Follow us on...
Follow us on Twitter Follow us on Facebook Watch us on YouTube
الصفحة 1 من 2 12 الأخيرةالأخيرة
النتائج 1 إلى 20 من 34
  1. #1
    تاريخ التسجيل
    Jul 2004
    المكان
    في المدينة التي لم تسم عـبثًا ...قـاهـرة
    الردود
    1,000

    ( لو ما كنتش أبويا ...كنت هحبك أكـتــر )

    ـــــــــــ
    الإهـداء : إلى (عمو ) ابن الأرض
    والســـادة سدنـة الفصحى ... يحتجبون
    وحشتوووني بجد كلكم ، وبقاااالي كثير ما بعتت لكووش حاجة
    ــــــــــــــــــ
    كل واحد (إنسان / بني آدم) فينا بحب أبوه ، لأسباب عديدة ( سياسية واقتصادية ، واجتماعية) .... وأنا أصلاً بصرح لإخواتي إني ( مش بحبهم لإن هما إخواتي ..لأ ..لأ ، وإنمـا لأنهم (عـشـرة عمر ) .... ماهي برضه العشـرة ما تهونـش إلا على ولاد الــ ـ ـ ـ
    أما حب الأب ، فهو أمـر أكثر خطورة ، وتأثيرًا فينا نحن الأولاد أولاً ، ثم يأتي بعد ذلك موضوع أن (كل فتـاة بأبيها معجبـة!!) ... الفتى يحب والده لأسباب " سياسيـة" إذ أنه ( رئيس) العائلة ، الذي يجب احترامه ، مهما بالغ في قهر ( شعبه / أطفاله) .. فإنه ( بيحبهم والله ) ... وحتى لو أشبعهم ضربًا ( وتعذيبًا ) فإنه ( علشاان خايف عليهم ) ، وبعيدًا عن تناقض فعل ( الضرب) مع فعل المحبـة ( ضرب الحبيب زي أكل المهلابيـة ) إلا أن المجتمع ( الذكوري المتعفن) قد رسخ في أذهاننا أن ( الأب) بيحبنـا !! ، وإحنا كمااااااااااان لاازم نبادله الحب حبًا ... مش بس لأنه ( الرئيس) للعائلـة ، ولكن لأنه لو مش حابيناه ممكن ( يقطع عنا المصروف !!!) ويبوظ اقتصـاد البلد / العائلـة ! ، وبعدين ما احنااش عاوزين حـد يزعل مننا في العائلـة ( فيهم اللي وطني وحب أبوه بيجري ف دمه ( شكله ابنه) ، واللي ماركسي عاوزنا كلنا نبقى آباء !! ، واللي إسلامي .... مش عارف هيعمل إيه ) ....
    لكن بابا لما دخـل عليا أول امبارح بالليل ، بينما أنا غارقُ في مذاكرة إحدى ( الروايات المصرية للجيب) المغطـاة بغلاف (تخين) من كتاب الفيزياء .. كنت قربت أسـرح بخيااالي .... أصلي مش عارف ليه لما شفته تخيلت إنه هيوقل لي :
    ـــ إسمع يا (....) ... أنا فيه حاااجة مهمـة عاوز أقول لهالك ..
    ـــ إيه يا ( بابي )
    ( مش قلت لكم بموووووووت فيه ، ده أنا تقريبًا مت فيه خلااااااااااص )
    فيه حاجة كنت مخبيها عني من 25 سنـة وقررت إنك تقول ها لي إنهاردة ؟؟؟
    طبعًا (هوا ) لمح في عيني نظرات الذكاء ( بتبظ) من عينيا ..
    ـ وإنتاا عرفت إزاااااااااااي يا واااااد إنتا ؟؟؟
    نطيت عليه ( متجاوزًا كتاب الفيزياء ، وطااااااار اللي كان جواه ف الجـو) وأنا ببوسـه 15مـرة ف كـل خــد ...
    قولها ... قولها الله يخليك ... والله هحبك أكـثـر ،،، ما تخاااااافش أنا ما بنكرش الجمـيـل ، وبعدين يا (بابي) الأب اللي ربى ، مش اللي خـلف، بس قولها أبووووووس إيدك ، وقلها ، وما تخافش هبقى أشقر عليك ، ممكن آآجـي أعيـش معااااااااك ، بس بعد ما أعدل وضعي ....هناك  ... قولها أبووووس إيدك ، مش تتكـسـف مني ، قولها ، كلهم بيقولوها ، هيا بالظبط 25 سنـة .... وبعدين الحقائق كلها تبااااان ....
    ما انـا أصلاً كنت كده كده هعرف ، لومـش انهاردة بعد ما تموت ، ما هو أكيد هلاااقي ف ورقك ، ولا ورق مامي ،،،، ولا ماما تقول لي .... كده كده كنت هعرف ....
    بس لما تييجي منك إنتا ...
    وخدته حضن طوييييييييييييل عمييييق ، ما عملتهاش من ييجي 100 سنـة ...
    وهوا مذبهـل !!! مش عااارف ليه ، يمكن مكنش ممتوقع إني أمبسـط كده ، يمكن كان فاكرني أهبل ، هتصدم ، وتحصلي صدمة عاطفيـة ، ولا نوبـة بكـاااء ، وأقول له ( يعني كنت معيشني ف الوهم ده كـله !!! إنتا إيه يا أخي ... معندكش قلب !!! مش حرااام عليك ...)
    لكن أنا كنت أنصح منـــه ....
    لما تيجي منك إنتا .. صدقني هحبك أكـثـر ، قولها بقـة وريحني :
    ـــ أقول إيه يا ابني ؟؟؟ إنتا اتجننت
    ( زوووووووووم : على خلقتي وأنا مذبهل ، اتنقلت عدوى الاذبهلال ليا تدريجيًا )
    ــ هوا إنتا مش عاااااااااوز تقول لي إن إنتا مش بابا ؟؟؟.... وإن أبويا الراجـل الغني التااااااني اللي ساكن هناااااااااك !!!، وإن هوا مكنش يعرف إنه ليه ابن من أمي ، وكـده
    ( لاقيتـه سكت .... الظاهر رجع لاذبهلالـه ) ( قلت أستغلها أنا فرصـة ، وأثبت حسن نوايا)
    ــ ما يهمكـش يا أستاذ ( عبد الحفيظ) ... أنا برضه هفضل طول عمري وفي ليك .
    ( وخدته ف حضني تاااااااااااني )
    لاقيته فجـأة بيبعدني بفزع ..:
    ـــ إنتا اتجننت يا واااااااااااد ؟؟؟؟ أبو مين ؟؟ وأم مين ؟؟؟ إنتا اتهبلت ؟؟
    ـ ـ ـ ـ ـ ـ ـ ـ ـ ـ ـ ـ ـ ـ
    أنا كنت فاكر الحوار ده هيدور بيننا ، أو حتى هيلف حولينا !!! ، لكن ( بابا) اللي أنا بحـبـه .... زي ما بحب ماما ، وإخواتي بالضبط .... كان بيسألني سؤال تااااااااااني خاااالص ، سؤال تقليدي جـدًا ...... ما جتش فيه سيرة الـ25 سنـة دي خاااااالص ، سؤال ما جاش فيه ( هقول لك الحقيقـة ) ولا ( هقول لك الكـذب) !!!!
    سـؤال باتسإله كل يوم ، يوم إيه كـل ساعة ، ساااعة إيه كـل شـويـة ....
    سـؤال تقريبًا مفيش أب بيحب أولاااااااده ، وماتوا ـ الله يرحمهم ـ فيه ، إلا أمـا يكون سألهولهم تقريبًا ستماية سبعة وستين مـرة ( ده بيتوقف على مـدى الحب طبعًا) ...
    سؤاااااااااااال ..... يووووووووووووه :
    ـــ بتعمل إيه عندك يا ولد ؟؟؟
    ـ ( بـتنيل ) أذااااكر !!! ( مابين الأقواس لم يتم ذكـره ... مؤدبين بقـة )
    ــ طب قوووووووم شوف أمك عاوزه منك إيه ؟؟
    ببساطـة ... قمت ....
    ما تخااااااافش .... طلعت الرواية من الكتـاب ، وسحبتها تحت المخدة اللي جنب المكتب ، وطلعت أقول لبابا :
    آآآهـ ...... لو ما كنتش أبويـــــا
    ( يضحك على عادته ) : كنت هتعمل إيه يا لمض
    كنت هحبك أكـــثــــــر !!!!!


    ـــــــــــــــــــــــــــــــــــــــــــــــــ
    عصـر الجمعـة 15/4/2005

  2. #2
    تاريخ التسجيل
    Sep 2004
    المكان
    ولم أر لي بأرض مستقرا .. !
    الردود
    942
    جميل أيها الحالم ..

    رغم عدواتي للعامية في الأدب ..

    دمت أيها الكاتب ثابتا "هنا" ..

    حماك الله من الأعاصير ..

  3. #3
    تاريخ التسجيل
    Apr 2005
    المكان
    بمعية لوحة بيضاء..
    الردود
    1,562
    أتيت هنا لأشاغب صاحب هذا الحرف



    أين برج ؟

  4. #4
    تاريخ التسجيل
    Sep 2004
    المكان
    ولم أر لي بأرض مستقرا .. !
    الردود
    942
    برج ..

    اكتبي ما تشاءين ..
    لن تذهب المواضيع إلى شتاااات ..

    لقد ذهب برج مع أم عمرو .. طبعا على ظهر الحمار!!

    كفاك الله الشر ..ياحالم ..
    مانا بأقول :: حماك الله من الأعاصير ..

    تحياتي ..!

  5. #5
    ازيك يا حالم يا ابني...
    بس لو ما كنتش مش ابني...
    ما كنتش حبيتك اصلاً...

    إيه يا عم...
    أنت رحت فين...
    لو كنت سرقت لك غنيمة... يبقى خليك جدع وهات النص
    ايوه اللي اوله حلال أخره ديماً حلال، والعكس مش ديماً صحيح!
    حتى أسال الريس... ربنا ياخده يا ياخدني!

    لك وحشة يا ولدي...
    بقولك إيه بقى ما بلاش حكاية عمو... (ما كنوش 7 سنين فرق يعني)
    أحسن أنت عارف، ح اشوف والدك بيعقد على أي قهوة واروح افتن عليك
    احذرني يابني... دا أنا سوسه وممكن اعملها

    بقولك إيه أنا حاسس إنهم ح يودوك الشتات بسببي
    خليني الملم نفسي وامشي أحسن
    قبل ما يجي برج ويشوطنا على الشتات

    خلي بالك من نفسك لحد ما أشوفك تاني

    لا اله إلا الله

  6. #6
    تاريخ التسجيل
    Sep 2004
    المكان
    جزيرة الورد
    الردود
    950
    راجعلك ............




    بأرض الجيزة اجتاز الغمام.... وحل بفيصل البدر التمام


    مدونتي



  7. #7
    تاريخ التسجيل
    Apr 2004
    المكان
    بلاد الف خيبه و خيبه
    الردود
    1,231
    هيما يا عظيما
    من اجمل واخف ما قرأته له
    تحياتي يا ابن ابوك


    مِنْ ثِمارِهِم تعرِفونَهُم. أيُثمِرُ الشَّوكُ عِنَبًا، أمِ العُلَّيقُ تِينًا؟
    كُلُّ شَجرَةٍ جيَّدةٍ تحمِلُ ثَمرًا جيَّدًا،





  8. #8
    تاريخ التسجيل
    Jul 2004
    المكان
    في المدينة التي لم تسم عـبثًا ...قـاهـرة
    الردود
    1,000

  9. #9
    تاريخ التسجيل
    Jul 2004
    المكان
    في المدينة التي لم تسم عـبثًا ...قـاهـرة
    الردود
    1,000
    Quote المشاركة الأصلية بواسطة بوح القلم
    برج ..

    اكتبي ما تشاءين ..
    لن تذهب المواضيع إلى شتاااات ..

    لقد ذهب برج مع أم عمرو .. طبعا على ظهر الحمار!!

    كفاك الله الشر ..ياحالم ..
    مانا بأقول :: حماك الله من الأعاصير ..

    تحياتي ..!
    بوح ... يبدو أن هنااااااااك جيوبًا أنفية بالساخر !!!

    أنا لا أحب هذه النوايا المبيتة ، ها قد ذهبت القصـة الرااااائعة فعلاً إلى الشتات !!!! e*
    ولكن ....
    لم يخطرني أحد !!! لم ؟؟؟؟؟

    صدقوني ، إما أن تتكرر هذه الفعلة ثانيًا فأحرمكم من طلعتي البهية !!!
    وإمــــا أن أفهم لماذا حدث ما حدث ! *b فيبتليكم الله بالاستمرار معي حتى حافة الهاوية !!!

  10. #10
    تاريخ التسجيل
    May 2005
    الردود
    147
    ياواد انت ...........لمضة !
    ..........ولمض

    بس والله ..............عسل




    بحبك زى بابا


    وكل مالى بحبك اكثر
    شكرا

  11. #11
    تاريخ التسجيل
    Apr 2005
    المكان
    بمعية لوحة بيضاء..
    الردود
    1,562
    يابخت من كان الوزير خاله

    ( البشت الأحمر ) أعادها بعد الغبار وبعد الشتات إلى التاسع والعشرين

    صعيدى أخذ شهادة دكتوراه فقال لزوجته والله ماخبرشى ليه
    الناس بيحكوا على الصعايدة أدينى جبت الدكتوراه. فقالت
    له زوجته: دق على الخشب لا تصيب حالك بالعين. فدق على
    الخشب. فقالت الزوجه مين على الباب؟ فقال الزوج: خليكي
    انا بشوف مين

    حادق على الخشب


  12. #12
    تاريخ التسجيل
    Jun 2005
    المكان
    بين قطرات المطر وإلى نفحاتِ الفجر
    الردود
    25

    حــالــم

    صباحُك سُكر

    رغم أنّي من سدنةِ الفصيحة إلا أني هُنا مُستمتِعة حد الجمال

    حالِم وتيقنت لنا بِحلمٍ أجملُ من جميل

    أدام الله والدك فوق رأسِك ولا حرمك سؤاله المُعتاد ..


    كُل الشكر لهذا القلم الواعِد وهذا الفكر الصاخِب بهدوء ..

    تحياتي
    أحمِل صِفات الإنسانيِّة وهذا ما يُميزنّي

    أتحدث بِلُغةِ العروبة وهذا ما يُشرِّفُني

  13. #13
    تاريخ التسجيل
    Apr 2005
    المكان
    لجة البحر
    الردود
    348
    أخي حالم

    يا بخت حكايتك
    سافرت على الشتات و رجعت سالمة
    ...
    أحب روحك الخفيفة التي تضفي البهجة اينما تمر..
    كن دائما هكذا..

    أختك اوراق الخريف



  14. #14
    Quote المشاركة الأصلية بواسطة الحب خطر
    يابخت من كان الوزير خاله

    ( البشت الأحمر ) أعادها بعد الغبار وبعد الشتات إلى التاسع والعشرين

    صعيدى أخذ شهادة دكتوراه فقال لزوجته والله ماخبرشى ليه
    الناس بيحكوا على الصعايدة أدينى جبت الدكتوراه. فقالت
    له زوجته: دق على الخشب لا تصيب حالك بالعين. فدق على
    الخشب. فقالت الزوجه مين على الباب؟ فقال الزوج: خليكي
    انا بشوف مين

    حادق على الخشب

    الحب خطر...
    ما خبرشي واصل انتي حتقولي ايه...
    لكن حدانا سبع المحايا في عز ليله الطويل، على زنة عود ابن الوادي حيفهموا عليكي صوح
    اربعي لحالك زين...
    الصعايدة ديابة دبال، ولحمهم علقم!
    مع كل الود... واباريق الشاي اختي الكريمة

    الحالم...
    نورت المنطقة... هنا وهناك

    اخوكم
    ابن الارض

  15. #15
    تاريخ التسجيل
    Jul 2004
    المكان
    في المدينة التي لم تسم عـبثًا ...قـاهـرة
    الردود
    1,000
    Quote المشاركة الأصلية بواسطة سجين
    ياواد انت ...........لمضة !
    ..........ولمض

    بس والله ..............عسل




    بحبك زى بابا


    وكل مالى بحبك اكثر
    شكرا
    مين حضرتك ؟؟؟؟

    عمومًا نورتني والله

  16. #16
    تاريخ التسجيل
    Jul 2004
    المكان
    في المدينة التي لم تسم عـبثًا ...قـاهـرة
    الردود
    1,000
    Quote المشاركة الأصلية بواسطة الحب خطر
    يابخت من كان الوزير خاله

    ( البشت الأحمر ) أعادها بعد الغبار وبعد الشتات إلى التاسع والعشرين

    صعيدى أخذ شهادة دكتوراه فقال لزوجته والله ماخبرشى ليه
    الناس بيحكوا على الصعايدة أدينى جبت الدكتوراه. فقالت
    له زوجته: دق على الخشب لا تصيب حالك بالعين. فدق على
    الخشب. فقالت الزوجه مين على الباب؟ فقال الزوج: خليكي
    انا بشوف مين

    حادق على الخشب

    صدقني مش ظريف ..... الحب خـطــــر !!!!! قصجك إيه بالضبط ؟.؟؟؟

    إنتوا ليه بتحاولوا تستفزوني ؟

  17. #17
    تاريخ التسجيل
    Apr 2005
    المكان
    بمعية لوحة بيضاء..
    الردود
    1,562
    Quote المشاركة الأصلية بواسطة حــالم
    صدقني مش ظريف ..... الحب خـطــــر !!!!! قصجك إيه بالضبط ؟.؟؟؟

    إنتوا ليه بتحاولوا تستفزوني ؟

    ابن الأرض

    :ss:

    حالم



  18. #18
    تاريخ التسجيل
    Jul 2005
    الردود
    7
    عشان خاطري حب ابوك اكثر.
    مهما حصل دا باباك.
    وبعدين حاول لو مره تكتب موضوع فصيح.
    اشكرك على موضوعك يا قدع.
    وعليك لمبه مفقوعه.


    ياربي صل على النبي محمد مهتزت الاثلات في نسم الصبا

  19. #19
    تاريخ التسجيل
    Jul 2004
    المكان
    في المدينة التي لم تسم عـبثًا ...قـاهـرة
    الردود
    1,000
    Quote المشاركة الأصلية بواسطة لآلئ قمر
    صباحُك سُكر

    رغم أنّي من سدنةِ الفصيحة إلا أني هُنا مُستمتِعة حد الجمال

    حالِم وتيقنت لنا بِحلمٍ أجملُ من جميل

    أدام الله والدك فوق رأسِك ولا حرمك سؤاله المُعتاد ..


    كُل الشكر لهذا القلم الواعِد وهذا الفكر الصاخِب بهدوء ..

    تحياتي
    لآلئ القمـر ... صبااااااااحكِ وردٌ بحجم السمـاء ... شكرًا لكلماتك الضافيـة .. أسعدني مروركِ كثيرًا ، وكلنا من سدنة الفصيحـة

    بوركتِ أُخيـة تااااااااااااااااااابعينا

    شكرًا لكِ

  20. #20
    تاريخ التسجيل
    Sep 2004
    المكان
    جزيرة الورد
    الردود
    950
    دائما تشعرني بالملل ....


    يا راجل حرام عليك ...


    ذكرتي بذلك الرد

    فقعــــــــــــــــــت مرارتي ...

    بس تجربة جميلة ( لا كثر الله من أمثالها )

    أما المحتوى فعودة أخرى ....

    بس ما رأيك بفلسفة ( بابا يعرف أكثر ... )

    تنفع هنا ولا لأ ...


    مدونتي



 

 

معلومات الموضوع

أعضاء يتصفحون هذا الموضوع

يتواجد حاليا 1 يتصفحون هذا الموضوع 0 أعضاء وَ 1 زوار

الروابط المفضلة

قوانين الكتابة

  • may لا يمكنك إضافةموضوع جديد
  • لا يمكنك إضافة ردود
  • may لايمكنك إضافة مرفقات
  • لايمكنك تعديل مشاركتك
  •