Follow us on...
Follow us on Twitter Follow us on Facebook Watch us on YouTube
الصفحة 1 من 2 12 الأخيرةالأخيرة
النتائج 1 إلى 20 من 38
  1. #1
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245

    يوميات معتقلة قبل الوصول لحكم مصر ..!!

    من عشرين سنة وكل يوم ابو العيال يسألني نفس السؤال :
    شبيك لبيك زوجك وملك ايديك .. تطلبي ايه يا زهرة ..
    اطلبي واتمني .. وانا قاعد هنا مستني؟؟
    والعجيبة اني عمر ما طلبت حاجة وجابها !
    مرة يقول ربنا يبعت الفرج
    ومرة يقول اصل مفيش .. طلبك مستعصي
    واليوم لما سألني نفس السؤال
    اجبت اجابة غير متوقعة
    انا لم اطلب فستان اخر موديل من باريس ولا كباب ونيفة من ابو شقرة ولاعطر انييس انييس
    انا طلبت طلب مش ممكن يخطر لبشر على بال
    " عاوزة ابقى ملكة "
    ليه لأ ؟
    هي شجرة الدر احسن مني في ايه ؟
    ولا كليوباترا ونفرتاري يمتزن عني بايه ؟
    ثم اني في سن الحكم الرشيد .. ومعي من العلم الشرعي والفطنة مايصلح به حال البلد من بحري حتى الصعيد ..
    وهنا أسقط في يده : عاوزة ايه يا اختي ؟ انت هتودينا في داهية بكلامك ده ؟
    انت مش عارفة ان الحيطان لها ودان ؟؟
    عاوزة تبقي ملكة ؟ ما انت ملكة في بيتك يا حياتي
    من اليوم سيكون لقبك " شجرة المر " اسف يا حياتي
    قصدي " شجرة الدر "!

    مقدمة فظيعة و غبية لمذكرات ملكة مصر الجاية

    " شجرة المر " المصراوية

    سكووووووووووووون
    هدوووووووووووووء

    كلاكيت اكشن اول مرة !!







    سنعووووووووود بعد قليل

    *




    *



    *



  2. #2
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245
    عدنا ..

    الانباء بالتفصيل

    انا طول عمري في حالي , امير ومثالي ,
    مسالم مثل كل الشعب المصري الغلبان المقهور ..
    وشعاري في الحياة " وانا مالي وانا مالي .. وانا مالي يابوي وانا مالي "
    اسمع وانفذ على طول
    من غير تفكير ولا يحزنون
    ولماذا افكر واشغل بالي
    وانا في النهاية مغلوب على امري

    اننا في زمن "لن يصح الا الغير صحيح "
    هذا زماننا المقلوب البالي
    على كل حال انا الليلة اتيت لكم ببشرى سارة
    مين سارة ديه ؟
    انني جادة فارجوكم كفوا عن المزاح والسخرية ؟
    احم .. مع عذري للحاجة سخرية المبجلة
    التي نعيش هنا على نفقتها ونحيا على حسابها ..

    غير معقول ؟؟

    لماذا تصيحون هكذا ؟

    ألا تصدقون ان هناك ما يسركم

    أمن التعود على الاكتئاب ؟

    أم من كثرة وتوالي الاحزان ؟

    ابشروا !
    بل ابشرن !
    بل ابشروا وابشرن معا !
    ماذا دهاك يازهرة ؟
    هل شربتي مسكر على آخر الزمان ؟
    حتى تاتينا بكل هذا الهذيان ؟
    ابدا والله انا شاربة شاي بلبن تحفة من عند زاهر ..



    صبرا يا اخوان ..
    دعوني احكي لكم بكل شوق وحماس ..
    بتقولي : اخوان !
    وكمان حماس !!
    ( وإذ فجأة الدنيا أظلمت )
    هو انت منهم ؟
    قولي كده من الصبح ..
    وفجأة ومن دون مقدمات سحبوني على الليمان .. ووضعوني في اضيق زنزان ..
    وليس لي الحق حتى في الاعتراض فيبدو انني لن اصبح الا في خبر كان
    وبعد بضع ثوان
    وقفت ماثلة امام الباشا العميد .. حيث ذعر ورعب الدولة العتيد..
    اسمعي يا زهرة ..
    نعم يا مجدي بيه تحت امرك
    باين عليك ست طيبة وليس لك في البهدلة
    انا .. بالعكس يا بيه انا ست مشاغبة وممكن تقول راجل في رداء امرأة
    ( حاسة اني كده كده ميتة فقلت استفزه وياروح مابعدك روح )
    ممم يا ست زهرة ماتصعبيش الامر علينا ,
    خصوصا انك جارتنا الفاضلة و اخوك صديق عمر عزيز ارجوك بلاش احراج
    ابدا يا سعادة الباشا لا تلتفت لصلة اخي بي فقد تبرأ مني من زمن من يوم ان ارتديت النقاب والجلباب ,
    ياست زهرة ده اخوك اتصل بي بمجرد خروجك من بيتك وطلب مني مساعدتك ولولا ذلك لما حضرت بنفسي للتحقيق معك
    اتفضل ياباشا انا تحت امرك
    احنا سمعناك وانت بتتكلمي عن الاخوان المسلمين وعن جماعة حماس الارهابيين , وانت عارفة وست العارفين ان هؤلاء قوم جبارون , يريدون قلب نظام الحكم , فماهي حدود علاقتك بهم ؟ساعدينا علشان نوصل للتنظيم ونحمي بلادنا الحبيبة من هؤلاء الوحشين ..
    انا هاعترف يا سعادة الباشا
    اتفضلي .. (وهنا وإذ فجأة ايضا هجمت الصحافة وصناع الاخبار المزيفة
    وبدأت الكاميرات تلتقط لي الصور بكل البوزات والزومات )
    (مش عارفة هما بيصوروا ايه بالضبط هو انا باين مني حاجة يا عالم !!)
    (ده انا خيمة متحركة !!)
    عاد صوت مجدي بيه : اتفضلي يازهرة تحدثي وادخلي التاريخ من اوسع ابوابه!!
    انا منهم يا سعادة الباشا ( قلت ذلك رغم اني سلفية قح وسلبية جدا , وماشية في حالي طول عمري وماليش في الطور ولا في الطحين , لكن اخذتني الحمية لهم ,فانا احبهم ومقتنعة برسالتهم السياسية جدا, وكمان فرصة احقق حلمي وابقى ملكة بجد وجديدي " شجرة المر قادمة انتظروني ) فنظر لي شذرا قائلا :
    منهم ؟
    انت من الاخوان ؟
    اذن عليك اخبارنا بكل تفاصيل انضمامك لهم ؟
    ان اردت ان تخرجي من هنا بسلامة وكرامة طبعا
    صمت قليلا ثم جاءتني فكرة ماكرة .. والله لاقضن مضاجعكم ايها الاوغاد !!


    *

    *

    هاه اكمل ولا بلاش

    اكف عن الهذيان واروح اتغدى و انام؟




    كل الحب والتقدير

    ملكة مصر القادمة

    شجرة المر
    مصر التي في خاطري وفي فمي ..
    احبها من كل روحي ودمي ..

  3. #3
    تاريخ التسجيل
    Nov 2006
    الردود
    454
    زهرة الاقحوان اتيت مبايعا
    بس بعد ما مجدى بيه يفرج عنك


    المشكلة انهم يفتكون بكل من له علاقة بالدين


    واى ذنب اكبر من ذنبهم عندما يحولون التدين الى وصمة وارهاب





    ادعو الله القدير ان يهديهم ويهدينا جميعا الى صراطة المستقيم
    آمين

  4. #4
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245
    وايه يعني
    اخي الفاضل التوأم
    اهلا بك
    وبما انك كنت اول المرور فاعلم انني عينتك اتابك الدولة

    ولاحول ولاقوة الا بالله

    بارك الله فيك
    وكما قال احد الشيوخ " اللهم ان كان التمسك بشرعك والإتمار بامرك ارهابا فزدنا ارهابا على ارهاب"

    كل التقدير اخي الكريم

    اختك:

    ليه يعني

  5. #5
    تاريخ التسجيل
    Mar 2007
    المكان
    جزيرة الأوفياء
    الردود
    47
    اكملي .... احنا معاك على الخط ... بس ما تنسنيش من الحلاوة ...

  6. #6
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245
    طوفاااان
    اخي الكريم
    شكرا لك

    ساكمل الموضوع ان شاء الله

    غريب لم اجد تفاعلا هنا كما ينبغي
    يبدو ان الناس هنا بتخاف كتير

    الله المستعان

    وكل التقدير لك

  7. #7
    من عشرين سنة وكل يوم ابو العيال يسألني نفس السؤال :
    شبيك لبيك زوجك وملك ايديك .. تطلبي ايه يا زهرة ..
    اطلبي واتمني .. وانا قاعد هنا مستني؟؟
    عندما قرأت هذه ضحكت كثيرا وقلت بصوت مسموع .... ليه متجوزة عفريت من عفاريت خاتم سليمان

    : عاوزة ايه يا اختي ؟
    رد فعل عفوي هايل

    شجرة المر "
    أبدعت في هذه جدا

    انا طول عمري في حالي , امير ومثالي ,
    مسالم مثل كل الشعب المصري الغلبان المقهور ..
    وشعاري في الحياة " وانا مالي وانا مالي .. وانا مالي يابوي وانا مالي "
    اسمع وانفذ على طول
    من غير تفكير ولا يحزنون
    ولماذا افكر واشغل بالي
    وانا في النهاية مغلوب على امري

    اننا في زمن "لن يصح الا الغير صحيح "
    هذا زماننا المقلوب البالي
    على كل حال انا الليلة اتيت لكم ببشرى سارة
    مين سارة ديه ؟
    انني جادة فارجوكم كفوا عن المزاح والسخرية ؟
    احم .. مع عذري للحاجة سخرية المبجلة
    التي نعيش هنا على نفقتها ونحيا على حسابها ..

    غير معقول ؟؟

    لماذا تصيحون هكذا ؟

    ألا تصدقون ان هناك ما يسركم

    أمن التعود على الاكتئاب ؟

    أم من كثرة وتوالي الاحزان ؟

    ابشروا !
    بل ابشرن !
    بل ابشروا وابشرن معا !
    ماذا دهاك يازهرة ؟
    هل شربتي مسكر على آخر الزمان ؟
    حتى تاتينا بكل هذا الهذيان ؟
    ابدا والله انا شاربة شاي بلبن تحفة من عند زاهر
    ..

    بصراحة دي طولت منك أكتر من اللازم


    أختي زهرة الأقحوان .... سخرية لاذعة تضحك حتي يمتلئ القلب بالدموع ... هيا ناقصة نكد

  8. #8
    تاريخ التسجيل
    Mar 2007
    المكان
    جزيرة الأوفياء
    الردود
    47
    واو ... وفصيح هنا كمان ... لأ اطمني .. حيمتلي الموضوع بالزوار ...

    حد يطول شخطة بسيطة من الفرعون


    ( حبي لأهل مصر الأوفياء )

  9. #9
    تاريخ التسجيل
    Aug 2006
    المكان
    أم الدنيا (مصر المسلمة)
    الردود
    916
    أنا كمان عاوز أبئا الريس ..










    متقال طبعاً .. محدش يفهمني غلط



    موضوعاتك دوماً في الصميم أختنا الكريمة
    جُزيت الجنة ولا حُرمت الأجر يافاضلة



    يارب نشوف فيهم يوم ..أغبر
    ونرتاح منهم أجمعين ...
    قولي آمين

  10. #10
    تاريخ التسجيل
    Aug 2006
    المكان
    بانتظار وطن !
    الردود
    2,042
    .

    رائعة أختاه ..

    عارفة يا زهرة مع إني بكره كل ما يتصل بالسياسة إلا أني دخلت جوك بكل انسيابية
    وافتكرت الشيخ الشعراوي رحمه الله ..
    ثم إنه عليك بتقوى الله .. والحرص على مصالح المسلمين ..

    احفظوها إن مصر إن تضع .. ضاع في الدنيا تراث المسلمين

    .

    أنتظر البقية يا شجرة الدر ..

    أ خ ت ك


    .

  11. #11
    تاريخ التسجيل
    Mar 2005
    الردود
    53
    بالروح بالدم نفديك ، الله أكبر وليخسئ الخاسؤن

    واصلي والله يحميك يحميك إله العلمييييييييييين

    جنون الحرف

  12. #12
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245
    فرعون الفصيح
    اخي الكبير
    شكرا لك على مرورك الرائع
    دمت اخا طيبا ودام النكد بيننا


    كل التقدير لسعادتك



    اخي الفاضل عزت
    شوف ياسيدي الحمد لله اصبح لي اخ توأم ( وايه يعني ) واخ كبير ( فرعون الفصيح ) واخ صغير سنا لكن قدره كبير ( مملكة الاحلم )
    ما اسعدني بتلك الاخوة ايها الطيبون
    والله العظيم بمجرد ان آخذ البيعة لاعيننكم في أجل المناصب واعلاها
    انتم بس اختاروا اللي يعجبكم وانا انفذ مطالبكم
    شوفوا والله ملكة اميرة
    كل التقدير لمرورك الرائع


    طوفان
    اخي الوفي من مملكة الاوفياء
    غمرتني بطوفان الوفاء الجميل
    شكرا جزيلا لك على متابعتك
    كن دائما هنا رجاء ( عندي نقص في فيتامين واو " وفاء ")
    كل التقدير لسعادتك


    الحبيبة وحي
    اهلا بك
    نورتي بجد الموضوع
    واسعدني اكتر انه عجبك
    هذه منقبة اعتز بها اختي الحبيبة
    اهلا بك مجددا
    ولك كل الحب والتقدير


    جنون الحرف
    يافتاح ياعليم
    هو احنا ناقصين جنون
    اهلا بك وبجنونك
    نورت الموضوع

    وحماك ربي من الجنون

    كل الشكر والتقدير

  13. #13
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245
    من خلال متابعتي الجيدة بل الممتازة لافلام الكرتون في الاونة الخيرة , استطعت فهم الكثير من امور الحياة
    اكتشفت اننا اصبحنا نعيش كافلام كرتون

    وكل واحد يختار الفيلم اللي يحبه ويفصلوا على مقاسه "ولبست جديدا وعشت سعيدا ومت شهيدا"
    في البداية وبعد انقطاع حوالي عشر سنين عن مجرد النظر لشاشة التلفاز اللعين
    وبمحض الصدفة ليس اكثر لفت نظري في عيادة الدكتور سنية طبيبة الاطفال فيلم كرتون !!
    الاولاد صاحوا : كرتون يا ماما كرتون !
    طبعا ليس توم وجيري !
    نظر الي والدهم حتى أومئ بالموافقة او بالرفض حتى يتصرف معهم فهذه الامور من تخصصي انا ( ديكتاتورية منزلية تؤهلني للحكم مستقبلا )
    لا اخفي ان صوت عبد الرحمن ابو زهرة شدني جدا ووسوست لنفسي : لا بأس .. انه مجرد كرتون .. على رأي الصغيرة ابنتي ..
    فيلم الأسد الملك ..!!
    واااو معقولة ..
    سيمبا ..
    هل هذا هو الفيلم الذي يحكون عنه في كل مجلس وانا الوحيدة التي كـ الاطرش في الزفة
    حتى الملتزمين رأوه الا انا !! يا لغبائي كم ضيعت على نفسي من فوائد عظيمة
    وعندما صاحت كيارا في وجه ابيها الملك : مش عاوزة ابقى ملكة .. مش عاوزة ..
    قلت في نفسي : اما غبية
    طيب انا عاوزة ابقى ملكة ..
    انا عاوزة ..
    ومعنديش مانع اكون ملكة في الغابة حيث بني قرد وبني نمر وبني ثعلب وبنب آوى
    الفرق ليس كبيرا!! على كل حال سيكون افضل من بني آدم المخادعين الغشاشين

    ان اكون ملكة على العجموات والعجماويين افضل بمراحل ان احكم البنيات ادم والبني أدميين



    وفجأة علا صوت مجدي بيه باشا افندي: ايه ده يا ست زهرة انت رحت فين ؟
    احنا منتظرين ادلائك بما لديك وانت لاتردين !

    ابدا يا باشا .. لكن تذكرت ابو العبد وكيف ستكون صدمته حين يعلم انني خنت العهد
    من ابو العبد يا زهرة
    ابو العبد يا باشا .. الراس الكبيرة هنية ياباشا
    ايه ده هو يعرفك شخصيا ؟
    طبعا هو انا شوية في البلد ديه ..
    انا اعرف ابو العبد ومشير المصري حبيب قلبي وخالد مشعل وعلى تواصل معهم كل ليلة يا باشا ( طبعا بالدعاء في السحر خخخخ )
    ( بدا على مجدي باشا صمت المذهول المشدوه , ويبدو انه ظن انه وقع على كنز بالقبض عليه )
    اتفضلي اكملي يا ست زهرة .. احنا هنكون ليكي اكتر من الخونة دول ..
    ماتخافيش
    أأمري واللي انت عاوزاه هننفذه ..
    اعدك انني ساعمل جاهدا ليصل صوتك قبل صيتك الى سعادة الريس والسيدة حرمه
    كل ما عليك انت تدلينا على كل المعلومات علشان ننهي القضية
    وكما اخبرتك كل اللي نفسك فيه بنحققه لك في غمضة عين ..
    بصراحة انا مش قادرة اتكلم ياباشا اكتر من كده .. اصلي ما اكلتش اي حاجة من اول ما اخدتوني ( نظام طفاسة واللي تطوليه منهم احسن من عينهم )
    زوجي كان رايح يجيب لي كباب وكفتة ( نظام ابو لمعة ) وانتم الله يسامحكم حرمتوني من احلى اكلة عائلية

    لا لا لاتهتمي يا ست زهرة .. حالا هنتصل بابو شقرة
    لا يا بيه ابو شقرة لحمته معروفة انها بايظة وضروبة والتوابل هي اللي بتحليها
    احنا بناكل من كبابجي النصر من باب الشعرية ( نظام دعاية ببلاش )
    واشمعنى النصر يا ست زهرة ؟ هل له دلالة معينة..
    ( آه يا بلد عاوزة ولد .. كل حاجة ليها دلاتلة اما حرمتوا علينا حتى الانفاس )
    طبعا طبعا ده محل كباب بياكلوا فيه كل الجماعة وحتى سموه النصر مش علشان باب النصر ابدا انما تيمنا بالنصر الذي سيكون بعد شهر عندما يفتحوا مصر من الصعيد الى العباسية..

    ايه هو فيه هجوم مصرنا الحبيبة متعرضة له ؟
    طبعا يا باشا .. بس انتم اللي نايمين على ودانكم ولامؤاخذة يعني
    الجماعة خلاص عملوا الخطة واحكموا التخطيط ومنتظرين صافرة البدء للتنفيذ !

    ومتى يا ست زهرة ؟
    عندما اطلع اول يوم على برج القاهرة واشير لهم من اعلى بالراية
    وتاني يوم اطلع على انكل خوفو واشير ايضا بالراية
    وتالت يوم اطلع على سطوح بيت الريس واشير لهم بالراية
    كيف ستطلعين على سطوح بيت الريس ياست زهرة ؟
    ايه ياباشا اللي هتطلع البرج وهتطلع الهرم الاكبر تفتكر هيستعصى عليها تطلع سطوح بيت الريس
    بعدها سيدخلون من كل حدب وصوب وفجأة ستمتلئ ارض القاهرة بعناصر حماسية
    وستكون الضربة القاضية الساعة الثالثة قبيل الفجر يا باشا ..
    وكم عددهم يا ست زهرة ؟
    العدد في اللمون يا باشا .. زي الرز ولاطاقة لمصر بهذا الكم ولا العدة ولا الطائرات الحربية اللي ماركة بي تي ام
    بي تي ام ايه يا حاجة زهرة دي ماركة ملابس ؟
    لا ياباشا ده اسم الماركة الحركي
    اهااااااااا انتي ادرى طبعا

    وفي هذه الاثناء دخلوا بلفة من احلى واطعم كباب في العالم ..( كبابجي النصر اوعوا تنسوا في باب الشعرية )
    وتركوني اعيش حياتي واعوض ايام الحرمان ( ده بقى فيروز على فاتن حمامة في نفس واحد .. اعجاز فني )


    كل البؤس والتقطير

    عذرا

    كل الحب والتقدير



    يتبع ان شاء الله

  14. #14
    تاريخ التسجيل
    Nov 2006
    الردود
    454
    هاتى حتت كباب الطعمية حرقت قلبى ومش مهم المنصب ولا غيره

  15. #15
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245
    الكباب بيجيب اكتئاب
    اما الطعمية فاصل الطعامة

    وبعدين انتظر حتى النهاية ولاتتعجل وتبص لي في الاكلة
    ياستير يارب
    محدش بياكلها بالساهل

  16. #16
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245
    أنا والكباب وهواك عايشين لبعضينا ..
    الكباب : أخرتها ايه وياك يا اللي انت شاوينا ..
    بعد ما اكلت اطعم اكلة كباب في حياتي ( ابو بلاش كتر منه ) صلحت حالي واعتدلت في جلستي لان الوقت المتاح للاكل اوشك على الانتهاء واكيد هيدخلوا عليه تاني مباحث قمل الدولة
    وفي هذه الاثناء أخذتني شهوة حب الرياسة ورفعت رأسي فإذ بي أرى أمامي ما لم أتصوره يوما قط
    وفودا من هنا وهناك قادمة على مجلسي تاخذ البيعة
    من اول اسوان جنوبا حتى حي الشرابية شمالا
    وانا اجلس على عرش مملكتي في زهو لا اظن احدا من العالمين عاشه
    وكيف لغيري ان يعيش هذا الزهو والفخار وأنَّى لهم ذلك وقد وصلت للحكم بمجهودي الشخصي واختارني الشعب بكامل ارادته من كل الطبقات.
    الان بدأت وفود الطبقة الارستقراطية في الدخول
    وبعدهم الطبقة المتوسطة
    ثم الفقراء المطحونين
    الذين افزعني منظهرهم وتهافتهم على الاوبن بوفيه ( ماهو انا ملكة كريمة جدا وعاملة حفلة للمعازيم احم قصدي الرعية من باب اطعم الفم تستحي العين )
    لكن منظر الطبقة الفقيرة دول آذى مشاعري فناديت على اتابكي وامرته : ارجوك اخرج هؤلاء بسرعة من البهو
    اطردهم بصنعة لطافة .. ما اجمل التنصل في هذه المواقف !!
    الدنيا كلها بتشاهدنا الان على الهواء وفي القنوات الفضائية
    يقولوا ايه عليه كملكة احكم بلاد بها اناس فقراء معدمين وشكلهم يقطع الخميرة من البيت
    مش معقول كده
    لازم تشوفوا حل سريع للناس البشعين دول
    رد الاتابك : لكن سموك يافندم وعدتيهم برغد العيش ومستقبل افضل وحياة كريمة ولهذا اختاروك ورشحوك ورفوعوك على رؤوسهم فهل بعد كل هذه الوعود تريدين ان تتخلصي منهم ؟
    طبعا لابد من التخلص منهم فورا وباسرع وقت ممكن
    مجرد وجودهم في المملكة يؤذي مشاعري ويزعج ناظري فكيف اتمكن من الحكم بالعدل وانا متعكننة بسب مناظرهم هذه
    الاتابك : وجهة نظر برضةك سموك .
    امرك مولاتي !
    قلت في أنفة وكبر : اصدر امر باعدامهم رشا بالتراب قصدي رميا بالرصاص ودفن جماعي وربنا يسامحنا بقى , ماهو كله علشان الصالح العام
    هم عند الله سيجدون الاجر العظيم , واما نحن فان الله غفور رحيم والغاية تبرر الوسيلة
    الاتابك : صدقت ايتها الحاكمة المحنكة
    مبارك على مصرنا عيشة المر في عهد سموك
    آسف مولاتي قصدي مبارك ..( وسكت يتمتم في تعجب )
    مبارك
    مبارك
    فين ايامك يا مبارك
    ليتنا لم نخلعك
    ليتنا رضينا واصلحنا انفسنا وساعدناك على الحكم بالعدل ( علشان مانروحش في داهية اهه )
    ليتنا
    وليتنا


    وإذ فجأة سمعت دقا شديدا على الباب ثم دخول مجدي بيه وشركاه :
    أيه ده كله يا ست زهرة
    بقى لنا اكتر من خمس دقايق واقفين نخبط على الباب علشان ندخل ولما لم تردي اضطررنا ندخل خشية ان تكوني في مأزق!!
    : فعلا يا مجدي بيه
    انا كنت في مأزق بعد الاكل راحت عليه نومة وكنت زي اللي باحلم بس ده كان كابوس
    يالطيف يارب .. اللهم اجعله خيرا
    : خير يا ست زهرة
    : ابدا يا بيه شفت اني لما اصبحت ملكة على مصرنا الحبيبة
    : نعم يا زهرة بتقولي ايه ؟
    : ماهو ده يابيه الاتفاق مع الجماعة اني اتسلم السلطة والحكم بعد ما نخلع الريس وحرمه وابنه وكله تبع خطة مدروسة باحكام ( واخرجت من حقيبتي ادوات مكياج في ظاهرها فقط لكن حقيقتها ادوات اتصال تعمل بالليزر كان اخويا اشتراها لابنتي من الخارج وكانت تحفظها في حقيبتي بعيدا عن الصغار )
    قلت له : شايف حضرتك الادوات ديه
    قال : نعم واضح انها ادوات مكياج
    قلت : هذا في الظاهر انما في الحقيقة هي احدث اجهزة تصنت في العالم كله ولايوجد منها الى نسختين واحدة منهم معي والثانية مع ابو العبد
    : معقولة ياست زهرة ؟
    : طبعا امال يعني فاكر ايه
    : أأمري .. طلباتك أومر !
    : عاوزة اقابل الريس وحرمه ولن انطق بحرف واحد الا في حضرته!
    (ارتجف مجدي بيه ولكنه لم يجد بدا من تحديد موعد عاجل مع سيادة الريس ومكث ينظر لي كالمذهول الذي اصابه بله وتخلف عقلي
    كمن يقول في نفسه : كل ده يطلع منك يا منقبة يا خيمة ولا خيمة شبرا !!)



  17. #17
    تاريخ التسجيل
    May 2007
    الردود
    12
    كل اللى فات واضح بس ايه حكاية خيمة شبرا

  18. #18
    تاريخ التسجيل
    Mar 2007
    المكان
    لاجئة على الرصيف حيث اللامبيت !!
    الردود
    245
    معقولة محدش يعرف خيمة شبرا ؟؟
    دي اشهر خيمة في العالم
    امال سموها شبرا الخيمة ليه ..؟؟

    راجع موسوعة الانسيكلوبيديا تبع اخي وايه يعني هو ممكن يوضح لك الامر جيدا

    وشكرا لمرورك

  19. #19
    تاريخ التسجيل
    Sep 2006
    المكان
    ليتني اعلم .. ؟!
    الردود
    292
    Quote المشاركة الأصلية بواسطة زهرة الأقحوان عرض المشاركة
    غريب لم اجد تفاعلا هنا كما ينبغي
    يبدو ان الناس هنا بتخاف كتير
    عني شخصيا ... نفسي اتفاعل ...
    لكن وجود العميد مجدي مع حماس والاخوان ... يقتل كل أمل في التفاعل ..
    تفاعلي انت براحتك ... واحنا نشجعك بقلوبنا ...

  20. #20
    تاريخ التسجيل
    Nov 2006
    الردود
    454
    الاخت الكريمة بعد متابعة الموقف والمنحنى الثورى لشجرة المر
    و بعد اعدام الغلابه رميا بالتراب فالطعمية مع الاتابك (يعنى ايه اتابك) افضل جدا من
    الكباب بون شىء اعز الله مصر وادام مليكتها


    اما موضوع شبرا الخيمة فاعتقد اننا كدة بدانا الدروس
    الدفع مقدم وفين المذكرات



    الخت العزيزة اسلب اكثر من شيق واكثر من رائع وطبعا ننتظر القدم والجديد


    اعزك الله

 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •