Follow us on...
Follow us on Twitter Follow us on Facebook Watch us on YouTube
النتائج 1 إلى 11 من 11
  1. #1
    تاريخ التسجيل
    Oct 2006
    المكان
    أسطر رواية ..
    الردود
    302

    ::طرائف الشيخ كشك::

    أحب وبشدة ولدرجة الولع السماع لحديث الشيخ عبد الحميد كشك..فمكتبتي الصوتية تعج بأشرطته ومحاضراته .

    ولهذا الشيخ الفاضل بعض المواقف الطريفة في محاضراته أحببتُ أن أنقلها لكم بصورة مكتوبة.

    <<<ولذلك أنا بستغرب من الناس بتوع العربيات زي اللي راكب تاكسي وكاتب عليه إيه ياناس ياشر بطله قر

    ،،،جاتك خيبة طيب اكتب ماشاء الله لاقوة إلا بالله!! قر إيه..؟؟!!

    التاني كاتب على العربية إيه ،،ماتبصليش ياعبيط دا أنا شريها بالتقسيط!!طيب يابتاع اللبن يابتاع القسط

    ماتبصليش آل ياعبيط!!

    زي اللي كاتب على العربية بتاعته إيه اللي ماشي ورايا مغفل واللي كان ماشي وراه بتاع المرور قال له:

    تعال..يبقى أنا مغفل والله غير معلمك الأدب!!

    حاجة غريبة تمام!!

    زي اللي برضه يكتب على يركب عربية وكاتب عليها...كايداهم!!

    كايدة مين ياحبيبي؟؟؟!!! كايدة ألمانيا ؟؟!! كايدة إسرائيل؟!! كايدة مين ياغلبان..

    ولا التاني يبقى محمل العربية دبش وزلط وكاتب عليها إيه :مع السلامة ياجميل

    هو فين الجمال ياابني..دا انت تقول يامِية ندامة على اللي حب ولا طال

    بيبقى بيبيع فول مدمس وكاتب الحسود لايسود..يحسدوك على خيبة إيه..

    :#:#:#:#:#

    <<<<يعني إعلام مدمر مافيش حاجة طول النهار مافيش غير أقابلك فين وأقولك إيه..

    يبقى الواحد طلع على باب الكريم بيقول يافتاح ياعليم بدل مايقولوا له في الراديو اتق الله ولا تأكل حراما لأ

    يسمع محرم فؤاد بيقول رمش عينه اللي جرحني..جرحكِِ؟؟ِِ!! هو رمش عينه موس حلاقة ياولد هو إيه؟؟!!>>>

    <<<< خدوا السيد الأبنودي يومين في طرى_السجن الذي كان محبوس فيه الشيخ كشك_ وبعدين احنا قاعدين معاه قال:

    الواحد يعني لازم يقدم للبلد خدمات ومواهب

    فقلت له: حضرتك قدمت إيه من المواهب؟؟
    قال: انتم مش عارفني؟؟!!
    _والله بنحب نتشرف ياابني
    _قال دا أنا فلان مؤلف اغنية تحت الشجر ياوهيبة

    ماشاء الله ،إيه دا...إيه الفتوح والتجلي دا...إيه ياواد يابتاع وهيبة انت!!إيه العظمة دي ياسيدي..تحت الشجر ياوهيبة

    إسرائيل بتجيب صواريخ هوك وطيارات إف 15 وإف16 واحنا أُف منكم!!

    إيه ياوهيبة أيه!!

    هادي المسألة طول النهار مافيش غير الحب والفراغ والتبجح واللي تقول لها يمّا اعملي معروف ماعادش فيها كسوف ياتفتحي له الباب

    ولا أناديله..آآآآآناديله..نور آناديله..وحد من الجيران وصف له قلتنا يمّا القمر عطشان..

    شفتم عمركم القمر بيبقى عطشان؟؟!! يما القمر على الباب..

    الأخرى روسيا طلعت القمر وأمريكا طلعت القمر واحنا لسة القمر بتاعنا على الباب

    مش عارف إمتى بقى راح يسيب الباب>>>>>>

    **عن الناس الذين يربون الكلاب في بيوتهم**

    <<<<< إنما احنا بقى الناس مش لاقية تاكل ودا مربي كلب،،،الناس نايمة على الرصيف ودا عامل للكلب غرفة لوحده

    والناس نايمة على الرصيف وبيبقوا نايمين على الرصيف الواحد يقول للتاني : إيه وسّع شوية ياأخي

    يرد عليه: انت عاوزني أنام في الشارع؟؟!!!

    أمال انت نايم فين ياابني

    ويبقى الناس مش ملاقية مواصلات وتلاقي بيجو_اسم الكلب_دا هو باصص من شباك الشيفروليه وانت واقف على المحطة بقالك ثلاث

    ساعات والكلب باصص الك وبيضحك لك ابتسامة زرقة بنت كلب حتقول غيه يعني

    شيفورليه ومرسيدس واحنا مش لاقيين حمار سيدس!!

    حتعمل إيه تقول يعني :ياليتني كنتُ ...ههههههههههه حتعمل إيه؟؟!! ماانت عاوز توصل

    وحد الله وقول لاإله إلا الله

    النهار ده في كلاب أحسن من موظف درجة رابعة...

    يعني الكلب إذا ماكملش كيلو الكباب ،،،تلفون يضرب للدكتور البيطري
    _يابيه
    _نعم يامدام
    _ده بيجو ماكملش ال....أنا خايفة يكون في حاجة في الجهاز الهضمي

    الصور دي موجودة

    يعني إذا الكلب مانامش شوية بالليل لابد الدكتور يكشف عليه يشوف عنده زكام ولانزلة برد

    الفقير النهار ده بيروح المستشفى بدون ماالدكتور يكلمه يبقى رايح عينيه وجعاه الدكتور يطلع أي تذكرة يعطيها له تطلع تذكرة إيه؟؟!!

    ده عينيه وجعاه ،،تطلع زرنيخ وحديد!!!

    يروح له عنده مغص في بطنه يعطيه تذكرة قطرة!!

    :#:#:#:#

    <<<<الناس زمان كان فيها خير والله حتى العيال الصغيرة في المدارس حتى الأناشيد اللي كنا بنحفظها زمان كانت تعلمنا الأخلاق والأدب

    كان بيقول لك:

    كم ياأبي لك من يدٍ عندي وكم لك من أثر
    أنت الذي ربيتني ورعيتني منذ الصغر
    وكسوتني وغذوتني ووقيتني شر الغِير
    فإذا ألم بين الضنا حل الأسى بك والسهر
    تدعو الطبيب ولاتني حتى يجاوزني الخطر
    وأفدتني العلم الذي هو كنز مالي المدخر
    وتظل تكدح في الحياة لحاضري والمنتظر
    هو ياابي دينٌ عليّ أرده عند الكبر

    واحنا عندنا 8سنين و 9سنين

    امبارح بقول للواد ابني اللي في تالتة ابتدائي أخدتم إيه أناشيد

    أنا بفكر انهم بياخدوا الأناشيد بتاعتنا اللي بتخلي الواد يحترم أبوه

    قال لي: أخدنا نشيد القطة مشمشة!!

    قلت له: قله..قله

    بتعرف...اسمع ياسيدي..اسمع التعليم بتاع التربية والتعليم ياخويا

    أنا حفظته أعمل إيه

    اسمع ياسيدي

    ياحلاوة القطة مشمشةفي وسط عيالها مفرفشة
    بتقول لهم بالناو نوااكل الفيران ليكم دوا
    بخاف عليكم من الهوالو كلب صاح ولاعوا

    الله أكبر!!!

    ياسيدي يادي تربية

    قلت له:بِـس ياولا

    آه امال إيه كلام بيخربش ههههه>>>>>

    أرجو أنكم قضيتم وقتاً لطيفاً

  2. #2
    تاريخ التسجيل
    Nov 2001
    المكان
    في الساخر
    الردود
    4,035
    **

    السيد فيزياء ..:


    نستطيع الوصول بكل سهوله إلى شيخنا الفاضل كشك ... وكم نحبه ..!!


    هنا في الحرف التاسع والعشرون نريدك انت بمقالاتك الساخره ... ولا شيء غيرك ..!!



    تحياتي


    بشبوش أفندي

  3. #3
    تاريخ التسجيل
    Oct 2006
    الردود
    101
    شكراا الف شكر

  4. #4
    تاريخ التسجيل
    Oct 2006
    المكان
    تحت المقابر
    الردود
    79
    رحمة الله على الشيخ....
    (قال : لماذا أراك دائما تحمل هذه العصا ؟ فقلت : لأني أعرف قدْري لدى الكلاب !!).

  5. #5
    تاريخ التسجيل
    Oct 2006
    المكان
    أسطر رواية ..
    الردود
    302
    Quote المشاركة الأصلية بواسطة بشبوش أفندي عرض المشاركة
    **

    السيد فيزياء ..:


    نستطيع الوصول بكل سهوله إلى شيخنا الفاضل كشك ... وكم نحبه ..!!


    هنا في الحرف التاسع والعشرون نريدك انت بمقالاتك الساخره ... ولا شيء غيرك ..!!



    تحياتي


    بشبوش أفندي
    عزيزي بشبوش..شكراً لمرورك...
    ..ولاهتمامكَ أيضاً
    لكن رأيتُ أن الفكرة طريفة...هذا مافي الأمر

  6. #6
    تاريخ التسجيل
    Oct 2006
    المكان
    أسطر رواية ..
    الردود
    302
    Quote المشاركة الأصلية بواسطة gr__motaz عرض المشاركة
    شكراا الف شكر
    تحياتي..لك!

  7. #7
    تاريخ التسجيل
    Oct 2006
    المكان
    أسطر رواية ..
    الردود
    302
    Quote المشاركة الأصلية بواسطة mummy عرض المشاركة
    رحمة الله على الشيخ....

    \
    شكراً لمرورك ..

  8. #8
    هذا الرجل له بالقلب مقام ومكانة . قلما تجد رجلا اجتمع على حبه الجميع

    صدق الله فصدقه ومات وهو ساجد بين يديه

    شكرا لك أختى

  9. #9
    تاريخ التسجيل
    Oct 2006
    المكان
    أسطر رواية ..
    الردود
    302
    Quote المشاركة الأصلية بواسطة أيمن ابراهيم عرض المشاركة
    هذا الرجل له بالقلب مقام ومكانة . قلما تجد رجلا اجتمع على حبه الجميع

    صدق الله فصدقه ومات وهو ساجد بين يديه

    شكرا لك أختى
    رحمة الله عليه...
    وشكراً لمرورك أخي

  10. #10
    تاريخ التسجيل
    Nov 2006
    المكان
    في أرض الله و تحت سمائه و وسط رحمته.
    الردود
    67
    السيد فيزياء...جزاك الله خير الجزاء,بتذكيرنا بهذا العالم الفاضل,الّذي كان يقول الحق و لا يخاف فيه لومة لائم,عاش للحقّ ناصرا و ساعدا,و مات بين يدي ربّه راكعا ساجدا,فأمسى في قلوبنا خالدا....رحمه الله رحمة واسعة.

  11. #11
    تاريخ التسجيل
    Oct 2006
    المكان
    أسطر رواية ..
    الردود
    302
    Quote المشاركة الأصلية بواسطة bouhilata عرض المشاركة
    السيد فيزياء...جزاك الله خير الجزاء,بتذكيرنا بهذا العالم الفاضل,الّذي كان يقول الحق و لا يخاف فيه لومة لائم,عاش للحقّ ناصرا و ساعدا,و مات بين يدي ربّه راكعا ساجدا,فأمسى في قلوبنا خالدا....رحمه الله رحمة واسعة.
    تحيةٌ معطرة بالرند
    وشكراً لحضورك

    ؛

    /

 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •