Follow us on...
Follow us on Twitter Follow us on Facebook Watch us on YouTube
النتائج 1 إلى 18 من 18
  1. #1
    تاريخ التسجيل
    Oct 2001
    المكان
    Come Fly with Me...!!!
    الردود
    1,946

    SMiLE .. TomoRRo WiLL Be WoRsE

    تدرون وش أسهل شيء الواحد يسويه ..!؟
    أسهل وظيفه الواحد يتقمص دورها ..!؟
    ويجيدها !!..؟

    " الطب النفسي " !

    بس حبيت أعلمكم انها سهله :D: ..!
    " منطقياً " .. أشوف ان أي وجهة نظر تعطيها " محتاج " .. تعتبر له درس نفسي .. أو نصيحه .. او توجيه .. لأنه بس " محتاج " ..!

    فبدل ماتقضي اوقات فراغك تدوّر على ترددات القنوات الفضائية :D: .. مارس دور الطب النفسي !!
    وماعليك راح تلقى المحتاج .. وتحتاج ..!

    _________________

    ســؤال ..!؟

    لكل شخص .. " انت وش مدمن عليه " ..!؟
    بالعربي ومن الاخر ..
    وش الشيء اللي انت تسويه دائما ..
    وتحس انه ادمان وودك تنفك منه ..
    او حتى ماودك أحد يشوفه فيك ..
    او احيان تكره احد ينتقدك فيه ..!؟


    منت ملزوم انك تجاوب لي :D: .. كل هوا وجاوب هالسؤال لنفسك ..!
    بس اللي ابي أوصله انكم مدمنين .. :D: ..!

    يعني .. في ناس تدمن على " النت " .. وفيه ناس تدمن على اشياء في " النت " نفسه ..
    منتديات مثلا .. مسنجر .. بالتوك .. او حتى لعبة على الحاسب ..!

    هذي حاله عامه عادية ..!
    وفي ناس تدمن على اشياء كويسه !
    مثل انك ماتنام لين تخلص جزئين من القرءان ..!

    وناس تخليها ساعتين " غزل " ..!

    لكن اللي مو داخل مزاجي .. انه مستحيل يكون فينا أحد مو مدمن :D: ..!
    بشبوش خذ لفه وتعال :D: ..!

    وفي فرق كبير بين :
    * روتين ..
    * عادة ..
    * ادمان ..

    يعني واحد سألته وش انت مدمن عليه قال " اني انام كل يوم " ..!
    قلت بلا تريقه جاوب من جد .. قال :
    الصحيح اني انا مدمن " اصحى كل يوم " ..!

    اقنعني :D: ..!
    ______________________


    ممكن امارس دور " الطبيب النفسي " :D: ..!

    (1)
    العـــزلة ..!


    شكى لي أحد الاصدقاء .. اللي غبت عنهم لفتره طويله ومبين انه اشتاق لي :D: ..!
    قال ياخي من جد اسرع شي اسويه هالأيام اني اقفل باب غرفتي وراي .. !
    وأبغض الأصوات عندي قرع الباب ..!
    حتى الجوال على الصامت ..!

    فردي عليه كان :
    اكسر باب غرفتك :D: ..!
    وراح تتخلص من هم تقفيلة الباب وصوته :D: ..!
    اما بالنسبه للجوال .. سدده بعدين نتفاهم :D: ..!

    <<<---مشروع طبيب نفسي من جنبها :D: ..!

    يعني لو طلب من هذا الشخص المنعزل شيئين :
    (أ) نظري /
    يذكر اسباب انعزاله من وجهة نظره هو ..!
    مثلا انشغل في شيء مايحب احد يشاركه فيه .. مثلا نت تلفزيون .....

    (ب) عملي /
    انه يجرب يروح لأي مكان عام مايعرف فيه احد ويقلبها استهبال :D: .. يلقي له محاضره والا يستخف دمه :D: ..!
    عشان يقاله انه يكسر حاجز المدري شسمه :D: ..!
    ______________________

    فاصل :
    لو طلب منك " اخوك " الاكبر .. أو ابوك .. أو ولي أمرك بصفة عامه ..
    انك تصحى الصبح وتروح توزع حشيش على كم نقطه وتجي :D: ..!

    وش راح تكون ردة فعلك :
    * ترفض
    * توافق
    * تفكر
    * تعصب
    * تتفاجأ
    * تاخذ نسبة


    من اجابة السؤال السابق .. راح أعرف مدى ادمانك .. وليش انت منعزل :D: ..!
    <<---يقال انه يحط استبيانات مع دراسته النفسيه :D: ..!

    __________________________

    (2)
    الكبير .. كبيـــر ..!


    قضية ما ..
    فيها أربعــة أطراف ..!

    الطرف الأول :
    " المضطهد دائما " ..!

    الطرف الثاني :
    " قليل الحجه " ..!

    الطرف الثالث :
    " قوي الوجه " ..!

    الطرف الرابع ..!
    " FBI " ..!

    الطرف الخامس ..!
    " بس ترا قلت اربعه :D: " !

    طبعاً .. المضطهد اوفر حظ فيهم .. لسبب وجيه الا وهو :D: :
    انه عارف انه مضطهد .. وفي راسه السالفه رضي والا مارضي .. فهو عارف قدره ومريح راسه :D: ..!

    والطرف " قليل الحجه " .. انه ماعنده ماعند جدتي .. ومتوهق بين :
    ** انه يبين للمضطهد انه ماله ذنب في اللي يصير له " لانه مابيده شيء " ..
    ** ولا له قوة يمارسها على " قوي الوجه وصاحب السلطه " :D: ..!

    نجي لقوي الوجه :D: .. الله يرحم أيام صدام :D: ..!
    يروح للمضطهد يلعن ابليس ابو جدن جاب ابليس اللي خلفوه :D: ..!
    ويرجع لقليل الحجه ويستفزه :D: ..!
    وطبعا لدور ال FBI .. الاكبر في توصيل وتوثيق المعلومات بين الاطراف المتنازعه الاخرى :D: ..!

    الحين انا مو فاهم شيء .. من اللي كتبته .. بس لازم يكون في واحد فاهم النقطه هذي :D: ..!
    الي راح يعرف يرسل اجابة الاستبيان السابق على رقم صفر خمسات وانت ماشي .. !

    وارجع أقول .. الكبير كبير ..!

    ______________________

    فاصل ..

    SMiLE .. TomoRRo WiLL Be WoRsE

    ______________________

    ( 3 )
    تزيين المعــاصي ..!


    وانت قاعد تسولف لمجموعه من الاشخاص .. لاول مره تلتقي فيهم ..!
    شيء طبيعي انه اي انسان يحاول انه ينقل الصوره الكويسه عنه .. وهذا مو تصنع ..!

    يعني مايطب الواحد مع ناس ومن اول جلسه يقول قسم بالله ياشباب امس خويي قاعد يحشش :D: ..!
    سلامات :D: ..!
    ماعلينا ..

    الفكره باختصار انك لاتقول لأحد عن عيوبك .. وبنفس الوقت لا تفرط في سرد مميزاتك ..!
    هذا الكلام كان موجه لأحد " الاصدقاء " ..!
    <<-- كثرو خوياه في الموضوع :D: ..!

    لا من جد .. الشيء المبكي انه في ناس تنبسط بشكل رهيب جداً .. اذا ذكرت مساوئها ..!

    راح اعطيكم امثلة " بزرانية " ..!

    ** أنا ادخن قدام المطاوعه ولا عليّ فيهم .. وتسمع خويه من هناك يرفع له يقول كفووو ..!
    **ويقول ياخي انا طفشت من البنات ارقامهم ماليه جوالي .. !

    بلاه البلوتوث مايطلع خشتك والا ماكان درى عنك احد :D: ..!

    **واللي يقول .. رفعت المسجل وانواع الرقص قدام مدري مين ..!

    هل هذا نقص والا كمال .. والا متولي والا وش السالفه !!؟
    واذا قمنا بالنصيحه .. قال تكفى انت ياللي نصلي على طرف ثوبك ..!

    لا خلاص انا قررت اهاجر ..!

    ______________________

    نقطة ضوء ..!
    ** هل من الممكن أنك توصل لمرحلة .. من كثر ما انت مشتاق لشخص ما .. انك تدعي عليه بعدم التوفيق !!؟

    ______________________

    قبل النهاية /
    الغرض من الموضوع وصلته :D: ..
    وعلى قولة المثل :

    رب ضارة ولا على عشرة على الشجرة :D:

    ____________

    نهاية ..!

    لماذا أهديت اليّ كل تلك المتـعه ..؟!
    إذا كنـت تعدني لكل هذا الألـمّ ..!!


  2. #2
    تاريخ التسجيل
    Jul 2002
    الردود
    8,690
    اوليتي
    :D:

    ^
    ^
    (يعني أول واحد )



    راجع يا بعدهم

    (سلام)

  3. #3
    تاريخ التسجيل
    Jul 2004
    المكان
    تحت السماء
    الردود
    347
    بشبوش خذ لفه وتعال :D: ..!


    خلني اقولك كلمتين
    قبل لا يجي .... الدب المتين :ss:



    يا Mezher باشا : لما اقرا لك ... احس اني دايخ بين الاذاعات

    لما يكون الراديو بيد خبل ونشيط
    من النوع اللي حرك تبلش , وما لقى من يعانده ....... متصور الوضع
    يعني انواع الاصوات والازعاج , ودك تمسك جمله على بعضها .... ما تقدر
    بس لما يدوخ الخبل , ويصفي الجو
    وترجع بشرة وجهك لحالتها الطبيعيه , وتختفي التجاعيد , وتاخذ الحواجب
    مكانها الطبيعي على الجبهه
    اقول لما اقرا لك ... في النهايه
    يكون :
    الغرض من الموضوع وصلته :D: ..

    بس بالنهايه ... تجبر الواحد يتابع :x:
    لا ويقرا مره ثانيه وثالثه
    باختصار .................................................. ............ إبداع

    تتوقع يا سيد :
    هذا شـ منّه ؟
    وشـ علاجه ؟؟

    يالله بخاطرك قبل يشوفني بِشّه المتين


  4. #4
    تاريخ التسجيل
    Mar 2001
    المكان
    الجزيرة العربية
    الردود
    1,573
    Quote المشاركة الأصلية بواسطة Mezher

    راح اعطيكم امثلة " بزرانية " ..!
    ** أنا ادخن قدام المطاوعه ولا عليّ فيهم .. وتسمع خويه من هناك يرفع له يقول كفووو ..!
    **ويقول ياخي انا طفشت من البنات ارقامهم ماليه جوالي .. !
    بلاه البلوتوث مايطلع خشتك والا ماكان درى عنك احد :D: ..!
    **واللي يقول .. رفعت المسجل وانواع الرقص قدام مدري مين ..!
    هل هذا نقص والا كمال .. والا متولي والا وش السالفه !!؟
    واذا قمنا بالنصيحه .. قال تكفى انت ياللي نصلي على طرف ثوبك ..!
    -----------------------
    نقطة ضوء ..!
    ** هل من الممكن أنك توصل لمرحلة .. من كثر ما انت مشتاق لشخص ما .. انك تدعي عليه بعدم التوفيق !!؟

    ____________
    أعجبتني الأمثله البزرانية .. أتمنى إنها من ذكريات الماضي لأنه لو كنت لا تزال تسمعها بشكل يومي هذا يدل على إنك يا مدرس .. يا إنك ورور .. ويا حسافه على الوقت اللي قعدت أسولف معك وانا أحسبك راعي طاره وعلوم :D:

    بالنسبه للأخ أو المدري ايه - - اللي من كثر ما انت مشتاق له ودك تدعي عليه .. هذا يدل على انك لا زلت في دوامة مشاعر متضاربه تعكس لا وعي المراهقه والإيمان المضطرب بكينونةٍ غير متزنه لم يصقلها الزمن بعد

    تحياتي .. وتراك أشغلتنا بمواضيعك.. إركد أنت وأخوك .. ترى صرتوا في الحارة مجمع دشير

  5. #5
    تاريخ التسجيل
    Oct 2001
    المكان
    مدينة الحقيقة
    الردود
    1,013
    هلا مزهر ..

    يا أبو الشباب .. الله لا يهينك رد على جوالك .. مو الأساسي .. السوا لو سمحت ..
    بالمناسبة أنا ما قريت الموضوع .. لسبب .. أني عارف أني راح اقراه كثير .. يعني لاحقين خير وضحك إن شاء الله .. بس حبيت اسألك .. عطاك سهيل مفتاح المقلط ..

    ..

    ممكن سؤال مو روتيني أبدا ..

    إنت أيش تبغى في حياتك .. هذا السؤال مدمرني .. كل ما اشوفك .. ما تعطيني إجابة ..
    بالمناسبة بكرة آخر make up ممكن تلحق فيه .. ولا بتعرف إيش يصير لك ..

    بالمناسبة مرة ثالثة .. ما في داعي تخلي بشبوش يقعد يفحط ويزعجنا ..
    إذا أنك تمون عليه أركبوا في سيارة وحدة و" نطلوا لين تدوخون " .. ..

    .. برضه سؤال مو بروتيني ولا نشوياتي أبدا .. ليه لمن أرد عليك .. أشعر إن ودي أكفخك ..
    شعور وجداني عميق عندي .. مدري ليــيـــيــيــه .. ..

    خلاص أنا برجع مرة ثانية .. You are release to go


    مع الود أخي الكريم



    لماماً .. أدرك ظلي وهو يختال معك !!

  6. #6
    تاريخ التسجيل
    Mar 2005
    المكان
    عالم المستحيل
    الردود
    155

    ياهوووو ... يا حركتات

    ســؤال ..!؟

    لكل شخص .. " انت وش مدمن عليه " ..!؟
    بالعربي ومن الاخر ..
    وش الشيء اللي انت تسويه دائما ..
    وتحس انه ادمان وودك تنفك منه ..
    او حتى ماودك أحد يشوفه فيك ..
    او احيان تكره احد ينتقدك فيه ..!؟


    منت ملزوم انك تجاوب لي :D: .. كل هوا وجاوب هالسؤال لنفسك ..!
    بس اللي ابي أوصله انكم مدمنين .. :D: ..!
    ***************
    ----
    ********
    --
    **

    طيب وش رايك تجاوب أنت ؟؟!!!!
    من جد قل لي ؟؟!!
    ؟
    ؟
    ؟
    ياهووووووووووووو
    ؟
    لا تستحي .. محد رح يدري ..
    ؟
    ؟
    يلله ..بسرعة لحد يخش ويسمع ..
    ؟؟؟؟
    ؟؟؟
    ؟؟
    ؟
    أنت حر .. ترى أنت الخسران . :D:
    ..
    .

    نقطة ضوء ..!
    ** هل من الممكن أنك توصل لمرحلة .. من كثر ما انت مشتاق لشخص ما .. انك تدعي عليه بعدم التوفيق !!؟

    ______________________

    تدري بس لا تقول لحد ..
    قد صارت لي ..
    لكني تداركت الوضع ..
    ( و بالله تسلم لي على تداركت..:D: )
    و أستغفرت!!..
    ..
    ...

    قبل النهاية /
    الغرض من الموضوع وصلته :D: ..
    وعلى قولة المثل :

    رب ضارة ولا على عشرة على الشجرة :D:

    ____________

    نهاية ..!

    *************


    و الله أنك من جد مخبط !! :fr: !!
    بس أحب أصحح لك المثل ..
    رب ضارة .. لا تلحسه كله .. :D:

    تحياااااتي للأسلوب الرائع ...
    و الكاتب الأروع ..
    أيها اليائس

    انظر للقمر

    و تأمل لحظة التقاء ضوءه بصفحة الماء

    تدرك معنى الامل


  7. #7
    تاريخ التسجيل
    Jul 2004
    المكان
    بين الجدران .!
    الردود
    479
    مزهر ..
    حرام عليك تحط ( make up ) و أنت بالجمال الرباني هذا .. ( :D: )
    .
    أفتكر واحد من بزرن الثانويه كان يقول " أبوي يخسي ما يضربني كف " قبل من شوف وجه متمرط بكم كف من المدرس ..
    من يومها عرفت أنه هو و أشكاله ( أفقع ! ) خلق الله ..

    صوره مع التحيه لـ( الفاهم..غلط و زنجبيل )
    .

  8. #8
    تاريخ التسجيل
    Apr 2005
    الردود
    49

    Talking

    هلا مزهر دى وشك ولا وش الأمرررر

    مزهر ذا اسمك ولا اهلك يستهبلون عليك؟؟؟

    لا تقول من انتا والله ما تعرفني

    الا ورى ماتفعل اشتراكي في هزلياااات" صورة وجه متشقق من الضحك"

    مزهل ولا لك علي حلفااان ذا خامس تسجيل بس مايفعلونها مادري وش عندهم المهم كل تسجيل ادخل فيه الساخر ابي احوس مريرك " يو نو وتز ميننج مريرك؟"

    بس لي الاسف حبيتك " صورة قلبن بنبض " ههههههههههههههههههههه

    شوف كيف على نياتكم ترزقوون يوم حبيتك فعلو اشتراكي

    النواياا مطاياااا وانا اشههههههههههههههههههههههههد كخخخخخخخخخخخخخخخخ

    ياربييييييييييييييييييييييييييه من فرحتي مدري وش اسوي لحظه بقوم اضحك واجي

    هيه هيه مزهر عطيتك وجه خلاااص عاد ههههههههههههههههههههه ياحبنيلي

  9. #9
    تاريخ التسجيل
    Apr 2005
    الردود
    49

    Talking

    ^
    ^
    ^
    يممممممممممممممممممممممممممممه ماعرفتني

  10. #10
    تاريخ التسجيل
    Jun 2003
    الردود
    1,520
    أما بالنسبه لهذا للسؤال الأول ..!

    بصراحه ادماني على الدلاخه

    بس على طاري موضوعك يا Mezher ... :D:

    في سؤال يدور براسي من زماااان بس بما انها سيره وانفتحت <---- مسوي فيها لبناني :D:

    ما تحس انو اسم بشبوش يذكرك بواحد تركي الجنسيه يبيع قوقتيل ونسقافيه وقودو...!

    والله يستر على الجميع :D:





    Solar

  11. #11
    تاريخ التسجيل
    Mar 2001
    المكان
    قمة جبل من الكلام ...
    الردود
    1,423
    مزهر انت وش تشتغل
    اعطني حلماً
    وخذ أنت الحقيقة

  12. #12
    تاريخ التسجيل
    Feb 2005
    المكان
    هناك..حيث بحرأبيض
    الردود
    309
    رج الله بليسك..!!
    رجاً مبرحاً .. لا هوادة فيه..!
    أجل أمثال بزرانية..خخخخخخخخخخخخخخخ!
    دمت بهبال..

  13. #13
    تاريخ التسجيل
    Oct 2001
    المكان
    مدينة الحقيقة
    الردود
    1,013
    Quote المشاركة الأصلية بواسطة Mezher
    :
    لو طلب منك " اخوك " الاكبر .. أو ابوك .. أو ولي أمرك بصفة عامه ..
    انك تصحى الصبح وتروح توزع حشيش على كم نقطه وتجي :D: ..!

    وش راح تكون ردة فعلك :
    * ترفض
    * توافق
    * تفكر
    * تعصب
    * تتفاجأ
    * تاخذ نسبة


    أشوف علاقتك مع سووووهيل متحسنة الأيام هذه ..

    أجل نقطة يا نقطة ..






    Quote المشاركة الأصلية بواسطة Mezher


    وارجع أقول .. الكبير كبير ..!



    حتى أنت .. ؟؟
    لماماً .. أدرك ظلي وهو يختال معك !!

  14. #14
    تاريخ التسجيل
    May 2002
    المكان
    جـازان
    الردود
    5,664
    Quote المشاركة الأصلية بواسطة حي بن يقظان
    مزهر انت وش تشتغل
    ^
    ^

    وش يقصد حي



    اليأس يحرث ناظري
    وأظلُّ منتظراً سحابكْ


  15. #15
    تاريخ التسجيل
    Oct 2001
    المكان
    Come Fly with Me...!!!
    الردود
    1,946
    خبر مقدم :D:

    مشكلة اذا جت ردود كثيره في موضوعك كلها من جنبها :D:

    " دييقو ماردونا "

    ___________________

    الفاهم غلط :

    ماتعرف تجي انت في موضوع واحد مره وحده بس ...!
    عدد مواضيعك 12 .. والبقيه ردود " متكرره " :D: ..!

    المهم اطلع منها قبل اعلم بسالفة الذبان وطريق المطار .. وتخبطات المشاعر ..!

    ____________________

    حي بن روحان :

    رقم البطاقة من اليسار 65122678276 .. مواليد الفلوجه ..!

    ____________________

    shamly
    عضو فعال أجل :D: ..!

    اولا حياك .. وبعدين ماصارت كلمتين ذي ..!
    المهم الحاله الان مستقره شكرا على اهتمامك :D: ..!

    ____________________

    جنزبيل ..!

    ياخي لاعاد ترد على مواضيعي .. qqq .. تخنقني العبرة ياخي اذا شفت نكك ..!
    اقول درجها قبل اغدي مقفاك مقفى سوبر ماركت :D: ..!

    قال ورور قال *b ..!

    ____________________

    العبرات ..
    جا على طاري العبره :D: ..!

    عز الله مقامك !

    ____________________

    صاحب البخاخ ..

    لازال اسمك يفتقد الى ( ال ) التعريف .. احس ( الاسم ) .. " نكره " ..!
    ترا مااسبك بس مدري :D: ..!

    المهم برقيتك اكيد وصلت ..!

    ______________________

    moon-light

    ياخي انت رهيب :D: .. يعجبني اللي يرد علي ويقول انت مبدع ..!
    ناس تقدر المواهب ..!

    انت احسن واحد ..!

    _______________________

    سولار ..

    ياللبناني :D: .. اجل بشبوش يذكرني بالاتراك :D: .. معصي ..!
    من تشوفه تحس انك تبي تمسك خارطة العالم وتشق دولة النيجر .. وتلفها زقارة ..!

    ________________________

    ماعلينا ..

    والله ماعرفتك هذا اولا .. وثانيا .. ماعرفتك ..!
    وصدقني ماسألت :D: ..!

    المهم سألتني :
    مزهر ذا اسمك ولا اهلك يستهبلون عليك؟؟؟

    لا .. يستهبلون عليك alhilal ..!

    ______________________

    ســـلام ..!

    راعي الاولة خليتك الاخير :D: ..!
    عشان اختمها بمسك بو 3 ريال اللي ينباع عند مطاعم البخاري :D: ..!

    اقول ماكن صابك عدوى من الفاهم غلط تحب تتمشى في المواضيع :D: ..!
    ياسعد من يحشرك انت وهو وزنجيبل وروحان وبشبوش في غرفة غاز .. وعطاكم بلاي ستيشن بدون ايادي :D: ..!

    _________________________

    مبتدأ مؤخر :

    vv: <<<-- بعض الايقونات ودك تصكها بمشعاب ..!

    " Hamad Al-MuntasheRi "

    لماذا أهديت اليّ كل تلك المتـعه ..؟!
    إذا كنـت تعدني لكل هذا الألـمّ ..!!


  16. #16
    تاريخ التسجيل
    Sep 2001
    المكان
    !I'm not sure
    الردود
    455
    Quote المشاركة الأصلية بواسطة Mezher

    ______________________

    نقطة ضوء ..!
    ** هل من الممكن أنك توصل لمرحلة .. من كثر ما انت مشتاق لشخص ما .. انك تدعي عليه بعدم التوفيق !!؟

    ______________________

    أي ضوء؟! أنت خليت فيها ضوء؟؟!!
    على كذا اللي يزعّلك تكفخه على طول

    أتمنى أن لا يشتاق لي من على مذهبك :fr:
    !Not Dead ... Not Alive

  17. #17
    تاريخ التسجيل
    Oct 2001
    المكان
    Come Fly with Me...!!!
    الردود
    1,946
    اولا آمين :D: ..!
    ثانيا .. الموضوع اللي كتبته قبل هالموضوع كنتي اول من حضر ..
    وفي هالموضوع الخاتمة بيدك :D: ..!
    وش ناويه عليه الله يكفينا شرك :D: ..!

  18. #18
    تاريخ التسجيل
    Apr 2005
    الردود
    33

    Talking عجيب

    اجل برايك ما ادرس علم نفس الدعوى حوسه
    الله يرجك
    لو سمحت لا تشتاق لي كانك بتدعي علي

    بصراحه موضوع رهــيـب

    تسلم يدك

    نورالغدير








    حبيبي ارحل فأنا بقايا انسان لم اعتد ان يعطيني احد اكثر مما اعطيه


 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •