Follow us on...
Follow us on Twitter Follow us on Facebook Watch us on YouTube
الصفحة 1 من 19 12311 ... الأخيرةالأخيرة
النتائج 1 إلى 20 من 375
  1. #1
    تاريخ التسجيل
    Sep 2002
    المكان
    بلاد الاسلام
    الردود
    1,151

    من أوراق زوج ..... مسيار !!

    ( 1 )

    انتهيت من ارتداء ملابسي _ و أنا أخفف الخطي_ حتى لا أوقظ حرمي المصون من نومها الهانئ .. فالساعة الآن السادسة والنصف صباحا ولا يزال أمامها ست ساعات من النوم اللذيذ .
    خانني الحذر فارتطمت قدمي _ أثناء لبس الجورب _ بالسرير فأصدرت صوتا خجولا ولكنه كان كافيا لإيقاظ ذلك البلبل النائم ليسمعني زقزقته المحببة
    .... هو أنت ما تعرفش تلبس من غير ماتصحينى
    .... آ آ آ ... أسف جدا غصب عنى رجلى خبطت في السرير
    .... طيب ما تخرج تلبس بره
    .... ألبس بره فين في الشارع مثلا
    .... نعم ... إنت بتتريق على
    .... لأ لأ بس ألبس فين
    .... ما تلبس في الصالة إنت مش عارف إنى نايمه الساعة ثلاثة وسهرانه بأبنك طول الليل وسيادتك نايم بتشخر
    .... طيب خلاص من بكره حلبس في الصالة
    ......
    ....
    ..
    وصلت إلى مكان عملى وجلست إلى مكتبى و أنا أتميز من الغيظ ... بعد قليل وصل زميلى وألقى السلام فأجبته باقتضاب
    سألنى زميلى
    .... خير مالك شكلك متضايق
    .... أبدا مفيش
    .... إسمع أنا عندى ليك خبر حلو
    .... يارب سترك ما انا عارف اخبارك
    .... عندى ليك عروسه
    .... عروسه !!!! يا أخى أنا ناقص
    .... إسمع بس دى لقطه
    .... طيب ما تتجوزها سعادتك
    .... لا دى أصلها مطلقة ولا تصلح لى انا لسه ما دخلتش دنيا . وهى مش عايزه منك حاجه
    .... مش عايزه منى حاجه إزاى امال حتتجوزنى علشان اعملها نوم العازب
    .... لا مش القصد دى يا سيدى عايزه تتجوز بنظام المسيار
    .... آآآآآآه انا سمعت عن الموضوع ده لكن ده حقيقى
    .... ايوه حقيقى ما انا بقولك أهو
    .... انت بتتكلم بجد
    .... ايوه دى جارة والدتى
    .... يعنى معديه الثمانين
    .... لا لا اصبر بس دى صغيره يدوب اربعين
    .... اكبر منى يعنى ، لكن انا اصلا حتجوز ليه ما انا متنيل متجوز
    .... لا يا ريس دا انت حتبقى ديك البرابر
    .... ديك !!!! إيه تشبيهات الفرارجيه دى
    .... لا لا انا قصدى انك حتكون اخر دلع
    .... والله الواحد يفكر
    بدأت أفكر و أفكر إنه عرض يستحق التفكير فعلا فلأخذ وقتى قليلا

    ( يتبع )

  2. #2
    تاريخ التسجيل
    Jul 2004
    المكان
    هناك .. في قلبها ...
    الردود
    865
    مصراوي الحبيب

    اشتقنالك يا كبير

    مقعد اول وبانتظار الـ يتبع

  3. #3
    من أجمل المفاجآت وأحلاها .. قبل أن أقرأ أوقع بسجل المعجبين على بياض


    العود أحمد

  4. #4
    تاريخ التسجيل
    Aug 2006
    المكان
    مقبرة جماعية
    الردود
    1,600
    أنا كمان مضطر أفكر
    رب اجعله عملا صالحا

  5. #5
    هولا ..


    هيا عمرها في الاربعينات .. وانت قلت بتفكر .. يعني ممكن توافق .. !!:gh:

    طيب لو قلتلك انه في بنات يتزوجون مسيار وعمرهم 18 او 19 سنه .. !! حنعمل اييييه .. !!



    اديووووس ,,


  6. #6
    يقولون أنه الزنا لأنه يحمل بين طياته الكثير من من مبطلات النكاح


    حاول تخليه حاجة تانية من غير مسيار

    بصراحة الست في الأربعين أشد دلالا وتدللا من بنت ال18 المغرورة

    وبعدين دي ممكن تلبس الشراب جنبيها براحتك

    وممكن كمان ما تقلعش الشراب من رجلك تلات شهور وهيا فرحانة بالبرفان اللي طالع من رجلك

    لأن النوع ده عارف قيمة الرجالة لأنه محروم منهم ...

    أخي .... موضوعك جعلني أحقد عليك .... ما فيش جارة تانية

  7. #7
    تاريخ التسجيل
    Sep 2002
    المكان
    بلاد الاسلام
    الردود
    1,151
    Quote المشاركة الأصلية بواسطة الساخر الغامض عرض المشاركة
    مصراوي الحبيب

    اشتقنالك يا كبير

    مقعد اول وبانتظار الـ يتبع
    أخى الرائع
    والله زمان
    ما أجمل أن يتعطر الموضوع بمرورك ومتابعتك
    تقديرى

  8. #8
    تاريخ التسجيل
    Sep 2002
    المكان
    بلاد الاسلام
    الردود
    1,151
    Quote المشاركة الأصلية بواسطة أيمن ابراهيم عرض المشاركة
    من أجمل المفاجآت وأحلاها .. قبل أن أقرأ أوقع بسجل المعجبين على بياض


    العود أحمد
    بارك الله بك أخى الكريم
    تشرفت بمرورك الكريم
    تقديرى

  9. #9
    تاريخ التسجيل
    Sep 2002
    المكان
    بلاد الاسلام
    الردود
    1,151
    Quote المشاركة الأصلية بواسطة في صمتك مرغم عرض المشاركة
    أنا كمان مضطر أفكر
    إيه يا عم
    صمت مرغم على مقبرة جماعية وكمان بتفكر
    طيب أناوراك لما بطنك توجعك من الضحك
    تقديرى

  10. #10
    تاريخ التسجيل
    Sep 2002
    المكان
    بلاد الاسلام
    الردود
    1,151
    Quote المشاركة الأصلية بواسطة الأسباني .. عرض المشاركة
    هولا ..


    هيا عمرها في الاربعينات .. وانت قلت بتفكر .. يعني ممكن توافق .. !!:gh:

    طيب لو قلتلك انه في بنات يتزوجون مسيار وعمرهم 18 او 19 سنه .. !! حنعمل اييييه .. !!



    اديووووس ,,

    لا يا ريس بنات 18 و 19 خليهم ليك
    ربنا يديك الصحة :gh: :gh:
    خلينا فى ذات الأربعين ستر وغطا
    تقديرى

  11. #11
    تاريخ التسجيل
    Sep 2002
    المكان
    بلاد الاسلام
    الردود
    1,151
    Quote المشاركة الأصلية بواسطة فرعون فصيح عرض المشاركة
    يقولون أنه الزنا لأنه يحمل بين طياته الكثير من من مبطلات النكاح


    حاول تخليه حاجة تانية من غير مسيار

    بصراحة الست في الأربعين أشد دلالا وتدللا من بنت ال18 المغرورة

    وبعدين دي ممكن تلبس الشراب جنبيها براحتك

    وممكن كمان ما تقلعش الشراب من رجلك تلات شهور وهيا فرحانة بالبرفان اللي طالع من رجلك

    لأن النوع ده عارف قيمة الرجالة لأنه محروم منهم ...

    أخي .... موضوعك جعلني أحقد عليك .... ما فيش جارة تانية
    إيه يا عم قلبت بطنى
    شراب إيه وبرفان إيه
    خليك متابع حتنبسط على الآخر
    تقديرى

  12. #12
    تاريخ التسجيل
    Sep 2002
    المكان
    بلاد الاسلام
    الردود
    1,151
    ( 2 )

    فى المساء كنت جالسا اتصفح الجريدة بينما تشاهد حمامة السلام المذبوح مسلسلا الى جوارى
    اخذت اقلب فكرة الزواج فى عقلى ، ما تأثير ذلك الزواج على البيت والاطفال ستكون صدمه كبيرة ، كيف ستكون صورتى امام الاهل والاقارب ، كيف ساواجه كل تلك العواصف ؟
    ولكن ما الداعى لان يعرف احد بذلك سيقتصر الامر على زيارة او زيارتين كل اسبوع ، من الممكن ان اخفى الامر تماما ، وحتى لو علمت الحمامة بالموضوع فستكون احرص الناس على الا يعلم به مخلوق حتى لا تشمت الاعادى _ وما اكثرهم _ فيها
    لماذا احرم نفسى من كل راحة ؟ اليس من حقى ان اجدد حياتى واعيش سعادة مفتقده ؟
    آآآآه ما أجمل مثل هذا الزواج بدون تحمل اى مسئولية
    سرح بى الخيال واخذت ارسم تفاصيل تلك الاوقات الجميلة التى ساقضيها مع شهرزادى الجميلة
    اصل الى منزلها فى الموعد المضروب _ بالتاكيد لن تتصل بى على الموبايل وانا على بعد 100 متر لتطلب منى احضار رنجه وحفاظات وصابون
    سادخل الى ذلك المنزل الشاعرى لاجد الهواء مشبعا بعطر انثوى جميل واضاءة من الشموع الخافته بينما شهرزاد تقبل فى قميص وردى رائع لتصب فى أذنى همسات الحب والشوق الى اللقاء
    نجلس لتناول اجمل الطعام _ الذى لم اقض نصف عمرى فى جمعه من الاسواق _ فتضع شهرزاد حبات الفاكهة باصابعها اللدنة فى فمى مباشرة ثم تسحبنى بغنج ودلال الى غرفة
    ..... إنت يا اخيناااااااااااااااااااااااااااا
    انتفضت كمن صفعت قفاه على حين غره وانا ابسمل مرتعبا وقلت وقلبى يدق بعنف من الهلع
    ..... فى إيه بتصرخى ليه كده يا ست انتى
    ..... عماله اكلمك وانت سرحان ومش حاسس ، سرحان فى ايه ان شاء الله ( وهى ترفع حاجبا يضارع قوس النصر شموخا )
    رددت متلعثما
    ..... لا مفيش
    ..... مفيش !!! امال لو فيه كان حصل ايه
    .... طيب سعادتك عايزه ايه بالضبط
    ..... ابدا عايزه سعادتك تقول حتاكلوا ايه بكره
    ( اللهم لا حول ولاقوة الا بك )
    ..... اى حاجه تعمليها
    ..... لا يا سيدى ما تقليش اى حاجه ، قول عايزين تاكلوا ايه علشان الخدامه ( لفظ تطلقه على نفسها من باب اذلالى ) تعملهولكم
    ..... خلاص رز واى خضار مع لحمه
    .... طيب قوم فك الستائر
    ( ما انكدك يا امرأه )
    .... ستائر إيه
    .... ستائر الجيران ( بتهكم بغيض ) حتكون ستائر ايه ستائر الشقه علشان توديهم يتغسلوا ولا عايز امك اما تيجى يوم الجمعه تقول على مش نظيفه
    .... الستائر نظيفه وزى الفل احنا مش لسه غاسلينهم من شهرين
    .... شهرين ؟؟؟؟؟؟ طبعا هو انت دارى بحاجه ، لا ده كان من ست شهور وانا من شهرين عماله اقولك تفكهم وانت كل يوم ليك حجه
    ( لا فائدة من هذا النقاش لأنهين تلك المهمة طلبا للرحمة .... آآآآآه اكيد لن أفك أى ستائر فى منزل شهرزاد )
    احضرت السلم وتعلقت على الجدران كسعدان فار من ملاحقة حراس جبلاية القرود - و خيالات لقاءات شهرزاد تطوف بخيالى
    تعلق طرف بنطال بيجامتى الساقط دوما من وسطى بتاثير أتساع رباطه بطرف حديدة السلم
    يا ساتر طاخ بوم تيشششششششش
    تكومت على الارض والسلم فوقى وبقايا فازة ورد سقطت فوقها تتناثر حولى
    قمت وعظامى تصرخ بالالم بينما اقبل العصفور مرفرفا مغردا
    ..... يا لهوىىىىىىىىى الفازه الغاليه اللى حيلتنا اتكسرت
    صرخت
    ..... فازة ايه مش تتطمنى عليا الاول
    ..... اطمن عليك !!! ما انت واقف زى الحصان هو انت بيجرالك حاجه .
    ..... مش ممكن اكون اتكسرت من الوقعه
    ..... الفازه اللى اختى جايباها لينا من بره هى اللى اتكسرت
    ( ويحك يا أمرأة لأعجلن لك العقوبة ولأاحرقن قلبك ، لأتزوجن مسيارا او مقعادا ، نعم لأ تزوجن ثم لأتزوجن ثم .........لأتزوجن )

    ( يتبعن )

  13. #13
    ننتظر اليتبعن....

  14. #14
    تاريخ التسجيل
    Aug 2006
    الردود
    331
    لاحووول
    وصلتكم العدوى !

    تزوجن ...والله لتندمن !؟

  15. #15
    تاريخ التسجيل
    Apr 2007
    المكان
    اتمنى في ذاكرة الوطن
    الردود
    55
    يا سبع البرمبه
    جرب المسيار ، و بعدو الزواج بنيه الطلاق ، و بعدو استنى الفاشن الجديد ، و ربنا ما تخلي زواج ما تجربهوش

    مستنين اليتبعووووون لكي نضحكوووون:D:

  16. #16
    تاريخ التسجيل
    Mar 2007
    المكان
    في قلب من أشتاق لهم
    الردود
    105
    ما زلت أنتظر .. وأتابع بغاية اللهفة والإستمتاع بما تكتبه سيدي


    محبتي ..

  17. #17
    تاريخ التسجيل
    Jul 2004
    المكان
    هناك .. في قلبها ...
    الردود
    865
    نعم لأ تزوجن ثم لأتزوجن ثم .........لأتزوجن
    وقدرت تفكر فيها يا قلبك يا اخي ..
    الكلمات اعلاه ممسوحة من القواميس في الحياة الزوجية خوفا من النهاية الشبشبية
    كمل يا عم
    مساء الخييييييييييييييييير


  18. #18
    تاريخ التسجيل
    Nov 2006
    المكان
    فى زاوية النسيان0
    الردود
    2,551
    والله العظيم انا بقيت فى ربع هدومى..
    كفاية كدة ..الله يخليك..وربنا امر بالستر.
    انت عاوز تفرج عليناالناس اكتر من كدة.؟
    انا غلطان فعلا ..انى حكيت اللى حصل..
    تقوم تفضحنا بالشكل ده..وعلنى.
    ايه يعنى لما ده يحصل بين اى واحد ..ومراته.
    فيه ناس كتير بيحصلها اكتر من كدة..ومابتتكلمش.
    وبعدين البيوت اسرار.
    ودى حكايات خاصة..بين الراجل.؟؟والست بتاعته.؟
    قال بتاعته ..قال..والله الواحد مش عارف مين اللى
    بقى بتاع التانى.يالله وربنا يسترها.
    تحياتى ياعمدة.

  19. #19
    تاريخ التسجيل
    Aug 2003
    الردود
    2,122
    ..... يا لهوىىىىىىىىى الفازه الغاليه اللى حيلتنا اتكسرت
    صرخت
    ..... فازة ايه مش تتطمنى عليا الاول
    ..... اطمن عليك !!! ما انت واقف زى الحصان هو انت بيجرالك حاجه .
    هههههههههههههههههههه يا حبي لها .. إنها البراءة حين تقطر

    أجل وصلكم .. يا خزياااه



    حُييت يا أستاذ .


    .

  20. #20
    تاريخ التسجيل
    Apr 2007
    المكان
    في الا مكان
    الردود
    3
    مشكور كتير علي القصة الروعة

 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •