Follow us on...
Follow us on Twitter Follow us on Facebook Watch us on YouTube
الصفحة 14 من 19 الأولىالأولى ... 41213141516 ... الأخيرةالأخيرة
النتائج 261 إلى 280 من 377
  1. #261
    تاريخ التسجيل
    Jul 2005
    الردود
    33


    وآخرتها مخلوع يا مصراوي
    هذا آخرت الحاجات اللي متتسماش

    كان الله في عون كل المخلوعين أمثالك

  2. #262
    تاريخ التسجيل
    Dec 2004
    المكان
    في العالم الاخر من الساخر
    الردود
    49
    اللهم لا شماته
    ما انا قلت لك سيبك من الطريق الزفت ده

  3. #263
    تاريخ التسجيل
    May 2007
    الردود
    18
    الله يا مصراوي
    يا شماتة كل الستات فينا احنا الرجالة

    حاول تعدل شوي في الخاتمة خليها اقل مرارة مثلا يا راجل احنا مش ناقصين!

  4. #264
    تاريخ التسجيل
    Sep 2002
    المكان
    بلاد الاسلام
    الردود
    1,151
    الإخوة الباكين على حال الرجال
    الأخوات الشامتات
    لازال بالأمر الكثير من المفاجآت
    أنتظر نقاشا موسعا
    بعد الحلقة التالية
    تفضلوا

  5. #265
    تاريخ التسجيل
    Sep 2002
    المكان
    بلاد الاسلام
    الردود
    1,151
    (14)

    خرجت من الشاليه وتوجهت إلى الشاطئ لأخلو إلى نفسى قليلا ، لابد من إعادة تقييم للموقف ، إن التهاون فى بداية الحياة الزوجية أمر جد خطير .
    الزوجات عادة ما يطلقن بالونات الإختبار فى بداية الزواج لتحديد إستيراتجة التعامل ، مع كل تنازل من الزوج تضغط الزوجة للحصول على تنازلات جديدة لينتهى الأمر بالزوج إلى أن يصبح قيمة مهملة فى بيته حتى لا يكاد يلاحظ وجوده أحد.
    الحقيقة أن الزوجات يغيرن اسالبيهن بصورة اسرع مما يغير فيروس الإنفلونزا تركيبته الجينية ، ولهذا فشلت كل الطرق فى القضاء على كل منهما ( الانفلونزا والزوجات )
    أخذت أسترجع الطريقة التى إتبعتها زوجتى فى بداية الزواج للسيطرة على الأمور وقد كنت فى تلك المرحلة غرا ساذجا ليس لى بالحياة خبرة تحمينى من ألاعيب الزوجات .
    إستغلت زوجتى حبى الجارف لها أبشع الإستغلال فقد أخذت تحدثنى عن حاجة الأنثى دوما لأن تحس أن رجلها يخاف عليها ويعتبرها جوهرته المكنونه و إنها إذا أحست بغير ذلك فقدت روحها و أصيب قلبها فى مقتل !!!!
    صدقت هذا الكلام - الذى أكتشفت متأخرا أن زوجتى حفظته من تلك المجلات والكتب التافهة التى تلقن الفتيات هذه السموم – فبذلت كل الجهد لإظهار خوفى عليها بإعتبارها جوهرة مكنونة .
    أتذكر عندما عدت يوما فوجدت إصبعها الصغير ملفوفا بالشاش !!! فصرخت هلعا وفرقا وأنا أسألها مرتعشا عما أصابها فقالت
    ..... المكواه لسعت صباعى أصلى مش متعوده أكوى خالص
    عندها وقعت فى خطا تاريخى لازلت أدفع ثمنه حتى اليوم عندما قلت
    ..... وتكوى ليه ؟ أنا أصلى بعرف أكوى كويس والحياة تعاون والرسول الكريم صلى الله عليه وسلم كان فى حاجة أهله ، أنا اللى حكوى لبسى ولبسك .
    وحتى يومنا هذا لم أستطع التحلل من هذا الوعد وقد أضيف الى ملابسنا ملابس ثلاثة أطفال
    لن أنسى رد فعلها ( المدروس ) فقد طفرت عينيها بالدموع وهى تقول
    .... فعلا معاك بحس بالأمان
    و............ الباقى معروف

    وعندما خرجت الممرضه وهى تطلب الحلاوة بمناسبة أن التحليل موجب كان خطأى التاريخى السابع عشر عندما صرخت – متأثرا بتلك الأفلام العبيطه
    ..... إنتى ما تعمليش حاجه أبدا إنتى ترتاحى وبس
    كلفنى هذا الخطأ كثيرا جدا فقد كانت فترة تمرين رائعة لى على مختلف أنواع أعمال البيت وتدريب لزوجتى على أساليب الأمر والنهى فى التعامل معى
    أفقت من تلك الذكريات على واقعى الجديد فشهرزاد لها إستراتيجية مختلفة عن إستراتيجية الأفاعى الناعمة ، فهى تنتهج إستراتيجية التصادم القوى منذ البداية فلو تهاونت وأنكسرت شوكتى فسيصبح هذا تسليما كاملا لزمام العلاقة بيننا إليها تفعل به ما تشاء
    إذا لامجال للنعومة والنقاش والإقناع لسبب بسيط وهو أن التصعيد مقصود من جانبها وهى تختبر صلابتى وقوة تحملى ولن تصيخ السمع لأى حوار
    إذا لأريها قوة شكيمتى منذ الأن فلا مجال للتراجع أو الاستسلام ( مع خالص الشكر للكابتن فان دام )
    عدت إلى الشاليه وحاولت الدخول فوجدت الباب مغلقا من الداخل ، ضربت الباب بقدمى مرتين بعنف وأنا اصيح
    ..... إفتحى الباب وبسرعه بدل ما الناس تسمعنا
    بعد لحظات فتحت شهرزاد الباب و أعطتنى ظهرها ، أقفلت الباب خلفى فاستدارت وهى تصيح
    ..... أنا مش قلتلك إنه ما يتقفلش علينا باب
    نظرت إليها نظرة مقصودة يتطاير منها الشرر وأنا صامت وابذل كل جهدى أن اظهر قدرا هائلا من تعبيرات الغضب
    قالت بصوت فقد الكثير من حدته
    .... إنت بتبصلى كده ليه
    لم أرد وظللت أصليها بتلك النظرات فقالت بصوت خفيض
    .... مش بتتكلم ليه
    هنا فلت بصوت حرصت ان يكون هادئا ولكن به قدرا هائلا من التصميم
    .... إسمعى أنا لا أكرر كلمة مرتين ما حدث اليوم لن يتكرر ثانية ، ما أطلبه ستنفذيه وبالحرف الواحد أنا من سيقود حياتنا الزوجية ولن أقبل اى شئ غير هذا
    ..... بس انا مش موافقه وحعمل اللى فى دماغى
    .... وأنا ممكن أكسر دماغك ودماغ اى حد
    صمتت ذاهلة قليلا قبل ان يحدث تحول عجيب ، فوجئت بها تقول بصوت مبحوح كله سعاده
    .... تكسر دماغى....... تعرف إنى كان نفسى أتجوز حد يكسر دماغى ،كان نفسى فى راجل له شخصية مش واحد مهزوز ومش فارق معاه أنا بعمل إيه ، تصدق أنا اتنرفزت فى الأول بس بقيت طايره من الفرحه إنك بتغير عليه
    ..... يعنى فهمتى إن ده خوف عليكى
    .... أيوه فاهمه ، أنا أصلى متعقده من جوزى الأولانى ، عمره ما حسسنى إنى ست ممكن يتخاف عليها ، كان بيعاملنى كأنى واحد صاحبه قاعد معاه كان نفسى فى مره يزعق فيه ويحسسنى إنى مراته مش مجرد واحده مش فارقه معاه فى أى حاجه
    ..... ده راجل خيخه و أنا مش ممكن أكون زيه
    ..... لا إنت راجل وسيد الرجاله ، كل الستات بتحب الراجل اللى ممكن يكسر دماغها ،
    ...... معقول
    ....... أيوه معقول ، إحنا الستات نموت فى الراجل اللى يكسر دماغنا
    كدت أنا اقول شيئا ولكنها أسرعت تضع يدها على فمى وهى تقول
    ..... لا متقولش حاجه ........ تعالى ... تعالى .... كسرلى دماغى
    ....
    ..
    ( يتبع )

  6. #266
    ( قطع الله السنتكن أيتها الزوجات !!! هو مفيش راجل يكلم مراته الا لما تقوله روح إتجوز شغاله ، انا نفسى اعرف اللى متجوزين شغالات بيتقالهم إيه
    صحيح بيتقالهم ايه!!!!

    لأ خوفتنى حترمى تحت رجليك أهوه و اقولك أوعى تقولها لا يا شاطر قديمه أنا اللى حقولهالك ، أنا شارطه فى العقد وفاهمه الشرع كويس أنا بطلق نفسى منك من اللحظه دى ، يلا أخرج من الشاليه لحد ما ألم هدومى ، انت راجل غريب ما يتقفلش علينا باب
    وقفت مذهولا وانا أحس ان رأسى يكاد ينفجر بينما توجهت شهزاد ( عفوا فتكات ) لتفتح الباب وتشير لى بأصبعها لأخرج
    يا تري كانت بتشاور بأي إصبع تفرق جدا ممكن يكون الطلاق غير صحيح وهذا يتوقف على اليد التى بها الإصبع

  7. #267
    تاريخ التسجيل
    May 2007
    الردود
    18
    ينصر دينك يا مصراوي
    ايوا كده.. بالجزمة العتيقة!

  8. #268
    تاريخ التسجيل
    May 2007
    الردود
    3
    الله يا مصراوي إيه العظمة دي كلها يا مصراوي يا ابها

  9. #269
    تاريخ التسجيل
    Dec 2004
    المكان
    في العالم الاخر من الساخر
    الردود
    49
    مش عارف ليه فكرتني بواحد اعرفه كويس بدايت جوازه كسر دماغ زوجته بس والله ما يئست قعدت تزن في راسوا لحد ما وقع في يديها زي العجين
    لدرجة انه معادش يتكلم بلهجته بقى بيتكلم بلهجتها واخذ عوايدها وخلى بطانته من اصدقائه كلهم من نفس بلد جوزته

    يا خوفي تعمل زيو ياعم
    عُدّل الرد بواسطة خوي الذيب : 06-05-2007 في 02:20 PM سبب: مزاج

  10. #270
    تاريخ التسجيل
    Jul 2005
    الردود
    33


    خليك كدا يا جدع
    راجل حمش وكلمتك وحده
    بيقولك المثل لا تشتري الست الا والعصا معك إن الستات ((.......)) الباقي عليك

    ربنا ما يحرمناش من حماشتك وقوامتك على الست ابو ليطه :gh:

  11. #271
    تاريخ التسجيل
    Mar 2007
    الردود
    141
    حبيبي غني على ليلاك
    أهو بدأ الجو يسخن .. ..بس
    رجع تاني ... ...لألآم الظهر..........
    يبدو بهرب لك من حليب الخلفات .. ....
    علشان تركب الحنتور ....وتتحنتر

  12. #272
    تاريخ التسجيل
    Aug 2006
    المكان
    الامارات
    الردود
    241
    بالمناسبة ..
    لماذا حتى الفتي اليافع يفكر بالمسيار ؟؟
    لماذا لا ييسر الناس أصلا متطلبات الزواج حتى يكون الزواج العادي هو الخيار الطبيعي !

    شكرا جزيلا ..
    متابع ومستمتع بتواجدي هنا
    إن ما يصلح تفسيراً لكل شيء لا يفسر أي شيء

  13. #273
    تاريخ التسجيل
    Mar 2007
    المكان
    قطر
    الردود
    15
    Quote المشاركة الأصلية بواسطة مصراوى عرض المشاركة
    [center](14)[/cent

    ..... لا إنت راجل وسيد الرجاله ، كل الستات بتحب الراجل اللى ممكن يكسر دماغها ،
    ...... معقول
    ....... أيوه معقول ، إحنا الستات نموت فى الراجل اللى يكسر دماغنا
    لا والله مش صحيح .....أنا ست و ما أحب حد يكسري لي دماغي حتى لو كان مين ....هاي أخرتها بعد

  14. #274
    تاريخ التسجيل
    Sep 2002
    المكان
    بلاد الاسلام
    الردود
    1,151
    السلام عليكم ورحمة الله
    أحب بداية أن أوضح أننى لا أدعو إلى أن يضرب الزوج زوجته أو يقهرها أبدا
    فى رأيى أن هذا إسلوب قد عفا عليه الزمن فضلا عن أنه يتنافى مع تعاليم ديننا قبل أى شئ
    ولكن ماذا قصدت من هذه الحلقة
    لفت نرى مشاركة الأخت sara.doha

    لا والله مش صحيح .....أنا ست و ما أحب حد يكسري لي دماغي حتى لو كان مين ....هاي أخرتها بعد
    لست أقصد أن المرأة تفضل الزوج الذى (يكسر دماغها) بمعنى يضربها أو يؤذيها بدنيا أو معنويا !
    السؤال : هل نموذج الزوجة التى تعانى من ضعف شخصية زوجها موجود ؟
    بالتأكيد نعم ، حتى تلك الزوجة المستبدة المتسلطة تمارس التسلط إنتقاما من زوجها لأنه لا يشعرها بأنوثتها أصلا
    ليست هذه دعوة لتسلط الرجال وأرجو ألا يفهم من كلامى ( كسر الدماغ ) معناه الحرفى فهذا ابعد ما يكون عما أقصد
    ما أقصده أنه خلال رحلة الحياة الزوجية هناك مواقف صعبه تعترض الزوجين وتحتاج إلى قرارات صعبة ايضا
    يخطئ الرجل عندما يترك لزوجته القرارات دائما لأن هذا يحملها فوق طاقتها وفوق ما يحتمله تكوينها النفسى والعصبى
    المرأة تحب الرجل القوى حتى وإن اظهرت عكس ذلك لأنه يعطيها شعورا بالأمان والثقة
    اما الرجل الضعيف فهى تعاقبه مدى الحياة وتستصغره إلى الأبد

    بطلتنا الشهرزادية عانت من إهمال زوجها السابق فأصبح رد فعلها بهذا الشكل
    لعلى أوضحت قصدى وأزلت أى معنى غير مقصود
    للجميع تقديرى

  15. #275
    تاريخ التسجيل
    Sep 2002
    المكان
    بلاد الاسلام
    الردود
    1,151
    ( 15 )

    مضى اليوم فى سعادة وهدوء ، ما أجمل الزوجة المروضه ، عندما يتسلم الرجل القيادة تستقيم الأمور وترفرف السعادة على الحياة الزوجية .
    هكذا كنت أحدث نفسى وأنا جالس أراقب قرص الشمس الشاحب يغوص فى زرقة البحر الفاتنه ، عندما داعب أنفى عطر شهرزاد المقترب وسمعت همستها المحببة وهى تأخذ مجلسها إلى جوارى
    ..... سرحان فى إيه يا حبيبى
    لا أدرى لماذا إنقبضت أمعائى للسؤال فمن خبراتى – و التى لا تختلف عن خبرات جميع الأزواج بالطبع – فإن هذا النوع من الأسئلة يكون ذا غرض خبيث يحاول تأكيد نوع من الشكوك أشد خبثا ، فالزوجات يعتقدن أن الزوج ينبغى الا يفكر بأى شئ فى الحياة و أن يتفرغ تماما لمطالعة وجه زوجته الحبيبة أناء الليل و أطراف النهار فلا يتحول بصره عنها قيد أنملة و إلا لأصبح هذا نذير وجود أخرى بحياته
    مرت هذه الأفكار بسرعة البرق بذهنى قبل ان أجيب إجابة محسوبة قائلا
    .... حفكر فى إيه غير السعاده اللى أنا فيها
    .... بجد ؟
    .... طبعا بجد وجد الجد كمان
    .... يعنى معقول ما فكرتش فى مراتك القديمة من يوم ما جينا
    إنها لحظة أخرى تحتاج حسما ووضوحا ، تنحنحت وقلت
    .... أكيد إفتكرت اسرتى طبعا ، يعنى مش معقول أنساهم خالص وإلا أكون معنديش أصل
    ..... يا سلام يعنى حتى فى شهر العسل تفكر فيها
    .... بقولك إيه أنا محبش أكذب على مراتى أبدا ( ما أكبر هذه الكذبة ).. ثم إنك عارفة إنى متجوز
    .... آه عارفه بس كنت فاكرة إنك مشغول بيا عن الدنيا بحالها
    قلت لأحول مجرى الحديث
    .... طيب بقولك إيه ما تيجى نروح نقعد على البيسين شويه
    ..... آه صحيح أنا ملاحظه إن الهوت بيكينى البرتقانى اللى كان جنبنا على البيسين الصبح كان عاجبك أوى
    قلت بحده
    ..... مايوه إيه كان فين ده ما أخذتش بالى ( الحقيقة أنه كان مايوها ساخنا جدا ترتديه مجرمة فاتنه فى العشرين من عمرها ذات لون خمرى وقوام ملئ بالمتفجرات )
    .... أمال كنت بتبص على إيه بجنب عينك من تحت النظارة
    .... وكمان شايفه عنيه من تحت النظارة الشمس ؟ يا حبيتى دى تهيؤات و إن بعض الظن إثم
    قالت بلهجة ممطوطة ذات مغزى
    .... طيب يمكن
    يا للداهية يبدو أن النساء نسخ مكررة ، إن أكثر ما يخنق الرجل تلك الرقابة المفروضة عليه من زوجته والتى تحاصر الأفكار قبل أن تحاصر التصرفات وتذكرت ذلك البيت الشعرى الخالد الذى نطق به شاعر فحل _ يبدو أن الله قد من عليه بالتخلص من زوجته _ وحدثه البعض بالزواج مرة أخرى فصاح يصف حاله إبان زواجه


    قالوا تزوج قلت كلا ثم كلا ثم كلا ثم كلا
    قد كنت حوتا فى قاع بحر فأصبحت حوتا فى قعر حله

    نعم يا رحمك الله نحن الرجال حيتان محصوره فى قيعان الحلل بلا شك ، تحاصرنا الزوجات بالحساب على كل كلمة أو نظرة أو حتى إستغراق فى تفكير .
    والحقيقة أن أكثر ما يضحكنى هو تلك الرسائل التى تنشرها الصحف والمجلات لنساء يشتكين من حالة الخرس التى تصيب الأزواج مصحوبة بتركيز النظر فى التلفاز دو أن يحيدوا عنه يمينا أو يسارا لساعات
    فالحقيقة التى يعرفها الرجال ان هذه حالة دفاع سلبى ، فالرجل بعد أن يمر بعشرات التجارب الأليمة مع زوجته والتى ترهقه فى طلب تفسير لكل كلمة أو نظرة يقرر أن يرحم نفسه فلا يتكلم ولا ينظر سوى بإتجاه واحد هو إتجاه التلفاز
    استيقظت من تلك الافكار على صوت شهرزاد المحتد
    ..... يا سلام كل ده سرحان من ساعة ما فكرتك بالمايوه ؟وااضح جدا إنك مكنتش واخذ بالك منه
    .... وبعدين بأه هو أحنا حنعمل مشكلة وخلاص ما قلتلك ما شفتش المايوه ده لأنى بغض بصرى
    ..... نعمممممم !! بتغض بصرك ؟ دا إنت عليك بصات ، هو أنا أنسى أول مره جيت تزورنا وإإنت بتبحلق وتفصص فيه
    ..... أيوه بس أنا كنت جاى أتجوزك
    .... اللى متعود على الجرأة دى حيكون كده على طول
    قلت و أنا أغير إستيراتيجتى
    ..... اعمل إيه من ساعة ما شفتك مقدرتش اشيل عينى من عليكى ، و خلاص بلاش البيسين خلينا هنا لوحدنا أنا مش عايز اشوف اى حاجه غيرك ومش عايز غير إنى أبص فى عينيكى الجميلة طول عمرى
    فجأة اصبح صوتها ناعما مرة اخرى وقالت بدلال وغضب مصطنع
    .... يا سلام ... إضحك عليه بكلمتين
    ( ما أسهل الضحك عليك وعلى كل بنات جنسك بهذه الأكاذيب )
    ..... كلمتين ؟ دا كلام الدنيا كله ما يكفيش يوصف أد إيه بكون سعيد وإنت قدامى
    ..... تعرف ان كلامك حلو
    ..... هو أنا لسه قلت حاجه
    قالت وهى تقوم وتجذبنى من يدى إلى الداخل
    .... طيب تعالى جوه علشان توشوشنى
    و ..... سكتت شهرزاد عن الكلام المباح و..... أعان الله شهريار حتى ينبلج الصباح

    ( يتبع )

  16. #276
    مجنووووووووووون

  17. #277
    أتدري يامصراوي أني أضحك ساعة عند قراءة يومياتك...وأدمع أخرى !!!!
    أضحك لإبداع الكلمة وهي تصف الموقف الملتبس.. وأدمع حين تثني على الأخرى ...(شهر زادك)
    لا لشىء سوى أني أتذكر ـ أم عيالك ـ وهي تنتظرك بلهفة ... تدعو لك .. وتحلم بك..
    ورغم كل شيء أنت واحشهاااااا أوي !!
    فتمسخ تعابيرالبسمة من على شفتي وأردد .....مجرم أنت يامصرااوي و......
    اعذرني!!
    لك بصدق كل اشادات الإبداع وروعة السرد للأحداث ... ,انتظر بلهفة مغايرة تماما للتماسيح
    المتجمهرة والمتشمة بالست جوزتك..
    نصرة لمعاشر النساء!!!
    وبحق00
    أما رأيتم خيرا قط!!! يارجاله!!
    وعجبي!!!!!!!!!!!!!!!!!!

  18. #278
    تاريخ التسجيل
    Aug 2006
    المكان
    الامارات
    الردود
    241
    اعتقد ان الزوجة التي تحبذ أن يقوم زوجها بــ"تكسير راسها" هي في الغالب من النوع الذي يفضل أن يكون زوجها شبيها بأبيها .. خاصة في مجال العنف والشدة والحزم إلخ إلخ مما رأته من والدها تجاه أمها.

  19. #279
    تاريخ التسجيل
    Sep 2002
    المكان
    للأسف بلدي
    الردود
    876
    مصراوي
    والله انا خايف تعمل زي فأر المصيده لحد كده احنا كويسين!!!!!!!!!!!!!!!!!!!!!!!! بس وبعدين

    ؟؟؟

  20. #280
    تاريخ التسجيل
    Sep 2006
    المكان
    هنا
    الردود
    42
    انا اقترح اعطاء مصراوي فرصة لخمس ساعات يكمل فيها القصة

    و الا سيتم طرده المنتدى

    مصراوي عجل علينا الله يحم والديك
    " حضرت الى السينما العربية اريد رؤية السخافة العربية ، فرأيت ان حتى سخافتهم سخيفة !!.."



    الرافعي

 

 
الصفحة 14 من 19 الأولىالأولى ... 41213141516 ... الأخيرةالأخيرة

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •