مـــنـــع فـــي الــــسـعـــوديـــة؟؟؟؟؟؟؟؟؟؟

[الهلال]

اخوي (راعي الجنوط ) ..

واللي ..يبط تسبدك ..اكثر .. اذا رحت لقسم ولقيت (بزر ) من اياهم معطي جندي كبر ابوه يروح يشتري له تتن .. <IMG SRC="http://www.alsakher.com/ubb/smilies/cwm23.gif" border=0>


تسلم ايدينك ...

الا اقول ..لك علاقه بهليوود .. &lt;== حاره في الحله :)

------------------
<FONT size="5"><FONT COLOR="Red"> يوجد لدينا ما سنجرات للبيع او للايجار اليومي او الشهري او السنوي ...اسعار خاصه.... </FONT c> </FONT s>

<FONT COLOR="Orange">لمزيد من المعلومات ..يرجى الاتصال على ALSAKHER100@HOTMAIL.COM</FONT c>
<FONT COLOR="Navy">الاستاذ/ مهند حلواني </FONT c>

[راعي الجنوط]

أوهام كثير تطاردني .. في صحوي ومنامي .. وساوس تغتال هدوئي .. وتطشر الطش في طشت طرطشلي .. نصحوني بزيارة طبيب شعبي .. ورفضت اقتنع ، كانت الفكره عن اي شي شعبي انه قديم ..!! وما عاد له وجود .. مثل فن بشير شنان وخارج الدوام وكنادر باتا حقت مدرعم .. او دراعة موكا تلبيسة المساند من اول .. ورغم اني لفيت كل الأطباء الأكاديميين .. وخاصه النفسانيين .. إلا إني ماطلعت بنتيجه وخاصه ان اغلب اللي رحت لهم معهم دوره في شهار .. وبعد فتره جاني شخص عنده نفس مشكلتي .. واقنعني بزيارة طبيب شعبي بعد ماحكى لي قصته وانه قدر يعالجه بكم جلسه وعلاج .. وقلت خير بس عطني عنوانه .. وقال :تعرف سجن العود ..؟ قلت : لا .. طيب تعرف مقبرة العود ..؟ قلت ايه .. قال وراها شارع ضيق ونهايته فيه بيت طين في الوجه .. هذا هو بيته .. وتراه دور واحد وقبو .. قلت وش له القبو ..؟ قال هذا ايام الحرب العالميه الثانيه مبني .. قلت زين وش اسمه .. قال اسمه صندقه .. الشيخ صندقه .. وتراه عميان .. قلت شلون عالجك وبيعالجني وهو عميان .. قال : بتلاقي على كتفه سحليه عورا .. وعرجا ولونها اخضر غامق ومراتب جلد .. بدون فتحه .. وهي اللي تعطيه المعلومات وهي مديرة اعماله .. قلت طيب ممكن تاخذ لي موعد .. ومادريت الا اتصل علي بعد يومين وقال تروح اليوم الساعه عشر في الليل .. هو ينتظرك .. ورحت .

وجت الساعه عشر وانا اوقف السياره عند باب صندقه .. ونزلت واسمع اصوات غريبه .. انا برئ .. انا برئ .. بس يالا حأتلك .. وتذكرت اني قريب من سجن العود وصوت قريب مره يقول : أنا حي مانيب ميت .. طلعوني من القبر .. والتفت إلا انا جنب سور المقبره .. وامشي بخوف لين وصلت الباب .. وانفتح من حاله ..!! وصوت صرصرة الباب .. واطل شوي شوي والاقي سيب ضيّق ومظلم وانا اقول .. ادخل مادخل .. وادخل بعد ماسميت بالرحمن شوي شوي .. وتوني داخل الا انصك الباب بقوه وراي وانقفل قفلتين ونص .. والتفت يمين واشوف قطو اسود يقول : ياقلق صك الباب بشويش ومن الروعه قلت .. نيو نيو ..وبشويش وحرك ذنبه واختفى .. وانا امشي حبه حبه والتفت يسار والاقي مراية المغسله اللي في المدخل .. والمح شي على راسي والاقيه ابو عشيش يطامر واصرخ والزق بظهري في الجدار ومادريت الا شي يصرخ يقول آآآآي قتلتني يامجرم والتفت إلا صارور ملزقه بظهري في الجدار .. واتوسط السيب واخذ نفس وإلا بصوت يقول : يالحبيب .. يالطيب .. رجلك الله لايهنيك خلنا نشوف شغلنا .. واناظر لمصدر الصوت تحت والاقي ضاطور انا واطي برجلي على ذنبه .. واقعد اتراجف من الخوف .. وش جابني بس ولحالي بعد ومادريت إلا شي جاي باتجاهي .. اسمع خبط رجلين وصوت لكن ماشوف شي من الظلام والدخنه .. إلا هالسحليه اللي يقول عنها جايه .. واشوف على عينها عصابه كنها موشي ديّان وتذكرت انها عورا .. واحس انها تمشي بثلاث رجلين .. آها . عرجا .. وقالت : تعال وراي .. ياقلق .. قلت لا ابي اطلع .. والتفت حمقانه وقالت : هو دخول الحمام زي خروجه .. بل وش ناويه ذي وابلع ريقي بصعوبه وارد .. طيب طيب وتمشي وامشي وراها .. ومن الخوف وطيت ذيلها مادريت والتفت وشرار يطير من عينها الوحيده وقالت : ياحبكم للزحمه ..!!! ..
وقلت لها .. اقول امشي لا شوتس بعد انتي ماني ناقص .. قالت : نعم .. قلت لا اكلم النمله ..... ومادريت الا نمله رايحه تشتري خبز وكانت ماره وسمعتني وقالت : إيه يالذيب ... أمحق .. وانا ارقع الصوت واقول : وآآآآآآآآآآآآآآآآآآء وآآآآآآآآآآآآآآآآآآآء ابي امي وماسكت إلا على صوت يشبه كنداسة دباب مشقوقه ويمشي الف طعش .. يقول : ياشهبوره .. ادخلي بالمريض .. واسأل السحليه شهبوره .. من ذا .؟ قالت هذا شيخ الجان صندقه الفسقان .. .. قلت طيب يالله خلصوني وينه فيه .. قالت وين رايح ادخل هالغرفه وبتلاقي حجاب ( رواق خيمه ) وهو بيكلمك من ورى الحجاب .. وانا بروح اجيب سجاير للشيخ صندقه .. قلت اصبري معي بكت بس خلك معي .. قالت لا هو مايدخن الا سيجار .. بروح اجيبه من فيدل كاسترو دقايق بس اروح كوبا وارجع خمس دقايق ماني مطوله .. المهم وادخل الا هالدخنه والمح الحجاب ويجيني صوت يقول : تكلم ياولدي قول كل شي انا أسمعك .. .. وقلت بصراحه ياشيخ عندي مشكله مأرقتني .. وهي اني احس احياناً اني ماني سعودي ..؟
قال أفصح ووضح : قلت ياشيخ صندقه .. إذا مسكتني دوريه امشي آخر الليل ولا رحت القسم ابي ورقه من العمده ولا مسكوني مامعي اثبات .. ولا ايام الأمن الشامل لما صدمني واحد ورحت القسم انا وياه كل هالمواقف يعاملوني فيها على اني مجرم عتيد وصاحب سوابق .. لا تقدير ولا إحترام حتى لإسمي او صفتي او سعوديتي ..؟ تصور مره صدمني واحد وقال انت الغلطان ومارديت عليه وقلت : في القسم كل واحد ياخذ حقه .. وكان بتطول كلام بحطك تحت موترك .. ويوم رحنا القسم وشاف الضابط التقرير صار الخطا عليه بنسبة 75 % والباقي علي لزوم ( مايصير 100% حرام ) .. قلت معليش .. لكن الظابط وش قال .. رح جب لك كفيل يكفلك .. قلت انا مغلوط علي ومصدوم .. شلون اجيب كفيل وش له الكفيل وبعدين شايفني هندي ..!!..؟ قال اجل اصلحوا .. قلت انت صاحي ولا ماتعرف شغلك .. قال احترم نفسك وتكلم على قدك ..؟ قلت اللي اصغر مني اكبر منك قدر وغطى ووعدك عند رئيسك ( الرئيس معرفه ومسكين من ماله معرفه ياهو بياكل خبابووووب ).. وقال : خلاص خلاص لاتطولها .. والتفت للثاني وقال .. رح هات كفيل ولا عطه قروشه خله يروح ..؟ قلت مابي فلوس .. ابي رد اعتبار منك الحين مسكت عاد انا تكروني في هالحاجات وش اسوي ..
المشكله ياصندقه .. قال صندقه بعينك .. الشيخ صندقه وكمل .. قلت المشكله ياشيخ صندقه .. إنه ضابط مابعد طلع شنبه متخرج من الكليه ولا يعرف من شغله إلا العنفقه على الناس عشان هالدبوره ولا الثنتين اللي على كتفه .. لايحترم كبير ولا صغير وحنا عيال حمايل مانرضى بالمهونه .. ونقدر نرد له ونأدبه لكن هالضعوف الباقين وشوف عيني وفي القسم .. رجال عمره فوق الستين قاعد يتريق عليه ضابط .. والرجل من شكله وقور وصاحب حق ومن اسمه معروف .. !! .. وسمعته يقول : لاحول ولا قوة إلا بالله .. هذي آخرتها .. كبر ولدك ويتريق عليك يابو فلان .. وقلت وبصوت عالي .. وسع صدرك يابو فلان لين صار لك حاجه عند ... قله ياسيدي وكان عندك واسطه قله يا...... وابشر كان موضوعك بيدي ..
وقال صندقه : صراحه مشكلتك صعبه ويعاني منها اغلب " الشعب " مع هالضباط الصغار .. انت وين شغال الحين ... قلت في الجوازات .. ومادريت الا هاللي طامر ومنحاش قلت أمحق شيخ اثرك مثلي......
===========================================

اخواني هذه الساخره تخيل لكم اشياء كثيره

اقرئوها وابحروا في خيالكم.

[mr_mosta7el]

تسجيل حضور و اعجاب
و يا هلا فيك يالغالي بالساخر
و مقال دسسسسسسم يبي له بريق شاي

[ابو زيد الهلالي]

فكرة غريبة و وخيال اغرب,,, يا ناس الساخر امتلاء عن بكرة جيرانهم مبدعين,,,

[راعي الجنوط]

اخوي المستحل شكرا لك على اطرائك.


===================================

ابو زيد شكرا لك يا غالي اخجلتني.

[Naser]

مشكلتين في موضوع واحد :
1 - عدم إحترام المواطن من قبل أغلب أجهزة الأمن
2 - المتخلفين المشعوذين الذين يدعون الطب

تسلم يا جنط قصدي ياراعي الجنوط !!!



------------------
يا لهو بالي يا حـلي الغزالـــي .... ازاي سنيت الهـقر للمحـبيــــن
يادي المصيبه يوم أربك صفا لي .... قنبت عن درب السنع ليه ياشين
دا بؤك احـلى من حليب المتالي .... طب ليه تقهرني بلا زنب يازين
ما تفتكرش ازاي سميت حالـي .... وحنيت لك حنة خلوق البـعارين
ابــسط يا عم اشيل حملي لحالي .... دنتا ما تستاهلش تبكي لك العين
عاوزني اترقــاك يا هملا لـــي .... صحصح دا بعدك رجعتي يابو وقهين
مش ممكن ارقع عقب شي مزالـــي .... أأطع دراعي لو طلبتك ترازين
منك لله بكل هما قـــرالــــــي .... بس افتكر حتروح من ربنا فـين
دنا حـــقيلك لاتدور بدالــــــي .... اديني العنوان ماتؤلش بـعدين

[hajivip]

انا بصراحه قريت اشوي وخفت وهونت ماادري وش مكتوب تحت لاتلومني انحشششششششششششششششش

--------------------------------
ودي ابكي لين مايبقى دموع
ودي اشكي لين مايبقى ملام
من دموعاصارت ابقلبي تلوع<IMG SRC="http://www.alsakher.com/ubb/smilies/cwm45.gif" border=0>

------------------
king of horror

<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة hajivip بتاريخ 17-04-2001 الساعة 05:40 PM</font>

[خبل بمتياز]

صراحة ودي اشهد لموضوعك بس من يعترف بشهاتي
وبعدين ياخوك انت من اليوم عضو رسمي عندي في كل الجمعيات بدرجة امتياز
والله ياخوك مفروض على هلي كتبته انك تعطا دبوره
مثلك مثل غيرك بس وين الي يقدرون


صراحه انك مبدع وخيالك واسع يعني وسيع افق
(ماهي بصاحية هلجمله مادري من وين جات)

شكرأ عزيزي

------------------
مدير جمعية المهابيل
عضو فعال في منظمة تحرير الدلوخ
عضو فعال في جمعية استقلال المنسمين
ستاذ دكتور في جامعة المهابيل شعبة الفاهي
مدير مصلحة الله يخلف

[الجربوع المزيون]

اخوي الجنط ـ راعي الجنوط ـ

عرضت القضية و ناقشتها باسلوب ساخر ممتع جدا

تصدق اني ما بغيت اكمل القصة من الخوف على بالي بيطلع لك جني و لا شيء يخوف

بس تدري يعطيك الف الف عافية

سلم عقلك الذي ابدع ، و أناملك التي خطت

<IMG SRC="http://www.alsakher.com/ubb/smilies/cwm35.gif" border=0>

[راعي الجنوط]

ابو زيد الله يعطيك العافيه وشكرا لحضورك.

======================================

ناصر شكرا لك ههههههههه اجل جنط


=================================


اخوي الرائع الخبل والله اخجلتني وانتظر


القادم اروع.

=======================================

اخوي الجربوع شكرا لك يا الله شد حيلك


وورنا ابداعك

====================================

hajivip


سقط اسمك سهوا عشانك ماقريت الموضوع


اقراه ورد ونا برد عليك وشكرا



للجميع ماقصرتوا.



------------------
ان لم تكن رجلا ........

فأنت جنط.

... اذا لم تكن جنطا...

اكلتك الجنوط.......

[mr_mosta7el]

للرفع بعد اختفائه بسبب تغير التاريخ في اخر رد

[شرقاوي]

<FONT COLOR="Red">راعي الجنوط :)</FONT c>

ايه والله انك صادق بكلامك كله..

اسلوبك جميل وصياغتك اكثر من رائعه..

تسلم يمينك.

------------------
<center><FONT size="2"><FONT face="Arial"><FONT COLOR="Olive">بعض الوجيه نشوفها كل ليله
...........لا شوق لا موعد لكنها اقدار
وبعض الوجيه تغيب غيبه طويله
..........لكن لها بالقلب وحشه ومقدار

</FONT c></FONT f></FONT s></center>

[النشمي]

<FONT size="5">

راعي الجنوط ...... لاعدمت قلمك يالحبيب :)</FONT s>

------------------
اليوم عمل بلا حساب ... وغدا حساب بلا عمل ... فاغنم يوم عملك ليوم حسابك