في البدايه نظره في سوق والا عند اشاره... تعجبه ويغازلها باحلى عباره... [الأرشيف]

View Full Version : في البدايه نظره في سوق والا عند اشاره... تعجبه ويغازلها باحلى عباره...

المستانسه

20-03-2001, 09:24 AM

(( الموضوع للشـــــــرقاوي .. لحد يقول ما دريت ))
في البدايه نظره في سوق والا عند اشاره...
تعجبه ويغازلها باحلى عباره...
غرته بطريقة نقابها...
وعيونها واهدابها...
وتبسط وتلتفت له...
قدر يضحك عليها هالخبله...
وجرها(الذيب) لاوكاره...
وتقول في نفسها وش هالوسامه...
كشخه وفخامه...
ليش ما آخذ ارقامه...
وهو ينبسط آخر انبساط...
ويشتط كل الاشتطاط... مشى عليها معسول كلامه...
وتاخذ الارقام...
ويرجع ما ينام...
ويقعد يصف احلى الكلام...
وكيف مع الايام...
يوهمها بالحب والهيام...
وتتصل هالغبيه...
وتبدا فصول المسرحيه...
هي : الووو...
هو : هلووو...
هي : ممكن اكلم طلال...
هو : انا طلال... والله اني محظوظ بهالاتصال...
بس ما عرفت اسمك؟؟؟
هي : لهالدرجه يهمك...
هو : اكيد دامني اكلمك...
هي : طيب,,,,,اسمي عهود...
هو : الله,,,, احلى اسامي الوجود...
هي : مرسييييي,,,كلك ذوق...
هو : وانتي الصادقه كلي شوق!!!!!!
ويبدا يلعب لعبته...
ويبينلها شوقه ولهفته...
ويمر يوم ورا يوم...
وتصير علووووم...
ويطلب انه يشوفها...
وتبدي هي خوفها...
وانها صعبه ظروفها...
ويسوي نفسه زعل...
وانه اكثر من كذا حرام,,,ما يحتمل...
ولانها تحبه...
وتحسب انها ساكنه قلبه...
تتدبر له موعد...
بس تكون دقايق وتنعد...
ويقولها اوكي,,,زي ما تبين...
ودامك معي افا عليك بس,,, لا تهتمين...
ويجي الميعاد...
وهو خايف من الهيئه ينصاد...
وتجي وتركب معاه...
وتصير وياه...
ودامه موهمها بحبه وعشقه...
ليش ما ياخذها للشقه؟؟؟؟
وهي ما تقدر تقوله شي...
وتقول دامني معه,,, ماهنا خوف علي...
ويدخلون لشقته...
وابو الشباب (فارد) كشرته...
ويجلسون سوا...
والذيب عوا...
ويسألها:::: ممكن تكشفين؟؟؟؟
والا انتي مني تستحين...
يالله عاااااد,,,,وريني هالجمال والزين...
وتكشف عن وجهها...
ويبان شكلها...
وينصدم هالمسكين
اي جمال وزينه... وعععععععع طلعت شينه
وتطيح من عينه...
هالمسكينه...
ويفكر شلون يفتك منها...
وكيف يروح ويبتعد عنها...
وتمر الدقايق ثقيله...
ويا كبر هم يشيله...
وتنتهي الرحله... وترجع هالخبله...
ويمر يوم ورا يوم...
وتصير همومها هموم...
وهو لا اتصال ولا خبر...
وهي على احر من الجمر...
وتقرر انها تبادر بالاتصال...
هي : الوو,,,اهلين حبيبي طلال...
هو : حبيبك!!! اقول بلا هبال!!!!
هي : حبيبي وشفيك منت مبسوط؟؟؟
الو الو الوووو,,,,,طوط طوط طوط
ووتتضارب نبضات قلبها...
معقوله هذا اللي حبها!!!!
وتصير مرتبكه...
ا لا مو معقول,,,,,اكيد مضروبه الشبكه...
او اكيد فيه شي ومانعه عني عني قسرا...
او ان الوقت مو مناسب,,,بتصل عليه عصرا...
ويجي العصر وتتصل:::
عفوا,,ان الرقم الذي طلبته غير صحيح فضلا تأكد من الرقم الصحيح
وشكرا...
---------
اخترت لكم ..

------------------
عالي الهمّــــــــه لا يرضى بما دون الجنّــــــــه

<FONT COLOR="#800080" SIZE="1" FACE="Simplified Arabic,Verdana">تم تحرير الموضوع بواسطة المستانسه بتاريخ 22-03-2001 الساعة 08:55 PM</font>

جوري

20-03-2001, 09:33 AM

اختي المستانسه
والله تصويرك راااااائع واكثر من رائع
تسلمين يالغاليه
والله مرات تنتهي القصص على اشياء مفجعه ليته يتركها ويمشي بس
الله يستر على بنات المسلمين

------------------
مثل صيني(ان لم يكن معك سوى درهمين فأشتر بأحدهما زهرة )

متزن

20-03-2001, 09:38 AM

ما اكثر الذئاب ولكن ما اقل اهل العقول وللاسف

------------------
رب إغفر وارحم وانت خير الراحمين
ماسينجر all78@hotmail.com
ICQ = 77444732

نجم الليل

20-03-2001, 09:49 AM

قولي امين يالمستانسة الله يرجتس اكثر مما انتي مرجوجة و يرجتس يرجتس يرجتس اليييييييييييين تطيشين ههههههههههههههههههههههههههههههههههههه اخاف انه انتي؟P: هههههههههههههههههههههههههههههههه

شاصي2000

20-03-2001, 02:04 PM

تسلمين على هالموضوع

اشوى انها طلعت شينه والا كان راحت فيها

الله يستر على بناتنا وعلى من دور الستر

------------------
عسى العمى ياخاين العهد يعميك ....... فوق الغرور اللي عن الماضي اعماك
وعساك ماتسمع قريب يناديك ....... حيثك تجاهل صوت محروم ناداك
وعسى الشلل يعوق رجل تمشيك ....... لينك تندم ليش غيرت ممشاك
وعسى حياتك بس فرحه لشانيك ....... يلقى بها الفرصه عدوك ويشناك
وعسى الليال اللي تجيني بطاريك ....... يصبح عليها الصبح وتموت طرياك
وعسى المنام وكل راحه تجافيك ......... آمين.. حتى اللي تمناه يجفاك
وعساك ماتفرح وتكثر بلاويك ........ وامك تشق الجيب من عظم بلواك
ولامت جعلك في جهنم تصاليك ....... نار الجحيم ونار دنياك تصلاك

الجازي

20-03-2001, 02:32 PM

هههههههههههههههه
كخخخخخخخخخخخخخخخخخخخخخخخخخ
رووووووووووووووووعه
هههههههههههههههههههههههههههههه
اجل طوط طوط طوط
مزدين فيه ربي
وربي فكها ومن حظها انها طلعت شينه
بكره اذا فهمت تحمد ربي على انها شينه ونجت

اصولها نحط من الموضوع نسخه في عذب الكلام
فلسفه اكثر من الازم

البحر

20-03-2001, 10:52 PM

أختي المستأنسه جعل أيامك كلها وناسه وبسط.طيب إذا طلعت العكس حلوووه جميلة مملوحه وشلون تصير الحال.أرجوا الأفاده وتصوير الوضع في حالة طلعت
حلوووه.وإذا تعذر عليك ذلك سوف أقوم أنا وبالله التوفيق بتصوير الموقف أجمل تصوير.هههههههه
رائع يامستأنسه كلامك حلو وأنتي أحلى من أحلى حلاتك.

------------------
أقِبل على النفس وأستكمل فضائُلها فاأنت بالنفس لا بالجسم إنسانا

ولد الديره

21-03-2001, 12:45 AM

لاحول ولا قوه وللاسف ما احد يتعظ

ابوفيصل 1975

21-03-2001, 01:19 AM

موضوع مثير ،،
ذكرتيني بواحد من الشباب مسيكين كلما اجتمعنا في جلسة او استراحة ياويله اللي يحط قناة غير (ال بي سي) او(المستقبل ) وهات ياآهات ويازين الشقراء زيناه وحذفوني عندكم ومن هالموال .
المهم فيه واحد من الشباب ماشالله عليه عنده موهبة تقليد صوت بنت واتفقنا معاه انا نمقلب هالمشفوح ، اتصل عليه خوينا ومير يقلد صوت واحدة لبنانية مسوية نفسها غلطانة في الرقم والرجال ماصدق خبر وقام ينطل من هالكلام الحلو
وخوينا مسوي نفسه عجبه هالكلام مع انه كلام ماسخ
لو قيل لبنت صدقية تفلت في وجهه ، المهم ماشاه
في الكلام وخذا منه موعد يكلمه يوم ثاني واستمر
كم يوم الين خلاص حس ان الرجال واصل حده وواعده
في العقاريه الجديدة واشترط عليه يلبس بدلة ويحط وردة حمراء فيها عشان تعرفه وخوينا متين
ثوب ويخب عليه لكن وش يسوي هذي فرصة من السماء
بنت ولبنانية بعد غالي والطلب رخيص ، المهم راح
خوينا طق ذيك البدلة الي بالفين ريال وصك الوردة على الصدر وقبل الموعد بساعة وهو في العقارية وطبعا حنا كلنا رحنا منظر مايتفوت والا
والرجال كنه علاء ولي الدين يمتر العقارية وكلما
مرت حرمة حط يده على الوردة يقول في نفسه يمكن
ماانتبهت ، وبعد حوالي الساعتين من الموعد سوينا نفسنا مارين بالصدفة ومنا شايفينه ويوم شافنا قام يتصدد ومر يحط وجهة بواجهة محل وحنا ماحبينا نحرجه وسط السوق وسوينا نفسنا ماشفناه.
المهم ثاني يوم اجتمعنا والرجال متغير مهوب خوينا اللي خابرين وبدا واحد من الاخوان يلمح له ويذكر له عبارات قد قالها في التلفون وهو كل شوي يتلفت لواحد فينا الين انفجرنا كلنا في الضحك وماقدرنا نمسك انفسنا وهو يسب ويلعن .
آسف على الاطالة ولكن الشي بالشي يذكر.
تحياتي ،

حمود النكبه

21-03-2001, 02:00 AM

ودتس من مسك هالذيب الرومانسي بعرق أخضر منقع له بمويه شهر .. همن وين اللي يوجعك .. ويطيح فيه جلد لين يحب الأرض .. همن يوديه للهيئة ..

أما البنات هالضعيفات ما عليهن شرهة .. يضيعون من أول كلمتين الله يستر على بناتنا وبنات المسلمين ..

حوار رائع .. لكن اين المتعظ

شكرا اختي المستانسه<IMG SRC="http://www.alsakher.com/ubb/smilies/cwm12.gif" border=0>

------------------
من كل بلاد الدنيا..من كل بقاع الأرض ...قصص شتى...تروى حتى ..نعرف أحوال الإنسان ... والكل هنا جيران

الجازي

21-03-2001, 03:16 AM

بعد اذنك اختي المستانسه

هههههههههههه
<FONT size="6">فيصل قصتك خطييييييره ويستاهل خل الشقر ينفعونه</FONT s>

المجهول2000

21-03-2001, 03:31 AM

اقول يا المستانسه.....
اشوى انها طلعت شينه!!! و الا كان صارت علوم و ما انتهت القصه...
و ساعتها ما ينفع الاختصار...وقليل الكلام... ولازم التفصيل يا كرام!!!<IMG SRC="http://www.alsakher.com/ubb/smilies/cwm30.gif" border=0> <IMG SRC="http://www.alsakher.com/ubb/smilies/cwm29.gif" border=0> <IMG SRC="http://www.alsakher.com/ubb/smilies/cwm3.gif" border=0>

------------------
كلما ازددت علما... كلما ازددت يقنابأن ما تجهله أكثر!

240L

21-03-2001, 09:23 AM

هيا وهاا ا ا ا ا يو وهوى

هيا وهايو وهو
هو
هو
هو

هيا وميكان الزين

يا ا ا ا هلي حيو
او
او
او

------------------
أنفخ البلالين يااانجاتي
و...
بخ...
والله انك منسم..
عكالة الطراع قالحنواي
الجدايد المعاشير؟
حطه امعتوق اليوم عند بابكم شفتوه ولا ؟
ماصخيتك ياعباتي يادفاتي كل ليله
لو عطوني ذهب مكه مع كل دكه
ماصخيتك ياعباتي يا ادفاتي كل ليله
ولو عطوني بيشه ام الشجر المستهيشه
ماصخيتك ياعباتي يادفاتي كل ليله
ولو عطوني مال جبه والنهر سهل يصبه
ماصخيتك ياعباتي يادفاتي كل ليله
ــــــ
فين الشيشه ياام ايمن
ــــــ
قلشت المقاليش ..قلاشي
ــــــ
بريــــــــــــك
للساا ا ا ا اخر

الطير_الابرق

22-03-2001, 02:25 AM

ســــــــــبحان الله عندك خبره كفايه عن هالنوع من الاتصالات وكأنك كنتي معهم او كأنك ...... ولا لا بلاش

سورررري just for fun

سارا

22-03-2001, 02:48 AM

اروع واجمل كلمات وعبارات ومن ابدع ما قرات بموقع الساخر على الاطلاق ..

المستانسه ..
بارك الله فيك ..

------------------
سيظل طائري مرفرفا بجناحيه .. الصدق والحقيقه .. فإن كسر احدهما فلا كنت ولا كان الطائر !

المستانسه

22-03-2001, 05:48 AM

السلام عليكم
اولا .. القصه هذي مهيب انا اللى كاتبتها انا فقط نقلتها لكم وكتبت في نهايه الموضوع ( اختــــرت لكم ) لكن شكلكم ما نتبهتوا للجمله الاخيره
----------------
ثانيا
الاخوه والاخوات / جوري .. متزن.. شاصي .. الجازي... ولد الديـــره ..البدر .. ابو فيصل .. المجهول .. سارا .. جزاكم الله خير وشكرا لكم
حمود النكـــــــبه :) ..{ ضحكني ردك مره }
اجل " ودتس من مسك هالذيب الرومانسي بعرق أخضر منقع له بمويه شهر .. همن وين اللي يوجعك .. ويطيح فيه جلد لين يحب الأرض .. همن يوديه للهيئة .."
ههههههههههههههههههههههههههههههههه
لكن قولتك البنيات ضعيفات يضيعون من اول كلمتين ما اوافقك عليها لان فيه بنات فطنات جداااااااااااااااا ولا يمكن احد يلعب عليهم مهما كان .. الى تخاف ربها ان شاء الله انها ما تغلط ابدا ولا يلّعب عليها ابدا ابدا .. عموما شكرا لك يا اخ حمود
الاخوه نجم الليل و الطير الازرق .. ناظروا اخر الموضوع مكتوب فيه اخترت لكم بالعربي "نقلتها لكم" بالبنقلاديشي "ثحقخعفنخسيبتلرهقع "فهمتوا ؟ عموما شكرا لكم وانثبروا !!
240L / اقول انطـــــــــــم !!

------------------
عالي الهمّــــــــه لا يرضى بما دون الجنّــــــــه

الكونتيسه رقيه

22-03-2001, 08:53 AM

لا بس حبيت اسلم
ومبروووووك العيد (بعد الزحمه)<IMG SRC="http://www.alsakher.com/ubb/smilies/cwm32.gif" border=0>

------------------
بيعرس يعرس......بس يرجع لي كلوتي
**ياما في شهار مظليم**

النديم

22-03-2001, 09:10 AM

الاخت : المستانسة .
مقال راااااااااااااااااااااائع للغاية وساخر وفكاهي لابعد الحدود ...ناهيك عن كونه هادفا للغاية .

سلمتي وسلم غاليك
والله يديم الستر على كل نقية من امثالك
والله يحرس اهالينا بعينه الي ماتنام

------------------
ليتنا مثل الاسامي مايغيرنا الزمن
alnadeeem@hotmail.com
حسبتك غيمة في وسط الصيف تسقيني***لكن للاسف وردة ذبحها كثر ماسقيها

شرقاوي

22-03-2001, 06:48 PM

الاخت المستانسه<IMG SRC="http://www.alsakher.com/ubb/smilies/cwm38.gif" border=0>

تدرين وش اللي قاهرني يالغاليه؟؟؟؟
انك ما حفظتي حقوقي الادبيه في موضوعك هذا واعتقد انك ما وضحتي للساده الاعضاء انك نا قلته من منتدى الاقلاع وما ذكرتي اسم الكاتب هناك وهو"ازرق وابيض"<IMG SRC="http://www.alsakher.com/ubb/smilies/cwm10.gif" border=0>
اعتقد ان الامر التبس للاخوه الاعضاء وانكالوا عليك بالمديح والموضوع حق من حقوقي!!!!
لا زم لازم توضحين الامر علنا للاعضاء الله يرحم والديك.
ولا اقولك اسمحيلي انا اللي بوضح حقي بعد اذنك طبعا.. انتظري موضوعي.

الكونتيسه رقيه

23-03-2001, 09:31 AM

قرررت عينك بالمطر

ااااه يالقهرر ما اقدر اشوف ردي<IMG SRC="http://www.alsakher.com/ubb/smilies/cwm23.gif" border=0> <IMG SRC="http://www.alsakher.com/ubb/smilies/cwm23.gif" border=0> <IMG SRC="http://www.alsakher.com/ubb/smilies/cwm23.gif" border=0> <IMG SRC="http://www.alsakher.com/ubb/smilies/cwm23.gif" border=0> <IMG SRC="http://www.alsakher.com/ubb/smilies/cwm23.gif" border=0>

------------------
بيعرس يعرس......بس يرجع لي كلوتي
**ياما في شهار مظليم**

المستانسه

23-03-2001, 09:53 AM

الكونتيسه رقيه.. النديم
مشكورين لكن اعيد واكرر للمره الالف الموضوع طلع موضوع الاخ شرقاوي وانا ما كنت اعرف ان الموضوع له ولا كان اكيد راح اكتب هالملاحظه
--------
الاخ شرقاوي .. الحين ابغير في نفس الموضوع واكتب انه لك ..

ابوهادي

24-03-2001, 08:40 AM

<===== ماعمره رقّمااحد.ابد .....ابد
طيب فيه( كوستشن) يبطح نفسه ارضا
كل دايم دايم دايم
تلومون الشباب وتحملونهم المسؤليه كاملتن
ليش البنات مايتحملون جزء من المسؤليه ولا البنات ملايكه مايخطون
والشباب لهم الله ماحاصرين من كل الجهات وكل شئ على روسهم.
ليش مايوم نشوف الهيئه ماسكين بنت ترقم لها ولد
والولد يصارخ وفاصخ الجوتي حقته ويقول لها والله اعلم اختي الكبيره
ولا نشوف بنت تطارد لها ولد من شارع الى شارع...والمسكين طاق اللطمه واحطن رجله
ليش....ليش.....
نداء الى كل البنات.......انصفونا....افزعوا لنا.....اكسروا القاعده..
((ترى امزح ياقماعه ))

------------------
فشششششششششششششششششششششششش
(هذا صوت فشاش)

شرقاوي

24-03-2001, 12:41 PM

شكرا لكي يالمستانسه على اثباتك للحق..

<IMG SRC="http://www.alsakher.com/ubb/smilies/cwm40.gif" border=0>

------------------
الهوى شرقي وقلبي هاوي الشرقيه**في هواها يسرح الخاطر وتنجلي الاحزاني

العروس

24-03-2001, 10:08 PM

ههههههههههههههههه
حلوة أختي المستانسة ونستينا مع هذي القصة ولكن هذا واقع ..
تسلم ايدك وتعبيرك الرائع،،، :(

------------------
تعوذ من أبليس ان لا يكون ملازماً وقل ربي اهديني للأصلحي،،،

الطير_الابرق

25-03-2001, 02:52 AM

افا ...... ابتس اتي فهمتينا غلط الله يسامحتس بس '

هماهم يقولون انتس مستانسه وشفيتس قلبتي ماهو العشم فيتستستس.

التنكه ذات نكهه

25-03-2001, 10:41 AM

والله القصيدة ممتازه ويسلم من قالها.... بس المشكله ان وحدة من الاخوات مصدقه وتقول (زين اللي طلعت شينه....) على العموم في سؤال يدور في بالي ؟؟؟.
لو طلعت البنت (شق)اي (فلقت قمر)اي (تنكة قشطه)زيي..المهم وش راح يسوي..
اعتقد حل من اثنين (واذا كان الثلاثاء ماهي مشكله) الأول: انه بيجيه تلبك معوي في الغدة الدرقية جمب (طلعت القدية) والثاني: وهو الكيد إنها بتزلبه وتقول (وبيكون هو شين طبعاوجزما..)
ياشينه ويازين صوته!!
لأنها ماخذه الرقم من خويتها!!!
وخويتها تبي تسوي معهامقلب.. على بالهازكية زكريا..المهم...............
[وينكسر خاطره المسكين
لما بنى احلى القصور
وظن ان عمره وياها بيطول
فجأة ...
كلش في وجهه أنكسر
والقصر الكبير في دقيقه
أصبح عدم
وراح لليل الطويل
يبي يرسم أمل بقلم مكسور
وبقلب محطم أقتلت فيه
كل الشعور
فجأة ..كل شئ أصبح عدم
ضاع الحب في لحظه
وكل شي إنهدم
مسكين غرته
وخذت رقمه..وبحركتين رجته
كل اللي في بالها تسلى
وتسويه مقلب لخويتها (حنين)
اللي بدورها لعبت على غيره
في سنت من السنين
وهذي ..حال البشر
ضحك ولعب في مشاعر البشر
والأخير... الحالة تعادل
هذا يضحك .. وهذا يناضل
والمهم من يكسب في الأخير
وكله في سبيل التسالي
وقلوب فيها الحب خالي
همهم يضروا البشر
اللي منهم مات من القهر]
وسلامتكم... مع ليش الأسلوب ركيك لكنها محاولة وفيض من غيض واسف على الإطالة..

TextText<IMG SRC="http://www.alsakher.com/ubb/smilies/cwm11.gif" border=0>