نور الغدير
بيني وبينك أنا مرعوب مش خايف بس!
بس خلي الحكاية دي سر بينا..
كل التقدير ايضاً من ضمير الغائب المتوجس خيفة

ابن الارض
29-04-2005, 09:46 PM
الحالم
يعني قصدك إيه يا كابتن
مش فاهم ... ورحمة خالي وائل اللي لسه ما ورثته مش فاهم!
أنا لا جبت سيرة ماسبيرو ولا الفتاة التالتة، قال على رأي المثل ده اللي يجي على الولايه ما يكسبش!
أنا كان قصدي احكي عن نوع جديد من امواس الحلاقة اسمه (موس بيرا)
دوبعين اتن فايخ يله .. يا عم يخلها لعى ربك...
جيحرى ايه عني اتكر من اللي رجا
دي حاجة... الحاجة التانيه، أنت عارف ان الحكومة يومها بسنة، واحتمالات انهم يركبوا DSL بالسرعة دي معدومة...
يعني عبال ما (الدمغة) تاخد وضعها، والختم يشق طريقه، أكون صبغت شعري، وسافرت موزمبيق!

متشكر يا صحبي على الاهتمام بس سواء كان الكمان نها دعوسي أو صمري ... صدقني مش فارقه...
المهم اني قادر اتنفس!
تحياتي لك أيها الحالم الطيب
وتحياتي برضه للاخت (رنين) والسيدة الفاضلة بنت المعلم نصري!

اخوك
ابو طعيمة الفسخاني
على سبيل التمويه يعني

ابن الارض
29-04-2005, 09:49 PM
انين
طبعاً مصري... بل وعربي جداً...
ولو ان حكاية (عربي) دي عامله زي السمنة البلدي، وتقيلة على المعدة!
أنا ايضاً ما لي دخل في الحكومة... اسوة باخويه الكبير عماد الدين اديب
مرورك يشبه النشادر أنين
شاكر برعب تكويكك...وبسمتك

ابن الارض
29-04-2005, 09:51 PM
غربة شهرزاد

اسم جميل فعلاً...
تسلمي يا (شهرزاد)... وأنا متأكد ان مصر بأهلها ديماً سعداء... طول ما فيه ناس محترمين مثلك
لا تحزني، لكن ممكن تواصلي الابتسام... مادام الله معنا...ومعهم
شاكر بفهرنهايت مرورك هنا

خلود بايونس
30-04-2005, 12:17 AM
إبن الأرض عندما حررت ردي هنا معجبة بأسلوبك ثانيا وبشجاعة أهل مصر أولا ورد على خاطري بيتا شعر لكنهما لم يستقيما بوزنهما في ذهني لذا رجعت عن كتابتهما والآن وقد تذكرتهما هاهما

رفعتم شباب النيل أمس لــواءها .......... فنفستم كربي وبردتـم وجدي
وثرتم على الحامي العتيد وصحتم............"نعيش كراما أو نُغَيب في اللحد"

ودم (منورا) لكل الشاشات

إبراهيم عادل
30-04-2005, 12:26 AM
الحالم
يعني قصدك إيه يا كابتن
مش فاهم ... ورحمة خالي وائل اللي لسه ما ورثته مش فاهم!
أنا لا جبت سيرة ماسبيرو ولا الفتاة التالتة، قال على رأي المثل ده اللي يجي على الولايه ما يكسبش!
أنا كان قصدي احكي عن نوع جديد من امواس الحلاقة اسمه (موس بيرا)
دوبعين اتن فايخ يله .. يا عم يخلها لعى ربك...
جيحرى ايه عني اتكر من اللي رجا
دي حاجة... الحاجة التانيه، أنت عارف ان الحكومة يومها بسنة، واحتمالات انهم يركبوا DSL بالسرعة دي معدومة...
يعني عبال ما (الدمغة) تاخد وضعها، والختم يشق طريقه، أكون صبغت شعري، وسافرت موزمبيق!

متشكر يا صحبي على الاهتمام بس سواء كان الكمان نها دعوسي أو صمري ... صدقني مش فارقه...
المهم اني قادر اتنفس!
تحياتي لك أيها الحالم الطيب
وتحياتي برضه للاخت (رنين) والسيدة الفاضلة بنت المعلم نصري!

اخوك
ابو طعيمة الفسخاني
على سبيل التمويه يعني
هههههههه

شكلك يا عمو ..مش عارف الذي يجـري ، ونبطح وراء الأبواب المسوجـرة !!!


آآآخر الأنباء : تم تركيب خطين DLL لنناس إياهم ، وتم ضبط ( ضابطين) في وضع مُخـل بالآداب .... يا عيني كانوا بيتفرجوا على موقع ( هيـفـا) ....


ما علينا ...

تحيااااااتي ، على فكـرة تنأا لختني أتهم سالبياياة !! وهد طرخ لعيا !!!

تخيل حتى أنا مرفعتش أرقا اللي تنأا تابكه هههههههههههههههههههههههه

تودد
03-05-2005, 12:11 AM
بص بقا يا ابن الارض .. حقولك كلمتين اصل انا استنيت كثير عشان الناس اللي اكبر مني يخلصو كلام ودلوقتي عايزة اتكلم .. ممكن ؟؟:k:

طيب ..:x:

انت ياراجل ( ياعبيط ولا مُواخزة يعني ) مكانك مش السجن مكانك السرايا الصفراء...عشان انتَ راجل قلبه ميت ومش خايف على روحه وما بيحبش الحياة ..

انا عندي سؤال : هم المصراويين مخلقوقين من دم تاني مش زي دم بقية العرب لييييييييييه؟؟؟:h:

اصل انتو دمكم مخفف وروحكو ظريفة اوي.. والاهم من داه كله صوتكو عالي اوي اصل انتو بتعرفو تقولو كفاية .. بس عندكو حاجة وحشه اوي ..دايما بتزعلو جلالة الرئيس منكم ..


السؤال اللي بجد بقا ..ليه انتو واحنا كل العرب يعني معرفناش نقول كفاية.. وخلاص بقا .. الا لما ادتنا ماما امريكا الضوء الاخضر..

لك ودي...

إبراهيم عادل
03-05-2005, 06:52 AM
بص بقا يا ابن الارض .. حقولك كلمتين اصل انا استنيت كثير عشان الناس اللي اكبر مني يخلصو كلام ودلوقتي عايزة اتكلم .. ممكن ؟؟:k:

طيب ..:x:

انت ياراجل ( ياعبيط ولا مُواخزة يعني ) مكانك مش السجن مكانك السرايا الصفراء...عشان انتَ راجل قلبه ميت ومش خايف على روحه وما بيحبش الحياة ..

انا عندي سؤال : هم المصراويين مخلقوقين من دم تاني مش زي دم بقية العرب لييييييييييه؟؟؟:h:

اصل انتو دمكم مخفف وروحكو ظريفة اوي.. والاهم من داه كله صوتكو عالي اوي اصل انتو بتعرفو تقولو كفاية .. بس عندكو حاجة وحشه اوي ..دايما بتزعلو جلالة الرئيس منكم ..


السؤال اللي بجد بقا ..ليه انتو واحنا كل العرب يعني معرفناش نقول كفاية.. وخلاص بقا .. الا لما ادتنا ماما امريكا الضوء الاخضر..

لك ودي...

هههههههههههههههههههههههههههههههههههههههههههههههههه هههه
اسمحي لي يا أيتـها الخـارجـة من عباءات ألف ليلة وليلـة ...إنتي ضحكتيني أكـثـر !
أصلي ف الأول كنت فاكرك زيــنـــا :g: ;)

لكن اكتشفت ـ ولفرط ذكـاااائي ـ إنك منهم :nn :l:

عمومًا ، هوا بصرااااحة (ابن الأرض) بيهرج ؟؟؟ ، ولو رجعتي للملاك اللي نأا باتكهو له هتفرعي صدقي يأه !!!!(( أنا نسيت إني بكلمك إنتي ))
لو رجعتي للكلام اللي أنا كاتبـه هتعرفي قصدي إيه .
أنا برررضه بقول له كـده ، إنتـــا عميييييييييييل يا ابن الأرض ، عميل ، وخاين ، ومش حريص على مصلحـة البـلـد ............................... :cd: وأشيااء أخـرى .

أنا كده تمام يااا خااالة !!!
( ابن الأرض : ملحوظـة " تودد" عـضـو جديد " يعني رااقب تحركاتك الفترة القادمـة يا حلو ، أهم طلعوا مفتحيييييييييييييين أهم !!! ، ربنا يستر ، أنا معرفكـش !!) :j:

تودد
03-05-2005, 06:50 PM
طيييييييييييييييب ياحالم !!!

انتا كيدا اعبط منه .. عشان انا بالمح اسكتو اسكتو ..بس انتو مش عايزين اعملكو ايه ... داه اكل عيشي اسفه لان انته كمان مدرج في قائمة الارهابيين وكفاية بقا...

على فكرة انا مخرجتش من تحت العباية انا لسه تحتها والله ..

لك ودي ..

ابن الارض
03-05-2005, 07:37 PM
تودد
ولو أن مش باين إن الموضوع فيه أي تودد خالص...خصوصاً وان الأخ الحالم بعتر يجي دستة ونص فيران بلدي في عبي... وقال يا فكيك!

نخش في السؤال اللي بجد يا تودد... بعدين نناقش الحيثيات
أولاً أميركا مش ماما ولا حاجة... دي إشاعة ألفها (صبحي) وخلصت!
ثانياً: (كفاية) موجودة بالفعل من زمان جداً... وفي ضمير كل مواطن مصري!
فيه ناس معتقده ان (كفايه) بينها وبين أيمن نور علاقة طردية!
وبما أن أيمن نور بينه وبين جهات معتلة برضه علاقة طردية!
الناس افتكروا ان كفاية وأيمن واحد!!
لكن الحقيقية ان أيمن حاجة ... وكفاية حاجة تانية خالص...الشئ الوحيد اللي بيربط الاتنين... هو أن حسني لازم يلم هدومه ويرجه المنوفية فوراً!

أيمن رجل ليبرالي.. بتاع موفنبيك وبوفتيك... ومن رأيي – ولو أني ماليش رأي – انه ما ينفعش غير رئيس تحرير!
لكن رئيس جمهورية... دي تبقى مصيبة... ومصر مش محتاجه أغاني وأماني تاني!
لكن أجمل ما في (كفاية) إنها بره الدوشة دي، وما لهاش علاقة بأي جهة.
(كفاية) مجرد صوت إنساني، الناس محتاجين التغيير عشان خلاص زهقت من الخطط الخمسية!
(كفاية)... بتقول لا للتوريث ولا للتمديد...وكمان شايفه إن 25 سنة كفاية جداً، خصوصاً وإنهم مش أي (25)!
وكفاية بتأكد إن أكيد الـ72 مليون بتوعنا فيهم على الأقل اكتر من واحد يقدر يدير الدفة..
جايز يتحسن حالنا!
حتقولي: طب لو ما تحسنش؟!
حقولك: مفيش مشكلة...بعد عشر سنين نرجع نقول كفاية تاني.
لحد ما يجي واحد يكون ريس بجد... يشكم شوية العيال اللي قاعدين على كراسي الوزارات، والبلطجية بتوع موبينيل!
المهم إننا يكون في ايدينا إننا نغير اللي بيحكمنا...
لازم يكون الاعتقاد الجديد عندنا... إن الريس ده مجرد موظف؟
لو شاف شغله صح، نديله علاوة...
ولو لعب بديله... يبقى نشيله من (ديله) برضه ونرميه، ونجيب (واد) ريس تاني يشوف شغله صح!

حتقوليلي: ولو ما حصلش يا ابن الأرض؟!
حقولك: وماله ... ده وارد جداً... لكن وقتها بقى يبقى الخلل فينا إحنا... مش في النظام!
يا تودد...
قومي دلوقتي شوفي الحاج والدك قاعد فين ...واسأليه: إيه اللي ناقص مصر؟
حيقولك ببساطة شديدة: يووووووووووووووووووووه... حاجات كتير قوي!

تعرفي يا تودد... أنا بتمنى بعد عشرين سنة، لما الواد فارس يجي يسألني نفس السؤال أتمنى أكون قادر أجاوبه وأقول: مصر بخير ... مش ناقصها أي حاجة!

تفتكري يا تودد ده ممكن يحصل؟
وأخيراً... وبالنسبة للسرايا الصفرا... بجد ياريت يكون فيها مكان فاضي يلمني...

نجفة منورة يا تودد
ولو أني مرعوب لتكوني من أنصار كرسي في الكلوب!
معلش... الرد كان طويل

ابن الارض
03-05-2005, 07:57 PM
الحالم، حبيبي قلبي... تعب قلبي، غايظ قلبي... وهلم جرا
تفترك ان تددو دي مكمن تكون جبد من الحوكمة...
على كل حال أنا خدت احتياطي...
وجرتي نامع...
وما جبتش سيرة التنظيم بتاعتك خالص...ولا قلت انك أمير جماعة ولا حاجة!
ما تخفش سرك في بير يا صحبي
بقولك ايه: مش لازم بقى كل شويه تؤكد للجماهير المتعطشة لدمائي أني عميل... مش يبقى سجن وكمان خراب ديار!

تودد
03-05-2005, 08:12 PM
هههههههههههههههههه

ابن الارض شكرًا للتوضيح ..

باقي حاجة لازم تعرفها ويمكن مش حتصدق ..بس والله بجد انا مشاركة في تنظيم كفاية مع اني مش مصرية بس عشان مصر ام الدنيا وام العرب قلت اشارك ..:u:

والسر اللي لازم اعترف فيه .. انا اتورطت.. اصل فيه واحد مصري من المنظمين لكفاية حط اسمي بالقوة ربنا يسامحه :n:..عارف انا بنامش الليل خايفة المخابرات المصرية تجي للبيت في اي لحظة ..

يالله ربنا يستر علينا وعليكو ...

لكم كل الود ..

إبراهيم عادل
03-05-2005, 10:43 PM
هههههههههههههههههه

ابن الارض شكرًا للتوضيح ..

باقي حاجة لازم تعرفها ويمكن مش حتصدق ..بس والله بجد انا مشاركة في تنظيم كفاية مع اني مش مصرية بس عشان مصر ام الدنيا وام العرب قلت اشارك ..:u:

والسر اللي لازم اعترف فيه .. انا اتورطت.. اصل فيه واحد مصري من المنظمين لكفاية حط اسمي بالقوة ربنا يسامحه :n:..عارف انا بنامش الليل خايفة المخابرات المصرية تجي للبيت في اي لحظة ..

يالله ربنا يستر علينا وعليكو ...

لكم كل الود ..

زبوووووووووووووووووووونة ..... زبوووووووووووونية يا عمو ....

إيااااك تقع ف الخيـة .... أقسم بالله إن ( تودد ) هتوديك × داهيـة ,,,,,,
أنا دلوقتي بـس عرفت هيا ليه مسميـة نفسـها (تودد ) الموضوع وااااااااضح ، وذيل رسالتها لكم كل ( الود) !!!!!

على فكـرة يا عمو (محمد ) أنا مبسوووووووووط جـــدًا بنشااااطك وموضوعاتك ، وآآآمــــل أن نسعى ( سويًا ) نحومشروع خطيييييييييير إسمه ( تمصـيـر السـاخـر ) ....

تابع (نوور) و ( راهب الشـوق) و( فارس المفروس) ..................

وسيبك من ( تودد) وأخواتها :)























تحياااااااااااااااتي :)

مجهول هويه
04-05-2005, 03:38 PM
ابن الأرض :
أسلوبك قمه في الروعه
اثناء قراْتي للموضوع ظننت بأني قد خرجت من نظاق الكره الأرضيه
ولكن بعد ذلك لفتت نظري كلمه انتهى ....وبعدها اسمك الذي اعادني الى مكاني
تحيــــــــــــــــــاتي .......ودمت لنــــــا

تودد
05-05-2005, 12:16 AM
وماله يا حالم نمصر الساخر او نمسخر مصر ماكله ملحق بعضه .. بس بتقول سيبك من تودد واخواتها ليه ؟؟؟هو انا عملت حاجة وحشة لاسمح الله طب والله انا واخواتي بنحب مصر اوي امال ايه ..الله ؟!..هو مش الرسول صلى لله عليه وسلم قال (( استوصوا بأهل مصر خيرًا فان لنا فيها نسبًا وصهرًا )) او كما قال ..<?xml:namespace prefix = o ns = "urn:schemas-microsoft-com:office:office" /><o:p></o:p>

<o:p> </o:p>

أما انته يا ابن الأرض ..انبارح رحت للحج والدي زي ما قلت لي <o:p></o:p>

وسألته : هي مصر ناقصها ايه يا بابا ؟؟ قال و لاحاجه يا بنتي هم بس لو ينظموا النسل امورهم تسلك ..<o:p></o:p>

قلت لنفسي يمكن عشان بابا مش مصري ما بيعرفش ناقص مصر ايه ..<o:p></o:p>

<o:p> </o:p>

طب قولي يا بابا هي سوريا ناقصها ايه ؟؟ قال ولا حاجة يا بنتي هم بس لو يبطلوا يستفزوا امريكا يبقا ولا احسن ..<o:p></o:p>

<o:p> </o:p>

الله طب السعودية يابابا ناقصها ايه ؟؟ قال السعودية بقا مانقصاهاش ولا حاجة كله عندنا .. وغير جلسته وقال هم انتو الشباب العربي اليومين دول مالكم مخكم طاقق ..قاعدين بتدورو على الشر ليه ما احنا ابهاتكم عشنا قبلكم في ظروف اوحش من كيدا بكتير والواحد بيحمد ربنا ويشكر الحكومة ..اصل انتو ما جربتوش الجوع زينا ولا الحرب ولا السلب والنهب وبدأ موال طوييييييييل باكره اسمعه قلت حسبي الله عليك ياابن الارض انته السبب ..<o:p></o:p>

<o:p> </o:p>

اكيد انته دلوقتي بتقرأ كلام بابا وتقول ايه الرجل القروي داه :y: ما بيعرفش من حقوق الانسان حاجة ..<o:p></o:p>

<o:p> </o:p>

حا اقول لك خطأ اصل بابا قروي آه بس بيفهم كويس.. مهو متجوز الجزيرة والعربية ..واصل بابا بيقرأ كتب كتير ..واصل بابا شارك في حرب العاشر من رمضان ..<o:p></o:p>

<o:p> </o:p>

بس هو وغيره كتير بيعتمدوا على حديث للرسول صلى الله عليه وسلم انا مش حافظاه بس معناه انه من عوفي في بدنه واكل قوت يومه وبات امنا في سربه فكانما حيزت له الدنيا ..

<o:p> </o:p>

بيقولو ان قول الرسول وقوله الحق ..هو خير مثال لحقوق الانسان المسلم واللي بيطلب اكتر من كيدا يبقى طماع اوي ...<o:p></o:p>

قلت يا بابا يمكن عشان احنا شباب عاطل يبقى مخنا طاقق زي ما بتقول ..والفاضي بيعمل قاضي !!<o:p></o:p>

<o:p> </o:p>

قال : يابنتي هم هيعملو ايه مانتي بتعرفي الدول العربية مديونة داه حتى حرام تبقوا انتوا والديون على الحكام طب دي الرحمة حلوة والصبر جميل ..<o:p></o:p>

<o:p> </o:p>

قلت حاضر يابابا حنصبر اكيد .. اصلها ما بقتش تفرقش معاي كتير .. لاني لو اتعينت السنه دي في وظيفة حكومية حيجيني التقاعد السنة الجاية ..وكله محصل بعضه ..<o:p></o:p>

<o:p> </o:p>

بقول ايه يا ابن الارض مش محتاج اوصيك تحط الكلام داه حلقه في ودنك عشان لما يسألك الواد حمادة ربنا يحرسة تقولهوله اصل ما فيش غير الكلام داه يتقال ... <o:p></o:p>

<o:p> </o:p>

ملاحظة : حتى لا تحسب علي كذبة اقر انا الموقعة أدناه:c: أن الكلام أعلاه a* من باب التنوع في الطرح والمسخرة يعني بشوية صراحة أنا كذااااااابه..<o:p></o:p>

<o:p> </o:p>

لكم كل الود من تودد ..:p <o:p></o:p>

<o:p> </o:p>

<o:p> </o:p>

<o:p> </o:p>

إبراهيم عادل
05-05-2005, 10:04 PM
بس هو وغيره كتير بيعتمدوا على حديث للرسول صلى الله عليه وسلم انا مش حافظاه بس معناه انه من عوفي في بدنه واكل قوت يومه وبات امنا في سربه فكانما حيزت له الدنيا ..

<]قال : يابنتي هم هيعملو ايه مانتي بتعرفي الدول العربية مديونة داه حتى حرام تبقوا انتوا والديون على الحكام طب دي الرحمة حلوة والصبر جميل ..<o:p></o:p>[/font][/color]

<o:p> </o:p>

قلت حاضر يابابا حنصبر اكيد .. اصلها ما بقتش تفرقش معاي كتير .. لاني لو اتعينت السنه دي في وظيفة حكومية حيجيني التقاعد السنة الجاية ..وكله محصل بعضه ..<o:p></o:p>

<o:p> </o:p>

بقول ايه يا ابن الارض مش محتاج اوصيك تحط الكلام داه حلقه في ودنك عشان لما يسألك الواد حمادة ربنا يحرسة تقولهوله اصل ما فيش غير الكلام داه يتقال ... <o:p></o:p>

<o:p> </o:p>

ملاحظة : حتى لا تحسب علي كذبة اقر انا الموقعة أدناه:c: أن الكلام أعلاه a* من باب التنوع في الطرح والمسخرة يعني بشوية صراحة أنا كذااااااابه..<o:p></o:p>

<o:p> </o:p>

لكم كل الود من تودد ..:p <o:p></o:p>

<o:p> </o:p>

<o:p> </o:p>

<o:p> </o:p>

وانكـشـفت (تودد ) ببسااااااطــــة :

إليكم أعزاااائي اللي متابعيننا ( وأنا طبعًا بكلم نفسي !!ـــ يبدو إن ابن الأرض تم اعتقاله :k: ) إليكم التاالي ، والآلآلآلآلآلآتــي والجاااااي
تودد من السـعوديـة ، وبتتريقأ على أحسن أجنااااااس الأرض ، وهي تردتي مسوح الرهبان ـ وهي تقول أنها تحب ( المصاروة) وتجااهلت ما فعله أهلها في المصريين في حـرب 67 ، ثم هزيمتهم النكرااااااء الشنيـعة في 73 ، كل ذلك مسـحته بأستيكـة ( سداسية طبعًا / أزرق × ابيض) :k:
وتدلل على خنوع وخضـوع الشعوب العربيـة بحديث رسول الله صلى الله عليه وسلم ( «من بات آمنًا في سربه، معافى في بدنه، عنده قوت يومه، فكأنما حيزت له الدنيا بأسرها) ، ونسيت أن هذا الحديث ليس دعـوة للتقاعس بقدر ما هو دعـوة للتفاؤل في الحيـاة ، وليس الخنوع ، والرضا بالظلم !!! ، وإلا فهناك حديث ( عجبـًا لأمـر المؤمن ..... الحديث ) الذي يمكن بمنطقك أن يجعل الإنسان يدير خده الأيسـر لمن يصفعه على اليمين !!! باعتبار أنه إن صبر له الأجـــر !!!



تبًا .................و عجبًا ......


على كـل حـال أعزااااائي قد انكشفت الآن الأوراق ( أعزائي دول يعني : غيني ، وبقي ، وإيدي ، وصوابعي .... وكده يعني ، ماهو أنا مع نفـسـي )



عمو (محمد) خــليناااااااااااااااااا نشووووووفك

أنا وعنيا :)



أما نشووووووووووووووووووف آخـرتها معاااااااااااكم يا متودودين :)

تودد
06-05-2005, 08:28 PM
يانهار اسود ومنيل بستين نيلة :xc: !!! انته مالك ياحالم عاوز مني ايه ؟؟؟<?xml:namespace prefix = o ns = "urn:schemas-microsoft-com:office:office" /><o:p></o:p>

<o:p> </o:p>

<o:p> </o:p>

اولا انا ما اعرفش ابن الارض فين انا كل اللي قلته لما سألوني عنه ان هو بيفكر كثير في حرية الشعوب وتحريرها من قيودها.. وقلت ان هو صاحبك انته بس وحاجات من داه يعني .. <o:p></o:p>

<o:p> </o:p>

انته بتقول : وبتتريقأ على أحسن أجنااااااس الأرض ..وانا قلت حاجه وحشة اتريقت ازاي ياراجل ياوحش انته ... طب والله وبالله ما قلتش كلمة اقصد بيها اهانه او حاجة من داه .. وريني انا غلطت فين لو سمحت عشان اصحح غلطيتي في حق اخوانا المصريين الجدعان ..<o:p></o:p>

<o:p> </o:p>

<o:p> </o:p>

اما اني بادعو الناس للرضا بالمقسوم من خلال الحديث ... فانت مافهمتش اصدي صح ... ودي مشكلتك انته مش مشكلتي اصلي مش حا اقدر افهمك بالقوة اذا ما كنتش عايز تفهم ...بطل تفهم بالشقلوب يا حالم .. ومع ذلك احترم رأيك (( عشان قبول الاخر بس ))..<o:p></o:p>

<o:p> </o:p>

الكلام الكبير بقا اللي وقفت عنده كتير وحقيقي ما فهمتوش انك بتقول : <o:p></o:p>

وتجااهلت ما فعله أهلها في المصريين في حـرب 67 ، ثم هزيمتهم النكرااااااء الشنيـعة في 73 ، كل ذلك مسـحته بأستيكـة ..<o:p></o:p>

<o:p> </o:p>

وربنا انا ماكنتش اتولدت في الوقت داه ياحالم .. وما اعرفش ايه اللي عملوه السعوديين معاكم ..ونفسي اعرف بس ايه بدون تجريح واهانة من فضلك اصل انا رغم كل العيوب اللي في بلدي ما اقدرش غير اني احبها ..فهمني من فضلك بس بشويش .. اذا مش هينا في رسالة خاصة وهناك جرح زي ما تحب ..<o:p></o:p>

<o:p> </o:p>

لك ودي والمره دي بجد بقا ..<o:p></o:p>

ابن الارض
06-05-2005, 10:41 PM
مجهول هوية...
وكلنا يا مجهول من نفس المجاهل ننهل...
مرحباً بك وبعودتك الى الارض...
ممتن بخجل حقيقي ثناءك لي...
ودمت لنا أيضاً...

اخوك
ابن الارض

ابن الارض
06-05-2005, 10:51 PM
الاخ المشاكس الحالم...
الاخت العزيزة تودد...

عارفين انا بدأت اقتنع إني قاعد تحت قبة مجلس الشعب...
واني وفتحي سرور بقينا واحد..
روقوا يا جماعة...
حالم... بقولك ايه: النهاردة جمعة... صلي ع النبي امال.

تودد... والدك رجل عبقري، بلغيه تحيات ابناء الارض...

دمتم ودمنا اخوة... وللابد

إبراهيم عادل
09-05-2005, 06:53 AM
يانهار اسود ومنيل بستين نيلة :xc: !!! انته مالك ياحالم عاوز مني ايه ؟؟؟<?xml:namespace prefix = o ns = "urn:schemas-microsoft-com:office:office" /><o:p></o:p>

<o:p> </o:p>

<o:p> </o:p>

اولا انا ما اعرفش ابن الارض فين انا كل اللي قلته لما سألوني عنه ان هو بيفكر كثير في حرية الشعوب وتحريرها من قيودها.. وقلت ان هو صاحبك انته بس وحاجات من داه يعني .. <o:p></o:p>

<o:p> </o:p>

انته بتقول : وبتتريقأ على أحسن أجنااااااس الأرض ..وانا قلت حاجه وحشة اتريقت ازاي ياراجل ياوحش انته ... طب والله وبالله ما قلتش كلمة اقصد بيها اهانه او حاجة من داه .. وريني انا غلطت فين لو سمحت عشان اصحح غلطيتي في حق اخوانا المصريين الجدعان ..<o:p></o:p>

<o:p> </o:p>

<o:p> </o:p>

اما اني بادعو الناس للرضا بالمقسوم من خلال الحديث ... فانت مافهمتش اصدي صح ... ودي مشكلتك انته مش مشكلتي اصلي مش حا اقدر افهمك بالقوة اذا ما كنتش عايز تفهم ...بطل تفهم بالشقلوب يا حالم .. ومع ذلك احترم رأيك (( عشان قبول الاخر بس ))..<o:p></o:p>

<o:p> </o:p>

الكلام الكبير بقا اللي وقفت عنده كتير وحقيقي ما فهمتوش انك بتقول : <o:p></o:p>

وتجااهلت ما فعله أهلها في المصريين في حـرب 67 ، ثم هزيمتهم النكرااااااء الشنيـعة في 73 ، كل ذلك مسـحته بأستيكـة ..<o:p></o:p>

<o:p> </o:p>

وربنا انا ماكنتش اتولدت في الوقت داه ياحالم .. وما اعرفش ايه اللي عملوه السعوديين معاكم ..ونفسي اعرف بس ايه بدون تجريح واهانة من فضلك اصل انا رغم كل العيوب اللي في بلدي ما اقدرش غير اني احبها ..فهمني من فضلك بس بشويش .. اذا مش هينا في رسالة خاصة وهناك جرح زي ما تحب ..<o:p></o:p>

<o:p> </o:p>

لك ودي والمره دي بجد بقا ..<o:p></o:p> ....

طيب ..نرجع هنا !!! ونخلينا عااااديين جدًا .... طالما ما بتظهرييييش هناااااااااااااك :e:

حاااااااجة صغننة قوووووووووي ..... ، ولسه ياااااااااماااااااا هنتكلم !!

لما إنتي سعودياية بتتكلمي مـصـري ليييييييييييه ؟؟؟؟؟

وإزاااااااااي ذكااااااااءك المخترق فاتت عليه السنوات دي ؟؟؟؟ طب إسألي أي حد جنبك كـده وهوا هيقول لك !!!!!!!!!!!!!!!!

ولك ودي ، والمره دي مش بجد :n: