Follow us on...
Follow us on Twitter Follow us on Facebook Watch us on YouTube
النتائج 1 إلى 15 من 15
  1. #1
    تاريخ التسجيل
    Sep 2002
    المكان
    بلاد الاسلام
    الردود
    1,151

    ألف مبروك ... تكسب معانا!!!

    دخلت بسيارتى الى محطة بنزين ، فور توقفى أمام عامل المحطة هجم على سيارتى شاب وفتاة
    صاح الشاب كمن وجد كنوز سليمان
    ..... مبرووووووك ألف ألف ألف مبروك يافندم ، تكسب معانا، سعادتك محظوظ اخر رقمين فى لوحة السيارة يقبلوا القسمة على ثلاثة
    ..... بجد ؟ ربنا يبشرك بالخير
    ..... إحنا بقالنا إسبوع منتظرين حد يكسب
    .... أول مره أكون محظوظ
    ..... طيب إركن السيارة و إتفضلوا علشان إستلام الجائزة
    .... هبطت من السيارة ليحتضننى الشاب مهنئا بينما إنهالت الفتاة _ ذات الملابس الساخنة والقوام الملئ بالمتفجرات _ بالقبلات على الأولاد وحملت الولد الصغير وأخذت تلاعبه ، كدت أعترض فأنا صاحب السيارة وجميع المميزات من حقى ولكن تذكرت وجود حرمنا المصون فطأطأت رأسى متحسرا على ضياع أهم مافى الجائزة
    استأذن الشاب للحظة ، ووجدته يهجم على صاحب سيارة أخرى صائحا
    ..... مبرووووووك ألف ألف ألف مبروك يافندم تكسب معانا ، سعادتك محظوظ أول رقمين فى لوحة السيارة يقبلوا القسمة على خمسة
    ( غريبة إيه الصدف دى.. إثنين يكسبوا فى خمس دقائق الظاهر إنى وش السعد )
    تدخلت الفتاة لتطلب منى _ بدلال _ التوجه برفقتها الى مكتب صغير ملحق بالمحطة لتسلمنى الجائزة
    ( صباحنا فل )
    إلتفت إلى الأولاد وبابتسامة عريضة قلت
    .... خليكم هنا يا أولاد أنا حستلم الجائزة وأجيب أيس كريم و أرجع
    صرخ القرود
    ....لااااااااااااااااااااء حنيجى معاك مش حنسيبك
    ( مافيش فايده )
    إصطحبتنى الفتاة الى مكتب وجدت به عددا من الفتيات وامام كل واحدة منهن شخص يبدو أنه بصدد إستلام جائزة !!!!
    قالت الفتاة
    .... إتفضل إستريح
    جلست
    أحضرت صندوقا متوسط الحجم من المخمل الأحمر يزدان بقلوب صغيرة وفتحت الصندوق و أخرجت الجائزة
    ماهذا !!!! الجائزة عبارة عن صابونة سعرها نصف ملطوش فى كل مكان !!!!!
    صحت بحنق
    .... إيه ده!!! حضراتكم عاملين فرح والأخ العرقان ده عمال يبوس ويحضن فيه لما قرفنى علشان تدونى صابونه
    .... هئ هئ هئ لا يافندم دى الجائزة الرمزية... الجائزة الكبيرة هى إقامة مجانية لمدة ثلاثة أيام فى قريتنا السياحية الجديده ( زورونى كل سنه مره) على أجمل شاطئ فى العالم
    .... أهو كده الكلام وحضرتك حتكونى معانا
    .... هئ هئ هئ إحتمال ، المهم حضرتك توقع على الإستمارة دى وتكتب بياناتك وعدد المرافقين ونأخذ من حضرتك 50 ملطوش تأمين بس لضمان الجديه وحضرتك حتستردهم أول ما تحضر الحفله النهارده
    .... حفلة إيه؟
    .... حفله النهارده فى فندق ( خلينا نشوفكم ) فى قاعة ( إبقى قابلنى ) الساعة 9 مساءً ، لازم تشرفنا علشان تعرف مواعيد الرحلة
    .... أوكيه بس أمانة ياريت تكونى موجوده أصل أنا معرفش حد هناك يا ........ هو إسم حضرتك إيه
    .... هئ هئ هئ هئ هئ ... مونيكا ... وحستناك النهارده
    ( ياسيدى ياسيدى يمسى ايامك بالخير يا كلينتون )
    عدت الى السيارة ملوحا لزوجتى بالصابونة ورويت لها القصة _ حاذفا مايتعلق بالفتاة _ لكن أصغر القرود صرخ
    .... والبنت اللى ريحتها حلوه قالت لبابا إنها حتستناه هناك
    ....
    ...
    ..
    .
    فى المساء توجهت إلى الحفل_ مصطحبا أفراد الحرس الثورى_(حسب أوامر القيادة )
    دخلت الى القاعة ليستقبلنى شاب مهندم قائلا
    .... أهلا وسهلا تحب حضرتك تتفرج على رسم للقرية وتختار الشاليه المناسب
    .... الحقيقة أنا محرج منكم جدا معقول كل ده علشان أخر رقمين يقبلوا القسمة على ثلاثه ، دا كثير والله ، ياسيدى أى شاليه كله من إيديكم كويس
    .... ههههه أيوه بس لازم حضرتك تختار المساحة والموقع المناسبين لميزانيتك
    .... مزانية إيه .... هو مش الثلاث أيام مجانا !!!
    .... أيوه مجانا بس بعد حضرتك ما تشترى شاليه وعلى فكرة ده سعره مخفض 30% علشان حضرتك كسبت معانا يعنى سعر الشاليه المتوسط على البحر حيكون 215000 ملطوش بس وتسددهم بالتقسيط عل سنتين
    .... نعممممممم !!!! بس أنا مش عايز أشترى شاليهات
    .... صدقنى دى فرصة دا نفس الشاليه بعناه ب 300000 من شهرين
    .... ياسيدى مش عايز أنا حأخذ الثلاث أيام وبس
    تغير وجهه فجـأة وزم شفتيه إستحقارا وقال
    .... للأسف الشراء شرط أساسى للتمتع بالثلاثة أيام
    .... طيب خلاص مش عايز رجعوا لى فلوس التأمين
    .... أيوه طبعا حضرتك تستلمهم من مقر الشركة الرئيسى من قسم الحسابات
    .... وهو فين مقر الشركة ده
    .... قريب خالص ... فى إيطاليا حضرتك
    .... نعم ياخويا إنتم نصابين و أنا حوديكم فى داهيه
    .... لأ لأ لأ إوعى تغلط ... إرجع لصورة الإستمارة حتلاقى مكتوب إن الإسترداد من المكتب الرئيسى ، ومكتوب فى أخر الإستمارة عنوان المفر الرئيسى فى روما وتقدر حضرتك تروح هناك وتتأكد بنفسك وحتأخذ فلوسك بالكامل

    خرجت من الفندق أجرجر هزيمتى
    تبخرت أحلام الأجازة الجميلة مع مونيكا ، ولم يبق لى سوى ...... الصابونه
    عُدّل الرد بواسطة مصراوى : 30-07-2003 في 12:05 PM
    ورحت أرحل لا قلبى بمرتعش ** عند الوداع ولا كفى على كبدى
    لكننى والمدى أضحى يجرجرنى ** إلى المنافى حزينا واهن العضدِ
    أدركت أن وجودى ضاع من بدنى ** وأنه لم يعد فى الأرض من أحدِ

  2. #2
    تاريخ التسجيل
    Sep 2001
    المكان
    القصيم
    الردود
    885
    اهلا يا مصرواي

    تصدق أنا ممكن شوفتك هناك انت ما شفتني

    يا ضحكوا علي ضحكه ....... على فكره اطلب مصر 50 جنيه

    دخلت ذات مره وليتني ما دخلت العاب التزلج

    قال لي واحد اهلا بالسواح الكرام

    ازيك اخبارك عامل ايه ومن الكلام هذا ويمدح فيني انت وسيم انت شكلك مثقف

    فطرح عليا سؤال قال اختر احدى هذه الصور كلهم تكسب الا واحده

    قلت انا عارف حظي سئ

    طبعا اخترت صورة الاهرام

    قال حظك وحش خسرت ...... قلت يالله هذا وجهي نحس

    وضحك ضحكه خرجت انيابه كسر الله انيابه

    قال انت ربحت الجائزة ....... موبايل نوكيا واقامة 5 ايام مجانا في شرم الشيخ

    انا طرت من الفرحه ...... ياهوه شرم الشيخ مره وحده

    عاد جت سالفة 50 دفعتها ورحت للحفله طبعا الحفله بعد ثلاث ايام

    بس تحسب انهم لعبوا علي اكلت كل الكيك والتورته اللي في الحفله

    الله لا يوفقهم



    تعيش وتاخذ غيره حجي مصراوي

  3. #3
    تاريخ التسجيل
    Feb 2003
    المكان
    خارج المكان !
    الردود
    3,275
    والصابونة...جائزة حلوة ....ومفيدة جدا........
    لدي اقتراح..أهدي الصابونة لاحد اتسخت افعاله عفوا أثوابه..من كثر أكل أموال الشعب عفوا الأكل في الصحون المسطحة.....

    وبعدين اي حلم عربي لا يكتمل.......................

    قلمـــــك يرحل بنا إلى أرض الروعة...

    تحيااااااااتي لك
    أخـــتك
    محبة فلسطين

  4. #4
    تحياتي لكم




    افرح ما اخذوا لك السيارة واعطوك صابونة


    تحياتي

  5. #5
    تاريخ التسجيل
    Oct 2001
    المكان
    أرض الحرمين
    الردود
    6,026
    <<< يعد في أصابيعه يبي يعرف رقم الصابونة يقسم على إثنين ملطوش ولا ماينفعشي
    خد ديه ياحج
    الصعايدة عملوا مزاهرة بيئولوا إشمعنى تئولوا للجنييييييه مصري إحنا عايزين جنيه صعيييييدي
    واحد منهم سأل أخوه ... خوود ياااااااااااااااااه ... بكام خدت الخروف داااه ... أأآل له بخمس طعشر صعيييييدي

  6. #6
    تاريخ التسجيل
    Jul 2002
    الردود
    8,690
    وللاسف

    متفشي هذا النصب علناً

    في كل مكان أنا كنت احد ضحياه
    مع تغييرات طفيفة مثلاً لم يأخذوا خمسين ملطوش ولم يعطوني صابونه

    كل الحب
    اخي مصراوي

    اخوك
    سلام

  7. #7
    تاريخ التسجيل
    Mar 2003
    المكان
    مصـر أرض الكنانة مقبرة الغزاة
    الردود
    1,193
    الأخ مصـراااوى
    نفس اللى حصل معايا والله ولن أنسى أن المقابلة كانت فى شارع قصر النيل ولكنى كسبت جايزة قيمة نوعا ما والله .. حيث أن الجائزة التى كانت تحمل الرقم 44 كانت عبارة عن ( مبشـرة ) بلاستيك .. أى والله بلاستيك ولكن الزيارة التى كانت محددة لى كانت أسبوع فى الغردقة ..
    وبعد أن إسترددت التأمين وشاهدت معالم القرية السياحية التى يعلنون عنها لكى أتملك شقة بها إتضح إن كان المطلوب أن أدفع فى كل عام كذا الف هاهاهاها ..

    قال إيه .. جايزة
    إنتشرت هذه الظاهرة وكله ضحك ع الدقون أقصد ع السوالف لأنى لا أمتلك ذقنا ولكنى أمتلك شاربا ...

    تحياتى
    المايستــــرووو

  8. #8
    تاريخ التسجيل
    Feb 2003
    المكان
    لبنان
    الردود
    1,655
    سيدي
    رائع ما رسمته هنا من مرايا إنسانية يصقلها النقاء..لتستحوذ مساحات الفكر


    يأبى الإبداع .. إلا أن يكون أنت


    دمت نقيا
    وما حروفي سوى مرآة تطلّ وميضا على خدر النفوس علّها تحظى بصدى من انعكاسات ضوء يشع بنبضكم



  9. #9
    تاريخ التسجيل
    Sep 2001
    المكان
    القصيم
    الردود
    885
    لحظه مصراوي ليش انت جابوا لك مونيكا وانا جابوا لي واحد كنه ميكانيكي

    هذا غش

  10. #10
    تاريخ التسجيل
    Jul 2003
    المكان
    جدة
    الردود
    54
    كل صابونة وإنت بخير .. يا مصراوي ..

  11. #11
    تاريخ التسجيل
    Jul 2002
    المكان
    فلسـطين المباركـة
    الردود
    1,494
    الاخ الحبيب / مصراوي
    بحسب معرفتي بكَ فأنتَ فطن وتلقفها ع الطاير ..
    مدام الموضوع من أوله صابونة كنتْ لازم تعرف إنها (زجلأة في زحلأة ) ..
    بعدين .. سؤال .. برئ مع إنه شكله ( ابن ستين ف ستين ) .. اشمعنى ابنك بيقول عن الفتاة ( أنه ريحتها حلوة ) ؟؟؟ !!

    لا اريد أن أطيل فلو فتحت(دفتر دلعونة) والأشياء اللي شفتها في مصر مش حنِخلص!:D:

    تحياتي لكَ وسلم لي ع المترو !
    اخوكم / جمال حمدان
    ولستُ أبالي إن قراني واحدٌ
    .......... أو قراني وما افتهم مني أحد !
    ضقتُ ذرعا من فواتيري ولي
    ......... هاتف مقطوع من يوم الأحد
    موقعـــي الشــخصي

  12. #12
    تاريخ التسجيل
    Aug 2002
    المكان
    الدوحة
    الردود
    481
    :D: مصراوى اخويا انت فى ام الدنيا ليه ما قلتليش عشان انبهك للى حيحصلك ,, على كل دى اخر العولمه اللى سيادتك بتحاول تمارسها , مش انا قلت لك خليك زى ما انت راجل طيب وحظه نحس لا يؤمن بالاعلانات ايه اللى غيرك يامصراوى ,, وعلى كل نظرا لانى انا التى اعطت تلك الفكرة لاول شركة قامت بهذا الفعل الاسود مع بعض التغييرات لشركة موبينيل فها انا اقدم اعتذارى عما حدث لك وسأبعث لك الخمسين ملطوش ومعاهم البت الميعه عشان تخلص منها تارك بعيد عن ام العيال وكمان الواد اللى ضحك عليك عشان تديله علقه سخنه وكل مصر وانت طيب ياجميل ... خلى بالك الواد تضربه امام العيال وامهم اما البنت على راحتك تقدر تاخدها لاى مكان اخر :D:
    ثريا نافع

  13. #13
    تاريخ التسجيل
    Oct 2001
    المكان
    أرض الحرمين
    الردود
    6,026
    هههههههههههههههه

    إفرح يامصراوي

    إددديها جنيهات تديك ملاطييييش :D:


  14. #14
    تاريخ التسجيل
    Oct 2002
    المكان
    خذا من صبا نجد أماناً لقلبه !!
    الردود
    602
    مصراوي : إزيك يا باشا ؟؟

    الحمد لله ..

    صابونة .. نعمة !!


    طيب .. أنا آخر رقمين في لوحة السيارة 78 ؟؟

    وين تتوقع بيودوني ؟؟



    أشكرك
    ~~~~~ إنسيابات فكرية (3) !!

    * يقولون الزمان به فساد * وهم فسدوا وما فسد الزمان ..
    * يقول نابليون : الذي يدع امرأته تحكمه , لا هو رجل ولا هو امرأه .. إنه لا شيء !!
    * ولو لبس الحمار ثياب خزّ ** لقال الناس : يالك من حمارٍ !!



    ـــــــــــــــــــــــــــــأصل الوفاء ... وللوفاء أصول !

  15. #15
    تاريخ التسجيل
    Sep 2002
    المكان
    بلاد الاسلام
    الردود
    1,151
    أخى حنكشه
    سلامات ياغالى
    يعنى مادام فيها كيك يصير لا لك ولا عليك
    تحياتى لمرورك الجميل

 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •