Follow us on...
Follow us on Twitter Follow us on Facebook Watch us on YouTube
الصفحة 13 من 20 الأولىالأولى ... 31112131415 ... الأخيرةالأخيرة
النتائج 241 إلى 260 من 396
  1. #241
    تاريخ التسجيل
    Sep 2002
    المكان
    بلاد الاسلام
    الردود
    1,151
    Quote المشاركة الأصلية بواسطة ربيـ..ـع عرض المشاركة
    انا عايز اقول كم حاجة ...

    الحاجة الثانية ان الموضوع خاص للي عندو كرت عايله.. واللي ما عندو يدور لو سلف ....
    ثالثا ..لا .. لا .. اقصد اولا : اشكرك جدا يا مصراوي على هذه النهاية السعيدة في زمن النهايات المأساوية ...
    وما تبصليش ..
    انا عارف ان ودك تقول انو لسه ما انتهت السالفه ...
    لكن هذه الحاجات السعيدة هي نهاية .. لا يهم ما جاء بعدها ولو كان الطوفان ....

    وجهة نظر ... وكلك ذوق يا مصراوي ...
    من نافلة القول ان اقول اني استمتعت حد الثمالة .... وثماله انما اييييييه

    منك لله يامصراوي

    أخى الكريم
    وأدام عليك .... كرت العايله
    تقديرى

  2. #242
    تاريخ التسجيل
    Sep 2002
    المكان
    بلاد الاسلام
    الردود
    1,151
    Quote المشاركة الأصلية بواسطة الساخر الغامض عرض المشاركة
    اكيد كانت بتوريك الساعة اللي بتنور في الضلمة صح

    ما شاء الله..... سعادتك نبيه أوى
    سلمت لهذا المرور اللطيف كعادتك
    تقديرى وكل مودتى

  3. #243
    تاريخ التسجيل
    Sep 2002
    المكان
    بلاد الاسلام
    الردود
    1,151
    Quote المشاركة الأصلية بواسطة أحمد الأحمد عرض المشاركة
    ابداع منقطع النظير
    و رفع للضغط ( كمان ! ) منقطع النظير
    12 صفحه و ما بعد انتهى الموضوع ، من فضل الله علي اني لم اقراه الا اليوم و الا لما استطعت الانتظار ..
    عجل علينا بالباقي ،
    سلامتك من الضغط
    حلقة جديدة فورا مهداة إليك
    تقديرى

  4. #244
    تاريخ التسجيل
    Sep 2002
    المكان
    بلاد الاسلام
    الردود
    1,151
    ( 12 )
    فتحت عينى بصعوبة وضوء شمس ساطع يغمرنى ، كان باب الشرفة مفتوحا وشهرزاد تجلس مسترخية على الشيزلونج تشرب كوبا من العصير (لابد أنها تكافئ نفسها أيضا )
    حاولت أن ارفع جسدى فأحسست أننى أجذبه من تحت عربة قطار مزدحم بالبضائع وعانيت الأمرين كى أنجح فى الجلوس فقط
    تنبهت شهرزاد فاقبلت فرحة وقالت
    ..... صباح الخير إيه النوم ده كله ، إنت مش بتقول بتصحى بدرى
    ..... أصحى !!! مش لما أنام الأول أنا منمتش لحد الشمس ما طلعت
    ..... آه صحيح هو ايه اللى نيمك فجأه كده امبارح ؟ دا أنا يادوب سيبتك دقيقه وقمت أظبط مكياجى ببص لقيتك رحت فى النوم ومعرفتش اصحيك تانى
    ..... إيه ؟ وكنتى بتظبطى مكياجك ليه تانى بعد الفجر !!!!
    ..... هههههههههههه الله مش عروسه ولازم تكون جاهزه دايما
    ( جاهزه !!! ؟ جاهزه إيه اكثر من كده )
    ..... اصلى الظاهر كنت تعبان شويه قلت كفايه كده وبارك الله فيما رزق و أنام بأه
    ..... طيب ما نطلب الألإطار هنا أحسن أنا مش عاوزه اسيب الشاليه
    ...... لا لا الجو فى المطعم بيكون أحلى
    قلت ذلك وانا أقفز مسرعا من السرير قبل اى تطورات غير محمودة العواقب
    .........
    ......

    بارك الله بك يا سالم إبن بردقوش
    قلت ذلك وأنا اسحب لفافة البردقوش المخفية بعناية من الحقيبة و أدسها فى جيب الشورت قبل أن نتوجه للإفطار
    على مائدة الإفطار كانت توجد مكعبات الزبدة الصغيرة المغلفة تناولت إثنتين منها مستغلا ذهاب شهرزاد الى البوفيه المفتوح ، قمت من مكانى و اشرت لها أننى متوجه للحمام ، فى الحمام وضعت قالبى الزبد فى فمى ثم أفرغت نصف محتويات الكيس فوقهما و اخذت امضغ .....
    يا للداهيه ما أبشع هذا... إختلطت الأعشاب بالزبد وكونا كتلة بشعة الطعم صعبة البلع أخذت الوكها بصعوبة حتى كادت تخنقنى
    إبتلعت الخليط البشع بصعوبة وأخذت أحاول أنظف اسنانى بالكثير من الماء حتى لا تلحظ شهرزاد
    اخذت اعزى نفسى قائلا أنا لا أحتاج هذه الأشياء طبعا ولكن هذا فقط للظروف القهرية الحاليه ، فانا حاليا أعتبر فى ظروف حرب ضروس لم يشهد لها التاريخ مثيلا وفى زمن الحروب يجوز إستخدام كل الوسائل لتحقيق النصر
    عدت إلى مائدة الافطار و اخذت أحدث شهرزاد عن جمال البحر فى المنطقة وعن الرحلة البحرية التى تنطلق بعد ساعه من القرية الى جزيرة فى وسط البحر وذلك لمشاهدة الغروب والعودة تحت ضوء القمر واخبرتها أننى سمعت أنهارحلة اسطوريه ويجب الا نفوتها
    لم تبد شهرزاد حماسا كبيرا لأن الرحلة ستدوم معظم اليوم ولن نستطيع أن نكون وحدنا
    قلت
    ..... أنا نفسى نفضل لوحدنا على طول بس برضه الرحله دى حنفتكرها دايما لأنها رحلة شاعريه جميله
    وافقت شهرزاد على القيام بالرحلة وإنتهينا من الافطار وقمنا للعوده إلى الشاليه وأنا ألمح بأن الوقت ضيق ويجب أن نستعد سرعه
    بعد بضعة خطوات إلتفت إلى شهرزاد و أنا أكاد اصرخ
    ..... إدينى مفتاح الشاليه بسرعه ... بسرعه
    ..... ليه ما إحنا رايحين مع بعض !!!
    ...... بقولك بسرعه .... بسرعه
    ناولتنى المفتاح مدهوشه وتركتها فاغرة فاها واخذت أعدو بأقصى سرعة فى القرية وسط دهشة النزلاء
    وصلت إلى الشالية ففتحت الباب و أندفعت إلى الحمام بجنون
    ...........
    ........
    ......
    ( يتبع )

  5. #245
    تاريخ التسجيل
    Jul 2004
    المكان
    هناك .. في قلبها ...
    الردود
    865
    قلت ذلك وانا أقفز مسرعا من السرير قبل اى تطورات غير محمودة العواقب

    يا خبر ابيض
    كل ده خوف من الساعة
    هي بترعب كده
    كمل يا عم واخبرنا عن مفعول التركيبة

  6. #246
    تاريخ التسجيل
    Jul 2005
    الردود
    33
    مفعول التركيبه
    بيخليك يوم كامل في بيت الراحه
    تركيبه مغشوشه ومضروبه كمان

  7. #247
    تاريخ التسجيل
    Jun 2001
    المكان
    جمهورية دردشدينو
    الردود
    27
    شكلها وصفة مضروبة... بس على أقل حاجة بتسلم من شهرزاد... لبعض الوقت

  8. #248
    تاريخ التسجيل
    Apr 2007
    الردود
    12
    كُلَ المُتَابَعة

  9. #249
    تاريخ التسجيل
    Feb 2007
    المكان
    في الغابة..
    الردود
    1,449
    كُلَ المُتَابَعة . . .
    .
    .
    .
    .
    ـــــ..**..ـــــ

    الحنين .. فخّ الرغباتِ المؤجّلة

    .

  10. #250
    تاريخ التسجيل
    May 2007
    الردود
    5
    اضحك الله سنك

    ابداع مابعده ابداع

    لك تقديري مصراوي

  11. #251
    تاريخ التسجيل
    Dec 2004
    المكان
    في العالم الاخر من الساخر
    الردود
    49
    يه يا عم مصراوي مش على اساس الهنا الوان
    انا مش شايف الالوان

  12. #252
    تاريخ التسجيل
    Aug 2002
    المكان
    السعودية
    الردود
    60
    تكفى لاتتأخر ...

  13. #253
    تاريخ التسجيل
    Nov 2006
    المكان
    "في مهب الريح"
    الردود
    122



    أحسن تستاهل هذا جزاء الذي يعبث بأعصاب الناس

  14. #254
    ولا يهمك يا بطل الصعوبه دائما في أول مرة

  15. #255
    تاريخ التسجيل
    Sep 2002
    المكان
    بلاد الاسلام
    الردود
    1,151
    أحبتى الكرام
    لكل من زار صفحاتى و تكرم بالمرور والمتابعة
    لكم جميعا منى أرق التحايا
    وإليكم حلقة جديدة

  16. #256
    تاريخ التسجيل
    Sep 2002
    المكان
    بلاد الاسلام
    الردود
    1,151
    (13)

    كنت نائما فى السرير والمغص يكاد يقطع أمعائى عندما قالت شهرزاد
    .... إيه الحكاية إحنا أكلنا مع بعض ، ايه اللى تعب معدتك كده
    .... أكيد أخذت برد فى معدتى ( لأقطعنك أوصالا يا سالم بردقوش )
    .... برد !!! من إيه ؟
    ..... حيكون من إيه يعنى ، ما أنا قاعد طرزان طول اليوم قدام التكييف لازم اتجمد طبعا
    ..... طيب معلش ، عموما الدوا اللى إديتهولك حيخليك زى الحصان
    ..... خلاص أنا حنام شويه لأنى حاسس إنى هبطان
    .......
    ....
    بعد ساعتين فتحت عينى وأنا أحمد الله أننى ما زلت على قيد الحياة ، لم أجد شهرزاد بالشاليه.
    تناولت الموبايل لأتصل بها ولكن تذكرت أننى لم أتصل بزوجتى منذ قدومى ووجدتها فرصة للاتصال
    جاء صوتها فرحا
    ..... اهلا يا حبيبى إنت فين عماله اضرب عليك طول اليوم والموبايل مقفول
    ...... لأ ده المنطقة الإرسال فيها ضعيف ، إزيك إنتى والولاد وحشتونى جدا
    ..... و إنت كمان مش عارفه ليه المره دى قلقانه على طول ، وشفتك مرتين فى الحلم تعبان أوى
    ...... هه .. آه ...ايوه ... الحقيقة الشغل متعب أوى أوى ، تقريبا طول اليوم فى المنجم إدعيلى ربنا يقونى
    ..... بدعيلك على طول ، خذ طارق عايز يكلمك
    جاء صوت طفلى الصغير ذو الأربع سنوات
    ..... إزيك يا بابا إنت مش تيجى ليه
    ..... حاضر يا طروقه يومين وآجى وحجيب حاجه حلوه
    كلمت ابنى الأكبر و إبنتى و أحسست أننى مشتاق جدا لهم جميعا
    أنهيت المكالمة و أنا أستشعر رعشة داخليه ، كلماتهم تفيض بالصدق و أنا أكذب عليهم تماما ، ماذا سيحدث لو علموا جميعا أننى أحدثهم من سرير زوجة جديده
    يا للمصيبة سأفقد إحترامى تماما لديهم ، سأوصم بأننى كاذب ولن يغفروا لى أبدا
    ضاق صدرى لتلك الافكار وحاولت أن أطردها من عقلى فأتصلت بشهرزاد على الموبايل
    .... أهلا يا حبيبى ... ها عامل إيه دلوقتى
    .... كويس إنتى فين
    .....أنا فى البرجولا عارفها اللى قدام البحر على اللسان تعالى أقعد معايا دى حلوه اوى
    .... طيب انا جاى
    توضأت وصليت الظهر وغيرت ملابسى وخرجت ووجهتى البرجولا
    وصلت البرجولا فوجدتها قهوة على الطراز الشعبى وجاءنى صوت شهرزاد مناديا من خلفى
    ..... أنا هنا
    إلتفت لأجد مشهدا مروعا كاد أن يجمد الدم فى عروقى
    كانت شهرزاد جالسة على أريكة من الخوص وبين يديها خرطوم الشيشه !!!!!
    لبثت متسمرا من الذهول للحظات قبل أن اسرع ناحيتها و أنا أحس أن الكل يتفرجون على وقلت لها
    ..... إيه اللى إنتى عاملاه ده يا ست إنتى
    ..... ست إنتى !!!! مالك بتتكلم كده ليه
    ..... إرمى الهبابه دى من إيدك
    ..... هبابه !!!! لو سمحت إتكلم كويس
    ..... إسمعى أنا مش حناقشك هنا
    ...... إلتفت و أشرت لأحد العاملين لأحضار الشيك ووقعته وطلبت منها الذهاب للشاليه فقامت ووجها يكاد ينفجر بالغضب
    ما أن دخلنا الشاليه حتى صاحت بصوت ذكرنى بالايام الخوالى
    .... ممكن أفهم ايه التصرف ده ، إنت فاكر نفسك إيه
    ..... أنا جوزك يا ست هانم ، جوزك اللى سايباه نايم وقاعده تشربى شيشه ، فى ست محترمه تشرب شيشه
    .... أنا محترمه غصبن عنك ، و أنا ست عاقله وعارفه أتصرف إزاى ومش مستنياك تعلمنى الصح من الغلط
    .... يعنى تشربى شيشه وقدام الناس وتقوليلى صح
    ..... آآه إظهر على حقيقتك ، يعنى إنت يهمك الناس ، يعنى لو بعمل الغلط من وراك حتنبسط المهم انك ما تعرفش
    .... اسمعى حاسبى على كلامك واعرفى بتقولى ايه
    ..... انتم كده يا رجاله عايزين ست تامروا وتنهوا فيها ، لا يا حبيبى كنت اتجوز شغاله
    ( قطع الله السنتكن أيتها الزوجات !!! هو مفيش راجل يكلم مراته الا لما تقوله روح إتجوز شغاله ، انا نفسى اعرف اللى متجوزين شغالات بيتقالهم إيه )
    .... إسمعى أنا لا يمكن أقبل مراتى تشرب شيشه ، أنا نفسى مش بدخن ، تقومى إنتى تشربى شيشه !!!!!!!
    .... آآآآآآآآه قول كده ، إنت فاكر إنك عايش فى الحرملك ، و إنك متجوز الست أمينه ولا إيه، أنا ست حره و مش إنت اللى يعرفنى أعمل إيه ، دى حريتى الشخصيه
    ..... حريتك الشخصية !!!! وايه حدود حرية سعادتك إن شاء الله
    ..... هى نفس حدود حريتك بالضبط ، انا ممكن اعمل اى حاجه زيك بالضبط
    ..... اسمعى..... من الآخر كده .... مفيش حاجه زى دى تحصل تانى ولو حصلت مش حيحصلك طيب
    ..... نعععععععم ما تضربنى كمان ، طيب إيه رأيك إنى حعمل اللى أنا عايزاه
    ..... إسمعى ما تخربيش على نفسك أنا خلاص مش شايف قدامى
    ..... لأ خوفتنى حترمى تحت رجليك أهوه و اقولك أوعى تقولها لا يا شاطر قديمه أنا اللى حقولهالك ، أنا شارطه فى العقد وفاهمه الشرع كويس أنا بطلق نفسى منك من اللحظه دى ، يلا أخرج من الشاليه لحد ما ألم هدومى ، انت راجل غريب ما يتقفلش علينا باب
    وقفت مذهولا وانا أحس ان رأسى يكاد ينفجر بينما توجهت شهزاد ( عفوا فتكات ) لتفتح الباب وتشير لى بأصبعها لأخرج
    ( يتبع )

  17. #257
    تاريخ التسجيل
    Jun 2001
    المكان
    جمهورية دردشدينو
    الردود
    27
    يا لهوتييييييييييييييييي.... طالق مرة وحدة!!

    يحليليك يا مصراوي! هههه

  18. #258
    واحد من معارفي تزوج مسيار (أم عيال)

    قال ليه؟

    قال: مجاملة لأخيها!!!!!!!!!!!
    يعني المسألة صارت سهلة

  19. #259
    هههههههههههههههههههههههههههههههههههههه>>> من زمان ماضحكت زي كذه من قلب .


    مشكورر ..مصراوي.. بس لحظة هذي وزوجتك كذا (( مسويه حالة رعب )) فكرت مسيار.. لوانها زي البطة وراك بس ماتعجيك... اكيد بتسوي اكثر .....صدق مايعجبك العجب...وبعدين هذا الي معاك في المكتب غاوي يسوي مشاكل بينك انت ومراتك...



    بصراحة الست في الأربعين أشد دلالا وتدللا من بنت ال18 المغرورة

    وبعدين دي ممكن تلبس الشراب جنبيها براحتك >>>>>(( قول هي الي راح تلبسك.. اما انها تحبك اوتحس نحوك بحنان الامومه))) ههههههههههههههههههههههههههههههههههههههههههههههههه

    وممكن كمان ما تقلعش الشراب من رجلك تلات شهور وهيا فرحانة بالبرفان اللي طالع من رجلك

    جبت لي الهم يافرعون فصيح ... >> وبعدين شكلك مجرب بنت الاربعين.... اكثر دلل ههههههههههههههههههههههههههههههههههههههههههههه...كو يس انكم وقفتو عند 40 مو60.ههههههههههه

    مصراوي ..اسلوبك حلو.. نستنا منك يتبع...>>> بس تدري ان اسلوبك ذكرني بواحد اسمه هشام عبدالرحمن ((ممثل))...

  20. #260
    تاريخ التسجيل
    Sep 2005
    المكان
    في صفحات الماضي
    الردود
    98
    أنا مذهول ....من براعتك في السرد ......أحسنت .... بس والله أنا يعجبني الراجل الحمش وأنت حمش حماشة خطيرة ...
    صح مطلق ....بس راجل بجد ..
    على فكرة إذا تعرف وحدة عاوزعة مسيار أن ممكن أكون مستعد .... ومتخفش عليه أنا برضك حمش حماشة خطيرة

 

 
الصفحة 13 من 20 الأولىالأولى ... 31112131415 ... الأخيرةالأخيرة

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •