مستر x .. الجزء الثاني

[ضب آطخم]

ومن وين أبتدي ......... ترم

في اليوم الاول.. من اغلاق الساخر قضيت وقتي ما بين الريموت والتلفزيون .. فاتح خشتي في قناة الجزيرة .. واثاري فيه طياره امريكيه طايحه في الصين .. وصار انفجار في الخبر.. واهل الرياض مايتين من العطش ..

اليوم الثاني .. راحت المقهى اللي يجتمعون فيه الشباب من ثلاث سنوات ما جيتهم .. اللي منهم أنخبط واللي اتزوج وطلق :) واللي جاه عيال .. والشباب ما فيه الا ترحيب .. هلا والله وغلا الله حيه صدر طال عمرك :) وين الغيبة .. عاش من شافك .. وفيه ناس جدد ما عرفتهم انضموا الي الشله خلال السنوات اللي كنت غايب فيها.. سواليف توسع الصدر وسمره الي الفجر

اليوم الثالث .. اشيك علي الساخر برضه ما فتح :( قلت اليوم اغير ..اخبر واحد من اقاربي من زمان ما جيته .. مريت علي الرجال حصلته مغير بيته .. من حاره لحاره لين لقيت بيته الجديد .. اقلط الله حيه .. مرحبتين مع نغزتين .. هو اليوم العيد.. ولا جاينا تخطب .. مشاء الله والله وكبرت وطلع لك شنب :( .... مصخها ذا الشايب طايح فيني همز ولمز ... ضاق صدري منه وطلعت علي البيت

اليوم الرابع .. برضه الساخر ما فتح :( راحت للشله حقين المقهى .. هلا والله يا شباب وش اخباركم .. وبديت استعيد معهم ذكريات الماضي وعلي طاري الماضي نقز ذاك الاقشر قال ما ودكم بطلعه .. والشباب ما كذبوا خبر .. قداااااااااام .. المهم اتفقنا علي الدولة اللي راح نسافر لها وتم توزيع القطه بين الحبايب ومحاكيكم ضيف شرف الطلعه

اليوم الخامس .. والتذاكر جاهزه والشنطه عند الباب .. واحك راسي وافكر يا ولد تعوذ من الشيطان واقعد مالك ومال السفر جرب يمكن فتح الساخر .. واروح للجهاز واتصل


هيه هيه هيه هيه هيه هيه فتح الساخر ......... واتصل علي الشباب واعتذر من هم

واجلس اشخمط في الساخر ها الشخمطه

مع تحياتي مستر x :)

[ابو زيد الهلالي]

ومحاكيكم ضيف شرف الطلعه


أجل الدعوه M and M يعني محفول مكفول, قهن قهن قهن قهن قهن قهن قهن قهن قهن قهن قهن

[الهلال]

ههههههههههههههههههههههههههههه

معليش يا ضبضوبي ..بتسوي صغير في السن ومخلص للساخر .. ايه هين:D


والله لو حاصلت لك السفره .. ان ما تجيب خبرنا ..

يا شين الطفره شييييييييييييييييييييييييييييينااااااااااااااااااا اااه

[ضب آطخم]

هلا والله ابو زيد

اعرف ان الموضوع ماله داعي ومدري ليش كتبته ، بس يالله احسبوها من الخنفشاريات :) كنت يوم الخميس ادوره بس ما حصلته :)

الهلال .. لك وجه تتكلم بعد هدف القهوجي :) :) :)

طفار نعيش يا دنيا طفارا :(

اخلالالالاص ما بعده للساخر ... الله يستر لا يقلب سكري :) هع هع هع هع

خلاص السفره الجايه ابي اخذك معي يا كبير :)

[mr_mosta7el]

السلااااااااااااااااام عليكم
يا هلا فيك يالغالي
و مشكور يا بعدي على الزياره
<<---من ربع المقهى

[الحاشي777]

ضب اطخم..:)
بشر امك..:):)
تراي امزح...لاتاخذ بخاطرك:)
ياهلا:)

[الساخرة]

والله إنك صادق يا أستاذنا يا ظب يا أطخم
كنت مسافرة وما حصل لي وقت أدخل على النت
بعد ما رجعت وجدت نفس المشكلة
قدت الأفكار تدور براسي وش صار على الزملاء
عسى ما صار شر
وكل ما أشيك أجد نفس المشكلة
ضاق صدري
وحسيت إن الساخر منا وحنا منه

[ضب آطخم]

هلا والله مستحيل

إذ انت من ربع المقهى عرض السفر باقي قايم ولا لا

والله ذبحنا الحر :)

حاشي 777

امزح يا حبيبي علي كيفك ......... الواحد ما يدخل النت الا يوسع صدره

اختى الساخرة

حلووووووة مره ان الافكار تدور في راسك ... ناويه تطلعين اشاعه انك تفكرين ؟؟؟

اجل الافكار فين تدور في المصران الاعور ؟؟

:)

شاكر للجميع مداخلتهم