Follow us on...
Follow us on Twitter Follow us on Facebook Watch us on YouTube
النتائج 1 إلى 11 من 11
  1. #1
    تاريخ التسجيل
    Sep 2001
    المكان
    الأرض التي " تحت أقدامي " !
    الردود
    3,660

    الشكوى لغير الله مذله !!!

    ولكن هذا الموضوع ليس شكوى بقدر ماهو عرض لواقع الحال ،،، العلم سلامتكم
    اذكر يوم اني صغير اني كنت فلتة زماني في الإملاء ، يعني ما فيه كلمة ما اعرف اكتبها .. ومرت الايام... وراحت ايام وجت ايام ودخلت الجامعة وتخصصت حاسب آلي ( يعني كمبيوتر بالعربي ) وفي هذه الاثناء بديت اتعرف على شي يقال له " كيبورد " وانا من اول ما شفته يعلم الله اني ما حبيته ... لكن على راي المثل اش حادك يالمسمار قال المطرقة !
    وبديت احس ان هالكيبورد جالس يخرب شي بس مدري وشهو هالشي لأن استخدامي له كان في الكتابة بالاحرف الانجليزية .... ومرت الايام (مره ثانيه ) وقدر الله عليّ وصرت راعي منتديات ( وهي بالمناسبة توازي من حيث الدلالة على الدشرة كلمة راعي قهاوي )... وبدت علاقتي في المدعو كيبورد تزيد وهو يخربني ويدشرني كل يوم اكثر من اللي قبله ... وفي يوم من الايام ......
    اكتشفت الحقيقة المرّة .. ولا عاد دريت وين اودي وجهي من الناس ... هذه الحقيقة يا محفوظين البقا والسلامه تكمن في اني ضيعت كل قواعد " وقوائم" الإملاء !!!!
    وخاصة هذين الحرفين التعيسين ( ظ ) و ( ض ) ولا تهون الهمزات :confused:
    وصرت مع مرور الايام ما اكتب كلمة فيها حرف من هالحرفين الا لازم اتصل على اي واحد من اللي يحبون الستر واسأله ( هي بعصا والابدون ؟؟)
    ولكن الموضوع زاد عن حده وصار كل من قابلني يواسيني ويقترح علي الحلول اشكال والوان ومن (ضمن) <== الله اعلم بحالها هذه الحلول :
    - واحد يقول لي اذا جيت تكتب تخيل انك حجازي وانطقها بلهجة اهل الحجاز .. واذا نطقتها اقرب لحرف الدال (د) فهي الله لايعوق بشّر بدون عصا ... اما ان كانك نطقتها اقرب لحرف الزاي (ز) فلا فيها شك انها بعصا !!
    ورغم وجاهة هذا الحل الا اني اصلاً ما اعرف اتكلم بلهجة اهل الحجاز .. وصار الحل اني كلما صرت اكتب اتصل على زميل لي من اهل مكه واقول له (اتحداك تقول " ظلام " عشر مرات ) وتتغير الكلمة في كل مرّه حسب الورطه!!!... لين الرجال بدا يشك في تصرفاتي ولا عاد يرد على مكالماتي
    - وواحد يقول لي ما عليك منها اصلاً هذي اللي بدون عصا ما لها اي لزمه واسفلها اذا جيت تكتب ولا تعبرها ... لانها حرف زايد ... ويضيف ان العرب ما استفادوا شي من وجود هذا الحرف في لغتهم الا التضييق على خلق الله !
    - والثاني يقول ابشرك بيخترعون " كيبورد " توصله باسلاك في جبهتك ( زي حقة تخطيط القلب ) وتصير تقعد قدام الجهاز وما عليك الا تفكر في الكلام اللي تبغى تكتبه وهو يكتبه بنفسه وكفى الله المؤمنين شر القتال !
    وصراحة اعجبني الحل الأخير لوجود الامكانيات فانا عندي جبهه من الممكن ان اركب فيها برج جوال .. يعني ما عندي مشكله من هالناحية ،، بس فيه مشكلتين في هالحل الاولى "انهم" باقي ما اخترعوا الجهاز .. والثانيه اني فكرت في بعض الناس ( من زود الانسانية ) اللي ماراح يشتغل معهم الجهاز ... لأنه يشترط انك تفكر قبل ما تكتب .. يعني تخيلت الهلال موصل الاسلاك في جبهته ومرتز قدام الجهاز اربع ساعات يبغى يكتب والجهاز يقول بينه وبين نفسه .. اللهم لك الحمد :D:
    هذه هي مشكلتي با ختصار ... واللي عنده حل لا يبخل علينا .. ترى الحال ما يسر !

    وبالنسبة للناس اللي ما عندهم حل وعلشان ما يتحسفون على الدخول .. وتعاطفاً مع هموم الشعب ... اهديهم هذه القصيده للشاعر " المنسم " خالد الردادي :-

    سـيداتي .. انـساتي ... سادتي .
    .......................الاحـباء . الاعـزاء . الـكرام ..

    مـن يـفسر لي خيوط وسادتي !
    .......................ومـن يغمض لي عيوني لين انام

    بـشروا صـدر الـسما بـقلادتي
    .......................وبـلـغوا عـني لـخلاني سـلام

    سـيدي مـن يـعترف بـسيادتي
    .......................يـنحني لـي وانـحني له باحترام

    عـادته يـدمح خـطاي وعـادتي
    ......................لاذكـرته .. فاحت اسراب الحمام

    وامـي قـالت لـي بـيوم ولادتي
    ........................لاتـموت وباقي بصدرك كلام ..!

    غادتي . ! ياغادتي . . ياغادتي .!!
    ......................والله ان الـلي .. تـسوينه حـرام

    صـبي لـسكر حـلاك .. زيادتي
    .......................يـاحلو طـعم الرضا بعد الخصام

    -----------
    وسلامه تسلمك من لوه لها
    .
    .
    ما أقربك يا الله ...

    [ مقهى التجلي .. ]


    وقد أكون هنا ، وقد لا أفعل !

  2. #2
    تاريخ التسجيل
    Jun 2001
    المكان
    جزيرة العرب
    الردود
    1,236
    ههههههههه
    أضحك طقم أسنانك .
    ترى الهمزة عندي لها حل , سهل جداً , لكني ما أطبقه , كان تبيه علمني

  3. #3
    تاريخ التسجيل
    Feb 2002
    المكان
    شيخ هالزمن عروس الكون جيبوتي :p
    الردود
    4,449
    يا ولد امي وابويّه سهيل(اخوي الحقيقي )
    انا ابغي الحل
    (والثاني يقول ابشرك بيخترعون " كيبورد " توصله باسلاك في جبهتك ( زي حقة تخطيط القلب ) وتصير تقعد قدام الجهاز وما عليك الا تفكر في الكلام اللي تبغى تكتبه وهو يكتبه بنفسه وكفى الله المؤمنين شر القتال ! )
    روعة

  4. #4
    تاريخ التسجيل
    Apr 2002
    المكان
    الإسلام .. المنتصر بالله ..
    الردود
    3,295
    سهيل .... ماشاء الله عليك ..

    طيب .... اشوفك كاتب صح الـ ظ و ض .. لا يكون اذيت المكاوي مرة ثانية ..

    شوف بينى وبينك .. تعال معايه .................................... نفس مشكلتي
    بس الفرق ان لما اتورط مأتصل على احد .. اقعد اكتب مره كذا وره كذا .. وتجي مادام النيه سليمه وانا اخوك .. كل يصير ... وبعدين احنا بنقراها على حسب نيتك ..

    عندي اقتراح ... تجنب كل كلمة تدفعك لهذين الحرفين .. شوف الرديف .. تلحلح وين الجبهه ..

    (( وصراحة اعجبني الحل الأخير لوجود الامكانيات فانا عندي جبهه من الممكن ان اركب فيها برج جوال )) امسكوا الخشب .. ماشاء الله عليك اكيد كنت تناطح تيوس .

    والله ضحكتني .. الله يسعد ايامك ...

  5. #5
    تاريخ التسجيل
    Sep 2001
    المكان
    الأرض التي " تحت أقدامي " !
    الردود
    3,660
    عارف الاحوذي ...

    هات حل الهمزه ... العوض ولا القطيعه
    ----------

    بنت البر

    ((( يا ولد امي وابويّه سهيل(اخوي الحقيقي ) ))) اللي فهمت ان عندك اخ اسمه سهيل ! بس ترى حقوق الطبع محفوظه !

    __________

    عبد الله الاهدل ( بدون دكتور )

    يا اخي مدري ليه افرح اذا شفت اسمك ... عموماً شكراً على نصيحتك .. وترى الوجه من الوجه ابيض لا يجي بعدين وتقولون لي ليه تغلط في الاملا :D:
    .
    .
    ما أقربك يا الله ...

    [ مقهى التجلي .. ]


    وقد أكون هنا ، وقد لا أفعل !

  6. #6
    تاريخ التسجيل
    Jan 2002
    المكان
    بلاد الواق واق
    الردود
    1,887
    سأضل ممتناً لك يا سهيل وراظياً عن جهودك الرائعة !

  7. #7
    تاريخ التسجيل
    Sep 2001
    المكان
    الأرض التي " تحت أقدامي " !
    الردود
    3,660
    الله يجبر بخاطرك يا شيخ :D:
    .
    .
    ما أقربك يا الله ...

    [ مقهى التجلي .. ]


    وقد أكون هنا ، وقد لا أفعل !

  8. #8
    تاريخ التسجيل
    Dec 2000
    المكان
    في مِحبره
    الردود
    4,726
    وانا شرحوه :D:

  9. #9
    تاريخ التسجيل
    Dec 2009
    الردود
    1
    موضوع قديم !!
    لكنه راق لي ..
    لا تنس التاء المربوطة والمفتوحة أيضا !!

  10. #10
    تاريخ التسجيل
    Oct 2009
    المكان
    في الواقع المرير
    الردود
    45
    خاصة هذين الحرفين التعيسين ( ظ ) و ( ض ) ولا تهون الهمزات

    <<< معاناتي معاناتي
    الحل الذي قررت أتباعه حل سيغضبكم ..
    قررت بعد أنهاء الجامعه أن أنضم الى معهد للغه العربيه بكامل فصاحتها ...
    أو أن أعتمد على ذاتي وأستكـشف خيال لغتنا العظيمه ..

    كل الشكر لك ...

    يمانـيه

  11. #11
    تاريخ التسجيل
    Apr 2009
    المكان
    أمامك
    الردود
    6
    يوه حتى أنت ياسهيل
    حتى أنا عندي مشكله من هالحرفين ..

    سهيل أنت رائع وأكثر ..

 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •