نشد قلبي من الذي فيه.. ولهان
يذكر زمان الرياض واهله وفقيده

والله إني طول ليلي فيها هيمان
هذا وروحي بطرف جبلٍ وحيده

القلب يبكي اب وام واخوان
هذي دموعي، وقصيدي شهيده

من الفرقا قلبي بالفقد مليان
هيا اسمعوا عواصف برقه ورعيده

سالت من اشواقي جبال ووديان
على الرياض اللي حبها في وريده

دارٍ كل ما فيها مغروسٍ بالوجدان
ذكريات الصبا والشباب التليده

ما نسيت ايامها ولا هاك المكان
اللي لها بالقلب ذكريات شريده

الله يرحمك يا بوي يا خير إنسان
عرفته في حياتي القديمه والجديده

يا اهل الرياض اللي لكم بالقلب حنحان
احبكم وربي والدنيا عليّ شهيده

اقولها ولا انا بمجبور يا اخوان
قبيلي قالها من سلايل عبيدة

يا من كنتم لي فالغيب أعوان
مثل ما هي مواقفكم بالحاضر عتيده

لكم وربي بالقلب عالي الشان
من اثرها قلبي كتب حبكم بأيده

مهما اقول والله بمر الأزمان
شهادتي فيكم اشوفها صعيده

هذا أنا محدثكم عصام ابن اليمان
صاحب النفس والروح العنيده

على ثرى قلبي.. ضاق وجدان
ابكي فراق الرجال همّال تنهيده

لاهان لاهان لاهان لاهان
من تربى فيكم وكان فيكم وليده

ما ملّت الدنيا من ذكره احيان
الا ويرد يذكركم والشوق يزيده

احس بالغربة يا اهل الرياض ما كان
في بعدكم والله اني كـ الطريده

مهما كانت لي مخالب وجنحان
مقصوصة في بعدكم كـ الفصيده

يا الله تثبت القلب بالإيمان
عن فراق اهل الأخلاق الحميده

لو تشوفوني الحين شوف الأعيان
مثل شايب مهمومٍ على حفيده

يا الله تطول بعمر طيب الأركان
وتجعل سنين عمره يا الله مديده

هاك اللي يقرا ابيات شعري الآن
ويعرف انه المقصود بها القصيده

وفاي لا شفتك افز حفيان
يا من ملكت القلب هذا من وتيده

هذا انا وعيشي بين عدوان
لكن وربي ما اغير عقيده

نسل الكلاب اللي جت من إيران
اللاهثة لحكم اليمن عنكم بعيده

من قبل وقفتك معي وش كان
من قبل حياتي ترا كانت زهيده

كلما تذكرتك تذكرت نمر عدوان
هاك الشهم اللي ذكره وقيده

مواقف الشهم راسخة بالأذهان
النذل وحده من ينسى رفيده

عشنا بشموخ ولا عرفنا ننهان
ولا عرف لنا تافهٍ بوجه يقيده

ولا خضعنا للسفيه كلب مرّان
هاك المريض اللي قرب عيده

من بغضه القلب يتقد نيران
اما اتْباعه فهي بيننا والله عصيده

مهما لبستوا عمايم وقمصان
اليمن راح تنفض الكلب وتحيده

يا اماه يا من ودي آخذك بالأحضان
جروح فرقاكي بقلبي والله شديده

من غيرك يداوي جروحي بإحسان
يكفي تبسمك في وجهي وجيده

يا الله تجمعني بالرجال الأركان
ولا توفاني إلا بدار العقول الرشيده

ولهان يا الرياض والله ولهان
من اليمن اكتب يا الله تعيده

كلماتي عصام العبدالله بن عنتر الحارث.. الثلاثاء ١٤ - ٢ صفر - ١٤٤٠ هجرية