Follow us on...
Follow us on Twitter Follow us on Facebook Watch us on YouTube
الصفحة 1 من 2 12 الأخيرةالأخيرة
النتائج 1 إلى 20 من 25
  1. #1
    تاريخ التسجيل
    May 2001
    المكان
    جدة
    الردود
    1,074

    لا تضربني ..لاتضرب..كسرت الخيزرانه..!!

    اقبل علينا الصيف…
    (( لا ياشيخ ..ماتدري ان له شهرين الحين؟ ))
    استقبال الصيف يختلف من واحد لواحد….
    فيه ناس اللي هم (( عيال النعمه )) الصيف عندهم ياهلا به ومسهلا…سفريات وروحات وجيات ومشتريات ووناسه ..وفله حجاج…
    وفيه ناس اللي هم (( الطبقه الكادحه )) الصيف بالنسبه لهم تمساح…لاسباب كثير ..بس السبب الرئيسي انه موسم زواجات .

    والمتزوج هذا ..اخ ..ولد عم…صديق…واحد من الجماعه….ولازم تعاونه في زواجه على قدر استطاعتك.. (( والله بعضهم ما يتذكرك إلا يوم يعرس )) . لكن مانلومه والله… الواحد اذا نوى يتزوج يحسب الف حساب.

    اول شئ اذا نوىالواحد يعرس يروح لامه… ويكلمها في الموضوع… طبعا الوالده هذا ازين خبر راح تسمعه وعلى طول تصقعك بلائحه من بنات الديره …وتجلس تمدح فيهم يومين ولا ثلاثه (( وافلقني اذا هي شافت احد منهم )) بس سمعت وحده من العجايز تتكلم عنهم . واكيد الوالد ة راح تركز على وحده من البنات وتجلس تمدح فيها الين توصلها للسماء…
    لسبب من اثنين : اما انها شافت البنت تشتغل في المطبخ ولقيت قهوتها زينه ولا طبخها سنع ولا ان ام البنت صديقه الوالده .
    طيب يمه البنت زينه ؟
    زينه وبس إلا شيخه البنات..الشعر وش الشعر ؟؟!! تقول ليل سرمدي والعيون وش اقول لك ياوليدي تقول فنجال قهوه (( ابوووك ياللوصف الشاعري )) ولا خشمها يخسى سيف الزير سالم…فمها..كنه مصاص تشوباشوبز…
    واخونا في الله في هاللحظات فاتح فمه ورايح في احلام اليقظه .

    [COLOR=blue](( هذي المرحله الاولى وهي مرحله الاختيار … عاد إلا ختيار راجع لمرئيات الوالده )) ..[/COLOR

    *******
    ] نجي الحين لمرحله (( فتح الموضوع مع الوالد ))…
    مسيك بالخير يبه….
    مسيك بالنور …يبه نويت اعرس..
    بشر امك (( كخخخخخخخخخخخ ))
    على البركه ياولد هاه في بالك احد ؟
    أي والله يبه وش رايك في بنت (( ابو مبارك…. مضاوي ))
    بعد ماتكمل كلمتك هذي تتحول فناجيل القهوه والشاهي الى ذخائر حربيه والترامس الى قنابل…
    قم قم لا بارك الله في العدو ابو مبارك…؟؟؟!!! مالقيت إلا هالرخمه وبنته ؟
    (( ابو مبارك لا هوب برخمه ولاشئ … بس هي كذا تطلع في روس الشيبان لازم يعذربون وفي الاخير يوافقون ))
    يبه وش فيه ابو مبارك ؟ ذكره طيب وما يفارق المسجد وعياله الكل يمدح فيهم ..!!
    معصي انت وامك .. انت مالك إلا بنت ابو ناصر ..(( ابو ناصر صديق الوالد الروح بالروح ))
    يبه الله يطول لي عمرك ماتدري ان بنته شايفه حالها علينا وماتبي تتزوج الا واحد معه ماجستير؟ ..!!
    وش فيها ..ابوها رجال وشيخ ربعه (( هذا اللي يهمك انه شيخ انت ))
    ويصير الواحد في حيره ودوامه الىدرجه انه يفكر يبطل من الزواج اساسا .. تتجه الانظار بعدها للوالده لتقوم بقردنه الوالد وجعله يوافق على بنت ابو مبارك. وبعد الحاح منها يرضخ الوالد لطلبها .
    ***
    ((( المرحله الثالثه ))
    تتوجه انت وابوك واخوانك وكم واحد من الربع الى ابو مبارك لطلب ((( مضاوي ))) رسميا . يستقبلكم ابو مبارك بالترحيب والتهليل . ويقلطكم في المجلس طبعا انت مسوي فيها رسمي جدا وجايب البشت معاك وحاط قلمين BIC احمر وازرق لزوم الكشخه في جيبك .
    بعد البروتوكولات والطقوس المعتمده وطلب البنت رسميا … على طول يوافق ابوها ماعنده وقت (( طيب يا اخي خذ راي البنت يمكن ماتبي ))
    اعقب بناتنا مالهم رأي ولا فيه امل تناقشه في هالنقطه اساسا لان البنت لو رفضت راح يلحق العار ابو مبارك الين يموت (( ليش ما ادري ؟؟ ))
    نجي الحين للطلب الانتحاري....
    انت طبعا منطم طول الجلسه ماغير تدربي راسك يميل وشمال وبعد الموافقه تقول لبو مبارك : طيب ممكن اشوف (( مضاوي )) ؟
    افااااااااااااا وانا ابو العيال وينقز ابو مبارك ويلقط رشاشه اللي معلق على الجدار .. ما عاد إلا هي والله ويطمر الربع علىابو مبارك يحاولون تهدئته ويحقنونه بحقنه مورفين .
    يبو مبارك هذا حقي .. (( شوفه شرعيه )) هو أنا بتزوج لي (( حبحبه )) ما ادري هي حمراء ولا بيضاء .
    شوفه ما فيه اعجبك ولا اقضب انت وابوك الباب …
    (( يسخن الجو ويتوتر الوضع والكل على اهبه الاستعداد وبدال ماهو جو فرح يقلب جو حرب ))
    يتدخل عيال الحلال وينهون الموضوع على ان مافيه شوفه ..(( واحد من الربع وعدك انه يخلي زوجته تسير عليهم وتشوف البنت )).
    ****
    (( المرحله الرابعه ))
    اخطر والعن مرحله وهي مرحله التجهيز للزواج مصاريف الزواج :
    100000 الف ريال مهر (( فقط مهر )) والله لو اني مقدم لي على BMW انه ابرك لي…
    استأجار بيت مكون من غرفتين وصاله على اقل تقدير بحدود 15000 الف ريال ….
    مصاريف العشاء اربعه قعدان بمواصفات خاصه ثلاثين خروف نجدي او نعيمي (( تمنع منعا باتا خرفان السواكني )) ليش؟ لانها رخيصه ..وكراتين الببسي والمويه والفواكه بامكانك فتح محل او بقاله صغيره منها وبعد انتهاء من تناول وجبه العشاء تكلفه اجماليه 150000 ريال….
    شنطه ذهب مكونه من :
    عدد 12 حبه من البناجر (( البناجر هي قطع مدوره من الذهي تلبس على المعصم ))
    10 خواتم من الحجم الكبير…
    حزام من الذهب … (( لا يقل حجما او ثمنا عن احزمه بطولات الملاكمه والمصارعه الحره ))
    ايضا هناك قطعه ما لامها داعي من الذهب اسمها (( رشرش )) هذي القطه تغطي الصدر والبطن تغطيه كامله حيه على الهواء مباشره ..
    في اخر الايام طلعت موضه جديده من لبس الذهب وهي ما يسمى بالكف ..وهو عباره عن قطعه من الذهب تغطي ظهر الكف بالكامل . (( تكلفه الذهب احسبوها انتو براحتكم….))
    غالبيه الناس عندهم عاده وهي انك تعطي ام البنت اللي بتتزوجها 10000 الاف ريال (( أنا مستعد ادفع 20000 الف ريال بس اعرف وش السبب ؟؟ ايش المناسبه؟؟ )) …
    فيه مبلغ ايضا تعطيه زوجتك اول ليله بحدود 3000 الاف ريال يسمونها االشوفه… يعني شوفتي الشرعيه اللي هي حلال وحق من حقوقي ادفع فيها هالمبلغ (( اللهم اني لا اسالك رد القضاء ولكني اسالك اللطف فيه ))

    ******
    كل هالمبالغ ومن راح يجيبها اخونا المسكين فيه عده طرق :
    السلف (( اتحداك تلاقي احد يسلف هاليومين ))
    // التقسيط … ربي يطيحك في شريطيه ملعونين جدف يسلخونك سلخ في التقسيط من هالهايلوكسات .
    // العانيات.. مع انها في الصيف ةالله تكسر ظهورنا تلاقيك متورط في ثلاث زواجات في اسبوع وكل واحد يبي له الف ريا على الاقل بس انها تبقى من احسن العادات التي توضح صوره من صور التكافل الاجتماعي
    // جاهه لوالد العروس يسوي تخفيضات من طلباته وغالبا ما تفشل هذه الجاهه.
    ******
    ((( المرحله الخامسه ))

    ابد سلامتكم بعد الزواج بشهرين تلاقي الحقوق المدنيه يدقون عليك الباب


    ==========
    ومضه :
    صعبه انك تبني حياتك الزوجيه بالدين …..ياربي وش الحل ؟

    ===
    تحياتي
    عُدّل الرد بواسطة الحاشي777 : 07-07-2001 في 01:06 PM

  2. #2
    تاريخ التسجيل
    Apr 2001
    المكان
    اسلم على أهلي واخواني وعلى من يعز علي ...
    الردود
    806

    Talking


    بين العصر والمغرب مرت .........نبخةىؤىسةةىؤستبسيتيىىس نبتثخس ..........لنها شقرا وميالى ...لنها شقرا وميالى ....يسبميسبوةيبشيشنشسةؤحصسشبز.....لا تضربني ..لاتضرب..كسرت الخيزرانه..!!


    عساني اغنيها بعرسك يا رب .وانا أمـــــــــك


    دائما رائع يا حاشينا
    بعض العرب ودك تصكه بمشعاب.......
    .........حتى يتعدل في طريقة كلامه


  3. #3
    تاريخ التسجيل
    Dec 2000
    المكان
    نجد ..
    الردود
    5,347
    خخخخخخخخخخخخخخخخخخخخخخخ

    الحاشي ياحررررررام والله ضاق صدري عشانكم:yh:

    افااااااااااااا وانا ابو العيال وينقز ابو مبارك ويلقط رشاشه اللي معلق على الجدار .. ما عاد إلا هي والله ويطمر الربع علىابو مبارك يحاولون تهدئته ويحقنونه بحقنه مورفين .


    خخخخخخخخخخخخخخخخخخخخخخخخخخخخخ قسم بالله موتتني ضحك.... صحيح بعض الأولياء كذا متشدد بشكل رهيب في الشوفه ..مع ان النظره الشرعيه بصراحه شيء مهم جدا قبل الزواج... لانه من ناحيتها ممكن يرتاح لها وممكن لا ..فاحسن شي من البدايه الواحد يركد وضعه..وكثير طلاقات تصير لان عمنا او عمتنا ماارتاحت مع الثاني والله شافته يوم العرس ولا أعجبها..والا العكس:yh:

    قضينا من الشوفه .....

    اما تكاليف العرس حشا شكلك تحكي عن عرس خيالي :wow: وش ذا؟؟ بجد عاد انت مبالغ بشكل خيالي خخخخخخخخخخخخخخخخ

    اجل المهر 100000 ألف ريال..؟ ممكن البدو بس الي هذا مهرهم حتى الحين يقولون خفوا من ناحية المهور عاد مدري:we:

    عاد البيت غصب أجل بتسكنها بالشارع والا بغرفه وحده..؟؟:wow:

    150000 ريال…. مصاريف العشاء؟؟؟؟ واااااااااااااااااااااااااو قمة المبالغه ياشيخ حرام عليك رح اطلب بوفيه للرجال بعشره الاف وللحريم بعشره الاف وخلصنا:yh: يعني كل ذا عشرين الف بالكثير....


    اما الذهب عااااااااااااد مدري شكلك تحكي عن القرون الوسطى:we: اولا الرشرش والبناجر الغوايش على قولة البعض:D ماعاد تنلبس الحين خير شر....

    يعني يكفيك تجيب لها طقمين نعومات وساعه وخلصنا:ff:

    بجد الذهب الي قلته شيء خيالي خخخخخخخخخخخخخخخخخخخ

    اما الام وشوله عشره الاف ؟؟ ثلاثه الاف وانتهينا اذا كريم عاد عطها اربعه خخخخخخخخخخخخخخ ووش المناسبه؟؟ هذا اهم شيء بصراحه الأم لازم تنعطى..مدري ليه بالضبط ..بس ممكن تكون مكافأه رمزيه لتربيتها لبنتها.... يعني هي تربي وتتعب آخر شي تاخذها انت زي السلام عليكم....

    بس والله تنرحمون خخخخخخخخخخخخخخخخخخخخخخخ

    شوف انا الي عندي خلفيه عنه....

    المهر اذا كثير بالمرررره 60 ألف ريال....

    تكاليف الزواج قاعه أو فندق الي يتفقون عليه ومصاريف العشاء بوفيه ..

    الذهب طقمين وساعه واذا كريم خاتم زياده:D

    وبسسسسسسس عاد انت مهولها بزود خخخخخخخخخخخخخخخخ

    بس ولو روعه ......
    تسلم....
    عُدّل الرد بواسطة ريما : 06-07-2001 في 09:00 PM

    يشتاقنا الـحزن لوشئنا نفارقه ** ويحتوي الروح نهرا منه مدرارا ..
    كم قد رجوناه لو يطوي نمارقه ** فكم شربناه مرات وأمرارا ..
    --


  4. #4
    تاريخ التسجيل
    May 2001
    المكان
    في زوايا الشبكة
    الردود
    1,053
    قسم بالله اغمي عليّ من الضحك:D <==نصب ..قام يبكي من هول المصيبة

    الله يقطع شيطان خدامة جيرانكم

    تصدق ذكرتـني بالبناجر:D فيه نوع اذكره من زمااااااااااان اسمه (دعس الدركتل:D )
    يا قلبي :D:D:D:D(اسمها يضحكني:D )
    انواع التخلف..
    بعدين تدري واحد من قرايبي تزوج من دولة عربية ..يقول ياخي مش مكلف الزواج حتى البناجر تعطي زوجتك وحده او ثنتين و تطلع ذوق و اتيكيت اما درزن 12 حبة ...اذا حركت يدها تتوقع ان دولاب المطبخ طاح:D

    بعدين موضوع عشاء انا اتفق مع ريما (( 150000 الف)) كثيرة .. اتوقع تقصد 50 الف؟ مش كذا...

    و على طاري المهور تصدقون فيه ناس ياخذون مية الف و مية و خمسين الف الى الان في الشمال و الجنوب و الوسطى و حتى بعض مناطق الغربية..

    والمشكلة العصرية الان هي سالفة قصور الافراح و الطقاقات
    قسم بالله ودي ابكي <==بيدفع ما يعادل رواتبه لمدة اربعة شهور في صالة الافراح بدون رسوم فرقة طقاقات ليلة خميس:D

    عموما كان ودي اقعد اسولف بس حبيت اترك لكم مجال يالله...باي

    كحة:
    للمعرس المطفر:
    يمدحون الاستراحات الايام ذي ..و خلها عائلية و مش حالك..!

    ابو بشبش
    عُدّل الرد بواسطة البشبشان : 07-07-2001 في 03:16 AM
    <P align=center><FONT face=tahoma color=#0000cc size=4><STRONG>ما بين لصوصٍ و لصــوص... فرقٌ في الأعلـــــى و الأدنــــىَ</STRONG></FONT></P>
    <P align=center><FONT face=tahoma color=#0000cc size=4><STRONG>&nbsp;لصغارهمُ الـموتُ المـُزري... و كبارِهمُ الشــــــــرَفُ الأســنىَ</STRONG></FONT></P>
    <P align=right><FONT face=verdana color=#3333ff><STRONG>&nbsp;للشاعر الفرنسي: لافونتين</STRONG></FONT></P>
    <P align=center><FONT color=#ff0000>&nbsp;</FONT><FONT color=#990066>ابو بشبش albeshbeshan@hotmail.com</FONT></P>

  5. #5
    تاريخ التسجيل
    Oct 2000
    المكان
    الرياض
    الردود
    86
    اذا كانت الدعوى كذا هونت من العرس
    ايضا : داري ان محدن لمي بس اوسع صدري شوي

  6. #6
    تاريخ التسجيل
    Jul 2001
    المكان
    مجاهل سيبيريا
    الردود
    61

    Unhappy


    الاخ حاشي
    مازال اسمك مسبب لي مشكله
    :ss: <--- شكلي اذا قريت اسمك
    المهم
    قد يكون ما تقول بعض المبالغه
    او انه موجود في مناطق دون اخرى
    المتعار عليه عندنا
    كما قالت الاخت العزيزه ريما
    يعني طقمين وساعه اذا امكن واذا انت كريم جيب دبله
    والشوفه الشرعيه متاحه الى ابعد الحدود
    الام تشوف والاخوات والخطيب ثم يجون باقي العايله وهلما جراً
    اما الزواج فالملاحظ في السنوات الاخيره انتشرت الزواجات العائليه
    المصغره سواء كانت في البيت او في الاستراحه
    ولم يعد هناك بذخ التسعينات
    وتقبل تحياتي بصدر رحب

    ونه
    وش اخبار بنتك الصغيره وانها انشا الله بخير ؟
    حتى الأشجار الصغيره لها ظل

  7. #7
    تاريخ التسجيل
    Dec 2000
    المكان
    في مِحبره
    الردود
    4,726


    نيهاااااااااا هاااااااااا




    <---- ولد نعمه وكاش ..

    *************************************************

    تقبل تحيه تشبهك وسلاااااااااااااام

  8. #8
    تاريخ التسجيل
    Nov 2000
    المكان
    دحديرة الصباخ...
    الردود
    4,320

    كُن كالزبيرية صلباً شديداً .... اذا لصعت بعرصي قال اليوم العيدا ..

    الحاشي.....
    بها العطلة ان ما صرت بليونير منيب ابو عشة :D
    <--- ناوي يزين فرقة طقاقات:D

    =============
    حاشينا.....
    تسلم والله يابعد جنوط الـ F16
    ياحبي لك انت ومواضيعك
    :D
    طُعُـوْسٌ ذَهَبِيَّـةٌ..لازَوَرْدِيَّـةٍ..تَفُـوْحُ مِنْهَـا رَائِحَـةُ صِنَـانٍ مُفْزِعَـةٌ..
    ألا أيّهَـا القَـوْمُ..تَسَبَحُـوْا..!

  9. #9
    تاريخ التسجيل
    Dec 2000
    المكان
    السعوديه / جده
    الردود
    933
    هلا اخوي الحاشي
    والله انك لمست كثير من جروح الشباب
    بس تري فيه جانب مهم ياليت تكتب عنه اللي هو بدايه الحياه الزوجيه
    وتكاليف ما بعد الزواج بناء علي الديون اللي قاصه ظهر الرجال خويك هههههه
    وصراحه موضوع في قمه الروعه
    بس لي ملاحظه صغيره مره .
    .
    .
    .
    .
    .
    .

    .
    .
    .
    .
    .
    .
    .
    لو تشيل عيب بنت ابو ناصر انها مطلقه اذكر اي سبب ثاني قل انها عورا مثلا
    تعرف ما نبي نجرح ناس بمثل هذي الكلمه وخاصه ان النظره تغيرت بالنسبه للمطلقه .

    اتمنى لك التوفيق وما تكون هذي الكلمه تفهمني فيها غلط
    لك احتراماتي وتقديري وتشكراتي علي هذا الموضوع الرائع
    اخوك نايف
    <center>




    <FONT FACE="DecoType Naskh Special"><FONT SIZE="5"><FONT COLOR="#E1AA60">ه</FONT><FONT COLOR="#DFAA62">ذ</FONT><FONT COLOR="#DDAA64">ا</FONT><FONT COLOR="#DBAA66"> </FONT><FONT COLOR="#D9AA68">م</FONT><FONT COLOR="#D7AA6A">و</FONT><FONT COLOR="#D5AA6C">ق</FONT><FONT COLOR="#D3AA6E">ع</FONT><FONT COLOR="#D1AA70">ي</FONT><FONT COLOR="#CFAA72"> </FONT><FONT COLOR="#CDAA74">ا</FONT><FONT COLOR="#CBAA76">ل</FONT><FONT COLOR="#C9AA78">ش</FONT><FONT COLOR="#C7AA7A">خ</FONT><FONT COLOR="#C5AA7C">ص</FONT><FONT COLOR="#C3AA7E">ي</FONT><FONT COLOR="#C1AA80"> </FONT><FONT COLOR="#BFAA82">ي</FONT><FONT COLOR="#BDAA84">ا</FONT><FONT COLOR="#BBAA86">ل</FONT><FONT COLOR="#B9AA88">ي</FONT><FONT COLOR="#B7AA8A">ت</FONT><FONT COLOR="#B5AA8C"> </FONT><FONT COLOR="#B3AA8E">ي</FONT><FONT COLOR="#B1AA90">ع</FONT><FONT COLOR="#AFAA92">ج</FONT><FONT COLOR="#ADAA94">ب</FONT><FONT COLOR="#ABAA96">ك</FONT><FONT COLOR="#A9AA98">م</FONT><FONT COLOR="#A7AA9A"> </FONT><FONT COLOR="#A5AA9C">h</FONT><FONT COLOR="#A3AA9E">t</FONT><FONT COLOR="#A1AAA0">t</FONT><FONT COLOR="#9FAAA2">p</FONT><FONT COLOR="#9DAAA4">:</FONT><FONT COLOR="#9BAAA6">/</FONT><FONT COLOR="#99AAA8">/</FONT><FONT COLOR="#97AAAA">w</FONT><FONT COLOR="#95AAAC">w</FONT><FONT COLOR="#93AAAE">w</FONT><FONT COLOR="#91AAB0">.</FONT><FONT COLOR="#8FAAB2">n</FONT><FONT COLOR="#8DAAB4">a</FONT><FONT COLOR="#8BAAB6">i</FONT><FONT COLOR="#89AAB8">f</FONT><FONT COLOR="#87AABA">.</FONT><FONT COLOR="#85AABC">s</FONT><FONT COLOR="#83AABE">5</FONT><FONT COLOR="#81AAC0">.</FONT><FONT COLOR="#7FAAC2">c</FONT><FONT COLOR="#7DAAC4">o</FONT><FONT COLOR="#7BAAC6">m</FONT></FONT></FONT>
    <FONT FACE="DecoType Naskh Special"><FONT SIZE="5"><FONT COLOR="#E1AA60">و</FONT><FONT COLOR="#DFAA62">ل</FONT><FONT COLOR="#DDAA64">ل</FONT><FONT COLOR="#DBAA66">ت</FONT><FONT COLOR="#D9AA68">و</FONT><FONT COLOR="#D7AA6A">ا</FONT><FONT COLOR="#D5AA6C">ص</FONT><FONT COLOR="#D3AA6E">ل</FONT><FONT COLOR="#D1AA70"> </FONT><FONT COLOR="#CFAA72">ع</FONT><FONT COLOR="#CDAA74">ب</FONT><FONT COLOR="#CBAA76">ر</FONT><FONT COLOR="#C9AA78"> </FONT><FONT COLOR="#C7AA7A">ا</FONT><FONT COLOR="#C5AA7C">ل</FONT><FONT COLOR="#C3AA7E">ا</FONT><FONT COLOR="#C1AA80">ي</FONT><FONT COLOR="#BFAA82">م</FONT><FONT COLOR="#BDAA84">ي</FONT><FONT COLOR="#BBAA86">ل</FONT><FONT COLOR="#B9AA88"> </FONT><FONT COLOR="#B7AA8A">و</FONT><FONT COLOR="#B5AA8C">ا</FONT><FONT COLOR="#B3AA8E">ل</FONT><FONT COLOR="#B1AA90">م</FONT><FONT COLOR="#AFAA92">ا</FONT><FONT COLOR="#ADAA94">س</FONT><FONT COLOR="#ABAA96">ن</FONT><FONT COLOR="#A9AA98">ج</FONT><FONT COLOR="#A7AA9A">ر</FONT><FONT COLOR="#A5AA9C"> </FONT><FONT COLOR="#A3AA9E"> </FONT><FONT COLOR="#A1AAA0">n</FONT><FONT COLOR="#9FAAA2">a</FONT><FONT COLOR="#9DAAA4">i</FONT><FONT COLOR="#9BAAA6">f</FONT><FONT COLOR="#99AAA8">3</FONT><FONT COLOR="#97AAAA">3</FONT><FONT COLOR="#95AAAC">3</FONT><FONT COLOR="#93AAAE">@</FONT><FONT COLOR="#91AAB0">h</FONT><FONT COLOR="#8FAAB2">o</FONT><FONT COLOR="#8DAAB4">t</FONT><FONT COLOR="#8BAAB6">m</FONT><FONT COLOR="#89AAB8">a</FONT><FONT COLOR="#87AABA">i</FONT><FONT COLOR="#85AABC">l</FONT><FONT COLOR="#83AABE">.</FONT><FONT COLOR="#81AAC0">c</FONT><FONT COLOR="#7FAAC2">o</FONT><FONT COLOR="#7DAAC4">m</FONT></FONT></FONT>
    </IFRAME>

  10. #10
    تاريخ التسجيل
    Oct 2000
    الردود
    1,006



    الحل سهل وسريع وفعال جدا


    ( 10.000 ريال ) رشوة ... تطلع فيها موافقة زواج من اجنبية

    تذكرة سفر لسراييفو أو لكوسوفو

    وابشر بالخير

    على الاقل تجيب لك ( بنت ناس ) سنعه وكاويها الجوع والاضطهاد ... يعني ما تبطر عليك ولا تفارق ظلك

    وفرصة تساعد في مشروع تحسين النسل الوطني
    من أجل أجيال قادمه ... خاليه من الشهابة
    كلما زادت معرفتي بالناس .... ازداد تقديري للكلاب

  11. #11
    تاريخ التسجيل
    May 2001
    المكان
    جدة
    الردود
    1,074
    المصرقعه..!!!
    الله يسمع منك وتغنينها في عرسي بعد مااشرب القهوه
    ====
    ريما الهره الرقطاء...
    لا والله منيب مبالغ في الاسعار اللي عطيتكم الا حقت العشاء زاد صفر مدري من وين جا ء,,
    وسالفه الذهب فوالله انها مثل ماذكرت بالضبط, وانتي تقولين طقمين ناعمين....وين ذا الكلام يصير ما يصير الا في الافلام المصريه....
    المهم مشكوره على رفع معنويات الشباب ....بس اذا الواحد نوى على العرس ,,,ربك يعينه
    =======
    البشبشان..
    شفت الفكره مهيب فكرتك انت ووجهك كخخخخخخخخخخ
    المهم وش رايك نقط في قصر افراح ولا في استراحه
    ونصير مديرين انا المدير وانت السكرتير حقي

    لحظه
    اموووووون واعرف من وين طلعت (( دعس الركتل ))...اتحداك تلاقي شايب يذكرها
    =====
    سيدلان باشا
    تقولها صادق
    يا رجال مادروا عننا هونا ولا عزمنا اقول
    وش رايك ننقز لكازا :D
    ===
    طرفه...
    انتو والله متهاونين في الموضوع وتحاولون تبسطون مع انه اصعب من كذا بكثير
    من يوم وعيت على الدنيا ماعمري سمعت بزواج بالشكل اللي تذكرونه عندنا ابدا
    ولا اسمع الا عن زيجات خرافيه
    حتى اغنياء العالم ما يقدرون عليها
    <==== يمووووووووووت ويعرس
    تحياتي لك ...
    ======
    الهـــــــــــــــــــلال....
    ابو هلا ل
    الفقها...........
    كخخخخخخخخخخخ
    =====
    فتى العشه..الفتى النحاسي..
    طقمكمكقكفكقفكاااااااااااااااااااااااااح
    هذي مطخه على براطمك
    شرفت والله

    ====
    Naif
    اشكرك اخوي على ملاحظتك
    وتبي الصدق
    والله من وانا اكتب الموضوع منيب مقتنع فيها وحاولت اغيره بس مدري وشبلاني
    مسكت معي

    تحياتي
    =====
    الدربيــــل..
    اللله يلعن ابليسك
    والله ضحكني ردك وكاني مابعد ضحكت قبل اليوم
    لاعددمتك
    تحياتي

  12. #12
    تاريخ التسجيل
    Dec 2000
    المكان
    السعوديه / جده
    الردود
    933
    اخوي الحاشي
    ياليييييييت كل الناس مثلك في تفهمك للموضوع من جوانبها الصحيحه
    اشكرك بعنف علي هذا الخلق الكريم
    بجد لو كل اللي في المنتدي باخلاقك كان اصبحنا في منتدي من اروع المنتديات
    الله يكثر من امثالك
    لك تشكراتي
    نايف
    <center>




    <FONT FACE="DecoType Naskh Special"><FONT SIZE="5"><FONT COLOR="#E1AA60">ه</FONT><FONT COLOR="#DFAA62">ذ</FONT><FONT COLOR="#DDAA64">ا</FONT><FONT COLOR="#DBAA66"> </FONT><FONT COLOR="#D9AA68">م</FONT><FONT COLOR="#D7AA6A">و</FONT><FONT COLOR="#D5AA6C">ق</FONT><FONT COLOR="#D3AA6E">ع</FONT><FONT COLOR="#D1AA70">ي</FONT><FONT COLOR="#CFAA72"> </FONT><FONT COLOR="#CDAA74">ا</FONT><FONT COLOR="#CBAA76">ل</FONT><FONT COLOR="#C9AA78">ش</FONT><FONT COLOR="#C7AA7A">خ</FONT><FONT COLOR="#C5AA7C">ص</FONT><FONT COLOR="#C3AA7E">ي</FONT><FONT COLOR="#C1AA80"> </FONT><FONT COLOR="#BFAA82">ي</FONT><FONT COLOR="#BDAA84">ا</FONT><FONT COLOR="#BBAA86">ل</FONT><FONT COLOR="#B9AA88">ي</FONT><FONT COLOR="#B7AA8A">ت</FONT><FONT COLOR="#B5AA8C"> </FONT><FONT COLOR="#B3AA8E">ي</FONT><FONT COLOR="#B1AA90">ع</FONT><FONT COLOR="#AFAA92">ج</FONT><FONT COLOR="#ADAA94">ب</FONT><FONT COLOR="#ABAA96">ك</FONT><FONT COLOR="#A9AA98">م</FONT><FONT COLOR="#A7AA9A"> </FONT><FONT COLOR="#A5AA9C">h</FONT><FONT COLOR="#A3AA9E">t</FONT><FONT COLOR="#A1AAA0">t</FONT><FONT COLOR="#9FAAA2">p</FONT><FONT COLOR="#9DAAA4">:</FONT><FONT COLOR="#9BAAA6">/</FONT><FONT COLOR="#99AAA8">/</FONT><FONT COLOR="#97AAAA">w</FONT><FONT COLOR="#95AAAC">w</FONT><FONT COLOR="#93AAAE">w</FONT><FONT COLOR="#91AAB0">.</FONT><FONT COLOR="#8FAAB2">n</FONT><FONT COLOR="#8DAAB4">a</FONT><FONT COLOR="#8BAAB6">i</FONT><FONT COLOR="#89AAB8">f</FONT><FONT COLOR="#87AABA">.</FONT><FONT COLOR="#85AABC">s</FONT><FONT COLOR="#83AABE">5</FONT><FONT COLOR="#81AAC0">.</FONT><FONT COLOR="#7FAAC2">c</FONT><FONT COLOR="#7DAAC4">o</FONT><FONT COLOR="#7BAAC6">m</FONT></FONT></FONT>
    <FONT FACE="DecoType Naskh Special"><FONT SIZE="5"><FONT COLOR="#E1AA60">و</FONT><FONT COLOR="#DFAA62">ل</FONT><FONT COLOR="#DDAA64">ل</FONT><FONT COLOR="#DBAA66">ت</FONT><FONT COLOR="#D9AA68">و</FONT><FONT COLOR="#D7AA6A">ا</FONT><FONT COLOR="#D5AA6C">ص</FONT><FONT COLOR="#D3AA6E">ل</FONT><FONT COLOR="#D1AA70"> </FONT><FONT COLOR="#CFAA72">ع</FONT><FONT COLOR="#CDAA74">ب</FONT><FONT COLOR="#CBAA76">ر</FONT><FONT COLOR="#C9AA78"> </FONT><FONT COLOR="#C7AA7A">ا</FONT><FONT COLOR="#C5AA7C">ل</FONT><FONT COLOR="#C3AA7E">ا</FONT><FONT COLOR="#C1AA80">ي</FONT><FONT COLOR="#BFAA82">م</FONT><FONT COLOR="#BDAA84">ي</FONT><FONT COLOR="#BBAA86">ل</FONT><FONT COLOR="#B9AA88"> </FONT><FONT COLOR="#B7AA8A">و</FONT><FONT COLOR="#B5AA8C">ا</FONT><FONT COLOR="#B3AA8E">ل</FONT><FONT COLOR="#B1AA90">م</FONT><FONT COLOR="#AFAA92">ا</FONT><FONT COLOR="#ADAA94">س</FONT><FONT COLOR="#ABAA96">ن</FONT><FONT COLOR="#A9AA98">ج</FONT><FONT COLOR="#A7AA9A">ر</FONT><FONT COLOR="#A5AA9C"> </FONT><FONT COLOR="#A3AA9E"> </FONT><FONT COLOR="#A1AAA0">n</FONT><FONT COLOR="#9FAAA2">a</FONT><FONT COLOR="#9DAAA4">i</FONT><FONT COLOR="#9BAAA6">f</FONT><FONT COLOR="#99AAA8">3</FONT><FONT COLOR="#97AAAA">3</FONT><FONT COLOR="#95AAAC">3</FONT><FONT COLOR="#93AAAE">@</FONT><FONT COLOR="#91AAB0">h</FONT><FONT COLOR="#8FAAB2">o</FONT><FONT COLOR="#8DAAB4">t</FONT><FONT COLOR="#8BAAB6">m</FONT><FONT COLOR="#89AAB8">a</FONT><FONT COLOR="#87AABA">i</FONT><FONT COLOR="#85AABC">l</FONT><FONT COLOR="#83AABE">.</FONT><FONT COLOR="#81AAC0">c</FONT><FONT COLOR="#7FAAC2">o</FONT><FONT COLOR="#7DAAC4">m</FONT></FONT></FONT>
    </IFRAME>

  13. #13
    تاريخ التسجيل
    Jul 2001
    المكان
    بنت نجد واعشق هواهــا
    الردود
    15

    Cool اشووووواااااا أني بنت

    كان الله بعونكم عاد كذا شكل الواحد ماوده يكبر عشان يعرس
    لكن ولو تراك تبالغ مثل ماقالت الأخت ريمـا أوافقها بالرأي...لكن كله كوم والرشرش ودرزن البناجر كوم (خخخخخخخخخخخخخ بأي عصر هذا ) تحفة لو يدفعون مليون ماألبسها.. كتمة بالحيا..أحس اني بطلة رفع أثقال...
    الدربيـــــل ....
    ((على الاقل تجيب لك ( بنت ناس ) سنعه وكاويها الجوع والاضطهاد ... يعني ما تبطر عليك ولا تفارق ظلك
    وفرصة تساعد في مشروع تحسين النسل الوطني
    من أجل أجيال قادمه ... خاليه من الشهابة )) الله يرجكككك بس برضو بارفع عليك قضية تحريض الشباب على تركنا عوانس ...
    ********************
    بنت الحمايــل كلها دم واحساس لاعاش راس الجاهل اللي دفنها
    هي درة ٍ ماجـابـها كل غطـاس ومن مايعرف الدرّ يرخص ثمنها
    هذي ترا اللي حماها صعب ينداس اللي مشارف نجـد اصلا وطنها
    بنت العروبة رمز فخرٍ ونومـاس بمليـــون راسٍ..لو تمتحنـها
    من يغرس الشوك مايجني ورود
    ومن يطفي الشوق مايلقى دفا
    **************************

  14. #14
    أخواني
    سلام
    اصبح الزواج هالايام تجارة رائجة:
    الصالات
    الطقاقات
    البوفيهات
    المصورين
    وبطاقات الدعوات
    الى جانب المصوغات
    والمسكين يدفع وكانه يغرف من بئر لاينضب، ولا احد يفكر ان ما يدفعه الان المسكين هو دين عليه يسدده ربما مضاعفا في المستقبل
    والمحصلة النهائية هي تضييق الحالة المعيشية على الاسرة الجديدة.
    لكن ..هيهات ان نفهم او نتعظ ..هيهات.
    وسلامتكم

  15. #15
    تاريخ التسجيل
    May 2001
    المكان
    جدة
    الردود
    1,074
    Naif
    كل الشكر والتقدير لك
    =====
    بنت الاجواد
    والله وانا اخوك كلامي مافيه اي نوع من المبالغه...!
    اقول روحي لامك ولا جدتك واساليها
    واذا ماطلع كلامي صح..
    لك اللي تبين
    ======
    ملون المعاني
    بالضبط
    كيف الواحد يقدر يعيش حياه عائليه مستقره على الديون..؟؟!!
    عجبي منا..

    ====
    تحياتي

  16. #16
    تاريخ التسجيل
    Apr 2001
    المكان
    اسلم على أهلي واخواني وعلى من يعز علي ...
    الردود
    806

    (زواج (حــ......) من (مــ.......) باطـــل )



    تستاهل ..عشان مرتن ثانيه تحفظ السر ولا تعلن كتب الكتاب الا بعد ماكل شي يتم:D
    حاشيووووووووووه.......

    تبي القهوه بهيل أو بكمون...؟
    بعض العرب ودك تصكه بمشعاب.......
    .........حتى يتعدل في طريقة كلامه


  17. #17
    تاريخ التسجيل
    May 2001
    المكان
    جدة
    الردود
    1,074
    مصرقعه !!!...

    ليش باطل ..؟

    انا ماصدقت على الله القالي (( صرقوعه الحلال )) :D

    عندك قهوه الكحول ؟
    ===
    تحياتي

  18. #18
    تاريخ التسجيل
    Jun 2001
    المكان
    MAD CITY
    الردود
    307
    ههههههههههههههههههههههه
    كل شي طبيعي اليييين وصلنا للمورفين...........

    ارفع راسك انت حاشي*****غيرك ياقف وانت ماشي
    تجر بشتك وسط لندن وانا اشوف.....
    كنك تمشىوسط سوق المنامه.. .....
    ماتدري ان الدم واضح ومعروف ...
    عليك من دم الخليج العلامه...
    من الحياتلبس عبايه ونفنوف...
    لكن ماكملتها باللثامه...

    ســـعـــودي ليبــرالي

  19. #19
    تاريخ التسجيل
    Apr 2001
    المكان
    اسلم على أهلي واخواني وعلى من يعز علي ...
    الردود
    806

    Talking



    استغفر الله .......أنا بطلت العب بلاي ستيشن:D

    اقول حاشيتــي....

    وش رايك نقلب موظوعك شـــات..والله وناسه

    طيب قل لي..تعرف تسوي اقهوه ؟؟

    والله اتكلم جد..قل لي طريقة العمل؟؟
    وش تستخدم أي نوع...

    هرري...أو برري أو شرري ؟؟:D
    بعض العرب ودك تصكه بمشعاب.......
    .........حتى يتعدل في طريقة كلامه


  20. #20
    تاريخ التسجيل
    May 2001
    المكان
    جدة
    الردود
    1,074
    anakstate ...
    ماعلي منك تراني مانسيت الصوره اللي انت حاطه لي..
    الوعد قدااام ..
    ===
    خالتي المصرقعه !!!
    مع ان الوالد معودما على النسكافيه...
    بس احيانا ياخذنا دورات عند هذولا وش اسمهم....ياربيييييييييه...!!
    ايو ايوه
    badow
    حقون البعارين...:D
    ويحطون قدام شئ اسمه محماس يجيبون فيه الكهوه ..(( ادري انها - ق ))
    وبعدين ما ادري وش يصير يغمى عي من الحراره....
    <==== (( ولد نعمه )):D
    ===
    ضعي مكيالين من القهوه العربيه البريه في ما يسمى بالبراد وحطيه على الفرن على نار هاديه الين تطبخ مضبوط من 20 - 30 دقيقه
    اضيفي عليها الهيل والزنجبيل والزعفران...
    ضعيها في الدله ووحطيها على الفرن مرع ثانيه الين تغلي بسرعه...
    هكذا علمتني ما ما

 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •