Follow us on...
Follow us on Twitter Follow us on Facebook Watch us on YouTube
النتائج 1 إلى 19 من 19
  1. #1
    تاريخ التسجيل
    Nov 2004
    المكان
    تحت تحت تحت كمان .. أيوة هنا
    الردود
    2,342
    التدوينات
    16

    حــوار أرقــامى

    ( 1, 0 ، 2, 0 ، 3, 0 ، 4, 0 , . . . . . إلخ وحتى 9, 0 ) جالسين مع بعضهم ، حزينين بسبب صغر قيمتهم . . .
    1, 0 : وبعدين .. حنفضل صغيرين كدة لغاية إمتى ! ! حنكبر إمتى ؟
    5, 0 : مش حنكبر خالص ، احنا مش زى الناس بنكبر مع الوقت ، احنا زى ما احنا ..
    1, 0 : طبعاً يا خمسة من عشرة ، ما انتى علشان كبيرة
    5, 0 : يعنى أكبر منك بقد إيه يعنى ؟ أربعة من عشرة بس
    1, 0 : بس كملتى و بقيتى نص ..
    2, 0 : أيوة صح ..
    3, 0 : فعلاً ..
    5, 0 : اللـه اللـه .. انتو كلكوا عليَّـا وللا إيه ، طيب بدل ما تيجوا عليا شوفوا الأعلى منى ، شوفوا الحاجة الكبيرة ، التسعة من عشرة ..
    ( الكل ينظر إلى التسعة من عشرة فى مزيج من الغضب و الحسد )
    9, 0 ( بصوت كصوت الحكماء ) : مفيش داعى للخناقة اليومية دى ،
    أنا ما بعدتش عنكو كتير ، كلنا ماكملناش الواحد الصحيح أصلاً ..
    4, 0 : طيب والعمل يا تسعة ؟
    8, 0 : اسمها تسعة من عشرة
    9, 0 :يا اختى سيبيها تمدحنى شوية .. ( بتأمل ) : اللـه لو أكون تسعة صحيحة ، أدى الواحد الصحيح بالشلوت ..
    6, 0 : أنا عندى فكرة ..
    ( الكل ينظر إليها فى لامبالاة ، إذ أن الأفكار الفاشلة التى مرت عليهم كانت كثيرة ، وأصابتهم بإحباط تام
    ولكن الستة من عشرة تتابع فى حماس )
    6, 0 : ايه رأيكم نعمل عمليات مع بعض ؟
    7, 0 : عمليات ايه يعنى يافالحة ..
    6, 0 ( بتحدى ): عمليات رياضية ، تزود قيمتنا لفوق ..
    3, 0 : حاولنا ننضرب فى بعض قبل كدا ، صغرنا ..
    6, 0 : يبقى نتقسم على بعض ..
    ( الكل يفكر فى الفكرة الجهنمية ، ثم تتألق عيونهم ، ويبدو عليهم الاهتمام الشديد )
    2, 0 ( وهى تفكر ): لكن ده ممكن يبقى غلط ، فمثلاً لو قسمنا 3, 0 ..
    3, 0 ( تقاطعها ): وانا مالى يا اختى ! !
    2, 0 ( فى خبث ) : ده مثل يا بت
    ( 3, 0 يبدو عليها عدم الاقتناع و الغضب ، ولكن 9, 0 العجوز العاقلة تحث 2, 0 على الكلام )
    9, 0 : كملى يا 2, 0
    2, 0 : مثلاً لو قسمنا 3, 0 على 5, 0 حيدينا 6, 0 ، يعنى مش حنكمل الواحد الصحيح
    6, 0 : بس حيكون لىّ أخت
    9, 0 ( تشير إلى 6, 0 اشارة صارمة لتتوقف عن الكلام ، وتتابع قائلة ) : لكن لو قسمنا ال 5, 0 على ال 3, 0 . . . . .
    حيدينا أكتر من الواحد الصحيح
    8, 0 : وممكن بطريقة تانية خالص ، ممكن نجمع بعض ، ونقعد نجمع لغاية ما نوصل لمليون ..
    ( الرقم الكبير جداً يجعلهم يحملقون فى الـ 8, 0 الفخورة بفكرتها )
    4, 0 ( فى سعادة ) : صح ، وعلشان نخلص بسرعة ، نجمع الكبير مع بعضه ..
    8, 0 : ليه يا اختى ، انتو كمان حتشتغلوا تلاتة تلاتة و اربعة اربعة
    وبكده نوصل للأرقام الكبيرة ، والبلية تلعب معانا
    1, 0 : اللـه .. حيبقالى قيمة كبيرة .. حابقى عشرة .. مية .. ألف
    ( يبدأ فى الصراخ ، فينزعج الواحد الصحيح ويقترب منهم )
    4, 0 : هس .. الواحد جاىّ ..
    6, 0 ( خائفة ) : ربنا يستر
    8, 0 : ما حدش يجيب سيرة الفكرة بتاعتنا ، أحسن ده يضيعنا
    ( الكل يقفون واجمين ، قبل أن يدخل الواحد الصحيح فى شراسة و غضب .. )
    الواحد : ايه الزعيق ده كله ؟ !
    ( يسكتون )
    9, 0 ( فى شجاعة ): احنا كنا بنتكلم ..
    الواحد : فى ايه ؟
    9, 0 : فى . . . فى . . . كنا بنقول نكت ..
    الواحد : نكت زى ايه ؟
    2, 0 ( فى تحدى ) : كان مرة واحد عبيط ، الصغيرين بيضحكوا عليه ..
    الواحد ينطلق نحوها فى غضب و يصرخ : ايه ؟
    2, 0 ( تتراجع ) : اقصد واحد راجل يعنى ، والعيال الصغيرة بتضحك عليه ..
    الواحد ( ينظر اليهم فى شك إلى أن يستقر نظره عند 1, 0 ) : انت يا صغير انت ..
    1, 0 ( ينكمش فى رعب ) : أ .. أ .. أنا ؟ ! !
    الواحد يصرخ فى فتونة : آه ..
    1, 0 يرتعد : نعم ..
    الواحد : انتو كنتو بتقولوا إييييييييه ؟
    ( كلهم ينظرون الى 1, 0 فى ترجّى ، وهو يرتعد أمام الواحد الصحيح .. يكاد يقول الحقيقة .. يتراجع .. يتردد )
    1, 0 : كنا .. كنا .. كنا
    الواحد : كنتو إيه إنطق
    1, 0 برعب شديد : نكت .. نكت .. كنا بنقول نكت .. والله نكت
    كنا بنكت .. علشان نضحك و نقهقه ..
    الواحد : خلاص ..
    ( ثم ينظر إليهم نظرة شاملة ، ويفكر ، ثم يصرخ فى غضب ) :
    أنا عارف انكم كنتو بتفكروا تكبروا ، لكن خدوا بالكم ،
    انكو بأى حال من الأحوال لو عايزين تكبروا وتوصلوا للأرقام الكبيرة .. لازم تعدوا على الأول .. فاهمين ؟؟
    وانا بقى مش حاخليكوا تعدوا ..
    ( الكل يصمت فى ذل ، فيصرخ مكرراً .. )
    : فاهمين ؟ ؟ ؟
    الكل : أيوة .. أيوة .. طبعاً فاهمين
    الواحد : طيب .. حيث كده بقى ، مش عايز أسمع نفس
    علشان ألاقى طريقة أوصل بيها للعشرة .. والمية .. والألف . . . . . . . .
    تمــت ..

  2. #2
    تاريخ التسجيل
    Nov 2004
    المكان
    تحت تحت تحت كمان .. أيوة هنا
    الردود
    2,342
    التدوينات
    16
    ولهذه القصة .. قصة
    فكما ترون هى لا قصة ولا يحزنون ، ولكن صاحبها يصر على أنها قصة
    فلما زاد بيننا الخلاف ومللت منه خرجت من فمى جملة لم أحسب تداعياتها على غير العادة ، فقد قلت له :
    خلاص ياسيدى قصة .. وجميلة كمان وتستاهل أنشرهالك فى الساخر .. بس ماليش دعوة لو حد زعلك بكلمتين
    عندما رأيت هذا الوميض الذى أحفظه .. تأكدت أننى فتحت باباً قبل أوانه
    نسيت أن أقول لكم إن صاحب هذه القصة هو إبنى أحمد
    أمسك أحمد بتلابيب عبارتى وأبدى موافقةً تامة على أى نقد أو لوم أو توبيخ يتعرض له هو و قصته المزعومة
    فلما رأيت هذا الإصرار قايضته بيومين كاملين من الإستذكار الجاد وأنا أكيد بأن ذلك لن يحدث
    ولكنه حدث .. فأسقط فى يدى .. ولم يعد هناك بدٌ أن أفى بما وعدت ( مسألة تربوية محضة ) وأن أهديه أيضاً بعض الكتيبات الخفيفة ، مثل
    الفكاهة فى مصر .. للدكتور شوقى ضيف الله يرحمه
    الخلق الفنى .. لمصرى عبد الحميد حنورة
    الإبداع .. لعبد الحليم محمود السيد
    المسرح الملحمى .. لعبد الغفار مكاوى
    البطولة فى القصص الشعبى .. للدكتورة نبيلة ابراهيم سالم ربنا يديها الصحة
    ثم إمعاناً فى الذل
    الدراما الأفريقية .. لعلى شلش
    عندما طالع العناوين نظر للسقف نظرته الشهيرة ثم قال : الكيميا أسهل ! !
    هذه هى قصة القصة
    أما القصة ذاتها .. فلا بداية ولا نهاية ولا عقدة ولا حل .. حتى ولا لغة ولا نحو ولا أسلوب ولا حاجة خالص
    مجرد فكرة أعجبنى أنه سجلها .. لأنها تعبير غير واعى منه عن رغبة طبيعية فى مكان بين الكبار
    وهى ليست كقصصه التى يكتبها منذ الصف الخامس الإبتدائى فقد كتب قصصاً أكثر ترابطاً .. ولكنها الأولى له على درب الأدب العبثى الذى يحتاج إلى خيال خاص يرفض المعتاد وينظر للأمور مغمضاً عينه اليسرى وواضعاً كف يده على اليمنى فيرى بخياله مالا يراه الآخرون
    أعجبنى أن يتلمس هذا النوع من الخيال المسرحى ،كما فوجئت بإصراره على عدم التدخل فى أى حرف من حروفه .. ولا العنوان
    حتى بعد الملاحظات التى أبديتها .. رفض أن يصحح شيئاً أو أن يغير تعبيراً مدعياً انتظاره لملاحظات الأساتذة هنا
    فهاكم التى يدعى أحمد أنها قصة .. إقرؤوها مرة أخرى ثم أسلخوها
    فهى لولد يتهرب من دروسه ! !
    أسلخوها .. حتى أرتاح من الصداع
    .
    .

  3. #3
    تاريخ التسجيل
    Jul 2004
    المكان
    بين الجدران .!
    الردود
    479
    الله .. الله .. الله ..
    عظمه علي عظمه ( <~~ دا شغل كلاب مش بنأدمين ده .. :D: )
    بس قولي ياد يا أحمد ( أبو سبيل أطلع منها أنت ) أنت بتقصد بالواحد الصحيح أمريكا و بالأعداد العشريه دول أخري !!.
    دا أنت أبن الفخ و تعملها .. أن كان دا أقصدك فلا يسعني إلا أن أبارك لسجون مصر براعمها النجباء ( )

    أحمد شكراً ليك و لأبوك و لحسني مبارك و لمنقرع و لشعبان عبدالرحيم و لكل العالم النصابه .!!

    .

  4. #4
    تاريخ التسجيل
    Feb 2005
    الردود
    325
    صباح الإبداع والأرقام الافريقية أقصد الدراما الرقمية!!!

    .

    !

    اولاً خليني اقول ماشاءالله تبارك الرحمن وخمسة وخميسة في

    عين اللي مايصلي على النبي

    اللهم صلي وسلم على نبينا محمد.

    .

    طبعا ذكر الله كان بسبب إني ناوية أقول ان عقدة حياتي كلها

    هي الأرقام!! حتى الواحد اكرهه من زمااان واكتشفت الان ان

    كرهي له كان معايا حق فيه.. لأنه طلع طاغي وجبار ومتكبر ومغرور

    على الارقام العشرية المساكين


    وعلى إيه مدري؟!!! واحد منتـّف على قولكم على ايه يغتر بنفسه

    .

    تحيـــة كبييييييرة بحجم المليون الصحيح وليس العشري..

    لأحمد الاديب الواعد بإذن الله

    .

    !

    الله يحفظه لك اخي ساخر واهم شي مايطلع عليك!!

    عشان انت ساخر وهوا ساخر ماينفعش! لازم يكون فيه شمولية

    في الاساليب الكتابية والا حتبئى كل حياتكو

    تريئــة ( تريقة)!!!

    .

    !

    بصراحة أتحدث الآن بجدية وأقول ان القصة .. وتستحق أن تسمى ..

    ( أقصوصة) بمعنى أدق..

    هي هادفة جداً ومعبرة وتعني لي الكثير ولا أعلم ان كان احمد يقصد

    ماانا استشفيته من اقصوصته أم لا..

    .

    !

    غلبة القوة وانتصار القوي في وقتنا اليوم وكفاح الضعيف

    والصغير لكي يرتقي ويكبر وحين يكاد يصل الى تحقيق الهدف

    يصطدم بأحد الاقوياء من ناحية منصب أو سلطة او مال فيحطم لهم

    أحلامهم ويعودون إلى نقطة الصفر من جديد.

    .

    !

    ومقصد اخر ايضاً يستنتج منها انه ممكن يكون امريكا والدول

    الاخرى كما تفضل الاخ بخاخ!!

    خطوة رائعة أن تقوم بهذا العمل المحفز له بنشر الطرح هنا

    وكثيرون من يبحثون عن أي فرصة يخرجون بها ابداعاتهم المدفونة إلى النور..

    .

    !

    بالتوفيق .. كله .. ياأحمد

    وربنا يخليلك بابا اللي بيدعمك لحد ماتبقى أديب كبير أد الدنيا واكبر منه كمان

    .

    بلغ هذا الكلام والدعوة لأحمد اخي ساخر...

    وان شاءالله بس مااكون خبصت وانا اتكلم بلهجتكم!

    ودام نبضكما بخير.

    .

    //

    .

    كِنــان
    " معبد الأبجديات"

    ليست الحياةُ سوى معبدٌ.. ملئٌ بالشياطين!


  5. #5
    تاريخ التسجيل
    Nov 2004
    المكان
    تحت تحت تحت كمان .. أيوة هنا
    الردود
    2,342
    التدوينات
    16
    Quote المشاركة الأصلية بواسطة صاحب البخاخ !
    الله .. الله .. الله ..
    عظمه علي عظمه ( <~~ دا شغل كلاب مش بنأدمين ده .. :D: )
    بس قولي ياد يا أحمد ( أبو سبيل أطلع منها أنت ) أنت بتقصد بالواحد الصحيح أمريكا و بالأعداد العشريه دول أخري !!.
    دا أنت أبن الفخ و تعملها .. أن كان دا أقصدك فلا يسعني إلا أن أبارك لسجون مصر براعمها النجباء ( )

    أحمد شكراً ليك و لأبوك و لحسني مبارك و لمنقرع و لشعبان عبدالرحيم و لكل العالم النصابه .!!

    .
    عمو صاحب البخاخ :
    إبعد عن الواد لا يطلع إرهابى
    الولد يقصد خط الأعداد الطبيعية .. مش محمية العولمة الطبيعية .. بلاش تأويلات تودى فى داهية

    أو يمكن يقصد وانا معرفش
    بصراحة الجيل كله طالع لئيم وله دماغه .. وربنا يسترها عليهم
    ومين عارف .. يمكن هم اللى يجيبولنا حقنا

    صاحب البخاخ
    يشكرك أحمد على تشجيعك له الذى لن ينساه .. ولولا بعض التضييق منى عليه لشكرك بنفسه
    أخوك
    الفخ .. رانى

  6. #6
    تاريخ التسجيل
    Oct 2001
    المكان
    مدينة الحقيقة
    الردود
    1,013
    معليش يا ساخر .. أنا مالي كلام معاك .. كلامي مع الكابتن أحمد --->

    سلام يا أحمد .. كيفك ..

    بصراحة يا أحمد .. عجبتني القصة .. بجد والله .. هذا معناه استمر ..
    وربنا يوفقك .. بغض النظر عن أي رأي تسمعه من الآخرين .. يجب أن تؤمن بما تكتبه ..
    يعني أن تؤمن بنفسك .. وتطورها .. التطوير لا يأتي إلا من خلال القراءة والمتابعة ..
    تذكر دائما .. أنه ينبغي أن تفكر في الأجمل .. والأجمل يحتاج إلى تعب .. وجهد .. وصبر .. alhilal
    .. بالمناسبة يا أحمد .. لقد قرأت القصة ثلاث مرات .. وفي كلمة مرة تعجبني ..

    بالتوفيق يا أحمد .. يالله لو تكرمت روح شوف دروسك ..
    لماماً .. أدرك ظلي وهو يختال معك !!

  7. #7
    تاريخ التسجيل
    Oct 2001
    المكان
    Come Fly with Me...!!!
    الردود
    1,946
    اقص ايدي من مفصل كراع الفاهم غلط .. اذا مو بشبوش ماسك الاله الحاسبه ومتوهق في الموضوع:D:

    الا اقول شباب ملاحظين توقيع كنان .. احس في هوشه صايره :D: ..!
    مابقى الا يكتب (( ياقليلين الادب :D: ))

  8. #8
    تاريخ التسجيل
    Oct 2001
    المكان
    مدينة الحقيقة
    الردود
    1,013
    Quote المشاركة الأصلية بواسطة Mezher
    اقص ايدي من مفصل كراع الفاهم غلط ..
    ^
    ^
    :f:

    لماماً .. أدرك ظلي وهو يختال معك !!

  9. #9
    تاريخ التسجيل
    Jul 2003
    المكان
    على جناح ...طير
    الردود
    5,521
    ابنك يحب الارقام ...!!!!!!!
    ده لو مستقبل كويس ...؟؟؟
    بس هو ينتقد ....سيطرة الكبار هنا اذا ما كان عنك فكرة :f:
    خف على الواد شوية




    تحياتي لصاحب القصة ...
    وابوه كمان

  10. #10
    تاريخ التسجيل
    Nov 2003
    الردود
    632
    ساخراني

    أرقامك بالعربي تقول:

    ( كفاية)





    خذ و خل



    أن تصمت فَـ(يشك) الناس أنك أحمق ..

    خير من أن تتكلم فَـ(تتأكد) هذه الشكوك !!


  11. #11
    ابن الوز عوام...

    على اعتبار أن أخونا ساخر سبيل من الوز المتخصص هنا...

    تعرف ياض يا احمد... سيبك بقى من كلام ابوك اللي يسد النفس
    وتعالى اسمعني أنا... لان وربنا الموضوع عجبني جدا جداً...

    حتقولي إيه اللي عجبك فيه يا انكل؟!

    حقولك أولاً: أنا مش اونكل ولا حاجة!
    ثانياً: لأني قررت – وجايز أكون غلطان – إن (الواحد) المقصود بيه واحد كبير برضه بس كابس على أنفاسنا من 25 سنة !
    وقررت أيضاً أن بقية الأرقام العشرية اقل من (الواحد) ما هي إلا فئات مطحونة وعلى فيض الكريم قررت إن لحد كده (كفاية)!

    يعني نقدر نقول مثلاً إن والدك الحاج ساخر سبيل ممكن نرمز له بـ 0.1 !

    ثالثاً وده الأهم ... أنت واد انقلابي بدرجة مسجل خطر!

    ربنا يبارك فيك يا احمد...
    اكتب ياض وسيبك من الكيميا ...
    وما يهمكش حد وأولهم أبوك

    ابن الأرض
    مش أنكل ولا حاجة
    عُدّل الرد بواسطة ابن الارض : 17-04-2005 في 06:32 PM

  12. #12
    تاريخ التسجيل
    Sep 2001
    المكان
    !I'm not sure
    الردود
    455

    المبدع ... أهوه :)

    رائع ...
    رائع جداً يا أحمد ... بذرة إبداع ظهرت براعمها

    ....

    عمو ساخر ...
    شكراً لأنك حملت إلينا هذا الـ...... لا أدري بمَ أصفه

    وفقك الله .... ووفق حمادة

  13. #13
    تاريخ التسجيل
    Feb 2005
    المكان
    هناك..حيث بحرأبيض
    الردود
    309
    أنا ما بحبش الرياضيات...













    ولا حتى الأرقام ..إلا المهية..!!






    أحمد .. بلغ سلامي لوالدك..!

  14. #14
    خيال واسع وجميل في نفس الوقت

    تقبل أرق تحياتي

  15. #15
    تاريخ التسجيل
    Nov 2004
    المكان
    تحت تحت تحت كمان .. أيوة هنا
    الردود
    2,342
    التدوينات
    16
    عمتو كنان
    دمت للطليعة يداً حانية
    شكراً على كريم إهتمامك
    .
    .
    الأخت الفاضلة كنان
    لو قرأ هذا الغر ما سطرتيه هنا لقتله الغرور
    لذلك فقد سمحت لنفسى بإعتماد نظرية الإنتقاء والتحريف وأحياناً التزوير عند نقل حروفك إلى أحمد
    فهو ممنوع تماماً من النت إلى حين
    أعتقد أنى أعيش آخر سنوات المنع :D: .. لذلك أحاول ممارسة السلطة حتى فى مكان طبق السلطة
    الأمر الذى حدا بحمادة أن ينام وقت آكل ويأكل وقت أنام alhilal
    وعندما لم يحتمل هذا الأمر ثلاثة أيام متتالية .. قرر هو أن آكل أنا بعيداً عنهم ..
    وبعد اجتماع أسرى ديمقراطى جداً .. اتفقوا ثلاثتهم على هذا الواحد الوحيد .. المسكين .. المظلوم دائماً لدى الأرقام الأخرى
    ومن يومها وأنا باتغدى برة البيت
    بصراحة الأيام دى صعبة قوى على نص البيوت المصرية .. ربنا يسترها
    كنان
    أسعدنى وجودك فى صفحة حمادة

  16. #16
    تاريخ التسجيل
    Apr 2004
    المكان
    بلاد الف خيبه و خيبه
    الردود
    1,231
    اخاف اقولك ان الواد اجدع من ابوه تقوم تزعل
    ربنا يخلي لينا الواد وابوه


    مِنْ ثِمارِهِم تعرِفونَهُم. أيُثمِرُ الشَّوكُ عِنَبًا، أمِ العُلَّيقُ تِينًا؟
    كُلُّ شَجرَةٍ جيَّدةٍ تحمِلُ ثَمرًا جيَّدًا،





  17. #17
    تاريخ التسجيل
    Jan 2005
    المكان
    في داخلي
    الردود
    3,436

    أحسنت يا أحمد..

    ماشاء الله تبارك الله يا أحمد لك مستقبل ..ومستقبل بيوجع الراسalhilal الله يكون في عونك ..واعي ومفتح من بدري ..والله بدري عليك ..سبحان الله ..حتشقى بس يا رب يكون شقاك كله خير ليك ولوالديك الكرام ..يا رب آمين ..

    فهمت يا ساخر إنك بتحرف الردود لهذا كتبت ما أردت ..ولكن بحق الموضوع كله روعة ..

    روعة أن نجد أب مثلك يستمع لأبنه ..ويشاركه شيء ولو قليل وبحرص طبعا من إهتماماته المشبوهة <<وطبعا أقصد الساخر ..

    وروعة وجود إبن مثله ..لا يهتم بدروسه <<<<وهذا ديدن النجباء /بس متقلوش /

    وروعة وجود مثل هذه النص ..الذي يحمل فكرة عميقة وساخرة وموحيه مثل هذه التي خطتها أنامل الأب ..ونسجتها مخيلة هذا الإبن الذي وددت لو أعلم عمره /لأغراض تربوية برضو /

    .
    .
    حقيقة الموضوع مختلف من عدة نواحي ..وتستحق الشكر لأنك أمتعتني بما نسجه إبنك الله يخليلك ياه وبما كتبته أنت بوركت ..

    .
    .
    فخورة بكما ..
    أسدا وشبلا ..

    أختك السناء ..

  18. #18
    تاريخ التسجيل
    Nov 2004
    المكان
    تحت تحت تحت كمان .. أيوة هنا
    الردود
    2,342
    التدوينات
    16
    Quote المشاركة الأصلية بواسطة الفاهم..غلط
    معليش يا ساخر .. أنا مالي كلام معاك .. كلامي مع الكابتن أحمد --->

    سلام يا أحمد .. كيفك ..

    بصراحة يا أحمد .. عجبتني القصة .. بجد والله .. هذا معناه استمر ..
    وربنا يوفقك .. بغض النظر عن أي رأي تسمعه من الآخرين .. يجب أن تؤمن بما تكتبه ..
    يعني أن تؤمن بنفسك .. وتطورها .. التطوير لا يأتي إلا من خلال القراءة والمتابعة ..
    تذكر دائما .. أنه ينبغي أن تفكر في الأجمل .. والأجمل يحتاج إلى تعب .. وجهد .. وصبر .. alhilal
    .. بالمناسبة يا أحمد .. لقد قرأت القصة ثلاث مرات .. وفي كلمة مرة تعجبني ..

    بالتوفيق يا أحمد .. يالله لو تكرمت روح شوف دروسك ..
    تذكر دائما أنه ينبغى أن تفكر فى الأجمل ! !
    الله عليك يا فاهم
    مسكت الفلسفة من رقبتها .. بس اللى يفهم
    مليون شكر على نصيحتك الرائعة
    سؤال لو سمحت :
    انت تربوى قديم ؟
    أخوك
    ما السخرية إلا كشفٌ لظلام .. أو تكريسٌ لعتمة
    وبين هذا وذاك .. زلـة قلم
    وانت وحظك
    فدعنى أسير على رأسى .. لأتـقـيـأ الحياة

  19. #19
    تاريخ التسجيل
    Nov 2001
    المكان
    في الساخر
    الردود
    4,027
    **

    بص بقى ياساخر سبيل عشان تبقى عارف ... المعلم بشبوش مبسوووووووووط من إبنك قوي قوي ... وبيقولك إنه حيعطيه حتتين فدانين من بتوع المعلم حنفي ... ومتنساش تقول لإبنك احمد عاوزينه يبقى راجل امال ... ويرفع راس أبوه في الجامعه مايرفعوش على حبل المشنقه ... هو الواد احمد كويس إن مابقاش يمشي مع شوية العيال الصيع بتوع القناطر شارع الدقي قسم العقوزه ورقصني ياقدع .. :D:



    تحياتي

    بشبوش أفندي :ss:

 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •