PDA

View Full Version : سالمة بنت حمّاد



عايض مساعد
12-05-2005, 08:50 PM
الشعر يعجز والقوافي والاوزان
ــــ يخونني التعبير لو كنت قصّاد

وين القصيد اللي يجمّل علشان
ــــ أخلّده طول الدهر فخر وأمجاد

وأعطّره بالمسك وأهديه ريحان
ـــ والشعر له لحظات موتٍ وميلاد

ليت الكلام يْجود لي بعض الأحيان
ـــ وأهديه نبض القلب والروح لا جاد

ليته يجملّني مع نور الاعيان
ــــ "أمي الحنون" الغالية بنت الاجواد

لا يمكن آجازي عطاها والاحسان
ــــ بالعمر والاّ النثر والشعر وش عاد

التضحية في عمرها دوم عنوان
ــــ وش حيلة المديون والدين يزداد؟!

ألثم بطون أقدامها حب واذعان
ـــ وافرش لها أهدابي على الدرب سجاد

لها خضوعي عز والراس ما هان
ــــ عسى جزاها الخير من رب الأشهاد

أشرب غلاها العذب لا صرت عطشان
ـــــ وحديثها يغني عن الشرب والزاد

واذا استحى من أمه فْلان.. وفْلان
ــــ أقول أنا : أمي (سالمة بنت حمّاد)